Վլադիմիր Ջանիբեկով
Վլադիմիր Ալեքսանդրովիչ Ջանիբեկով (ռուս.՝ Владимир Александрович Джанибеков, մայիսի 13, 1942[1], Իսկանդեր, Bostanliq District, Հարավ-Ղազախստանյան մարզ, Ղազախական ԽՍՀ, ԽՍՀՄ), ԽՍՀՄ տիեզերագնաց-օդաչու։ Խորհրդային Միության կրկնակի հերոս (1978, 1981), ավիացիայի գեներալ-մայոր։
Վլադիմիր Ջանիբեկով ռուս.՝ Владимир Джанибеков | |
---|---|
Ծնվել է | մայիսի 13, 1942[1] (81 տարեկան) |
Ծննդավայր | Իսկանդեր, Bostanliq District, Հարավ-Ղազախստանյան մարզ, Ղազախական ԽՍՀ, ԽՍՀՄ |
Քաղաքացիություն | ԽՍՀՄ և Ռուսաստան |
Կրթություն | Tashkent Suvorov Military School? (1960), Սանկտ Պետերբուրգի համալսարան և Եյսկի բարձրագույն ավիացիոն օդաչուական ուսումնարան (1965) |
Մասնագիտություն | օդաչու, տիեզերագնաց, քաղաքական գործիչ, նկարիչ և փոստային բացիկների դիզայներ |
Աշխատավայր | Տոմսկի պետական համալսարան |
Կուսակցություն | ԽՄԿԿ |
Պարգևներ և մրցանակներ | |
Անդամություն | ԽՍՀՄ նկարիչների միություն |
Vladimir Dzhanibekov Վիքիպահեստում |
Կենսագրություն խմբագրել
Ավարտել է Եյսկի բարձրագույն ավիացիոն օդաչուական ուսումնարանը (այժմ՝ Վ․ Մ․ Կոմարովի անվան)։ Տիեզերագնացների ջոկատում է 1970 թվականից։
1978 թվականի հունվարի 10-16-ին, Օլեգ Մակարովի հետ, որպես հրամանատար, թռիչք է կատարել «Սոյուզ-27» տիեզերանավով և «Սոյուզ-26» (տիեզերագնացներ Յուրի Ռոմանենկո, Գեորգի Գրեչկո) տիեզերանավին կցված «Սալյուտ-6» ուղեծրակայանով։ Վայրէջք է կատարել «Սոյուզ-26» տիեզերանավով։
1981 թվականի մարտի 23-30-ին, մոնղոլ հետազոտող տիեզերագնաց Ժուգդերդեմիդիյն Գուռագչայի (մոնղ.՝ Жүгдэрдэмидийн Гүррагчаа) հետ, որպես հրամանատար, թռիչք է կատարել «Սոյուզ-39» տիեզերանավով, որը կցվել է «Սալյուտ-6»-«Սոյուզ Տ-4» ուղեծրային համալիրին (տիեզերքում էր 1981 թվականի մարտի 13-ից, տիեզերագնացներ Վլադիմիր Կովալյոնոկ, Վիկտոր Սավինիխ)։
1982 թվականի հունիսի 24-ից հուլիսի 2-ին, Ալեքսանդր Իվանչենկովի և ֆրանսիացի հետազոտող տիեզերագնաց Ժան-Լու Կրետիենի հետ, որպես հրամանատար, թռիչք է կատարել «Սոյուզ Տ-6» տիեզերանավով, որը կցվել է «Սալյուտ-7», «Սոյուզ Տ-5» ուղեծրային համալիրին (տիեզերքում էր 1982 թվականի մայիսի 14-ից, տիեզերագնացներ՝ Անատոլի Բերեզովոյ, Վալենտին Լեբեդև)։ Պարգևատրվել է Լենինի 3 շքանշանով։
Ծանոթագրություններ խմբագրել
- ↑ 1,0 1,1 Джанибеков Владимир Александрович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Վիքիպահեստն ունի նյութեր, որոնք վերաբերում են «Վլադիմիր Ջանիբեկով» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |