Քարաման (քաղաք)

Քաղաք
Երկիր	Թուրքիա
ԲԾՄ	1039 մետր
Բնակչություն	194 018 մարդ (2018)
Ժամային գոտի	UTC+3
Պաշտոնական կայք	karaman.bel.tr(թուրքերեն)
	Քարաման Վիքիպահեստում

Քարաման (Լարինդա), քաղաք և շրջան Հարավային Թուրքիայի կենտրոնական մասում։ Քարամանի մարզի (վիալեթ) վարչական կենտրոնը։ 2000 թվականի մարդահամարի տվյալներով նահանգի բնակչությունը կազմում է 231 872 մարդ, որոնցից 132 064-ը բնակվում է Քարաման քաղաքում^[1]^[2]։ Տարածքը զբաղեցնում է 3686 հա ^[3]։

ՊատմությունԽմբագրել

Հալկոլիտի դարաշրջանում Քարամանի մոտ գոյություն է ունեցել հնագույն նախաքաղաք, պայմանականորեն անվանել են Ջանհասան։

Քարամանը հիմնադրվել է անտիկ ժամանակաշրջանում և ունեցել է Լարինդա անունը։ Ալեքսանդր Մակեդոնացու նվաճումների ժամանակ քաղաքը նվաճվել է նրա զորավար Պերդիկայի կողմից։ Շուտով Քարաման դառնում է Իսավրի ծովահենության կենտրոնը։ Հետագայում քաղաքը հռոմեացիների կողմից նվաճվել է, իսկ 4-րդ դարում դարձել է բյուզանդական և նրա ազդեցության տակ է եղել մինչև 1070-ական թվականների թուրք սելջուկների նվաճումը։

1190 թվականին, Խաչակրաց երրորդ արշավանքի ժամանակ, քաղաքը օկուպացվել է Ֆրիդրիխ I Շիկամորուսի կողմից։ 1275 թվականին Քարամանը դառնում է թուրքական Քարամանիդ էմիրության կենտրոնը (իսկ հետո նաև մարզի)։ 1468 թվականին քաղաքը նվաճվել է օսմանյան կայսրության կողմից։