Քարե երազներ
Աքրամ Այլիսլիի գրած գիրք
«Քարե երազներ» (ադրբ.՝ Daş yuxular) կամ Քարակերտ երազներ[1] ադրբեջանցի գրող Աքրամ Այլիսլիի 2007 թվականին գրած ռեքվիեմ-վիպակն է, որը պատմում է 1989 թվականին Բաքվում և 1919 թվականին Ագուլիսում ադրբեջանցիների կազմակերպած հայկական ջարդերի մասին[2]։ Վիպակը հրատարակվել է ռուսական «Դրուժբա նարոդով» ամսագրում 2012 թվականի դեկտեմբերին։ Հայերեն հրատարակվել է 2013 թվականի ապրիլին՝ միաժամանակ 3 թարգմանություններով (Արտակ Վարդանյանի, Լեոնիդ Զիլֆուղարյանի, ինչպես նաև Լևոն Գալստյանի և Հակոբ Սողոմոնյանի)։
 | |
| Հեղինակ | Աքրամ Այլիսլի |
| Տեսակ | գրական ստեղծագործություն |
| Ժանր | պատմական գեղարվեստական գրականություն |
| Թեմա | Ագուլիսի ջարդեր, Բաքվի ջարդեր և Արցախյան ազատամարտ |
| Բնօրինակ լեզու | ադրբեջաներեն և ռուսերեն |
| Ստեղծման տարեթիվ | 2006 |
| Հրատարակման վայր | Ռուսաստան |
| Հրատարակման տարեթիվ | 2012 |
| Վիքիքաղվածք | Քարե երազներ |
|
Աքրամ Այլիսլիի «Քարե երազները» պարզապես գեղարվեստական խոսք չէ, սա ճշմարտությունը ասելուց չվախեցող գրողի՝ իսկական հայրենասերի, բացառապես համարձակ քայլն է, հանուն իր ազգի պատվի և արժանապատվության | 
|
Աքրամ Այլիսլիի «Քարակերտ երազներ» գիրքը ճանաչվել է «Արմենպրես» լրատվական գործակալության «Երևանյան բեսթսելեր» հատուկ նախագծի 2014 թվականի «Տարվա արտասահմանյան բեսթսելեր»[1][3]։
Արձագանքը Ադրբեջանում խմբագրել
- 2013 թվականի հունվարի 31-ի Նոր Ադրբեջան կուսակցության երիտասարդական կազմակերպության անդամները չարտոնված բողոքի ակցիա են կազմակերպել Աքրամ Այլիսլիի տան դիմաց։ Այրել են նրա նկարը, վանկարկել «Հայ Աքրամ դուրս երկրից» և ձվեր շպրտել[4]։
- 2013 թվականի փետրվարի 1-ին Ֆլորա Խալիլզադեն «Ադրբեջան» թերթում տպագրել է քննադատական հոդված «Ո՞վ ես դու, Աքրամ Այլիսլի» վերնագրով[5]։
- 2013 թվականի փետրվարի 7-ի Ադրբեջանի նախագահ Իլհամ Ալիևի հրամանագրով Աքրամ Այլիսլին զրկվել է «Ադրբեջանի ժողովրդական գրող» կոչումից և պետական կենսաթոշակից։ Ըստ Իլհամ Ալիևի գրողը իր «Քարե երազներ» գրքում վիրավորել է իր համաքաղաքացիներին «ադրբեջանցի գրողին ոչ պատշաճ ձևով», և «աղավաղել է ադրբեջանի պատմությանը առնչվող իրողությունը»[6]։
Ծանոթագրություններ խմբագրել
- ↑ 1,0 1,1 «Երևանյան Բեսթսելլեր, Աքրամ Այլիսլի - Քարակերտ երազներ». Bookmark. Էդիթ Պրինտ. 2020 թ․ դեկտեմբերի 24. էջ 160. ISBN 978-9939-52-665-2. Վերցված է 2021 թ․ հունիսի 5-ին.
- ↑ «Քարե երազներ» վիպակը «Դրուժբա նարոդով» ամսագրում։ (ռուս.)
- ↑ ««Քարե երազներ»-ը ճշմարտության վրա հիմնված պատմություններ են. Աքրամ Այլիսլի». armenpress.am. Վերցված է 2021 թ․ հունիսի 4-ին.
- ↑ Բողոքի ակցիայի մասին modern.az կայքում (ադրբ.)
- ↑ «Ո՞վ ես դու, Աքրամ Այլիսլի» (ադրբ.)
- ↑ Աքրամ Այլիսլին զրկվել է «Ադրբեջանի ժողովրդական գրող» կոչումից