Վրաստանի գյուղատնտեսական համալսարան
Վրաստանի գյուղատնտեսական համալսարան (վրաց.՝ საქართველოს აგრარული უნივერსიტეტი), վրացական մասնավոր բուհ, որը հիմնադրվել է 1929 թվականին, Վրաստանի միակ գյուղատնտեսական բուհն է։
Վրաստանի գյուղատնտեսական համալսարան | |
|---|---|
 | |
| Տեսակ | համալսարան |
| Հիմնադրված է | 1925 և 1929 |
| Երկիր |  Վրաստան |
| Տեղագրություն | Թբիլիսի |
| Պարգևներ |  |
| Կայք | agruni.edu.ge և agruni.edu.ge/en |
  Վրաստանի գյուղատնտեսական համալսարան, Վրաստան | |
Համարվում է Վրաստանի արագ զարգացող բարձրագույն ուսումնական հաստատություններից մեկը։ 2018 թվականին ընդունվածների միջին բալերով համալսարանն զբաղեցրել է երկրորդ տեղը Վրաստանի մոտ 60 համալսարանների մեջ։ Գյուղատնտեսական համալսարանի գործընկերն են հանդիսանում Եվրոպայի, Ամերիկայի և Ասիայի շուրջ 13 համալսարաններ, ինչը թույլ է տալիս ուսանողներին մասնակցել միջբուհական փոխանակման ծրագրերին[1]։ Համալսարանում կրթությունն իրականցվում է բակալավրական, մագիստրոսական և դոկտորական ծրագրերով։
2015 թվականի դրությամբ Վրաստանի ամենահայտնի տասը բուհերի ցանկում չորրորդն է[2]։
Համալսարանի կազմում կա երեք ֆակուլտետ՝
- ագրարային և բնական գիտությունների ֆակուլտետ,
- ինժեներա-տեխնոլոգիական ֆակուլտետ,
- բիզնես-կառավարչական ֆակուլտետ։
Հասցեն՝ Վրաստան, 0131, Թբիլիսի, Դավիթ Աղմաշենեբելու ծառուղի, 240[3]։
ՊատմությունԽմբագրել
1917 թվականին Պոլիտեխնիկական ինստիտուտի գյուղատնտեսական բաժանմունքում աշխատել է երկու ֆակուլտետ՝ գյուղատնտեսական և անտառնտեսային։ 1919 թվականին Պետական համալսարանում բացվել է գյուղատնտեսական ֆակուլտետ, որի հիման վրա 1921 թվականին ձևավորվել է գյուղատնտեսագիտության ֆակուլտետը։
1929 թվականին Թբիլիսիի պետական համալսարանի գյուղատնտեսագիտության ֆակուլտետի հիմքի վրա ստեղծվել է Վրաստանի գյուղատնտեսական համալսարանը։
1932 թվականին Գյուղատնտեսական համալսարանում առանձնացվել է կենդանաբանական ֆակուլտետը և դրա բազայի վրա ստեղծվել է Անասնաբուժական կենդանաբուծական ինստիտուտը, որը 1959 թվականին հանձնվել է Վրաստանի անասնաբուժական հետազոտությունների ինստիտուտին և ստացել է Կենդանաբուծական-անասնաբուժական ուսումնահետազոտական ինստիտուտ անվանումը։
1970 թվականի դրությամբ Գյուղատնտեսական համալսարանում գործել են հետևյալ ֆակուլտետները՝ գյուղատնտեսագիտական, պտղաբուծության, խաղողագործության և գյուղատնտեսական մթերքների տեխնոլոգիաների, շերամապահության, տնտեսագիտական, անտառտնտեսության, գյուղատնտեսության մեխանիզացիայի և էլեկտրիֆիկացիայի, հեռակա և գյուղատնտեսության մասնագետների որակավորման բարձրացման ֆակուլտետ։
1999 թվականին բուհն ստացել է Վրաստանի պետական կենդանաբանական և անասնաբուժական ակադեմիա անվանումը։ 2003 թվականին կոչվել է Վրաստանի պետական կենդանբանական-անասնաբուժական համալսարան։ Հետագայում այնտեղ է ներառվել Բաթումի համալսարանի գյուղատնտեսական ֆակուլտետի մի մասը, ինչպես նաև տեղական հիմնարկություններ և ինքնուրույն բաժանմունքներ, որից հետո 2011 թվականից սկսել է կոչվել Վրաստանի գյուղատնտեսական համալսարան։
1946 թվականին Վրաստանի գյուղատնտեսական համալսարանը պարգևատրվել է Աշխատանքային կարմիր դրոշի շքանշանով, ինչին արժանացել են ԽՍՀՄ որոշ բուհեր։
2016 թվականի օգոստոսից բուհի ռեկտորն է Վախթանգ (Վաթո) Լեժավան[4]։
ԾանոթագրություններԽմբագրել
- ↑ Studio Omedia։ «საქართველოს აგრარული უნივერსიტეტი» [Georgian Agricultural University]։ თავისუფალი უნივერსიტეტი (en-US)։ Վերցված է 2017-07-12
- ↑ «Топ-10 самых популярных университетов Грузии»։ Արխիվացված է օրիգինալից 2019-05-07-ին։ Վերցված է 2019-05-11
- ↑ Аграрный университет (Тбилиси)
- ↑ «Экономист Вато Лежава стал ректором Свободного и Аграрного университетов Грузии»։ Արխիվացված է օրիգինալից 2019-05-07-ին։ Վերցված է 2019-05-11
ԳրականությունԽմբագրել
- Грузинскому зоотехническо-ветеринарному учебно-исследовательскому институту 50 лет. Тбилиси : Сабчота Сакартвело, 1983.