Տիգրան Գամաղելյան
Տիգրան Միհրանի Գամաղելյան (հունվարի 17, 1944[1], Երևան, Հայկական ԽՍՀ, ԽՍՀՄ), հայ բանաստեղծ, լրագրող։ Հայաստանի ժուռնալիստների և գրողների միության անդամ (1989):
Տիգրան Գամաղելյան | |
---|---|
Ծնվել է | հունվարի 17, 1944[1] (80 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Մասնագիտություն | բանաստեղծ և լրագրող |
Կրթություն | Երևանի պետական համալսարան |
Անդամակցություն | Հայաստանի ժուռնալիստների միություն և ՀԳՄ |
Տիգրան Գամաղելյան Վիքիդարանում |
Կենսագրություն խմբագրել
Տիգրան Գամաղելյանը ծնվել է 1944 թվականին Երևանում։ Ավարտել է Երևանի պետական համալսարանի բանասիրական ֆակուլտետը։ Աշխատել է Հայկական հանրագիտարանում, «Լույս» հրատարակչությունում, Մամուլի պետական կոմիտեում։ 1993-1999 թվականներին եղել է Լիբերալ-դեմոկրատական կուսակցության քաղաքական վերլուծաբանը։ Մամուլում հրապարակել է ավելի քան 500 հոդված, որից 100-ը` քաղաքական։ Դասախոսել է «Մշակույթի համալսարանում»[2]։
Կազմել և հրատարակել է հայ դասական գրողների ժողովածուները։ Նրա բանաստեղծությունները պարբերաբար տպագրվել են մամուլում։ Լույս են տեսել նրա «Երգեհոն» (1980), «Ստեղնաշար» (1985), «Ժպիտներ» (մանկական, 1986), «Երազող հեծյալներ» (արձակ, 1987), «Առագաստն իմ մեջ» (1988), «Երկունք լույսի» (1990), «Խոյակներ ինձնից» (2015) գրքերը[3][4]։
Երկեր խմբագրել
- Հյուր եղիր ինձ, Տեր, Երևան, 2011։
- Անավարտ տաճար, Երևան, 2006։
- Մանկական հանդես, Երևան, 2006։
- Երկունք լույսի, Երևան, 1990։
- Առագաստն իմ մեջ, Երևան, 1988։