Տու-134-ի ավիավթար Կույբիշևում

Տու-134-ի ավիավթար Կույբիշևում, «Աերոֆլոտ» ավիաընկերության (ԽՍՀՄ) «Կոլցովո» (Սվերդլովսկ) - Գրոզնի չվերթի Տու-134A ինքնաթիռի ավիավթար, որը տեղի է ունեցել 1986 թվականի հոկտեմբերի 20-ին, տեղական ժամանակով ժամը 15-ն անց 58 րոպեին՝ Կույբիշև քաղաքի «Կուրումոչ» օդանավակայանում միջանկյալ վայրէջքի ժամանակ։

Տու-134-ի ավիավթար Կույբիշևում
Տու-134A. վթարվածին նույնական ինքնաթիռ
Ընդհանուր տեղեկություններ
Տեսակ	ավիապատահար
Թվական	հոկտեմբերի 20, 1986
Բնութագրում	բախում վայրէջքուղուն մեծ արագությամբ
Պատճառ	թռիչքների անվտանգության կանոնների հանցավոր անտեսում
Վայր	Կուրումոչ, ,
Չվերթ	SU-6502
Թռիչքի վայր	«Կոլցովո» (Սվերդլովսկ)
Վերջնական կետ	Գրոզնի
Զոհվածներ	70
Վիրավորներ	24
Aviation Safety Network ID	19861020-1
Օդանավ
Մոդել	Տու-134A
Ավիաընկերություն	Աերոֆլոտ
Կողային համար	СССР-65766
Արտադրման թվական	1979
Ուղևորներ	85
Անձնակազմ	8
Կենդանի մնացած	23

Ինքնաթիռը վայրէջք է կատարել շատ մեծ արագությամբ և երկայնաճոճումով։ Վայրէջքուղուն հարվածելիս կոտրվել է ամրաշրջանակը (շասսի), և ինքնաթիռը «փորի վրա» իներցիայով սահել է մոտ 300 մ, որից հետո շրջվել է աջ թևի կողմով և կանգնել ամրաշրջանակը դեպի վեր։ Հարվածից ինքնաթիռի ֆյուզելաժը բաժանվել է երկու մասի, քանդված բաքերից թափված վառելիքից հրդեհ է բռնկվել։ 93 ուղևորներից և անձնակազմի անդամներից ողջ են մնացել միայն 23-ը (ընդամենը զոհվել է 70 մարդ)։

Աղետի հանգամանքներ

Ավիավթարի պատճառ է հանդիսացել թռիչքների անվտանգության կանոնների հանցավոր անտեսումը։ Օդանավի հրամանատար Ալեքսանդր Կլյուևը անձնակազմի անդամների հետ գրազ է եկել, որ կարող է «կույր»՝ միայն սարքերի ցուցմունքների հիման վրա, վայրէջք կատարել։ Իջեցնելով օդաչուական խցիկի ձախ կողմի լուսամուտի մետաղական վարագույրը՝ նա սկսել է վայրէջքը։ Կատարված սխալ հաշվարկի պատճառով ինքնաթիռը վայրէջքուղուն մոտեցել է չափազանց մեծ ուղղահայաց և հորիզոնական արագություններով։ Գետնին հասնելուց մեկ վայրկյան առաջ Կլյուևը հրամայել է բացել մետաղական վարագույրը, սակայն ինժեները չի հասցրել կատարել հրամանը։ Ուժգին (4,8 g) հարվածից կոտրվել է ինքնաթիռի ամրաշրջանակը (շասսին), ինքնաթիռը «փորի» վրա մոտ 300 մետր սահել է վայրէջքուղով, դուրս եկել հողի վրա, շրջվել, կիսվել և այրվել։

Հետաքննություն

Հրամանատար Ալեքսանդր Կլյուևը փրկվել է, դատապարտվեց 15 տարվա ազատազրկման, սակայն գործը վերանայելուց հետո ժամկետը կրճատվել է՝ դառնալով 6 տարի։ Որոշ տվյալներով՝ ազատվելուց հետո նա մինչև 1994 թվականն ապրել է Մեխզավոդ գյուղում, այնուհետև տեղափոխվել է Ուլյանովսկի մարզ։

Երկրորդ օդաչու Եվգենի Ժիրնովը, որի աշխատատեղի առջևի լուսամուտը ծածկած չի եղել, և նա ամեն ինչ տեսնել է, երկրորդ շրջան կատարելու համար ոչինչ չի ձեռնարկել։ Սակայն վթարից հետո նա օգնել է ողջ մնացածներին դուրս գալու այրվող օդանավից։ Երկրորդ օդաչուն սրտի կաթվածից երեք օր անց մահացել է հիվանդանոցում։

Արտաքին հղումներ

• «Катастрофа Ту-134А Северо-Кавказского УГА в а/п Курумоч (Куйбышев)». airdisaster.ru. Արխիվացված օրիգինալից 2012 թ․ նոյեմբերի 5-ին. Վերցված է 2012 թ․ հոկտեմբերի 31-ին.
• «Катастрофа Ту-134А 20 октября 1986 в аэропорту «Курумоч» (Куйбышев)». geocities.com. Արխիվացված է օրիգինալից 2008 թ․ մարտի 1-ին.
• ««Слепой» полёт в никуда». Газета «Волжская коммуна». 2006 թ․ հունիսի 20. Արխիվացված է օրիգինալից 2007 թ․ փետրվարի 28-ին.
• Юрий Кандауров (2007 թ․ մարտի 19). «Самая крупная катастрофа случилась в Самарском аэропорту в 1986 году». РИА Самара. Արխիվացված է օրիգինալից 2012 թ․ նոյեմբերի 5-ին. Վերցված է 2012 թ․ հոկտեմբերի 31-ին.