Վիքիպեդիա

Քրիստոֆեր Քեյզնով

բրիտանացի դերասան (1945-2010)

Քրիստոֆեր Քեյզնով (անգլ.՝ Christopher Cazenove, դեկտեմբերի 17, 1945(1945-12-17)[1], Վինչեսթեր, Անգլիա - ապրիլի 7, 2010(2010-04-07)[2][1][3], Լոնդոն, Միացյալ Թագավորություն), թատրոնի, կինոմատոեգրաֆիայի և հեռուստատեսության բրիտանացի դերասան։

Քրիստոֆեր Քեյզնով
Ծնվել էդեկտեմբերի 17, 1945(1945-12-17)[1]
ԾննդավայրՎինչեսթեր, Անգլիա
Մահացել էապրիլի 7, 2010(2010-04-07)[2][1][3] (64 տարեկան)
Մահվան վայրԼոնդոն, Միացյալ Թագավորություն
ԿրթությունԻթըն քոլեջ, Դրագոն սքուլ և Բրիստոլ Օլդ Վիկ թատերական դպրոց
Քաղաքացիություն Միացյալ Թագավորություն
Մասնագիտությունհեռուստատեսային դերասան, կինոդերասան և թատրոնի դերասան
Ծնողներհայր՝ Arnold Cazenove?[3], մայր՝ Elizabeth Gurney?[3]
Ամուսին(ներ)Angharad Rees?
Երեխա(ներ)Rhys Cazenove?[3] և Linford James de Lerisson Cazenove?[3]

Կենսագրություն խմբագրել

Քրիստոֆեր դե Լերիսոն Քեյզնովը[4] (այսպես էր նրա ծննդյան անունը) եղել է Արնոլդ դե Լերիսոն Քեյզնովի և Էլիզաբեթ Լորայի որդին։ Ծնվել է Հեմպշիր կոմսության Վինչեսթեր քաղաքում և մեծացել՝ Սոմերսեթ կոմսության Շեպթոն Մալետ քաղաքում[5]։ Սովորել է հեղինակավոր մասնավոր դպրոցներում՝ Օքսֆորդի տարրական Dragon School դպրոցում, Իթըն քոլեջում և «Օլդ Վիկ» թատրոնին կից թատերական դպրոցում[6]։

Հաճախ խաղացել է անգլիացի ազնվականի դերը և հեղինակություն է ձեռք բերել 1970-ական թվականների սկզբներին թողարկված «Զորագունդ» սերիալում խաղացած դերով։ Հայտնի է դարձել նաև բրիտանական «Դքսուհին Դյուք-սթրիթի հետ» սերիալում խաղացած Չարլի Թիրելայի և «Հարստություն» ամերիկյան հայտնի սերիալի Բեն Կարինգթոնի դերերով։ Խաղացել է բրիտանական «Ջոն Դիդ դատավորը» սերիալի մի քանի նովելում։

2005-2008 թվականներին «Իմ գեղեցիկ տիկինը» ներկայացման ամերիկյան և անգլիական բեմադրություններում խաղացել է պրոֆեսոր Հենրի Հիգինի դերը[4]։

Անձնական կյանք խմբագրել

Նրա ամուսնությունը դերասանուհի Անգարադ Ռիսի հետ տևել է 1973-1994 թվականները՝ մինչև նրանց ամուսնալուծությունը։ Նրանք ունեին երկու որդի. Լինֆորդ Ջեյմս (1974 հուլիսի 20-1999 թվականի սեպտեմբերի 10), որն Էսսեքսում վթարի է ենթարկվել իր ավտոմեքենայով[7] և Ռիս Ուիլյամ (ծնված 1976 թվականին)[8]։ 2003 թվականից հանդիպել է Իզաբել Դևիսի հետ[4]։

2010 թվականի փետրվարին Քեյզնովը իր լոնդոնյան բնակարանում կորցրել է գիտակցությունը։ Տեղափոխվել է Լոնդոնի Սուրբ Թոմաս հիվանդանոց, որտեղ նրա մոտ ախտորոշվել է սեպսիս[9]։ Չնայած բուժմանը, հիվանդությունը զարգանում էր։

Մահացել է 2010 թվականի ապրիլի 7-ին Սուրբ Թոմաս հիվանդանոցում 64 տարեկան հասակում[10]։ «Դերասանը մահացավ խաղաղ, շրջապատված իր մերձավորներով»,- ասվում է նրա գործակալի, նրա ընտանիքի և նրա ընկերուհի Իզաբել Դևիսի տարածած հայտարարությունում[11]։ Քեյզնովը մահացել է Ջոն Ֆորսայթի (որը «Հարստություն» հեռուստասերիալում խաղացել է նրա փոքր եղբոր՝ Բլեյք Քերինգթոնի դերը) մահից վեց օր անց։

Ֆիլմագրություն խմբագրել

Տարի Անվանում Բնօրինակ անվանում Դեր
1970 ֆ Հուլիոս Կեսար Julius Caesar Մարկոս Անտոնիոսի սպասավոր
1975 ֆ Թագավորական փայլ Royal Flash Էրիկ Հանսեն
1979 ֆ Զուլուսների լուսաբացը Zulu Dawn լեյտենանտ Կոհիլ
1980 ֆ Համմերի սարսափների տունը Hammer House of Horror Թոմ Մարտին
1981 ֆ Դինաստիա Dynasty Բեն Քերինգթոն
1982 ֆ Շոգ և փոշի Heat And Dust Դուգլաս Ռիվերս
1985 ֆ Ջենիի պատերազմը Jenny’s War նավապետ Պրեստոն
1988 ֆ Արցունքներ անձրևի տակ Tears in the Rain Մայքլ Բրեդոն
1990 ֆ Երեք տղամարդ և փոքրիկ տիկին Three Men and a Little Lady Էդուարդ Հարգրեյվ
1992 ֆ Երկաթե արծիվ 3։ Ասեր Aces: Iron Eagle III Պալմեր
1996 ֆ Տիրուհին The Proprietor Էլիոթ Սպենսեր
1998 ֆ Ստվերի վազքը Shadow Run Մելչիոր
2001 ֆ Մի ասպետի պատմություն A Knight's Tale Ջոն Թեթչեր
2007 ֆ Երիտասարդ Ալեքսանդր Մեծ Young Alexander the Great Արիստոտել
2009 ֆ Բաբելոն հյուրանոց Hotel Babylon Դեմիեն Ռաշբի

Ծանոթագրություններ խմբագրել

  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 http://news.bbc.co.uk/1/hi/uk/8608520.stm
  3. ↑ 3,00 3,01 3,02 3,03 3,04 3,05 3,06 3,07 3,08 3,09 Lundy D. R. The Peerage
  4. ↑ 4,0 4,1 4,2 Christopher Cazenove: actor
  5. ↑ «Somerset-bred star of small and big screen dies, aged 66». Shepton Mallet Journal. 2010 թ․ ապրիլի 15. Արխիվացված է օրիգինալից 2012 թ․ ապրիլի 23-ին. Վերցված է 2010 թ․ ապրիլի 16-ին.
  6. ↑ Anthony Hayward Obituary: Christopher Cazenove, The Guardian, 8 April 2010
  7. ↑ Welsh actress pays tribute to her son
  8. ↑ Online Video Websites Database biography
  9. ↑ TV star Christopher Cazenove fights for life after collapsing at home
  10. ↑ «Former Dynasty star Christopher Cazenove dies»
  11. ↑ Christopher Cazenove, 66, was star in «Dynasty» Արխիվացված 2011-07-24 Wayback Machine. forum.bcdb.com April 7, 2010
Ստացված է «https://hy.wikipedia.org/w/index.php?title=Քրիստոֆեր_Քեյզնով&oldid=9305348» էջից