Տելենոր

Տելենոր (նորվ.՝ Telenor), նորվեգական հեռահաղորդակցային ընկերություն։ Հանդիսանում է Նորվեգիայի ամենախոշոր ընկերությունը, բջջային հեռախոսակապի միջազգային շուկայի առաջատար ներդրողներից։ Գլխավոր շտաբը տեղակայված է Նորվեգիայի Ակերսհուս ֆյուլքեի Բերում կոմունայի Ֆորնեբու շրջանում (մայրաքաղաք Օսլոյի մոտ)։

Տելենոր
Տեսակ	բիզնես ձեռնարկություն և հանրային ընկերություն
Հիմնադրված է	1995
Վայր	Բերում, Ակերսհուս, Նորվեգիա
Երկիր	Նորվեգիա
Տնօրեն	Sigve Brekke? և Benedicte Schilbred Fasmer?
Արդյունաբերություն	հեռուստահաղորդակցության արդյունաբերություն
Հասույթ	▲114 մլրդ kr (2019)
Աշխատողների թիվ	▼20 000 մարդ (2020)
Դուստր ընկերություններ	Yettel Serbia?, Yettel Hungary?, Telenor Denmark?, Yettel Bulgaria?, Telenor Sweden?, DTAC?, Telenor Pakistan?, One Montenegro?, Telenor India?, Telenor Maritim Radio?, ATOM?, Telenor Cinclus?, Telenor Broadcast Holding?, Telenor Infra?, DNA?, Talkmore? և Nordix Data?
Կայք	telenor.com​(անգլ.)
Մասնակից է	Համացանցի կոնսորցիում
Բորսա	TEL
Telenor Վիքիպահեստում

Պատմություն

Ընկերությունը հիմնադրվել է 1855 թվականին Telegrafverket անունով և մատուցել է հեռագրական ծառայություններ։ 1966 թվականին ընկերությունը թողարկում է ձեռքի կոմպլեկտացիայով բջջային հեռախոսակապի ծառայություններ։ 1981 թվականին այն փոխարինում է ավտոմատ հեռախոսային կապով (NMT): Այդ քայլով Նորվեգիան դառնում է Եվրոպայում ավտոմատ հեռախոսային կապի անցած առաջին երկիրը։ 1993 թվականից սկսել է զարգացնել GSMկապը։ 2004 թվականին շահագործման է հանձնվել 3G (UMTS) ցանցը։

2000 թվականի հոկտեմբերին ընկերությունը մասամբ սեփականաշնորհվում է և ֆոնդային բորսաներում ստանում է լիստինգ։

Սեփականատերեր և ղեկավարություն

Տելենորը հանրային կազմակերպություն է, որի հիմնական բաժնետերը Նորվեգիայի կառավարությունն է, որը տնօրինում է բաժնետոմսերի 54 %-ը։ Ընկերության բաժնետոմսերը վաճառվում են Օսլոյի և ՆԱՍԴԱՔ ֆոնդային բորսաներում։ 2006 թվականի դեկտեմբերի 6-ին շուկայական կապիտալիզացիան կազմել է $22,8 միլիարդ։

Ընկերության տնօրենների խորհրդի ներկայացուցիչն է Տորլեֆ Էնգերը (Thorleif Enger), իսկ գործադիր տնօրենը՝ Յոն Ֆրեդրիկ Բաքսոսը (Jon Fredrik Baksaas):

Գործունեություն

Ընկերության հիմնական բիզնես գործունեությունը հանդիսանում է բջջային հեռախոսակապի ծառայություններ մատուցելը։ Տելենորը ղեկավարում է բջջային օպերատորներ Նորվեգիայում, Բուլղարիայում, Շվեդիայում, Դանիայում (Telenor Denmark), Հունգարիայում, Սերբիայում, Չերնոգորիայում, Մալազիայում (DiGi.Com), Բանգլադեշում (GrameenPhone), Պակիստանում, Հնդկաստանում, Թալիանդում։ 2004 թվականի տվյալների համաձայն Տելենորի դուստր ընկերությունները ունեցել են 22,1 միլիոն բաժանորդ։

Բջջային կապի ծառայություններ մատուցելուն զուգահեռ Տելենորը զբաղվում է նաև սկանդինավյան երկրներում հեռուստահեռարձակման և համացանցային ծառայություններ մատուցելով։

Ընկերության աշխատակիցների ընդհանուր թվաքականը 21,8 հազար մարդ է։ Ընկերության 2008 թվականի եկամուտը աճել է 5,1 %-ով և կազմել €11,23 միլիարդ, զուտ շահույթը նվազել է 21,6 %-ով և կազմել €1,73 միլիարդ։

Միջազգային ակտիվներ

_{Տելեկոր ընկերության 2009թ.-ի գործունեության աշխարհագրությունը}

_{Տելեկոր Շվեդիա ընկերության գլխավոր գրասենյակը Ստոկոհոլմում}

Երկիր	Օպերատոր	Բնօրինակ անվանում	Կայք
Նորվեգիա	Տելենոր Նորվեգիա	Telenor	telenor.no
Շվեդիա	Տելենոր Շվեդիա	Telenor	telenor.se
Դանիա	Տելենոր Դանիա	Telenor	telenor.dk
Սերբիա	Տելենոր Սերբիա	Теленор	telenor.rs
Չեռնոգորիա	Տելենոր Մոնտենեգրո	Теленор	telenor.me
Հունգարիա	Տելենոր Հունգարիա	Telenor	telenor.hu
Բուլղարիա	Տելենոր Բուլղարիա	Теленор	telenor.bg
Բանգլադեշ	Գրամենֆոն	গ্রামীণফোন	grameenphone.com
Թաիլանդ	ԴՏԱՍ	ดีแทค	dtac.co.th
Մալայզիա	Դիգի Տելեկոմունիկացիոն	digi	digi.com.my
Պակիստան	Տելենոր Պակիստան	ٹیلی نار	telenor.pk
Հնդկաստան	Տելենոր Հնդկաստան	Telenor	telenor.in
Մյանմա	Տելենոր Մյանմար	တယ်လီနော	telenor.com.mm

Հետաքրքիր փաստեր

1994 թվականին Յոն Սթեֆենսոն ֆոն Թեչները (Jon Stephenson von Tetzchner) և Գեիր Իվարսյոյը (Geir Ivarsøy), հանդիսանալով Տելեվարկետ (ներկայիս Տելենոր) ընկերության աշխատակիցներ, ստեղծել են Օպերա դիտարկիչը։

Աղբյուրներ

• Report from the Board of Directors 2014.
• Telenor readying mobile money with Yoma in Myanmar.
• Triton says sells Sweden's Bravida to Bain Capital.
• Pryser, Tore (1999) Norsk Historie 1814-1860, volume four of Norsk historie. Det Norske Samlaget, Oslo ISBN 82-521-5184-1.

Արտաքին հղումներ

• Տելենորի պաշտոնական կայք: _{(բազմալեզու)}