Վրաստան (շաբաթաթերթ)

շաբաթաթերթ

«Վրաստան», Վրաստանում լույս տեսնող հայալեզու հասարակական-քաղաքական հանրապետական շաբաթաթերթ։ Թերթը լուսաբանում է Վրաստանում և նրա սահմաններից դուրս տեղի ունեցող հասարակական-քաղաքական իրադարձությունները։

Վրաստան
Տեսակթերթ
Լեզուհայերեն
Հիմնադրվել է1920
ԵրկիրFlag of Georgia.svg Վրաստան
ԳրասենյակԹբիլիսի, Վրաստան
Կայքvrastan.ge

ՊատմությունԽմբագրել

Թերթը հիմնադրվել է 1920 թվականին «Կարմիր աստղ» անվանումով։ 1923 թվականին անվանափոխվել է «Մարտակոչ», 1927 թվականին՝ «Պրոլետար», 1939 թվականին՝ «Խորհրդային Վրաստան»։ 1940 թվականից այն կոչվում էր «Սովետական Վրաստան», իսկ 1990-ական թվականների սկզբից թերթը կոչվել է «Վրաստան»։

1970-ական թվականներին թերթը լույս էր տեսնում շաբաթական 3 անգամ՝ 40 հազար օրինակ տպաքանակով[1]։ 1990-ական թվականներին տպաքանակը մոտ 2 000 օրինակ էր[2]։

2010 թվականի դեկտեմբերի 29-ին թերթը դարձել է 90 տարեկան։ Հոբելյանի առթիվ «Վրաստան» թերթի խմբագրակազմին շնորհավորել են Հայաստանի և Վրաստանի նախագահները, ովքեր բարձր են գնահատել խմբագրության և Վրաստանի հայալեզու թերթի լրագրողական կազմի աշխատանքը։

Միխեիլ Սաակաշվիլին իր շնորհավորական ուղերձում հայտարարել էր.

  Հատուկ հարկավոր է նշել «Վրաստան»-ի կոլեկտիվի պրոֆեսիոնալիզմն ու քաղաքացիական դիրքորոշումը, որն արժանիորեն ծառայում է երկու ժողովուրդների միջև բարիդրացիական հարաբերությունների ամրապնդմանը։  


Հայաստանի երրորդ նախագահ Սերժ Սարգսյանը ևս շնորհավորել է թերթի 90-ամյակի առթիվ և ընդգծել է, որ «Վրաստան» թերթի 90-ամյա պատմությունը երկու ժողովուրդների անկեղծ եղբայրական հարաբերությունների օրինակ է[3]։

ԾանոթագրություններԽմբագրել