Ցոլակ Վարդազարյան
- Վիքիպեդիայում կան հոդվածներ Վարդազարյան ազգանունով այլ մարդկանց մասին։
Ցոլակ Վարդազարյան (հունվարի 19, 1910, Ջալալօղլի, Բորչալուի գավառ, Ռուսական կայսրություն - ապրիլի 23, 1944, Երևան, Հայկական ԽՍՀ, ԽՍՀՄ), հայ սովետական փողհար, դիրիժոր, երաժիշտ։
| Ցոլակ Վարդազարյան | |
|---|---|
| Ծնվել է | հունվարի 19, 1910 Ջալալօղլի, Բորչալուի գավառ, Ռուսական կայսրություն |
| Մահացել է | ապրիլի 23, 1944 (34 տարեկան) Երևան, Հայկական ԽՍՀ, ԽՍՀՄ |
| Մասնագիտություն | Երգիչ, երգահան |
| Գործունեություն | 1937–1944 |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Երևանի Կոմիտասի անվան պետական կոնսերվատորիա և Հայաստանի էստրադային նվագախումբ |
| Կրթություն | Ռոմանոս Մելիքյանի անվան պետական երաժշտական քոլեջ և Մոսկվայի կոնսերվատորիա |
| Կապված | Հայաստանի պետական ջազ նվագախումբ |
Կենսագրություն
խմբագրելԾնվել է 1910 թվականի հունվարի 19-ին Ջալալօղլիում։ 1932 թվականին ավարտել է Երևանի երաժշտական ուսումնարանը։ 1932-1936 թվականներին սովորել է Մոսկվայի կոնսերվատորիայում` Տաբակովի արվեստանոցում։ 1937 թվականից եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մենակար։ Դասավանդել է Երևանի կոնսերվատորիայում և երաժշտական ուսումնարանում։ 1938 թվականին Արտեմի Այվազյանի հետ եղել է Հայաստանի պետական ջազ նվագախմբի հիմնադիր կազմում` որպես դիրիժոր և մենակատար։ 1942 թվականից եղել է Երևանի երաժշտական կոմեդիայի թատրոնի դիրիժոր։ Հայրենական մեծ պատերազմի տարիներին կազմակերպել է համերգային անսամբլներ և հանդես եկել ռազմաճակատում։ Վախճանվել է 1944 թվականի ապրիլի 23-ին Երևանում`ավտովթարից,իր քրոջ հետ։ Հայտնի ժողովրդական արտիստ,կոմպոզիտոր Մարտին Վարդազարյանի հայրն է։
Ղեկավարած ներկայացումներ
խմբագրելԵրևանի երաժշտական կոմեդիայի թատրոնում ղեկավարել է հետևյալ ներկայացումները[1]՝
- Ի. Կալման՝ «Սիլվա»
- Ռ. Նելսոն՝ «Թագավորը զվարճանում է»
- Մ. Ֆերկելման՝ «Սերենադա»
- Ա. Այվազյան՝ «Ատամնաբույժն արևելյան»
- Ա. Այվազյան՝ «Ուշ լինի՝ նուշ լինի»
- Ի. Կալման՝ «Մարիցա»
Պարգևներ
խմբագրել- «Պատվո նշան» շքանշան
- Երաժիշտ-կատարողների Համամիութենական մրցույթի դիպլոմանտ, Մոսկվա, 1941
Տես նաև
խմբագրելԾանոթագրություններ
խմբագրել- ↑ «ԵՐԱԺՇՏԱԿԱՆ ԿՈՄԵԴԻԱՅԻ ՊԵՏԱԿԱՆ ԹԱՏՐՈՆ». www.comedytheater.am. Արխիվացված է օրիգինալից 2017 թ․ սեպտեմբերի 4-ին. Վերցված է 2017 թ․ ապրիլի 1-ին.