Քառասուն նահատակների եկեղեցի
Քառասուն նահատակների եկեղեցի (բուլղար․՝ църква «Св. Четиридесет мъченици»), միջնադարյան ուղղափառ եկեղեցի Բուլղարիայի Վելիկո Տիռնովո քաղաքում։ Կառուցվել է 1230 թվականին։
| Քառասուն նահատակների եկեղեցի Holy Forty Martyrs Church | |
|---|---|
 | |
| Հիմնական տվյալներ | |
| Տեսակ | եկեղեցի և թանգարան |
| Երկիր |  Բուլղարիա |
| Տեղագրություն | Վելիկո Տիռնովո |
| Թեմ | Eparchy of Veliko Tarnovo? |
 | |
 | |
 SS.Forty Martyrs Church (Veliko Tarnovo) Վիքիպահեստում | |
| st40martyrs.org | |
Նկարագրություն խմբագրել
Վեց սյուներով բազիլիկ է։ Ունի երեք աբսիդ և նեղ գավիթ արևմուտքից։ Եկեղեցու ինտերիերը ծածկվել է որմնանկարներով` նկարված հավանաբար 1230 թվականին։ Արևմտյան կողմում մի քանի արտաքին զարդարանք է պահպանվել` բացահայտելով ավանդական կամարներ և գունավոր փոքրիկ խեցե ափսեներ` ագուցված պատի մեջ։ Պարզ չէ, թե եկեղեցին ունի արդյոք արտաքին պատերին արված որմնանկարներ։
Բուլղարական մի քանի կայսրությունների շատ նշանակալի պատմական գրառումներ պահվում են եկեղեցում (ներառյալ Օմուրթագի սյուները, Իվան Ասեն II-ի սյուները և սահման սյուները Ռոդոստոյից Կրում խանի ժամանակաշրջանից)։ Կրում խանի և Օմուրթագի սյուների գրառումները կատարված են հունարեն լեզվով։ Օմուրթագի գրառումները Դանուբի վրա կառուցված նոր շքեղ պալատի մասին են, որի տեղն անհայտ է։ Գրառումների երկրորդ մասը ժառանգություն է թողնվել նոր սերնդին, որպեսզի հիշեն Օմուրթագի գործերը։ Այս սյուները տեղադրված են եկեղեցում Իվան Ասեն II-ի կողմից` որպես հարգանքի տուրք նրա հզոր նախնիներին։
Պատմություն խմբագրել
Եկեղեցին նվիրված է Սեբաստիայի քառասուն նահատակներին և կառուցվել ու նկարազարդվել է Բուլղարիայի ցար Իվան Ասեն II-ի պատվին Կլոկոտնիցայի մոտ 1230 թվականի մարտի 9-ին Թեոդոր Դուկասի ղեկավարությամբ Էպիրոսի բռնապետի դեմ տարած հաղթանակի առթիվ։ Ճակատամարտը տեղի է ունեցել Քառասուն սուրբ նահատակների տոնի օրը։ Իվան II Ասենի օրոք եկեղեցին եղել է Մեծ Լավրի գլխավոր եկեղեցին, գտնվել է Ցարեվեցի ստորոտին` Յանտրա գետի ձախ ափին։
Սուրբ Սավան Սերբական օրթոդոքս եկեղեցիու շատ կարևոր սուրբ էր։ Նա մահացել էր 1235 կամ `1236 թվականի հունվարի 14-ին Տորոնտո այցելելիս, և նրան թաղել էին եկեղեցու մոտ, բայց հետո` 1237 թվականի մայիսի 6-ին նրա մասունքները տեղափոխել էին Սերբիա։ Օսմանյան տիրապետության սկզբնական շրջանում եկեղեցին պահպանում է իր քրիստոնեական նկարագիրը մինչև 18-րդ դարը։ Հետագայում այն վերածվում է մզկիթի, որում ոչնչացվում են սրբապատկերներն ու որմնանկարները։ 1853 թվականին եկեղեցու կառուցվածքում փոփոխություններ են կատարվում։ Պահպանվում են միայն սահմանափակ քանակությամբ նկարներ։
Պատկերասրահ խմբագրել
-
Արտաքին -
Արտաքին -
Արտաքին -
Արտաքին -
Sarcophagus of Kaloyan of Bulgaria
_E3.jpg)
_-_SS.Forty_Martyrs_Church.JPG)
Ծանոթագրություններ խմբագրել
- Димитров, Божидар (2008 թ․ օգոստոսի 3). «Храмът "Свети Четиридесет мъченици"» (Bulgarian). Национален исторически музей. Արխիվացված է օրիգինալից 2007 թ․ հունվարի 16-ին. Վերցված է 2017 թ․ ապրիլի 23-ին.
{{cite web}}: CS1 սպաս․ չճանաչված լեզու (link) - Гербов, К. (2008 թ․ օգոստոսի 3). «Гробът на цар Калоян и легендите за църквата "Св. 40 мъченици"» (Bulgarian). Nauka.bg. Արխիվացված է օրիգինալից 2016 թ․ մարտի 13-ին. Վերցված է 2017 թ․ ապրիլի 23-ին.
{{cite web}}: CS1 սպաս․ չճանաչված լեզու (link)
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Քառասուն նահատակների եկեղեցի կատեգորիայում։ |