Տիգրան Ռաշմաճյան

Տիգրան Հակոբի Ռաշմաճյան;
Ծնվել է	1862, հուլիսի 13 (հուլիսի 27)
Ծննդավայր	Ալեքսանդրապոլ
Մահացել է	1946, դեկտեմբերի 28
Մահվան վայր	Երևան
Քաղաքացիություն	Հայաստան
Մասնագիտություն	մանկավարժ, հասարակական գործիչ

Տիգրան Հակոբի Ռաշմաճյան (հուլիսի 13, 1862(1862-07-13)^[1], Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - դեկտեմբերի 28, 1946(1946-12-28), Երևան, Հայկական ԽՍՀ, ԽՍՀՄ), հայ մանկավարժ, հասարակական գործիչ։

ՀԽՍՀ վաստակավոր նկարիչ Սեդրակ Ռաշմաճյանի հայրն է։

Կենսագրություն խմբագրել

Ծնվել է Ալեքսանդրապոլում, ուսանել Էջմիածնի Գևորգյան ճեմարանում, այնուհետև կրթությունը շարունակել Գերմանիայի Լայպցիգի և Ենայի համալսարաններում, ուսումնասիրել մանկավարժություն, հոգեբանություն, բնագիտություն։ Իբրև մանկավարժ աշխատել է Ալեքսանդրապոլում, Երևանում, Թավրիզում, Բաքվում։ Դասախոսել է Երևանի պետական մանկավարժական ինստիտուտում, Երևանի պետական համալսարանում, Երևանի Կոմիտասի անվան պետական կոնսերվատորիայում։ Աշխատակցել է Հասկեր հանդեսին^[2]։ Մանկավարժ Արշակ Չիլինկարյանի և Ավետիք Իսահակյանի համագործակցությամբ 1909 թվականին կազմել և հրատարակել է «Դասընկեր» այբբենարան-ընթերցարանը, որը գործածվել է մինչև 1921 թվականին, իսկ 1922 թվականին արժանացել է ՀԽՍՀ Լուսժողկոմատի մրցանակին^[3]։