Վլադիմիր Քոչարյան

Վիքիպեդիայում կան հոդվածներ Քոչարյան ազգանունով այլ մարդկանց մասին։

Վլադիմիր Քոչարյան (հունիսի 10, 1950(1950-06-10) կամ մարտի 16, 1950(1950-03-16), Լենինական, Հայկական ԽՍՀ, ԽՍՀՄ - հունիսի 10, 1989(1989-06-10), Երևան, Հայկական ԽՍՀ, ԽՍՀՄ), հայ դերասան, ՀԽՍՀ վաստակավոր արտիստ (1984 թվական)։

Վլադիմիր Քոչարյան
Ծնվել է	հունիսի 10, 1950(1950-06-10) կամ մարտի 16, 1950(1950-03-16)
Ծննդավայր	Լենինական, Հայկական ԽՍՀ, ԽՍՀՄ
Մահացել է	հունիսի 10, 1989(1989-06-10) (39 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ (1973)
Քաղաքացիություն	ԽՍՀՄ
Մասնագիտություն	դերասան
Աշխատավայր	Գյումրիի Վարդան Աճեմյանի անվան պետական դրամատիկական թատրոն և Գաբրիել Սունդուկյանի անվան ակադեմիական թատրոն
Պարգևներ և մրցանակներ

Եղել է դերասանուհի Կարինե Քոչարյանի ամուսինը, լուսանկարիչ, ռեժիսոր Հայկ Քոչարյանի հայրը։

Կենսագրություն

Վլադիմիր Քոչարյանը ծնվել է 1950 թվականին, Լենինականում։ 1973 թվականին ավարտել է Երևանի գեղարվեստա-թատերական ինստիտուտի ռեժիսորական ֆակուլտետը։ 1973-1976 թվականներին աշխատել է Լենինականի Մռավյանի անվան դրամատիկական թատրոնում՝ որպես դերասան և ռեժիսոր։ 1977 թվականից եղել է Երևանի Սունդուկյանի անվան ազգային ակադեմիական թատրոնի դերասան։ 1978 թվականից նկարահանվել է ֆիլմերում։

Դերեր, ֆիլմեր

• Լևոն՝ «Մենավոր ընկուզենի», 1986 թվական
• Քոչարյան՝ «Դեմքով պատին», 1989 թվական
• «13-րդ առաքյալը», 1987 թվական
• «Անորոշ իրավիճակ»
• Սողոմոն Թեհլերյան՝ «Ոտքի, դատարանն է գալիս», 1988 թվական
• Գոռ՝ «Հեծյալը, որին սպասում էին», 1984 թվական
• Մանուչարով՝ «Գիշերվա առկայծող կրակ», 1983 թվական
• Վանո Խոջաբեկյան՝ «Վառված լապտեր», 1983 թվական
• Ինքնասպան՝ «P. S. (Հետգրություն)», 1983 թվական
• Անդրեաս՝ «Սիրամարգի ճիչը», 1982 թվական
• Օսիկ Օսիպով՝ «Լիրիկական երթ», 1981 թվական
• Լուկա՝ Արարման ութերորդ օրը, 1980 թվական
• «Չեզոք իրավիճակ», 1978 թվական
• Սուրեն Սպանդարյան՝ «011 աքսորականը», 1978 թվական
• Քննիչի դերը, Ա. Արաքսմանյանի «Հյուսիսային ռապսոդիա»
• Լևոն Լամբարյանի դերը, Նաիրի Զարյանի «Հացավան»

Պարգևներ, մրցանակներ

• ՀԽՍՀ վաստակավոր արտիստ, 1984 թվական