Վիքիպեդիա:Խորհրդարան/Արխիվ/Փետրվար 2015

Վիքիպեդիա:Նշանակալիություն (երաժշտություն) խմբագրել

Ջնջման ներկայացված երգերի ու երաժիշտների հոդվածների նշանակալիությունը որոշելու համար, անգլերեն Վիքիպեդիայից թարգմանեցի երաժշտության նշանակալիության կանոնակարգ։ Առաջարկներն ու կառուցողական փոփոխություններն ավելի քան ողջունելի են ։) --Եվրոֆան 17:57, 12 Դեկտեմբերի 2014 (UTC)[reply]

Լիտոպեդիա խմբագրել

Հարգելի Վիքիհամայնք, ես Լիտոպեդիայի ողջ տեղեկատվությունը, որն ստեղծվել է նախորդ մի քանի տարիների ընթացքում, հանձնում եմ Վիքիհամայնքի տնօրինությանը՝ հուսալով, որ այդպիսով իմ սպասը բերած կլինեմ այս մեծ գործին: Գաբրիելյան Աշոտ (քննարկում) 19:32, 3 Հունվարի 2015 (UTC)

Սրանով ես նաև իրավական հիմք եմ տալիս ամբողջ տեղեկատվությունը անկաշկանդ տնօրինելու համաև: Գաբրիելյան Աշոտ (քննարկում) 19:34, 3 Հունվարի 2015 (UTC)
Շնորհակալություն, Աշոտ ջան։ --Լիլիթ (քննարկում) 19:40, 3 Հունվարի 2015 (UTC)
Շնորհակալ ենք, Աշոտ ջան։ Ջէօ (서울) 19:45, 3 Հունվարի 2015 (UTC)
Աշոտ ջան խոսքեր չեմ գտնում։ --SusikMkr (քննարկում) 20:08, 3 Հունվարի 2015 (UTC)

Աշոտ ջան, շնորհակալություն այս նվերի համար: Սակայն մի բան եմ ցանկանում ճշտել քեզնից և իմանալ վիքիհամայնքի կարծիքն այդ առումով: Հունվարի 3-ին իր ֆեյսբուքյան էջում Աշոտը թողել էր հետևյալ հաղորդագրությունը. «Հունվարի 8-ից Լիտոպեդիա կայքը չի գործելու. ում ինչ նյութ պետք է՝ թող իր համար բեռնի»: Սա նշանակում է, որ մենք ունենք ընդամենը 2 օր ահռելի ծավալը ՎՊ տեղափոխելու համար: Դա, հասկանում եք, որ հնարավոր չէ: Ի՞նչ կարելի է անել: Դեկտեմբերի 27-ին մասնակիցներից մեկը Լիտոպեդիայից պատճենել էր 15 հոդված, որոնք հենց Աշոտի կողմից պիտակվել էին որպես հեղինակային իրավունքները խախտող, և ես դրանք ջնջեցի՝ միաժամանակ զգուշացնելով այդ մասնակցին: Հիմա ինչ. այդ հոդվածները վերականգնե՞նք: Ի՞նչ կարծիքի եք: --23artashes (քննարկում) 18:41, 5 Հունվարի 2015 (UTC)

Եթե 100 տոկոսանոց պատճենում է՝ չէ, եթե գոնե ինչ-որ փոփոխություններ են կատարված ու Լիտոպեդիան իր հերթին դրանք ինքնուրույն է ստեղծել, այլ ոչ թե այլ տեղից քոփի փաստ արել, ապա կարելի է վերականգնել...--6AND5 (քննարկում) 18:45, 5 Հունվարի 2015 (UTC)

Արտաշես ջան, փորձում ենք որևէ լուծում գտնել նյութերի արագ տեղափոխման համար։ Կարծում եմ՝ քանի դեռ կայքը չի փակվել կամ OTRS չի գրված, ապա այդ հոդվածները չենք կարող վերականգնել։ --Լիլիթ (քննարկում) 18:46, 5 Հունվարի 2015 (UTC)

Այսօր Աշոտին կօգնեն նյութերը լրիվ քաշելու, հետո իրեն կօգնենք՝ զուտ արագության համար, որ իր անունով բեռնի։ Բնականաբար եթե քոփի արած կամ ոչ հանրագիտարանային բաներ կան չենք տեղադրի։ -◙Beko (քննարկում) 18:48, 5 Հունվարի 2015 (UTC)
Մենակ թե Լիտոպեդիա բանասիրության հանրագիտարան հոդվածի հետ ի՞նչ պետք է անենք, չգիտեմ: -◙Beko (քննարկում) 18:54, 5 Հունվարի 2015 (UTC)
Կդարձնենք անցյալ ժամանակով: --23artashes (քննարկում) 18:59, 5 Հունվարի 2015 (UTC)
Ըստ իս՝ պետք է ուղղակի ձևափոխել, ավելացնել նաև փակման մասին ու թողնել։ --Լիլիթ (քննարկում) 19:00, 5 Հունվարի 2015 (UTC)

CEE Spring 2015 խմբագրել

Հարգելի համայնք, Վիքիմեդիայի Արևելյան մասնաճյուղերը մարտի 20-ից համագործակցություն են սկսում։ Այն տևելու է կես տարի ամեն երկիր ներկայացնելու է իր երկրին վերաբերող հոդվածների ցանկ, որոնք թարգմանվելու են այլ լեզուներով։ Այժմ կազմվում է մեր ցուցակը, ընտրվում են Հայաստանը, նրա մշակույթն ու հայտնի անձանց ներկայացնող հոդվածները։ Առավելությունը տրվում է այն հոդվածներին, որոնք լավ որակի կան գոնե մեկ, այլ վիքիում։ Ցուցակը, թեև թերի այստեղ է։ Խնդրում եմ առաջարկները գրել այդ ցուցակի քննարկման էջում։ Խնդրում եմ նաև հնարավորինս աշխատել հայերեն հոդվածները բարելավելու վրա, որ ամոթով դուրս չգանք հոդվածները առաջարկելուց։ -◙Beko (քննարկում) 10:34, 22 Հունվարի 2015 (UTC)

չենք կարող այնտեղ ներառել Հայոց Ցեղասպանություն հոդվածը Beko ջան, ռուսերենում ընտրյալ է ու դարձել է տարվա հոդված, ևս մեկ լեզվով ընտրյալ, մեկով էլ լավ կարգավիճակ ունի։ --ERJANIK քննարկում: 08:47, 27 Հունվարի 2015 (UTC)
Այդ թեմաները պահում եմ վերջում ավելացնելու համար, բայց այստեղ մեր մոտ կարող եք ազատ ավելացնել։ Ինչքան շատ հոդված՝ այնքան լավ։ պայմաններից մեկը, որ ցանկացած այլ լեզվով լավ գրված լինի։ -◙Beko (քննարկում) 08:52, 27 Հունվարի 2015 (UTC)

Մեծ Եղեռն 100 և հայերեն վիքիպեդիա խմբագրել

ողջույն հարգելի վիքիհամայնք, Մեծ Եղեռնի 100-ամյա տարելիցի օրերին, առաջարկում եմ հետևալը, գլխավոր էջում գիտեք որ բաժնում յուրաքանչյուր շաբաթ որպես պատկեր տեղադրել Հայոց Ցեղասպանության զոհերի հիշատակի հուշահամալիրներից որևէ մեկը, որոնց մասին հարգելի Մասնակից:Armineaghayan-ը բազմաթիվ հոդվածներ է ստեղծել, ինչի համար նրան շնորհակալություն, սա կարծում եմ լավ միտք է, իհարկե ինքս կանեմ ամենը, կարծում եմ այդպես ճիշտ կլինի, թող հայերեն վիքիպեդիայի գլխավոր էջում միշտ լինի որևէ հուշարձան, հնարավորինս ապրիլից սկսած կփորձեմ նաև որպես օրվա հոդված ընտրել այդ թեմայով հոդվածներ, իսկ եկող տարվա մեջ իհարկե կարծում եմ համատեղ ուժերով Հայոց Ցեղասպանություն հոդվածը կդարձնենք ընտրյալ, կան այլ առաջարկներ???։ --ERJANIK քննարկում: 07:07, 21 Դեկտեմբերի 2014 (UTC)[reply]

Ես մտածում էի փետրվարին քննարկում բացեի, բայց քանի որ բացված է, հիմա ասեմ: Առաջարկում եմ Ապրիլի 7-ից հետո, այսինքն ամսի 8-ից Վիքիպեդիայի լոգոն փոխենք, ոնց-որ անում ենք Նոր տարվա ժամանակ: Ու ասեմ, որ նմանատիպ պրակտիկա, օրինակ վրացերեն Վիքիին մի ժամանակ ուկրաինական դրոշով էր պատված: Բացի այդ ցանկալի է, որ մնացած կարևոր տոների կամ հիշատակի օրերին, նույնպես լոգոն փոխենք՝ մեկ օրով: Օրինակ մարտի 7-ի գիշերը ասենք ժամը 23:00-ից հետո փոխենք Մարտի 8-ով լոգո, իսկ մարտի 8-ին հաջորդող գիշերը կամ առավոտը հանենք լոգոն: Սա կարծում եմ բավական հետաքրքիր կլինի, բայց հարկավոր են գեղեցիկ դիզայնով պատկերներ պատրաստել:--6AND5 (քննարկում) 10:18, 21 Դեկտեմբերի 2014 (UTC)[reply]
Լոգոյի հետ «խաղալը» խիստ անցանկալի է տարբեր պատճառներով և չի ողջունվի։ 100–ամյակին 1-2 շաբաթով կարելի է ու նման բացառիկ դեպքերում։ Կողմ եմ բովանդակության վրա աշխատելուն, ընդ որում «պարտքն եմ» համարում, ոչ միայն Մեծ Եղեռնի, այլ նաև այլ ցեղասպանությունների մասին բովանդակության վրա աշխատել։ Գլխավոր էջը չէի ուզենա ողջ տարի, այս թեմայի հետ կապված լինի։ Ամեն ինչ չափի մեջ է ճիշտ։ --Ալեքսեյ a.k.a. Xelgen (քննարկում) 20:30, 22 Դեկտեմբերի 2014 (UTC)[reply]
Դե ապրիլի 8-ից մինչև 25-ը 2,5 շաբաթ է, այսինքն շատ չի, Երջանիկն էլ առաջարկում է ապրիլից, այսինքն ամբողջ տարին դրա հետ կապված չի լինի: --6AND5 (քննարկում) 20:41, 22 Դեկտեմբերի 2014 (UTC)[reply]
Ես առաջարկում եմ արդեն սկսենք լոգոյի տարբերակներ առաջարկել: Հարկարվոր է այդ սպասվելիք ու ինտրիգներով լի օրերի համար, որոնց այսպես ասած կուլմինացիան ապրիլի 23-ին ու 24-ին կլինի (կարճ ասեմ, որ վիքիէթիկետի խախտման մեջ չմեղադրեն) դրանց համահունչ լոգո լինի:--6AND5 (քննարկում) 11:29, 1 Փետրվարի 2015 (UTC)

Ոչ ազատ պատկերներ հոդվածներում՝ նախքան կանոնակարգի ընդունվելը խմբագրել

Հարգելի վիքիհամայնք, Եվրոֆան մասնակցի քննարկման էջի շարունակությունը ցանկանում եմ տեղափոխել խորհրդարան և այստեղ նաև այլ կարծիքներ լսել․ Ոչ ազատ պատկերների օգտագործման կանոնակարգի համաձայն՝ հոդվածում թույլատրվում է օգտագործել 1 ոչ ազատ պատկեր, սակայն նախքան կանոնակարգի ընդունումը մի շարք հոդվածներում (Արթուր Մեսչյան, և նույնիսկ ընտրյալ կարգավիճակ ունեցող Մայքլ Ջեքսոն և Դաշնակահարը) հոդվածներում օգտագործվում է մեկից ավելի ոչ ազատ պատկեր (Մայքլ Ջեքսոն հոդվածում՝ 20)։ Կարծում եմ, որ կանոնակարգը պետք է ազդի բոլոր հոդվածների վրա՝ անկախ հոդվածների ստեղծման ամսաթիվից և կարգավիճակից։ Այս առիթով կցանկանայի նաև այլ մասնակիցների կարծիքներ լսել։ -- Ջեօ () 06:15, 2 Փետրվարի 2015 (UTC)

Բնականաբար տվյալ կանոնակարգը նաև հետադարձ ուժ պետք է ունենա: Ջեքսոնի պատկերները այստեղ են.[1]: Ջեօ ջան, եթե ժամանակդ բավարարի կարող ես սկսես այդ պատկերները հեռացնել, բայց այնպես, որ հոդվածի ձևավորումը շատ չխախտվի: Ինչ վերաբերում է հոդվածների տեղեկաքարտերին, որոնք լրացված չեն, ապա ժամանակի հետ պետք է փորձել մանրից դրանք լրացնել, իսկ որոնք հնարավոր չի, ապա ջնջել: Կարելի է մեկ հատ նախագիծ բացել, բաժանել մասերի և քիչ-քիչ կատարենք:--6AND5 (քննարկում) 13:29, 2 Փետրվարի 2015 (UTC)
Անպայման կզբաղվեմ տվյալ խնդրով, 6AND5 ջան, ցանկանում էի համայքի կարծիք հարցնել․ եթե մեծամասնությունը կողմ է, կանեմ աշխատանքը։ Կարծում եմ, որ այս հարցն ի վերջո բացվելու էր, և որքան շուտ լուծենք, այնքան ավելի քիչ կլինի կատարվող աշխատանքը։ -- Ջեօ () 15:23, 2 Փետրվարի 2015 (UTC)
Ես ընդհանրապես կողմ եմ այս կանոնը վերացնելուն, կամ գոնե առավելագույնը 2-3 ոչ ազատ պատկեր ունենալուն, բայց ոչ 1։ Եթե հոդվածի համար (գոնե տեղեկաքարտի մասով) ինձ անհրաժեշտ է 2 ոչ ազատ պատկեր, ես ինչու՞ պետք է դրանցից միայն մեկը օգտագործեմ։ Անիմաստ արգելք, որը միայն խանգարում է ավելի գեղեցիկ ու ամբողջական հոդված ունենալուն։ --Եվրո$ան 15:50, 2 Փետրվարի 2015 (UTC)
Բոլոր մասնակիցներին խնդրում եմ կանոնակարգերի առումով անիմաստ բառը քիչ օգտագործել, դա անուղղակիորեն լուրջ վիրավորանք է, դրա փոխարեն այլ բառեր կան: Ինչ վերաբերում է տվյալ դեպքին, ապա փոփոխության կողմնակիցները, ըստ ցանկության, պետք է փորձեն այլ վիքիների փորձը ներկայացնեն և փորձեն հիմնավորեն թե ինչու է իքս վիքիի փորձը ավելի լավ կամ ուղղակի սեփական առաջարկը ինչով է ավելի արդյունավետ (երկրորդ մասով կատարվել է, բայց տվյալ դեպքում դա բավարար չի):--6AND5 (քննարկում) 20:22, 2 Փետրվարի 2015 (UTC)
նման քննարկումներ էլի եղել են, ինչևէ, ենթադրում եմ Մհերը, Ալեքսեյը և Վաչագանը կունենան այստեղ ասելու բան, սա շատ կարևոր հարց է։ --ERJANIK քննարկում: 11:07, 3 Փետրվարի 2015 (UTC)
Ես էլ եմ կարծում, որ կանոնակարգը պետք է նաև հետադարձ գործի, հնարավոր էլ չէ կոնկրետ ինչ-որ ենթադրույք մշակել, որը կվերաբերվի նախկին ոչ ազատ պատկերով հոդվածներին, բայց ոչ ներկայիս հոդվածներին:--Դավիթ () 12:18, 3 Փետրվարի 2015 (UTC)
Ժողովուրդ, բնականաբար կանոնակարգը հետադարձ ուժ պետք է ունենա, հին բեռնված լուսանկարներին նրա չկիրառելը չի նշանակում, թե ժամանակին չենք ուզել հները մաքրել։ Պարզապես բավականին խնդիրներ են առաջանալու, թեկուզև այն պատճառով, որ հին նկար բեռնող մասնակիցների մեծ մասը, այժմ ակտիվ չէ։ Նկարները կան մեկ օրինակով և հարկավոր է նրանց կաղապարը լրացնել՝ աղբյուրը «հորինել», մնացածը գտնել և լրացնել։ Դնել և ջնջելն էլ ափսոս է, լավ, հոդվածները լուսաբանող նկարները կջնջվեն, կմնան լրացված կաղապարներով եսիմինչական «տունգուների» պաստառները։ Մեկ նկար պահելուն հետևելով շատ հոդվածներ դատարկվելու են (հիմնականում ժամանակակից արվեստագետների էջերը)։ -◙Beko (քննարկում) 12:27, 3 Փետրվարի 2015 (UTC)
Եվրոֆան, Վիքիպեդիան ինչպես նկատել ես «Ազատ հանրագիտարան» է, բայց ենթադրում եմ այս «ազատի» ծագում ու իմաստը ոչ բոլորին է հայտնի ցավոք։ Ազատը նշանակում է, ազատ թույլատրագրով (լիցենզիայով), քոփիրայթի սահմանափակումներից ազատ (տես ազատ բովանդակություն), դա է Վիքիպեդիայի ստեղծման նպատակը ու էությունը։ Այսպիսով «ոչ ազատ» պատկերների գործածումը արդեն տեղով ժամանակավոր կոմպրոմիս է, որը հնարավոր է մեր շահույթ չհետապնդող էության պատճառով։ Բայց նման հոդվածները ոչ լիարժեք ազատ են, օրինակ վճարովի միջոցառման ժամանակ, նման պատկերով հոդված ցուցադրելը, կլինի ՀԻ խախտում, ի տարբերություն նորմալ ազատ հոդվածների։ Շատ լեզվական նախագծեր առհասարակ հրաժարվում են ոչ–ազատ պատկերներից, և փոխարենը աշխատում են հեղինակների, կազմակերպությւոնների ու կառավարությունների հետ, պատկերները ազատ արտոնագրով թողարկելու համար, այն դեպքերում երբ դրանք հնարավոր չէ վերստեղծել։ Այդպես մարդիկ նույնպես ավելի շատ են կարևորում և հասկանում խնդիրը և ավելի հակված են, ազատ թողարկելու պատկերները։ Մենք առայժմ դրա ռեսուրսը չունենք, բայց մեր նպատակից էլ ավելի հեռու գնալ, չենք կարող։ --Ալեքսեյ a.k.a. Xelgen (քննարկում) 04:08, 13 Փետրվարի 2015 (UTC)
«Անիմաստ արգելք» արտահայտությունը վիրավորական համարելը մեղմ ասած սխալ է։ Դա կարող է լինել, ճիշտ և ոչ, հասկացված կամ չէ, բայց նման պարագայում վիրավորական չի։ --Ալեքսեյ a.k.a. Xelgen (քննարկում) 04:08, 13 Փետրվարի 2015 (UTC)


ՎիքիՍեր հավելումը խմբագրել

Հարգելի վիքիհամայնք, անգլերեն վիքիում և ենթադրում եմ այլ վիքիներում նույնպես, կա մի հավելում (կամ հավելված, չգիտեմ ինչպես է հայերեն ավելի ճիշտ)` «ՎիքիՍեր» (անգլ.՝ WikiLove) անունով: Վիքիսերը այլ մասնակիցների հանդեպ սիրո, հարգանքի, շնորհակալության արտահայտման համար է: Այն պարզեցնում է շքանշանների, շնորհակալական այլ եղանակների ուղարկումը մասնակիցներին, դարձնում այն ավելի մատչելի և արագ խմբագրողների համար: Հավելումը յուրաքանչյուր մասնակցի էջում ավելացնում է փոքր սիրտ, որի վրա սեղմելով՝ ընտրում եք համապատասխան շնորհակալության ձևը կամ պատրաստում սեփականը: Վիքիսերը համարյա ամբողջությամբ թարգմանված է հայերեն: Այս քննարկումը բացում եմ, որ քննարկենք հավելման հնարավոր ավելացումը հայերեն վիքիում, արտահայտենք դեմ և կողմ կարծիքները: Եթե համայնքը կողմ արտահայտվի, այս քննարկումը հիմք ընդունելով՝ կխնդրենք ավելացնեն այն հայերեն վիքիում նույնպես:--Դավիթ () 18:24, 3 Փետրվարի 2015 (UTC)

Ես կողմ եմ, հրաշալի բան կստացվի։ Իմ դուրը շատ է գալիս այս հավելվածը։ --Լիլիթ (քննարկում) 18:30, 3 Փետրվարի 2015 (UTC)
Ինչո՞ւ ոչ, կարելի է ավելացնել։ Վիքիհարգանք, վիքիգնահատում - տարբերակներ են, քանի որ ինչքան հասկացա արագ շքանշան տալու գործիք է, ապա իմ մոտ ասոցացվում է ավելի շատ գնահատականի հետ, քան սիրո։ -◙Beko (քննարկում) 18:34, 3 Փետրվարի 2015 (UTC)
  --Աշոտ (քննարկում) 18:59, 3 Փետրվարի 2015 (UTC)
Ես էլ եմ կողմ։ Հետաքրքիրն է ։) -- Ջեօ () 06:06, 4 Փետրվարի 2015 (UTC)

Beko, տարբեր իրավիճակներում տարբեր ընկալմամբ կկիրառվի սրտիկի գաղափարը, նայած թե ով ում է տալիս, կամ ինչի համար է տալիս   --6AND5 (քննարկում) 10:26, 4 Փետրվարի 2015 (UTC)

Շատ հետաքրքրական է, բայց ո՞վ է այդ համակարգով զբաղվելու շքանշանների շնորհման գործով: Ես որ 2 տարուց ավել է, գրեթե մենակ եմ այդ գործում: Գրեթե ոչ ոքու չի հետաքրքրում մասնակիցների աշխատանքը գնահատելն ու խրախուսելը: Իմ կարծիքով դեռևս վաղ է այդ նորամուծությանն անցնելը: --Արման Մուսիկյան (քննարկում) 07:59, 5 Փետրվարի 2015 (UTC)
Բացի այդ այդ համակարգը ոնց որ Վիքիպեդիան սոցցանցի է վերածում, որն իմ կարծիքով խիստ անցանկալի է: Թեև սա զուտ իմ կարծիքն է:--Արման Մուսիկյան (քննարկում) 08:01, 5 Փետրվարի 2015 (UTC)
Հենց հարցը այդ է, որ ոչ մեկ հատուկ չի զբաղվելու շքանշաններ շնորհելով: Առավել ևս, եթե դու 2 տարի զբաղվել ես ու ոչ մեկ չի հետաքրքրվել դրանով, ուրեմն պետք է մշակել ինչ-որ մի նոր ձև, հեշտացնել շքանշանների շնորհումը այլ մարդիկ ներգրավելու համար: Բայց սա նույն քո շքանշաններ շնորհելն է: Եթե քո շքանշաններ շնորհելը Վիքին սոցցանցի չի վերածել, նույն տրամաբանությամբ սոցցանցի չի վերածի նաև այս հավելվածը:--Դավիթ () 09:43, 5 Փետրվարի 2015 (UTC)
Ինտերֆեյսը սոցցանցի է հիշեցնում, Դավիթ ջան: Համենայն դեպս եթե ուզում եք շքանշանների շնորհման գործը ձեր վրա վերցնել, սիրով կզիջեմ: Իմ նպատակն է, զուտ քաջալերել մասնակիցներին և նպաստել Հայերեն Վիքիպեդիայի զարգացմանը: --Արման Մուսիկյան (քննարկում) 09:56, 5 Փետրվարի 2015 (UTC)
Արման ջան, այստեղ հարցը որևէ բան մեկին զիջել կամ չզիջելու, ձեռքից վերցնելու կամ չվերցնելու մեջ չէ։ Եթե ցանկանում ես հին ձևով շարունակել շքանշանների շնորհման ձևը, շարունակիր, ի՞նչ խնդիր կա։ Նոր ձևն էլ կարող է մյուսներին հետաքրքրի։ Ով որ տարբերակը ցանկանում է, թող օգտագործի։ Կոնկրետ դու շքանշանների հետ կապված նախագծեր ես անում, որի ժամանակ մեծաքանակ շքանշաններ ես շնորհում (կամ նախագծերից դուրս էլի շատ շքանշաններ ես տալիս), իսկ մյուսները՝ օրինակ ես՝ հազարից մեկ եմ շքանշան շնորհում որևէ մասնակցին։ Այսպես ասած՝ երբ սիրտս ուզում է, ինչ-որ բան դուրս գալիս է, որ անում է մասնակիցը, շնորհում եմ։ Այս հավելվածն ուղղակի հեշտացնում է գործընթացը, այդքան բան։ --Լիլիթ (քննարկում) 10:05, 5 Փետրվարի 2015 (UTC)
Մի հարց տամ. այդ հավելվածը ներդնելուց հետո ինքնաբերաբա՞ր է հայտնվելու բոլորի էջերում, թե՞ ըստ ցանկության կարող ենք ակտիվացնել: --23artashes (քննարկում) 10:15, 5 Փետրվարի 2015 (UTC)
ըստ ցանկության: --Vadgt (քննարկում) 10:27, 5 Փետրվարի 2015 (UTC)
Ինչպես հարկեք գտնում արեք, Լիլիթ ջան: Բայց կարծում եմ դա ռեալ օգուտ չի տա գործին, այլ մի բան էլ կշեղի մասնակիցներին: Իսկ Հայերեն Վիքիպեդիայում դեռ անթիվ անհամար գործ կա: Կարծում եմ առավել ուշադրություն պետք է դարձնել առկա միջինից ցածր որակի հոդվածների վրա, որոնց պահանջարկն իրականում շատ մեծ է: Հիմա մեր ստեղծված նոր հոդվածները համեմատաբար շատ ավելի որակով են և ծավալուն, քան արդեն գոյություն ունեցածները և զուտ պատճառն այն է, որ դա ստեղծված է եղել մեկ ուրիշ մասնակցի կողմից: --Արման Մուսիկյան (քննարկում) 10:20, 5 Փետրվարի 2015 (UTC)
Արման ջան, մեկը մյուսին չի խանգարում։ --Լիլիթ (քննարկում) 10:26, 5 Փետրվարի 2015 (UTC)

  վիքիսեր համակարգի ներմուծման հայերեն վիքիպեդիա, եթե հավելվածը հայերեն վիքիպեդիայում անվանափոխվի, ապա պետք է փոխվի նաև սրտիկը մեկ այլ բանի: --Vadgt (քննարկում) 10:21, 5 Փետրվարի 2015 (UTC)

Էջերի միավորում խմբագրել

Հարգելի համայնք, Զիլճյան ընկերության մասին նոր հոդված եմ սարքել, որտեղ ներառել եմ Զիլճյան ընտանիքի մասին հոդվածը չնչին փոփոխություններով: Այժմ, կարծում եմ, պետք է Զիլճյան ընտանիքի մասին առանձին հոդվածը ջնջել և էջը վերահղել ընկերության մասին էջին: Կարծում եմ` անհրաժեշտ է նաև ստեղծել վերահղում անգլերեն Zildjian էջից: Սակայն ես մոռացել եմ, թե տեխնիկապես ինչպես էր արվում վերահղումը: Խնդրում եմ օգնել: --Melic (քննարկում) 03:08, 4 Փետրվարի 2015 (UTC)

այնտեղի նյութը վերցված է Հայկական Սովետական Հանրագիտարանից, իսկ քո ստեղծած հոդվածի նյութը որտեղից է հարգելի Melic։ ??? – Այս անստորագիր գրառման հեղինակն է ERJANIK (քննարկում|ներդրումներ) մասնակիցը։
Երջանիկ ջան, նոր հոդվածը ստեղծելիս օգտագործել եմ նույն ՀՍՀ տվյալները, ինչպես նաև տվյալներ Զիլճանի պաշտոնական կայքից, CNBC հեռուստաընկերության կայքից, և մի քանի այլ աղբյուրներից: Ի դեպ, Զիլճյան ընտանիքի մասին հոդվածում ևս մի երկու օր առաջ որոշ բաներ էի ավելացրել, որոնք չկան ՀՍՀ-ում: --Melic (քննարկում) 12:30, 4 Փետրվարի 2015 (UTC)

Ողջույն բոլորին, բացի Հայաստանի քաղաքներից, որի մասին որոշում կա, մնացածի կտրվածքով արտահայտեք լրացուցիչ կամ ամփոփիչ կարծիքներ, որպեսզի կարողանանք հանրագումարի գալ:--6AND5 (քննարկում) 14:37, 7 Փետրվարի 2015 (UTC)

Նոր ուղեցույց խմբագրել

Հարգելի ընկերներ մշակել եմ նոր ուղեցույց, որը վերաբերվում է կատեգորիզացիային, ակնկալում եմ բոլորիդ դիտողությունները և առաջարկությունները, համեցեք քննարկման էջ:--Սամվել (քննարկում) 09:34, 10 Փետրվարի 2015 (UTC)

Համայնք ջան, հավաքորդ Հարություն Մինասյանը սիրով մեզ է տրամադրել իր «Հայոց Ցեղասպանության զոհ հայ բժիշկներ» գիրքը, որի նյութերը կարող ենք տեղադրել Վիքիպեդիայում։ Կարող եք միանալ համագործակցությանը և Վիքիդարանում տեղադրված նյութից ստեղծել հոդվածներ կամ բարելավել եղածները։ Հատուկ այս համագործակցության և ոչ միայն սրա համար այսօր կստեղծվի կաղապար Տեղեկաքարտ Բժիշկ-ը, խնդրում ենք հոդվածներում օգտագործել միայն դա։ Սա մի քիչ ուշ պետք է գրեյի՝ կաղապարի հայտնվելուց հետո, բայց տեսնում եմ, որ արդեն ցուցակից հոդվածներ են ստեղծվում։ --BekoՔննարկում 15:26, 10 Փետրվարի 2015 (UTC)

Ես առաջարկում հետ այսու նոր ձևով գրել ազատ գրքերից, եթե իհարկե տեխնիկական խնդիրներ չառաջանան: Խոսքը գրքի թվային էջի հղումը տալ հոդվածում, որ ստուգելը հեշտ լինի, թե չէ արանքում հնարամիտներ կարող են հայտնվել...--6AND5 (քննարկում) 15:42, 10 Փետրվարի 2015 (UTC)
Էջի հղումը ցուցակում տված է, էջում դնելով ի՞նչ ենք շահում։ Հնարամտությամբ ի՞նչ պետք է շահեն։ --BekoՔննարկում 15:51, 10 Փետրվարի 2015 (UTC)
Որ կարելի է միանգամից նայել և ճշտել աղբյուրը, իսկ հնարամտությունը այն է, որ օրինակ ես մեր հարևանի պապու մասին հոդված եմ գրում ու ներքևում դնում համապատասխան կաղապարը, որ այսինչ տեղից է, հիմա արդյոք հասցնում ենք բոլոր հոդվածները ստուգել, որ իրոք այդ գրքից են այլ ոչ թե չգիտեմ որտեղից...--6AND5 (քննարկում) 16:09, 10 Փետրվարի 2015 (UTC)

Հարգելի Հարություն Մինասյան, շնորհակալ եմ Ձեզ մեր Վիքիի համար կարևոր նվերի համար։ - Kareyac (քննարկում) 16:16, 10 Փետրվարի 2015 (UTC)

Ողջույն: 6AND5 ջան, ես դրա մասին մտածել էի. այսինքն աղբյուրի կաղապարն ստեղծել այնպես, որ հոդված գրողը այնտեղ անպայման նշի հոդվածի սկզբնաղբյուրի համապատասխան էջը: Ուղղակի մի խնդիր ունեցա: Գրքի էլեկտրոնային տարբերակը ինձ տվել են արդեն էջադրված ձևով, որը չէի կարող Վիքիպահեստ բեռնել տառատեսակների բացակայության/անհասանելիության պատճառով (գիրքը չի լուսապատճենվել, սկզբնապես թվային է եղել): Ես ֆայլը կոնվերտելիս փոխել եմ օրիգինալի տառատեսակը ազատ, Վիքիպահեստում ճանաչվող այլ տառատեսակով: Սրա պատճառով, սակայն, խախտվել է էջերի քանակը, նկարների դիրքը և էջադրումը (օրիգինալում գիրքը 520 էջ է, էլ. տարբերակում մոտ 400): Այսինքն, նշելով դարանում առկա տարբերակի էջը, մենք միևնույն է սխալ էջ ենք գրում, որովհետև այն չի համապատասխանում օրիգինալին: Իսկ գիրքը բնօրինակով համարյա թե ոչ ոք չունի: Դրա համար ես կառաջարկեմ էջերը չգրել:--Դավիթ () 16:21, 10 Փետրվարի 2015 (UTC)
Ողջույն, Դավիթ ջան, իմ առաջարկած տարբերակը ավելի հասարակ է, մենք բացի կաղապարը տեղադրելուց՝ աղբյուրներ բաժնում դնում ենք այն էջի ինտերնետ հղումը, որում տեղադրված է անմշակ նյութը, ոնց-որ որոշակի կայքէջի դեպքում, այսինքն որևէ դժվարություն այդ առումով կարծում եմ պետք է որ չլինի...--6AND5 (քննարկում) 16:29, 10 Փետրվարի 2015 (UTC)
Ես հենց դա եմ ասում, էջի հղումը դնելը երկու դեպքում է սխալ՝ Վիքիդարանի և բնօրինակի էջերը չեն համընկնում, էլեկտրոնային տարբերակը հաստատ փոփոխությունների կենթարկվի հետագայում, որից կարող է էջերը խախտվեն նորից:--Դավիթ () 17:04, 10 Փետրվարի 2015 (UTC)

Request from en:Wikisource խմբագրել

Hi. There is a page on the English Wikisource that needs to be transcribed in Armenian. Is anyone up for the task? Thank you! Abjiklam (քննարկում) 20:53, 10 Փետրվարի 2015 (UTC)

Hi Abjiklam, I've transcribed initial version, but as it's in writtten in old orphography, and punctuation was puzzling, I hope few other people will proofread what I've done. It's far from being good. I'll duplicate this in Armenian.
Մասնակիցներ, նամակը հին ուղագրությամբ է, անկեղծ ասած չհասկացա անգամ արևմտահայերենով է թե արևելահայերենով, կետադրությունն էլ հարցեր է առաջացնում։ Եթե սրբագրեք արածս, կօնգենք մեր գործընկերներին մեր իսկ պատմության մասին գրել։ --Ալեքսեյ a.k.a. Xelgen (քննարկում) 21:32, 10 Փետրվարի 2015 (UTC)
Thank you very much! I see a few more contributors came to have a look too. Thank you all! Abjiklam (քննարկում) 21:31, 11 Փետրվարի 2015 (UTC)

Cekli829 մասնակցի արգելափակման հարցը խմբագրել

Հարգելի Վիքիհամայնք, 2012 թվականին Հայերեն Վիքիպեդիայում իր էջի ձևավորման շուրջ ծագած խնդրից հետո, Cekli829 մասնակիցը իր հարազատ Վիքիպեդիայի մասնակցային էջում հայկական դրոշի նկարն էր դրել խաչով փակված, հակահայկական կոչեր էր գրել և մեր ակտիվ մասնակիցներից երեքի հասցեին հայհոյանք էր գրել ու ցուցակով տեղադրել իր էջում։ 2012-ի հոկտեմբերին արգելափակել եմ հայերեն Վիքիպեդիայում, որից հետո իր էջը մաքրել է միայն ՄետաՎիքիի ստյուարդ դառնալու հայտից առաջ։ Ամեն տարի ստյուարդական ընտրություններից առաջ և ընթացքում ինձնից որոշ վիքիմասնակիցներ պահանջում են արգելափակումը հանել, պնդելով, թե եղածը արդեն եղել է և նա էլ մեզ այլևս չի հայհոյում և չի կարող վնասել հայերեն Վիքիպեդիային

Այս տարի էլ են դիմել երեք մասնակից՝ արգելափակումը հանելու խնդրանքով։ Ակնկալում եմ ձեր խորհուրդը և որոշումը։ Սպասում եմ արձագանքի։--BekoՔննարկում 09:57, 11 Փետրվարի 2015 (UTC)

  •   Դեմ եմ արգելափակումը հանելուն։ Ոչ մի ներում, հարգելի Մհեր: Իմ կարծիքով նմաններին ներել պետք չէ: --Արման Մուսիկյան (քննարկում) 10:10, 11 Փետրվարի 2015 (UTC)
չեմ կարծում թե արգելափակելումից հանելուց հետո այդ մասնակցի հնարավոր ներդրումը այդքան կարևոր լինի հայերեն վիքիպեդիայի համար, քան հայերեն վիքիպեդիայի մասնակիցների հասցեին գրվածների վատ արժեքը, շնորհակալ ենք որ ինքը ուզում է ներդրում անել հայերեն վիքիպեդիայում, բայց չենք ուզում, սա իմ կարծիքն է, պետք չի հանել, զարմանալի է որ այդ մասնակիցը ուզում է դառնալ ստյուարդ, ու էլ ավելի զարմանալի կլինի եթե այս փաստը իմանալով նրան կողմ քվեարկեն։ --ERJANIK քննարկում: 10:19, 11 Փետրվարի 2015 (UTC)
Դժվարին վիճակում ես հայտնվել, միակ լուծումը սլաքները քեզնից հեռու տանելու համար, հարկավոր է ասես, որ դու որպես ադմինիստրատոր միայնակ իրավունք չունես ապաարգելափակել անժամկետ արգելափակվածին (անկախ նրանից, որ դու ես արգելափակել): Դրա համար հարկավոր է ունենալ համապատասխան կանոնակարգ, որ անժամկետ արգելափակվածներին, առանց ընդհանուր քննարկման չի կարելի ուղղակի ապաարգելափակել, բացի դրանից այլ վիքիից չեն կարող անհատական պահանջ կամ հրաման ներկայացնել, այլ կարող են միայն խորհուրդ տալ ու խնդրել կամ միջնորդել...--6AND5 (քննարկում) 10:28, 11 Փետրվարի 2015 (UTC)
Զարմանալու պահով ասեմ, որ բնավ ես չեմ զարմանում, լինել ստյուարդ, նշանակում է ունենալ մեծ լծակներ և դրանք ծառայեցնել ադրբեջանական քարոզչությանը, սա նորմալ պրակտիկա է, անկախ նրանից, որ բոլորը հավասար են համարվում...--6AND5 (քննարկում) 10:32, 11 Փետրվարի 2015 (UTC)
ով գիտի ձևը, ստյուարդի քվեարկությանը միայն ադմիններն են մասնակցում թե բոլորը, ես նրա համար եմ ասում, որ արժի և գուցե պետք է որ ասենք տվյալ մասնակցի քայլերը հայերեն վիքիպեդիայում գրենք այդ քվեարկության մեջ թող տեսնեն։ --ERJANIK քննարկում: 10:57, 11 Փետրվարի 2015 (UTC)
Երջանիկ ջան, բոլորը կարող են մասնակցել (ովքեր համապատասխանում են քվեարկության չափանիշերին) և բոլորն էլ այնտեղ տեղյակ են մասնակցի՝ մեր վիքիում ծավալած գործունեության մասին։ Հարցն այն է, որ մասնակիցը 4-5 անգամ է դիմում է, որ ստյուարդ դառնա և այստեղի արգելափակումը խոչընդոտ է հանդիսանում դրա համար և կարելի է ասել, որ հիմնականում այդ պատճառով չի ընտրվում։ Հիմա ուղղակի պետք է կարճ գրել կողմ կամ դեմ՝ պետք չէ ծավալվել այս հարցով այստեղ, կարծում եմ՝ հասկացաք, թե ինչու։ --Լիլիթ (քննարկում) 11:12, 11 Փետրվարի 2015 (UTC)

  Դեմ եմ արգելափակումը հանելուն։ --Լիլիթ (քննարկում) 11:12, 11 Փետրվարի 2015 (UTC)

Ես նույնպես   Դեմ եմ արգելափակումը հանելուն։ -- Ջեօ () 11:14, 11 Փետրվարի 2015 (UTC)
Ես էլ եմ   Դեմ: --23artashes (քննարկում) 11:36, 11 Փետրվարի 2015 (UTC)
Եվս մեկ   Դեմ։ --Եվրո$ան 11:54, 11 Փետրվարի 2015 (UTC)
Անկեղծ ասած ես այդպես էլ չհասկացա թե ինչպես է, որ այս արգելափակումը հիմնական պատճառ է դառնում, որ նա չի ընտրվում, այսինքն եթե սա հանվի նա կընտրվի՞, ես այդ կարծիքին չեմ ...--6AND5 (քննարկում) 12:07, 11 Փետրվարի 2015 (UTC)
Ոչ այնտեղ չգիտեն, թե ինչի համար է նա արգելափակված, Ջեկլին էլ գրում է թե «քաղաքական պատճառներով» ենք արգելափակել։ Աչքիս մենք էլ լավ չենք հիշում։ Դա 2010–ի հոկտեմբերին էր, երբ ադրբեջաներեն Վիքիպեդիայի խորհրդարանում կոորդինացրել էին «ֆլեշ մոբ» որի ընթացքում, այստեղ ինչ–որ քարտեզ էին ուզում փոխել, մի քանի հոգով լցվելով։ Բողոքը վերածվեց, վանդալիզմի, խմբագրման պատերազմի, վիրավորանքների և մահվան սպառնալիքների։ Մի քանի հոգի, կարծեմ մոտ 5–ը անժամկետ արգելափակվել են, այդ թվում Ջեկլին։ Մեր մոտ էլ մի քանի հոգի նկատողություն է ստացել իրանց «ջրերը» ընկնելու համար։ Կոնկրետ Ջեկլին, վանդալություն չի արել, մահվան սպառնալիքներ նույնպես, թեպետ ինչեր է նա գրել ադրբեջաներեն, Գուգլի Թարգմանիչը մինչև հիմա չի կարողանում վերծանել։ Բայց Չեկլին, բացի այդ ամբոխի մաս լինելուց, իրանց մոտ «Անտի–Արմենիա» նախագիծն էր համակարգում այն ժամանակ, արգելափակելուց հետո էլ ռասիստա–հոմոֆոբական ուշունցներ է շարել իր էջում։ Մինչև վերջերս մեր լեզուն երկար էր, իրանցը կարճ։ Անցած շաբաթ օրվանից հակառակն է։ --Ալեքսեյ a.k.a. Xelgen (քննարկում) 14:21, 11 Փետրվարի 2015 (UTC)
դե հիմա չենք կարող այդ ջնջածները մի պահ վերականգնել, ու դնել այդ քվեարկության էջում։ --ERJANIK քննարկում: 18:18, 11 Փետրվարի 2015 (UTC)


  Դեմ արգելափակումից հանելուն և աստված ոչ անի, որ նա ընտրվի ստյուարդ, քանի որ նա կսկսի իր հակահայկական քարոզչությունը ամբողջ վիքիմեդիայի վիքիների և նրանց բոլոր լեզուների մակարդակով: Գոնե այս տարի մենք պետք է թույլ չտանք, որ նա ընտրվի ստյուարդ:

Եթե ուշադիր լինեք Cekli829-ին կողմ քվեարկածների մեծամասնությունը թյուրքական ցեղի ներկայացուցիչներ են: Իսկ 2010–ի հոկտեմբերի Cekli829-ի հայտարարության մասով կարող եմ ասել, որ այդ հայտարարությունը նման է սպառնալիքի: Բայց այս հայտարարության մասով առավել ճիշտ է դիմել Պանդուխտին: --Vadgt (քննարկում) 18:50, 11 Փետրվարի 2015 (UTC)

վիքին սիրում է գիտություն թե արվեստ խմբագրել

ողջույն հարգելի վիքիհամայնք, վերջերս նկատել եմ որ որոշ հոդվածների քննարկման էջում գրվում է, որ «Այս հոդվածը ստեղծվել է Վիքին սիրում է Գիտություն նախագծի ընթացքում», օրինակ՝ Ամեն ինչ մորս մասին ֆիլմը ի՞նչ կապ ունի դրա հետ, թե դա ուղղակի Մասնակից:Գարվիքն է շփոթմամբ դրել, ամեն դեպքում նայեք Կատեգորիա:Վիքին սիրում է Գիտություն ստեղծված հոդվածներ։ --ERJANIK քննարկում: 05:30, 12 Փետրվարի 2015 (UTC)

Ողջույն, համաձայն եմ, մի քիչ խաբեության նման է ստացվում։ Գուցե չիմանալով և բարի մտադրությունով՝ նախագծին սատարելու միտումով են դնում կաղապարը։ Հարկավոր է մաքրել։ --BekoՔննարկում 06:38, 12 Փետրվարի 2015 (UTC)

շնորհակալություն ուղղորդումների համար Մասնակից:ERJANIK: ուղղումենրն արված են, սակայն խնդրում եմ քննարկումներ կատարելիս խուսափել ոչ հարկին բառերից, մասնավորապես՝ «խաբեություն» User:Beko: շնորհակալություն քննարկման համար: Գարվիք (քննարկում) 08:55, 12 Փետրվարի 2015 (UTC)

Հարգելի Գարվիք եկեք արտահայտությունների մեջ այլ իմաստ չփնտրենք, վիրավորական կարելի էր համարել, եթե գրեի խաբեություն է, իսկ ես գրել եմ «խաբեության նման է ստացվում»։ Եթե դրսից նայեն մեր կատեգորիաները, իսկ նման կաղապարով հոդվածները հավաքվում են մեկ կատեգորիայում, ապա կզարմանան գիտության թեմատիկայում կինոնկարներ գտնելով։ Քանի որ մենք միջոցառումներ ենք կազմակերպում և հաշվետու լինում թեմաներով ստեղծված հոդվածների համար, ապա նրանք կարող են դա համարել իրենց շփոթեցնելու, խաբելու փորձ։ --BekoՔննարկում 09:09, 12 Փետրվարի 2015 (UTC)

Հարգարժան User:Beko - ուղղորդումներն ընդունվում են և հաշվի կառնվեն հետագայում: շնորհակալություն: Գարվիք (քննարկում) 09:13, 12 Փետրվարի 2015 (UTC)

Հերթագրում (ոչ ադմին մասնակիցների) խմբագրել

Ողջույն բոլորին, բոլոր այն ոչ ադմին մասնակիցները ովքեր ցանկություն ունեն խմբագրելու իմ մասնակցային էջը և ենթաէջերը, ապա խնդրում եմ այստեղ հերթագրվել, հետո ժամերի շուրջ կպայմանավորվենք, որ այդ էջերը պաշտպանությունից ժամանակավոր հանեմ, որ կարողանաք խմբագրել..:--6AND5 (քննարկում) 15:30, 12 Փետրվարի 2015 (UTC)

Մենք քննարկում ենք լուրջ խնդիր, դու վերածում ես կառուցողական քննարկումը չգիտեմ ինչի․․․ --Լիլիթ (քննարկում) 15:51, 12 Փետրվարի 2015 (UTC)
Համաձայն չեմ, սա կառուցողական առաջարկ է, մինչև այդ քննարկման ավարտը, որը կարող է բավական երկար տևել, ես առաջարկում եմ մի տարբերակ, ըստ որի մասնակիցների հավասարությունը իմ էջից օգտվելու առումով չխախտվի...--6AND5 (քննարկում) 15:54, 12 Փետրվարի 2015 (UTC)
Ինձ թվում է, դու կարող էիր ավելի կառուցողաբար մտածել ու հանել քո և մյուսների էջերի պաշտպանությունը, մինչև պաշտպանության մասին ինչ-որ դրույթ կամ կանոն մշակվեր: Ես չեմ զարմանա, եթե մի օր դու նաև սկսես քո սիրած հոդվածները պաշտպանել ու գրաֆիկով խմբագրելու առաջարկ անել: Ու ես դեռ համբերատար սպասում եմ մյուս ադմինների արձագանքին, որոնց մեծ մասը հաստատ քննարկումները տեսել է ու խուսափում է իր կարծիքն արտահայտել:--Դավիթ () 16:12, 12 Փետրվարի 2015 (UTC)
Չեն խուսափում, այլ երևի այդ այսպես կոչված խնդիրը չեն համարում առանցքային խնդիր Վիքիպեդիայի համար ու չեն ուզում իրենց ժամանակը վատնեն այդ քննարկման վրա...--6AND5 (քննարկում) 16:26, 12 Փետրվարի 2015 (UTC)
Եթե ադմինների գոնե մեծ մասն ակտիվ լինեին քննարկումներում ու կատարեին իրենց գործը, որի համար խմբագիրներն իրենց ընտրել են ադմին, ապա այս օրին չէինք հասնի։ Եզրակացությունները թողնում եմ մնացած ադմիններին ու գալիք ադմիններին։ --Լիլիթ (քննարկում) 16:32, 12 Փետրվարի 2015 (UTC)
6AND5, տռոլինգը պատժելի է։
Այլ մասնակիցներ ջան, գրանցված և չգրանցված։ Ով ուզում է այլ մասնակցի էջ խմբագրել համեցեք իմ էջը և արեք ձեր կառուցողական խմբագրումները։ Եթե մի բան փչացնեք հոգ չէ, նախորդ տարբերակները հեշտ է վերականգնել։ Հերթարգվել իմ մոտ պետք չի, ընդունարանում հերթի մեջ սպասել ու քարտուղահուրուս հետ համաձայնեցնել նույնպես, ես տենց բաներ չունեմ։
Հ․Գ․ « «Դուք կարող եք խմբագրել այս էջը, հենց այս պահին» մեր հիմնարար սկբունքն է, որը մենք պետք է սրբության պես հարգենք» (c) Ջիմբո, Ջիմմի Վեյլս, Վիքիպեդիայի համահիմնադիր։ --Ալեքսեյ a.k.a. Xelgen (քննարկում) 03:39, 13 Փետրվարի 2015 (UTC)

Ադմինիստրատորին դրոշակից զրկելու քվեարկություն խմբագրել

Հարգելի վիքիհամայնք, ես քվեարկություն եմ բացել այս հղումով՝ Վիքիպեդիա:Ադմինիստրատորի իրավունքների դիմումներ/2015/6AND5: Սույնով՝ խնդրանքով ու կոչով հրավիրում եմ բոլոր մասնակիցներին, առաջին հերթին՝ Վիքիմեդիա Հայաստանի անդամներին ու ադմիններին, մասնակցելու քվեարկությանը: Առանձնացնում եմ լավագույն իմաստով, առանց որևէ հետին մտքի, կարևորելով Վիքիմեդիա Հայաստանին՝ որպես հայերեն վիքիպեդիայի պաշտոնական ներկայացուցչի, որը ներկայացնում է մեր հետաքրքրույթունները և իրավունքները միջազգային դաշտում, իսկ ադմիններին՝ որովհետև վիքիհամայնքը ձեզ է վստահել ադմինի դրոշակը՝ իր իրավունքների պաշտպանության և խաղաղ աշխատանքային մթնոլորտ ստեղծելու համար: Շնորհակալություն--Հայկ (արաբագետ) 09:51, 13 Փետրվարի 2015 (UTC)

Վիքիմեդիա Հայաստանը կապ չունի ադմինների ընտրվել/չընտրվելու, իրավունքից զրկելու հետ և չի հանդիսանում վիքիպեդիայի պաշտոնական ներկայացուցիչը։ Այնպես որ ճիշտ չեմ համարում Վիքիմեդիա Հայաստանին կոչ անելը քվեարկելու կամ չքվեարկելու։ Այս առումով քո գրածը թյուրիմացություն է ստեղծում համայնքի մոտ, որը ճիշտ չէ։ Ով ցանկանում է, կարող է հայտնել իր կարծիքը քո բացած հայտում։ --Լիլիթ (քննարկում) 10:03, 13 Փետրվարի 2015 (UTC)
Լավ, ուրեմն այն առանձնացումը, որ արեցի, սխալ էր: Եվ այդ թյուրիմացությունը այս հաղորդագրությամբ չեղյալ համարեք--Հայկ (արաբագետ) 10:08, 13 Փետրվարի 2015 (UTC)

Ներողություն խմբագրել

Բարև Ձեզ հարգելի համայնք: Երեկ ես շփոթեցի և GeoO-ի քննարկումը փակված համարելով դիմեցի Մեթա : Այժմ GeoO-ն քվեարկությունը չավարտված ադմին է: Ի՞նչ անեմ:--Աշոտ1997 (քննարկում) 06:45, 16 Փետրվարի 2015 (UTC)

Աշոտ ջան, խնդրում եմ մյուս անգամ ուշադիր լինես նման հարցերում՝ մանավանդ մետա դիմելուց։ Այս քվեարկության հետ կապված, քանի որ բոլորը միակարծիք էին, կարծում եմ որևէ խնդիր չի առաջանա։ Սակայն հետագայում մետա դիմելուց զգուշացրու/հարցրու այստեղ, նոր դիմիր։ --Լիլիթ (քննարկում) 07:01, 16 Փետրվարի 2015 (UTC)
Ես այսօր ադմինական որևէ գործիք չեմ օգտագործի, որպեսզի ամեն ինչ արդար լինի։ ))) -- Ջեօ () 07:49, 16 Փետրվարի 2015 (UTC)

Փաստորեն ճիշտ էի հիշում: Քվեարկությունը տեվում է ոչ թե հունվարի x-ից փետրվարի x-ը այլ 30 օր այսինքն GeoO-ի քվեարկության վերջին օրը փետրվարի 14-ն էր (քանի որ հունվարը ունի 31 օր):--Աշոտ1997 (քննարկում) 12:02, 16 Փետրվարի 2015 (UTC)

Ճիշտ ես, բայց այդ դեպքում պետք է հետևել, որ մեկ ամիս քննարկման էջում դրված չլինի հունվարի x-ից փետրվարի x-ը, որտեղ փետրվարի x-ը քննարկումը փակվելու հաջորդ օրն է։ Այս քննարկումը խնդրահարույց չէր, բայց այլ դեպքերում կարող է բողոքի առիթ տալ։ Ինչևէ, պետք է մյուս անգամ ուշադիր լինել և էջում նշել ճիշտ օրը։ --BekoՔննարկում 08:34, 17 Փետրվարի 2015 (UTC)

Հայոց Ցեղասպանություն հոդվածի գնահատում խմբագրել

ողջույն բոլորին, Հայոց Ցեղասպանություն հոդվածը ներկայացվել է գնահատման, փորձենք համատեղ ուժերով դարձնել այն ընտրյալ հոդված, մեծ աշխատանք է տարել հարգելի Մասնակից:Aram1985-ը, նրան մեծ շնորհակալություն։ --ERJANIK քննարկում: 11:51, 17 Փետրվարի 2015 (UTC)

Սպիտակ շնաձուկ հոդվածը ընտրյալի թեկնածու խմբագրել

ողջույն բոլորին, Սպիտակ շնաձուկ հոդվածը ներկայացվել է ընտրյալ հոդվածի, ակնկալում ենք ակտիվություն Վիքիպեդիա:Ընտրյալ հոդված/Սպիտակ շնաձուկ։ --ERJANIK քննարկում: 10:51, 18 Փետրվարի 2015 (UTC)

Բաց նամակ խմբագրել

Ողջույն հարգելի իրական վիքիհամայնք, այլ ոչ թե այն կազմը, որոնք իրենց հորջորջել են որպես ամբողջ Վիքիհամայանք: Հայերեն Վիքիհամայնքի կազմը շատ ավելի մեծ է, քան նրանց թիվը: Ներկա դրությամբ ստեղծվել է մի իրավիճակ, երբ Վիքիպեդիայում հարցերը լուծվում են այսպես. ru:Арбитраж:Скайпочат կամ գուցե ավելի կատարելագործված դեմառդեմ սկզբունքով: Ես այս պայմաններում գերադասում եմ խնայել իմ նյարդերը և չշարունակել այլևս խմբագրումները հայերեն Վիքիպեդիայում: Կցանկայի տարիներ հետո, երբ վերադառնամ, ապա ներկա կազմից շատերը այլևս Վիքիպեդիայում ակտիվ չլինեն (զուտ զբաղվածության կամ այլ հետաքրքրություն գտնելու կտրվածքով, ոնց-որ շատերը այժմ չեն խմբագրում այդ պատճառով), օրինակ. Դավիթ Սարոյանի, Հայկ արաբագետի, Պանդուխտի, Լիլիթի, Կարյեացի, Արտաշեսի և այլն: Դավիթ 92-ը ավելի բարձր կերպար էր, քանի որ մարդը չէր թաքցնում այն ինչ կա: Վերոնշյալ անձանց մի մասին դեմքով գիտեմ, բայց կցանկանայի, որ անգամ իրական կյանքում պատահականության սկզբունքով չհանդիպեմ, միայն Պանդուխտին կցանկանայի դեմառդեմ ասել, թե ես ինչ եմ մտածում նրա մասին: Մնացած բոլորին հաջողոթյուն եմ ցանկանում.....--6AND5 (քննարկում) 20:04, 18 Փետրվարի 2015 (UTC)

Հաջողություն, հույս ունեմ, երբ որ վերադառնաս, մարդկանց հետ նորմալ խոսալ սովորած կլինես ու հետապնդման վախեր չես ունենա: Հույս ունեմ նաև, որ հիմա վերջնականապես ես գնում, թե չէ քո գրածները էլի վիքիէթիկետի կոպիտ խախտումներ են: Ինձ թվում է, քո նշած բոլոր մարդկանցից ամենաշատը դու ես թաքցնում այն ինչ կաս: Ու գիտես դե, որ ես էլ քեզ դեմքով գիտեմ :) --Դավիթ () 20:15, 18 Փետրվարի 2015 (UTC)
Հաջողություն, հույս ունեմ՝ առհասարակ չես վերադառնա, ոչ թե տարիներ անց: Ես քեզ պատասխանեցի քո «անկեղծ շնորհակալության» տեղը 1: Այստեղ կհավելեմ, որ եթե դեմքով չգտնես, կարող ես դիմել Վիքիմեդիա Հայաստան, համ ինձ կտեսնես, համ բոլորին, ում մասին գրել ես:--Հայկ (արաբագետ) 20:25, 18 Փետրվարի 2015 (UTC)

Վիքիհավաքույթ և հայերեն Վիքիպեդիայի 10 ամյակ խմբագրել

Մասնակիցներ, կարելի է համարել, որ երեկ լրացավ Հայերեն Վիքիպեդիայի 10–ամյակը, քանի որ 2005–ի փերտվարի 18–ին առաջին ծավալուն հոդված էր տեղարվել։ Առաջարկում եմ այդ առիթով այս շաբաթ օրը, փետրվարի 21–ին, հավաքվել հին ու բարի ավանդույթի համաձայն Թամանյան արձանի կողմերը, ժամը 19։00–ին։ Ու մի տեղ թեյ/գարեջուր խմել։ Որտեղ կարծում եմ կհականք տեղում, կախված տրամադրությունից ու մասնակիցների քանակից։ Հին ու նոր, ակտիվ և պասիվ Վիքիպեդիացիներին շատ կուզենայի տեսնել։ Նման կլոր առիթ չլիներ, արժեր հավաքվել ու մի քիչ դրական լիցքերով լիցքավորվել։ --Ալեքսեյ a.k.a. Xelgen (քննարկում) 03:02, 19 Փետրվարի 2015 (UTC)

Բնականաբար կլինեմ, ու ցանկալի է, որ բոլոր ակտիվ մասնակիցները լինեն, չէ որ մեր բոլորի օրն է։ --BekoՔննարկում 07:45, 19 Փետրվարի 2015 (UTC)
Եթե մինչ այդ առողջանամ, կգամ։ --SusikMkr (քննարկում) 12:39, 19 Փետրվարի 2015 (UTC)

Ես էլ կգամ:--Դավիթ () 12:44, 19 Փետրվարի 2015 (UTC)

Կաշխատեմ գալ :) --Albero (քննարկում) 13:16, 19 Փետրվարի 2015 (UTC)

Ես նույնպես կգամ։ -- Ջեօ () 17:20, 19 Փետրվարի 2015 (UTC)

Սիրիական միամսյակ խմբագրել

Ողջույն, հարգելի վիքիհամայնք: Մարտի 20-ին սկսելու է Արևելյան Եվրոպայի երկրներին վերաբերող հոդվածների ստեղծումն ու բարելավումը: Առաջարկում եմ մինչ այդ սկսել մեզ բարեկամ երկրի՝ Սիրիային վերաբերող համագործակցություն: 3 օր առաջ սկսել էր կազմվել ծրագիրը, և արդեն գրվեց 73 հոդված: Դրանք պարբերաբար ստուգվում են ու բարելավվում, և դրանց կողքին հայտնվում է «կանաչ թռչնակը»: Նոր ստեղծվելիք հոդվածներին կավելանան նաև հին հոդվածները, որոնք ունեն մշակման կարիք: Բացի այդ, հոդվածների արևմտահայերեն թարգմանումը կօգնի նաև արևմտահայերեն վիքիպեդիային: Մանրամասների համար՝ Վիքիպեդիա:Համագործակցություն/Սիրիական միամսյակ: Շնորհակալություն՝ Հայկ (արաբագետ) 00:14, 21 Փետրվարի 2015 (UTC)

Քեզ շնորհակալություն Հայկ ջան: --Գարդմանահայ (քննարկում) 09:16, 21 Փետրվարի 2015 (UTC)

Ջնջված հոդվածներ խմբագրել

Քննարկումը տեղափոխվել է ադմինիստրատորի տեղեկատախտակ։ -- Ջեօ () 09:50, 22 Փետրվարի 2015 (UTC)

Ղրիմ Ուկրաինա/Ռուսաստան խմբագրել

Այստեղ կատարվող համառորեն հետ շրջումներից հետո հարց է առաջանում. Ղրիմը Ուկրաինա է թե Ռուսաստան: Ոնց ենք մենք անելու մեզ մոտ: Եթե շարժվում ենք ընդհանուր հավասարության տեսանկյունից, ապա ԼՂՀ-ն պետք է դիտարկենք Ադրբեջան: Ինչ կարծիքներ ունեք--Հայկ (արաբագետ) 11:44, 22 Փետրվարի 2015 (UTC)

Անկողմանակալ գրելուց ճիշտը չկա, ոնց որ անգլերենում կամ ռուսերենում։ The status of which is disputed between Ukraine and Russia. It is the administrative centre of the Autonomous Republic of Crimea (in Ukraine) or of the Republic of Crimea (in Russia). Այսպես նշել երկու ձևն էլ։ --BekoՔննարկում 11:53, 22 Փետրվարի 2015 (UTC)
Ես նույնպես համաձայն եմ Բեքոյի հետ։ Առկա երկու տեսակետներն էլ պետք է հոդվածում ներառել։ --Ջեօ () 12:02, 22 Փետրվարի 2015 (UTC)
Բայց կաղապարների ու կատեգորիաներ հարց էլ կա, հիմնականում դա ի նկատի ունեի--Հայկ (արաբագետ) 12:06, 22 Փետրվարի 2015 (UTC)
ԻՄՀԿ այս և նման դեպքերումում երկուսն էլ պետք է ցույց տալ։ Օրինակ Լիանկուր։ Հերթականությունը առաջինը սկզբից նոր հետո հին իրավիճակ։ Գույներում նախընտրելի է ներկա իրավիճակը։ - Kareyac (քննարկում) 12:33, 22 Փետրվարի 2015 (UTC)
Շնորհակալություն, Kareyac ջան--Հայկ (արաբագետ) 12:35, 22 Փետրվարի 2015 (UTC)
Իմ կարծիքով Արցախի պարագան այլ է հաշվի առնելով բազմաթիվ գործոններ: Իսկ Ղրիմի դեպքում պետք է գրվի երկու տարբերակն էլ, այսինքն ՝ 1.Ղրիմը միջազգային իրավունքի տեսանկյունից համարվում է Ուկրաինայի տարածք, իսկ փաստացի գտնվում է ռուսական բանակի վերահսկողության տակ:--Գարդմանահայ (քննարկում) 16:23, 22 Փետրվարի 2015 (UTC)

[2] ?--Հայկ (արաբագետ) 17:06, 22 Փետրվարի 2015 (UTC)

Այո, ճիշտ տարբերակ է։ --BekoՔննարկում 17:14, 22 Փետրվարի 2015 (UTC)
Իմ կարծիքով վիճելի բառը տվյալ պարագայում ոչ տեղին է, որովհետև փաստացի Ղրիմը համարվում է բռնզավթված (օկուպացված) տարածք: Առաջարկում եմ գրել Ղրիմը որպես Ուկրաինայի տարածք, իսկ փակագծերում կամ մեկ այլ ձևով նշել, որ այն այժմ գտնվում է ՌԴ ԶՈՒ վերահսկողության ներքո և ՌԴ պետդումայի կողմից ճանաչվել է որպես ՌԴ մաս: Չնայած գրեթե նույն բանն է ստացվում, բայց իմ կարծիքով այսպես ավելի հստակ է ներկայացվում իրավիճակը:--Գարդմանահայ (քննարկում) 18:34, 22 Փետրվարի 2015 (UTC)
Հայկի տարբերակը ճիշտ է, շնորհակալություն Հայկ ջան։ - Kareyac (քննարկում) 18:39, 22 Փետրվարի 2015 (UTC)
Գարդմանահայ ջան, ես էլ եմ կարծում, որ Հայկի տարբերակն ամենահարմարն է, որովհետև այն ներկայացնում է չոր ու չեզոք տեսակետ։ Իսկ «բռնազավթած» նշելու դեպքում մենք ընթերցողներին արդեն տրամադրում ենք։ Իհարկե, կարելի է հոդվածում (ոչ տեղեկաքարտում և կաղապարներում) այդ բառն օգտագործել, միայն թե նշելով, թե որ կառույցն է օկուպացրած համարում, որը՝ ոչ։ --Ջեօ () 18:54, 22 Փետրվարի 2015 (UTC)
Ես Ղրիմը բբռնազավթած չեմ համարում, ու դա իմ Ռուսաստանում սովորելու հետ ոչ մի կապ չունի  : Ղրիմում ճնշող մեծամասնությունը ռուսներ են, ովքեր չեն ցանկանում ապրել Ուկրաինայի կազմում: Բայց քանի որ պատմաաշխարհագրական ու ռազմաքաղաքական տեսանկյուններից այս հարցը ստանում է այլ բնույթ, իմ տեսակետը՝ այն է՝ Ղրիմը Ռուսաստան համարելը, վիքիպեդիայում չեմ ուզում թողնել:--Հայկ (արաբագետ) 19:07, 22 Փետրվարի 2015 (UTC)
Ջէօ ջան, ես չասեցի գրենք «բռնազավթված»: Իմ գրածը հարկավոր է ուշադիր կարդալ:--Գարդմանահայ (քննարկում) 19:13, 22 Փետրվարի 2015 (UTC)
Թող այնպիսի տպավորություն չստեղծվի, թե իբր ես էլ Ուկրաինայի ջատագով եմ, ինձ համար միևնույն է Ուկրաինա կլինի, թե ՌԴ կամ էլ Մոզամբիկ ;))--Գարդմանահայ (քննարկում) 19:13, 22 Փետրվարի 2015 (UTC)

Ամառային Վիքիճամբար 2015 խմբագրել

Ողջույն, հարգելի մասնակիցներ։ Վիքիմեդիա Հայաստանը Վիքիմեդիա Հիմնադրամի աջակցությամբ 14-20 տարեկան ներկա և ապագա վիքի խմբագիրների համար ցանկանում է կազմակերպել Վիքի ճամբար երկու հերթափոխով՝ հունիսի 21-հուլիսի 4-ը և օգոստոսի 16-29-ը։ --Լիլիթ (քննարկում) 09:01, 23 Փետրվարի 2015 (UTC)

Ոչինչ չլուսաբանող լուսանկարներ խմբագրել

Հարգելի համայնք, հայերեն Վիքիպեդիայում բեռնվում են ոչ ազատ լուսանկարներ, օրինակ սա՝ Պատկեր:Հասսան իբն Սաբիթ.jpg, որոնք ըստ պիտակի հոդվածը լուսաբանելու համար են։ Իրականում այս տիպի նկարները հոդվածի հերոսին չեն կարող լուսաբանել կամ ներկայացնել, քանի որ կոնկրետ անձի նկար չեն, այլ միայն նկարչի երևակայության արդյունքը։ Լինում են դեպքեր, երբ երևակայությամբ ստեղծված դիմանկարը սկսում է նոր սերունդների մոտ ասոցացվել կերպարի հետ, բայց դրանք բացառիկ են։ Առաջարկում եմ պատահական կայքերից վերցրած, ոչինչ չլուսաբանող լուսանկարները ջնջել, մանավանդ, որ ազատ չեն։ Կարծիքներ կա՞ն։ --BekoՔննարկում 06:47, 28 Փետրվարի 2015 (UTC)

Բեքո ջան, ես դեմ եմ: Ես գիտեմ, որ այն ժամանակ մարդկանց նկարելն արգելվում էր, բայց այնուամենայնիվ, նկարներ են: Նույն տրամաբանությամբ՝ միջնադարի հայ գործիչների նկարներն էլ, թագավորների, իշխանների, մշակույթի գործիչների, նկարված չեն, բայց դրված են դասագրքերում: Բացի այդ, նկարը ավելի է պատկերավոր դարձնում հոդվածը--Հայկ (արաբագետ) 07:39, 28 Փետրվարի 2015 (UTC)
Կոնկրետ այս պատկերը օգտագործվում է այնպես, որ տպավորություն է ստեղծվում, որ իրական մարդու հետ կապ ունի և ոչ թե զուտ երևակայական է։ Այս նկարը կդնեյի առանձին, տեղեկաքարտից դուրս և պատրադիր կգրեյի «Ժամանակակից նկարչի պատկերացում Հասսան իբն Սաբիթի մասին», _եթե_ պատկերը ազատ լիներ։ Իսկ քանի որ ազատ չի, ես չեմ կարծում իրավական տեսակետից դրա գործածումը բավարար հիմնավորված է։ Չէ որ նկարելու հմտություն ունեցող մասնակից, կարող է նման մի արևելյան կերպար նկարել, ազատ թողարկել և այն հանրագիտարանային արժեքով չի զիջի այս նկարին։ --Ալեքսեյ a.k.a. Xelgen (քննարկում) 01:08, 3 Մարտի 2015 (UTC)[reply]
մի անգամ նման քննարկում ունեցել ենք Հայկ -ի հետ։ --ERJANIK քննարկում: 06:23, 3 Մարտի 2015 (UTC)[reply]
Ունեցել ենք, բայց առանց որևէ արդյունքի ավարտվել է քննարկումը, դա երևում է հենց այդ հղման մեջ--Հայկ (արաբագետ) 09:03, 3 Մարտի 2015 (UTC)[reply]
Վերևի հղումում ես տեսնում եմ, որ եկանք համաձայնության։ Համաձայնությունից այն կողմ ի՞նչ արդյունք է ակնկալվում քննարկումից։ --Ալեքսեյ a.k.a. Xelgen (քննարկում) 03:00, 4 Մարտի 2015 (UTC)[reply]
Հղումից՝ Իսկ արաբների ու միջնադարի մարդկանց պահով ինչ կասես Ալեքսեյ--Հայկ (արաբագետ) 14:14, 4 Մարտի 2015 (UTC)[reply]
Հայկ չէի հասկացել գրածդ, ճիշտն ասած, միայն հիմա բեռնումներդ ստուգեցի, հասկացա ինչի մասին էր հարցը։ Նույնը գրածներս իրանց են վերաբերվում։ Ով ծանոթ, երիտասարդ նկարիչ–պատկեազարդողներ ճանաչում է կարելի է առաջարկել նկարեն, ազատ թողարկեն, լավ պորտֆոլիոյի նմուշներ կլինեն և հայտնի դառնալու միջոց (ցավոք քչերը դա կգիտակցեն)։ Նման պատկերների պատրաստի ազատ աղբյուր կարող են հանդիսանալ հին, հասարակական սեփականություն դարձած կտավները, մատյանները, արձանները։ Ժամանակակիցներից մետաղա և թղթադրամը, նամանակիշները, որոնք շատ երկրներում ՀԻ օբյեկտ չեն։ Սա իրավական տեսակետից, բայց տեղեկաքարտում կարծում եմ չարժի, այդ պատկերները որպես հիմնական պատկեր օգտագործել, եթե բնօրինակից նկարված չեն իհարկե։ Վերջին հարցը, արդեն մեր քննարկելով-որոշելով է։--Ալեքսեյ a.k.a. Xelgen (քննարկում) 17:41, 6 Մարտի 2015 (UTC)[reply]