Վրույր Հարությունյան

Վրույր Վիրաբի Հարությունյան (դեկտեմբերի 19, 1949(1949-12-19), Կիրովական, Հայկական ԽՍՀ, ԽՍՀՄ - սեպտեմբերի 12, 2022(2022-09-12)), հայ դերասան։ Հայաստանի վաստակավոր արտիստ (2017)։

Վրույր Հարությունյան
Ծնվել է	դեկտեմբերի 19, 1949(1949-12-19)
Ծննդավայր	Կիրովական, Հայկական ԽՍՀ, ԽՍՀՄ
Մահացել է	սեպտեմբերի 12, 2022(2022-09-12) (72 տարեկան)
Կրթություն	Հայֆիլմ
Մասնագիտություն	դերասան
Աշխատավայր	Վանաձորի դրամատիկական թատրոն և Արտաշատի Ամո Խարազյանի անվան պետական թատրոն
Պարգևներ և մրցանակներ

Կենսագրություն

Վրույր Հարությունյանը ծնվել է Կիրովական քաղաքում։ Միջնակարգ դպրոցն ավարտել է Կիրովականում։ 1971-1974 թվականներին սովորել է «Հայֆիլմ» կինոստուդիային կից դերասանական ստուդիայում՝ Դմիտրի Կեսայանցի արվեստանոցում։ Ուսանողական տարիներին եղել է Վանաձորի Հովհաննես Աբելյանի անվան պետական դրամատիկական թատրոնի դերասան։ 1975-1977 թվականներին աշխատել է Արտաշատի Ամո Խարազյանի անվան պետական թատրոնում, 1982-1998 թվականներին վերադարձել է Վանաձորի պետական թատրոն։ 1977-1982 թվականներին բնակվել է Ռուսաստանում։ 1998 թվականին ընկերների՝ ՀՀ վաստակավոր արտիստուհի Գրետա Մեջլումյանի և Արամայիս Սարգսյանի հետ հիմնել է Վանաձորի քաղաքապետարանի «Բոհեմ» կամերային թատրոնը և մինչև 2001 թվականը եղել է այդ թատրոնի դերասան և գլխավոր բեմադրիչը, 2003 թվականից՝ Վանաձորի Հովհաննես Աբելյանի անվան դրամատիկական թատրոնի դերասան։

Դերեր

Կերտել է շուրջ 50 թատերական դեր։

Ներկայացումներ

• Հորեղբայր Յորգ՝ Վիլյամ Շեքսպիրի «Ռիչարդ Երկրորդ»
• Սալյոնի՝ Անտոն Չեխովի «Երեք քույր»
• Քահանա՝ Բ. Բրեխտի «Կուրաժ մայրիկը և նրա զավակները»
• Նիսամիձե՝ Ալեքսանդր Շիրվանզադեի «Քաոս»
• Մուռով՝ Ալեքսանդր Օստրովսկու «Անմեղ մեղավորները»
• Անուչկին՝ Նիկոլայ Գոգոլի «Ամուսնություն»
• Հանգուցյալ՝ Ա. Էդարի «Մեր մեղքը»
• Սիմոն՝ Ս. Խալաթյանի «Սիմոն թագավորը» (մոնոներկայացում)
• Պապիկ՝ Ա. Կասոնայի «Ծառերը կանգնած են մահանում»

ֆիլմեր

• «Վառած լապտեր», 1983
• «Ճանապարհ դեպի Սասունցի Դավիթ», 1987
• «Որտե՞ղ էիր, մարդ աստծո», 1992
• «Ծովահենների կայսրությունը», 1994
• «Ղարաբաղյան անավարտ օրագիր», 1995
• «Մի վախեցիր», 2007
• «Ընդհատված մանկություն», 2012
• «Պարացելիուսի վարդը», 2012
• «Ելք չկա», 2014
• «Փեսացուն կրկեսից», 2015
• «Սուպեր մամա», 2015
• «Երկրաշարժ», 2016
• «Սիրո ուժը», 2020

Հեռուստասերիալներ

• «Հարազատ թշնամի»
• «Մեր գյուղը»
• «Երանի»
• «Մոռացված կանգառը»
• «Բացի՛ր աչքերդ»
• «Փրկեք մեր հոգիները»
• «Դեբեդի գաղտնիքը»
• «Պատվից առավել»
• «Անհասցե ծնվածները»
• «Անատոլիական պատմություն»
• «Հերոսական նովելներ»

Մրցանակներ

• Լոռու փառատոնի մրցանակ՝ լավագույն տղամարդու դերակատարման համար, 2008
• Հայաստանի վաստակավոր արտիստ, 2017

Արտաքին հղումներ

• Վանաձորի թատրոնի կուլիսներում