Փերի Ռիվզ
Փերի Ռիվզ (անգլ.՝ Perrey Reeves նոյեմբերի 30, 1970, Նյու Յորք, Նյու Յորք, ԱՄՆ), ամերիկացի դերասանուհի, որը առավել հայտնի է HBO-ի Մելիսա Գոլդի «Անտուրաժ» կատակերգական հեռուստասերիալի իր դերով։
 | |
|---|---|
 | |
| Ծնվել է | նոյեմբերի 30, 1970 (53 տարեկան) |
| Ծննդավայր | Նյու Յորք, Նյու Յորք, ԱՄՆ |
| Քաղաքացիություն |  ԱՄՆ |
| Մասնագիտություն | դերասանուհի, հեռուստատեսային դերասանուհի և կինոդերասանուհի |
| Ծնողներ | հայր՝ Alexander G. Reeves?[1] |
Կյանք և կարիերա խմբագրել
Փերի Ռիվզը ծնվել է Նյու Յորքում, սակայն մեծացել է Նյու-Գեմփշիրում՝ գիտնականների ընտանիքում[2]։ Ֆրանսիայում և Իտալիայում ուսումը ավարտելուց հետո, վերադարձել է ԱՄՆ և որոշել է յուրացնել դերասանի մասնագիտությունը[2]։ 80-ական թվականների վերջին նա հայտնվել է մի քանի հեռուստասերիալներում, որից հետո նշանավոր դեր է ստացել 1991 թվականի «Մանկական խաղ 3» ֆիլմում։
Ռիվզն իր կարիերայի ընթացքում հայտնվել է մի քանի տասնյակ հեռուստաշոուներում և ֆիլմերում։ Նա առավել հայտնի է HBO-ի Մելիսա Գոլդի «Անտուրաժ» կատակերգական հեռուստասերիալում խաղացած դերով, որտեղ նկարահանվել է 2004-2011 թվականներին։ Շոուի մյուս դերասանների հետ միասին նա մի քանի անգամ առաջադրվել է ԱՄՆ կինոդերասանների գիլդիա մրցանակի՝ կատակերգական սերիալում լավագույն դերասանական կազմի համար[3]։
Մեծ էկրանին Ռիվզն առաջին հերթին հայտնի է Ուիլ Ֆերրելի «Հին դպրոց» և «Միստր և միսիս Սմիթ» ֆիլմերում խաղացած դերերով, ինչպես նաև նկատվել է «Չբացահայտվածը» և «Ամերիկյան երազանք» ֆիլմերում։ Բացի այդ, նա նկարահանվել է 90-ական թվականների մի քանի անկախ ֆիլմերում, որոնցից ամենանշանավորը 1998 թվականի «Ծխային ազդանշաններ» դրաման է եղել, որն առաջին անգամ ցուցադրվել Է «Սանդես» կինոփառատոնի շրջանակներում[2]։ Հեռուստատեսությամբ նա նաև տարբեր տարիների եղել է բազմաթիվ սերիալների հյուր, այդ թվում՝ «Ջամփ սթրիթ 21», «Նա գրել է սպանություն», «Գաղտնի նյութեր», «C.S.I.։ Հանցագործության վայրը», «Գրեյի անատոմիա», «Մասնավոր պրակտիկա», «Ուրվականների հետ խոսողը», «Կասլ», «Հավայի 5.0», «Սպիտակ օձիք» և «Ծովային ոստիկանություն։ Հատուկ բաժին»։
2012 թվականի սեպտեմբերին հայտարարվել է, որ Փերի Ռիվզը խաղալու է Ջերի Բրուքհայմերի «Ամուսինների և կանանց գաղտնի կյանքը» համանուն վեպի էկրանավորումը պիլոտային ֆիլմի գլխավոր դերերից մեկը, հարուստ արվարձանի կյանքի մասին, որտեղ տեղի է ունեցել նրա բնակիչներից մեկի առեղծվածային սպանությունը[4]։
2015 թվականի հունիսի 12-ին Փերին ամուսնացել է թենիսի մարզիչ Աարոն Ֆոքսի հետ, որին հանդիպել է իրենց հարսանիքից 2 տարի առաջ[5]։ Ամուսինները ունեն դուստր՝ Ֆինեքս Դելֆին Ֆոքսը[6]։
Ֆիլմագրություն խմբագրել
| Տարի | Անվանում | Բնօրինակ անվանում |
|---|---|---|
| 1989 | Շրջանավարտի սպանությունը | The Preppie Murder |
| 1991 | Մանկական խաղ 3 | Child’s Play 3 |
| 1995 | Մոռանալ և հիշել | Kicking and Screaming |
| 1998 | Ծխային ազդանշաններ | Smoke Signals |
| 1999 | Ռոք արքաները | The Suburbans |
| 2003 | Հին դպրոց | Old School |
| 2005 | Միստր և միսիս Սմիթ | Mr. & Mrs. Smith |
| 2005 | Չբացահայտվածը | Undiscovered |
| 2006 | Ամերիկյան երազանք | American Dreamz |
| 2008 | Արատավոր շրջան | Vicious Circle |
| 2009 | Ամերիկյան ինտրիգ | An American Affair |
| 2004-2011 | Անտուրաժ | Entourage |
| 2013 | Անմեղություն | Innocence |
| 2013 | Սարսափ | Fugly! |
| 2015 | Անտուրաժ | Entourage |
Ծանոթագրություններ խմբագրել
- ↑ 1,0 1,1 Geni(բազմ․) — 2006.
- ↑ 2,0 2,1 2,2 «Perrey Reeves- Biography». Yahoo!. Արխիվացված օրիգինալից 2012 թ․ դեկտեմբերի 12-ին. Վերցված է 2012 թ․ սեպտեմբերի 30-ին.
- ↑ «Awards for Perrey Reeves». Internet Movie Database. Արխիվացված օրիգինալից 2012 թ․ դեկտեմբերի 12-ին. Վերցված է 2012 թ․ սեպտեմբերի 30-ին.
- ↑ Nellie Andreeva (12 сентября 2012). «'Entourage's Perrey Reeves To Star In NBC Pilot 'Secret Lives Of Husbands And Wives'». Deadline.com. Արխիվացված օրիգինալից 2012 թ․ դեկտեմբերի 12-ին. Վերցված է 2012 թ․ սեպտեմբերի 30-ին.
- ↑ Perrey Reeves Marries Tennis Coach Aaron Fox in Los Angeles
- ↑ Entourage Alum Perrey Reeves, 47, Welcomes Daughter Phoenix Delphine
Արտաքին հղումներ խմբագրել
- Перри Ривз Internet Movie Database կայքում
 | Վիքիպահեստն ունի նյութեր, որոնք վերաբերում են «Փերի Ռիվզ» հոդվածին։ |