Վիքիպեդիա:Խորհրդարան/Արխիվ/Մայիս 2014

No one needs free knowledge in Esperanto խմբագրել

There is a current discussion on German Wikipedia on a decision of Asaf Bartov, Head of WMF Grants and Global South Partnerships, Wikimedia Foundation, who rejected a request for funding a proposal from wikipedians from eowiki one year ago with the explanation the existence, cultivation, and growth of the Esperanto Wikipedia does not advance our educational mission. No one needs free knowledge in Esperanto. On meta there has also started a discussion about that decision. --Holder (քննարկում) 10։06, 5 Մայիսի 2014 (UTC)

Ֆրանսիայի վարչական բաժանում խմբագրել

Ժողովուրդ, ո՞վ գիտի Ֆրանսիայի վարչական բաժանման ամենամեծ միավորը Région-ը հայերեն երկրամաս է, թե շրջան։ Մեր Վիքիպեդիայում երկու ձևով էլ օգտագործված է։ Մնացածը ըստ հերթականության՝ դեպարտամենտ, օկրուգ, կանտոն, կոմունա (համայնք)։ Վերջինն էլ թեթև կասկածի տեղիք է տալիս, թեև հակված եմ կոմունային։ Կարծիքներ կա՞ն։--Beko (քննարկում) 20։34, 5 Մայիսի 2014 (UTC)

ՀՍՀ-ում այդ հասկացությունն առհասարակ չկա. այնտեղ ամենամեծը դեպարտամենտն է: Նոր հանրագիտարաններից «Դպրոցական մեծ հանրագիտարանում» գտա: Գրված է՝ տարածաշրջան:--23artashes (քննարկում) 08:00, 6 Մայիսի 2014 (UTC)[reply]

Խնդրում եմ ստուգել տեքստը; Ավետիսյան Հրանտ Լեւոնի 1911 թվ. ծնվ. խմբագրել

Հրանտ Լեւոնի Ավետիսյան (1911 թվ. Ախալքալաք - 19 ապրիլի, 1945 թվ. Լեհաստան, Ցիբինկա) - ավագ սերժանտ, Հայրենական Մեծ պատերազմի մասնակից, Հայկական 89-րդ Թամանյան կարմրադրոշ, Կուտուզովի II աստիճանի շքանշանակիր հրաձգային դիվիզիայի, 526-րդ հրաձգային գնդի, 3-րդ գնդացիրային վաշտի ջոկի հրամանատարի տեղակալ (заместитель командир отделения), Փառքի III աստիճանի շքանշանի ասպետ։

Փաստաթղթեր խմբագրել

1. էջ 1 հրաման՝ "Արիության համար" մեդալ]; (18.10.1943)]

1. էջ 2, N7 "Արիության համար" մեդալ; (18.10.1943)

2. էջ 1 հրաման՝ "Արիության համար" մեդալ; (29.02.1944)

2. էջ 2, N8 "Արիության համար" մեդալ; (29.02.1944)

3. Պարգեւատրման թուղթ (Наградной лист) Հայրենական պատերազմի II աստիճանի շքանշան; (13.06.1944)

3. (հատված) պարգեւատրման թուղթ (Наградной лист) Հայրենական պատերազմի II աստիճանի շքանշան; (13.06.1944)

4. էջ 1 հրաման՝ Փառքի III աստիճանի շքանշան; (06.07.1944)

4. էջ 2, N6 Փառքի III աստիճանի շքանշան; (06.07.1944)

Ես առաջին անգամ եմ Վիքիպեդիայում։ Տեղեկությունները նոր են ի հայտ եկել։ Տեքստը ամբողջովին վերցրել եմ փաստաթղթերից, որոնք ռուսերեն են։ Խնդրում եմ ստուգել իմ թարգմանած տեքստը։ Կարո՞ղ եմ այստեղ տեղադրել , որպեսզի, եթե հնարավոր է, նախորոք խմբագրեք։-- Armenavag (քննարկում) 14։49, 9 Մայիսի 2014 (UTC)

Armenavag, տվյալ հոդվածը այստեղ է:--Գարդմանահայ (քննարկում) 08:11, 10 Մայիսի 2014 (UTC)[reply]

Ես դեռ տեքստը չեմ տեղադրել, ձեր նշած էջում հիմա կավելացնեմ... Armenavag (քննարկում) 08:51, 10 Մայիսի 2014 (UTC)[reply]

Ձուլման ենթակա հոդվածներ խմբագրել

Ողջո՜ւյն, հարգելի վիքիհամայնք։ Մենք ունենք 83 ձուլման ենթակա հոդվածներ։ Դրանց ցանկը համագործակցության նախագծի տեսքով արդեն պատրաստ է, որը կհեշտացնի մեր աշխատանքը։ Առաջարկում եմ սկսել համագործակցությունը, որպեսզի կրկնօրինակ հոդվածներից գոնե այժմ ձերբազատվենք։ Ի՞նչ կասեք։ --Լիլիթ (քննարկում) 12։57, 10 Մայիսի 2014 (UTC)

Հ․ Գ․ Նախքան ձուլելը կան որոշ հոդվածներ, որ քննարկման կարիք ունեն․․․ սա ուղղակի որպես դիտարկում։ --Լիլիթ (քննարկում) 12։59, 10 Մայիսի 2014 (UTC)

Լիլիթ ջան, քննարկման կարիք ունեցողների կողքին, «Լրացուցիչ նշումներ» սյունակում, կարելի է նշում անել: --23artashes (քննարկում) 13:22, 10 Մայիսի 2014 (UTC)[reply]

Ադմինի նոր թեկնածու խմբագրել

Ողջո՜ւյն, ցանկանում եմ տեղեկացնել, որ ունենք ադմինի նոր թեկնածու։ Շնորհակալություն --Լիլիթ (քննարկում) 19։14, 15 Մայիսի 2014 (UTC)

Ինչպիսի՞ արժանիքներ ունենալու դեպքում է անձը «արժանանում» հոդվածի խմբագրել

Ողջույն հարգելի վիքիհամայնք։ Անձի մասին հոդված կարդալիս ինձ մոտ երբեմն հարց է առաջանում, արդյո՞ք տվյալ անձը արժանի է հանրագիտարանում ունենալ իր մասին հոդված, թե՞ ոչ։ Մի կողմից լավ է, որ շատ հոդվածներ ենք ունենում, բայց մյուս կոմղմից էլ շատանում են գովազդային կամ գովասանք պարունակող հոդվածները։ Արդյո՞ք յուրաքանչյուր մարդ կարող է իր մասին հոդված ունենալ, թե այդ «հաճույքից» կարող են օգտվել միայն այսպես ասած «արժանիները»։ Օրինակ Ալեն Սիմոնյանը ի՞նչ արժանիք ունի, որը հանրագիտարանում իր մասին հոդված ունենալու հնարավորություն ընձեռվի. հետո՞ ինչ, որ մի քանի հաղորդում է վարել, մեկ-մեկ քաղաքական ցույցերի է մասնակցել ու ֆեյսբուքում բազմաթիվ «ստատուսներ» գրել։ Եթե վերջին թվարկվածները չափանիշ են, ապա նույն տրամաբանությամբ X թաղամասի այսպես ասած թաղային հեղինակություն Տապոռիկը կարող է արժանանալ հոդվածի, այն էլ՝ ծավալուն։ Խնդրում եմ չկենտրոնանալ Ալեն Սիմոնյանին նվիրված հոդվածի վրա, այլ արտահայտվել խնդրի բուն թեմային։--Գարդմանահայ (քննարկում) 20։12, 15 Մայիսի 2014 (UTC)

Գարդմանահայ ջան, մենք ունենք Ապրող անձանց կենսագրությունների կանոնակարգ, իհարկե ամբողջական չէ, կարող ես նայել նաև մյուս վիքիներինը։ Համաձայն եմ, որ գնալով ավելանում են իրենք իրենց մասին գրող անձինք կամ կազմակերպությունները, կայքերը և գտնում եմ, որ այդ իսկ պատճառով պետք է կարգի բերվեն առաջին հերթին կանոնակարգերը և հստակ սահմանվեն կետեր, թե որ դեպքում կարող է հոդվածը մնալ (օրինակ՝ x քանակությամբ ինտերնետային հղում և այլն)։ --Լիլիթ (քննարկում) 20:46, 15 Մայիսի 2014 (UTC)[reply]

Շնորհակալություն տեղեկատվության համար։--Գարդմանահայ (քննարկում) 17:07, 16 Մայիսի 2014 (UTC)[reply]

Աղբյուրներ և ապատեղեկատվություն խմբագրել

Հարգելի վիքիհամայնք, արդեն երկար ժամանակ է, ինչ իմ կողմից նկատվում է մի գործընթաց, որի շրջանակներում Հայերեն Վիքիպեդիան «լցվում է» ապատեղեկատվությամբ։ Ուշադիր եղե՛ք և եթե կասկածում եք, ապա քննարկեք համապատասխան հարթակում։ Պարզաբանեմ ասածս․

ՀՍՀ–ից Հայերեն Վիքիպեդիա հոդվածներ տեղափոխելիս առնվազն մեկ անգամ ուշադիր կարդացեք տվյալ հոդվածը, որպեսզի չեզոքացնեք խորհրդային քարոզչամեքենայի ազդեցությունը։ Թե չէ կարդում ես «Կարմիր բանակը խորհրդային կարգեր հաստատեց Հայաստանում՝ հայերին ազատելով բռնատիրությունից»։ Լավ է, որ մի հատ էլ չենք գրում այդ «անիծյալ Նժդեհը», որ պայքարում էր «ազատության ռահվիրա» հանդիսացող Կարմիր բանակի դեմ։ Կամ մեկ այլ օրինակ՝ «Պողոս Պողոսյանը մասնակցել է Հայրենական պատերազմին»։ Այ քեզ բա՜՜՜՜՜ն։ Ի՞նչ հայրենական պատերազմ, գրե՛ք Երկրորդ համաշխարհային պատերազմ։ Մի ուրիշ օրինակ՝ «Մեր հայրենիքը (նկատի ունի ԽՍՀՄ–ը) տիեզերագնացության ոլորտում ջախջախեց արևմտյան իմպերիալիստներին»։ ԺՈՂՈՎՈ՛ՒՐԴ, մենք «ՀՀ քաղաքացիներս» ապրում ենք (հայ ենք, թեկուզ ապրում ենք այլ երկրներում) Հայաստանի Հանրապետությունում և այս է մեր երկիրը, այլ ոչ թե ԽՍՀՄ–ը։ Չնայած ՀՀ–ն եղել է ԽՍՀՄ կազմում, բայց ԽՍՀՄ–ի իրավահաջորդը ՌԴ–ն է։ Այնպես որ․․․։ Եթե ԽՍՀՄ տարիներին այսպես ասած «քառասուն թիվը» հայրենական պատերազմ էր ԽՍՀՄ–ի հայերի համար, ապա հիմա ինչու՞ ենք մենք Երկրորդ համաշխարհային պատերազմի (ԽՍՀՄ–ի կռվի մեջ մտնելուց հետո․․․) անվանում Հայերենական։ Որևէ մեկը կարող է ասել, թե ինչու՞ է դա մեզ համար հայրենական։ Ընդամենը պետք է գրենք Երկրորդ համաշխարհային պատերազմ։ Հայրենական համարվում է ԽՍՀՄ–ի իշխող պետության համար, այսինքն՝ ՌՍՖՍՌ–ի, այսինքն՝ ռուսների։ Կամ ի՞նչ է նշանակում իմպերիալիստները գրավեցին Երևանը (նկատի ունի Երևանում տեղի ունեցած հակահեղափոխությունը), իսկ ՍՐԲԱԶԱՆ ԵՎ ՀԶՈՐ Կարմիր բանակը ազատագրեց։ Մենք էլ այդպիսի նախադասություններն էլ վերցնում ենք ու «էշ–էշ» նույնությամբ գրում։ Վերջին նախադասությունը վիրավորանք չընդունեք։
Հայոց պատմությանն առնչվող հոդվածներ գրելիս մի հենվեք միայն վերջին 200-250 տարում շրջանառության մեջ մտցված թեզիսներից, որոնք գրվել են ըստ պատվերի կամ պետք չի միայն հենվել այսպես ասած դասական պատմության վրա։ Կարդում ես Հայոց պատմության հոդվածներից․ «Քրիստոնեությունը պետական կրոն ընդունելուց հետո Հայաստանում վերացվեց խավարը․․․»։ Այ քեզ բան, այ քեզ տգիտություն։ Հա բա էլ ի՞նչ ասեմ։ Լավ ինձ՝ քրիստոնյայիս համար սա հաճելի է կարդալ, բայց այդպես չէ ձևը։ Մի այլ տեղ․ «Մեսրոպ Մաշտոցը Ստեղծեց հայոց այբուբենը․․․»։ Հա հասկացանք, ստեղծեց, լավ արեց։ Քրիստոնեական Հայաստանին երբեք ձեռնտու չի եղել, որ հայերը իմանային իրենց նախաքրիստոնեական անցյալը, քանզի (մեր) Հայ Առաքելական եկեղեցին ստիպված կլիներ շատ հարցերի պատասխաններ տալ։ Օրինակ այն, թե ինչու Քրիստոսը քրիստոնեությունը տարածում էր բացառապես առանց այլոց հանդեպ բռնության (չհաշված տաճարում վաճառականների սեղանները ջարդելը), իսկ Գրիգոր Լուսավորիչը՝ մշակութային և հոգևոր ցեղասպանությամբ, մարդկայինն էլ վրԵն (եղբայրական պատերազմները)։ Հա, բայց մի փոքր կարելի է չէ այլ կարծին էլ գրել կամ եթե չեք գրում, ապա ուրիշի գրածը սվիններով մի ընդունեք։ Պատճառաբանությունը գիտե՞ք, որն է․․․ օրինակներ (այսպես ասած հղումներ) ես բերում, որ Մեսրոպ Մաշտոցը ոչ թե ստեղծել է, այլ վերականգնել է, մեկ էլ, հո՛պ, հարցակվում են՝ «Բա խի՞ ես Մեսրոպ Մաշտոցին քցում, կարաս համացանցում հասանելի փաստեր ներկայացնես»։ Այ քեզ բան։ Լավ է մի հատ էլ Սասունցի Դավթի էպոսի նախնական տարբերակի համար չեն ուզում էլեկտրոնային հղում։ Կամ մեկ այլ հոդվածում մեջբերում են վա՜՜՜յ պատմաբան Ռիչարդ Հովհաննիսյանի հեղինակած գրքից նախադասություններ։ Դե միանգամից Հայերը հոդվածում գրեք, որ մենք ոչ թե բնիկ ենք, այլ քոչվոր։ Բա ինչի՞ չեք գրում, էտ «համաշխաարհային մասշտաբի պատմաբանը» հենց դա է պնդում։ Մի խոսքով միայն գրելով չի էլի․․․։
Վերջերս նաև շատացել է Ադրբեջաներեն Վիքիպեդիայից կամ ադրբեջանական քարոզչամեքենայի ազդեցության աղբյուրներից տեղեկատվության ներհոսքը Հայերեն Վիքիպեդիա։ Լավա Արմենիա․ազ կայքից չեք օգտվում։ Հաճախ հանդիպում է նաև հարակից երկրի վիքիպեդիայից վերցված պատկերների կիրառություն մեզ մոտ։ Մի հատ էլ ես այստեղ տեղադրեմ, պետք կգա էլի, օգտագործեք՝ (աղջիկներ ջան կներեք նկարի համար, դուք մի նայեք)։ Մի այլ մտահոգություն․ մարդավարի ներկայացվում է, որ «Թովուզը հայկական Տավուշ քաղաքի թուրքական անվանումն է, եկեք օգտագործենք հայկական անվանումը, ինչպես օրինակ Գանձակի դեպքում»։ Բայց չէ մի երկու տարի պետք է, որ տվյալ քննարկումը ձգձգվի։ Որոշ մարդկանց գրավոր փաստեր են պետք։ Դե կներեք էլի որ խեղջ Պանդուխտը չի մասնակցել քաղաքի անվան թուրքականացմանը ու տեսախցիկով չի «հավերժացրել»։
Արցախի Հանրապետությո՞ւն, թե՞ Լեռնային Խարաբաղի Հանրապետություն (քննարկումը տես խորհրդարանում)։ Նստել ենք ինչ ենք քննարկում։ Կարծես ամենաբարդ հարցը հենց դա է։ Հոդված ես կարդում, գրված է․ «․․․գտնվում է ԼՂ Կովսական քաղաքից հյուսիս»։ Մի անհամեստ հարց էլի, էտ «ԼՂ»–ն ինչ է։ Դա նույնն է, թե գրենք․ «Հայաստանի Հանրապետության մայրաքաղաքը Ե–ն է»։ Խորհուրդ եմ տալիս, այսուհետ բացառել ԼՂՀ (Արցախի Հանրապետության Սահմանադրությունում չկա գրված, որ ԼՂՀ–ն տվյալ պետության անվանումն է), Լեռնային Ղարաբաղ (դա նույնպես անհասկանալի է և անընդունելի), Լեռնային Ղարաբաղի Հանրապետություն (ինչու թուրքականը, եթե կա հայկական Արցախի Հանրապետությունը) անվանումներից։--Գարդմանահայ (քննարկում) 08։21, 19 Մայիսի 2014 (UTC)

Գարդմանահայ ջան, կպատասխանեմ, սակայն հակիրճ․

ՀՍՀ-ից հոդվածներ գրելիս միանշանակ համաձայն եմ, որ պետք է կարդալ և ոչ թե փակ աչքերով տեղափոխել։ Հայրենական Մեծ պատերազմի փոխարեն միայն Երկրորդ համաշխարհային պատերազմ օգտագործելուն դեմ եմ։ Նախ քանի որ եթե Պողոս Պողոսյանի համար դա եղել է Հայրենական պատերազմ, ապա ինչու չգրել այդպես և երկրորդ՝ ես չեմ կարող և ցանկություն էլ չունեմ (ճիշտ էլ չէ) ստիպել խմբագիրներին՝ օգտագործել միայն այս կամ այն տարբերակը։
Երկրորդ կետի մասին թող խոսեն մասնագետները։
Ես ինքս չեմ նկատել ադրբեջանամետ տեղեկատվության ներհոսք մեր վիքիպեդիա։
Իմ կարծիքը ԼՂՀ-ի և Արցախի Հանրապետության մասին արդեն բազմիցս հայտնել եմ։ ՉԵՆՔ ԿԱՐՈՂ ՈՐԵՎԷ ԽՄԲԱԳՐԻ ՍՏԻՊԵԼ՝ ՕԳՏԱԳՈՐԾԵԼ ԼՂՀ ԿԱՄ ԱՐՑԱԽԻ ՀԱՆՐԱՊԵՏՈՒԹՅՈՒՆ։ Ես ինքս օգտագործում եմ ԼՂՀ և ի՞նչ, պետք է ինձ ստիպես, արգելե՞ս օգտագործել այն։ Կարծում եմ այս հարցն այնքան քննարկվեց, որ արդեն սպառել է իրեն․ յուրաքանչյուր ոք ինքն է որոշում, թե որ տարբերակը պետք է օգտագործի։ Եթե հոդվածը ստեղծվելիս գրվել է ԼՂՀ, ապա այդպես էլ մնում է, եթե մասնակիցը նոր հոդված է ստեղծում, ապա օգտագործում է այն տարբերակը, որն ինքն է ցանկանում։ Եվ մի բան էլ․ եթե Ազգային Ժողովի շենքի վրա մեծ տառերով գրված է ԼՂՀ Ազգային Ժողով, ապա ես ինչո՞ւ պետք է օգտագործեմ միայն ու միայն Արցախի Հանրապետություն (հարցս հռետորական էր)․․․ --Լիլիթ (քննարկում) 09։16, 19 Մայիսի 2014 (UTC)

Դադարեցրեք այդ պսևդոհայրենասիրությունը։ Պիտի կարողանալ հարգել սեփական անցյալը, հատկապես եթե այն մեր ամենափառավոր էջերից է։ «Կարմիր բանակը խորհրդային կարգեր հաստատեց Հայաստանում՝ հայերին ազատելով բռնատիրությունից», չգիտեմ ում համար ինչպես, բայց ինձ համար դա մոտ է իրականությանը։ Իսկ Հայրենական Մեծ Պատերազմը եղել է, կա ու կլինի Հայրենական Մեծ Պատերազմ բոլոր նրանց համար, ովքեր դրան մասնակցել են ԲԳԿԲ-ի կազմում, ինչպես նաև մեզ համար, քանզի ՀՀ-ն ՀԽՍՀ իրավահաջորդն է։ Իսկ իմպերիալիստների մասով՝ տպավորությունն այնպիսին է, որ դուք եք ընկել արևմուտքի և արևմտյան իմպերիալիզմի քարոզչության ճիրանները։ Իսկ ԼՂՀ-ի մասով՝ ես էլ հաճույքով կգրեի Փղոսկրի Ափ, բայց եթե տվյալ պետությունը պաշտոնապես իրեն անվանում է Կոտ դ՛Իվուար և պահանջում է չթարգմանել, ուրեմն այդպես է պիտի լինի։ Կարեն Վարդանյան (քննարկում) 20։14, 19 Մայիսի 2014 (UTC)

Կարեն Վարդանյան, նախքան ինձ մեղադրելով «պսևդոհայրենասիրության» մեջ, փոքր ինչ ինձ ճանաչեք։ Նախքան ինձ արևմտյան քարոզչության ճիրաններ ուղղարկելը հարցրեք իմ կարծիքը Արևմուտքի և մասնավորապես, այդ քարոզչամեքենայի նկատմամբ։ «Կարմիր բանակը ազատագրեց Հայաստանը»․ մի՞թե այս նախադասությունը դավաճանություն չէ։ Եվ ումից ազատեց, ասենք Նժդեհից հա՞։ Կներեք․ մոռացել էի, որ Նժդեհը «ֆաշիստ և խորհրդային ՍՐԲԱԶՆԱԳՈՒՅՆ կարգերի դեմ պայքարող ճղճիմ ու անցանկալի տարր է»։ Եվ ընդհանրապես, հարգելի Կարեն, Ձեր մեկնաբանությունը (ռեպլիկը) իմ գրածին նման է այն երևույթին, երբ որևէ մեկը Ռուսաստանին մեղադրում է բռնապետության և ժողովուրդներին ստրկացնելու մեջ, միանգամից ռուսամետները հիշեցնում են արևմտյան երկրների, մասնավորապես, ԱՄՆ–ի կատարած նմանատիպ հանցանքները։ Կամ որ երկու ընկեր զրուցում են, մեկը մյուսին հարցնում է, թե ինչու՞ չես ամուսնանում, էն մյուսն էլ հակադարձում է․ «Բա դու ինչի՞ չես հակադարձում»։ Ինչպես այս օրինակում քննարկումը առաջին երիտասարդի մասին էր, այնպես էլ տվյալ քննարկումը՝ Ռուսաստանի (եթե իհարկե, կարելի է այդպես համարել)։ Ու ընդհանրապես,եթե ընկալեիք իմ գրածի իմաստը, ապա ինձ չէիք մեղադրի արևմտամետության մեջ։ Այս քննարկման ընթացքում ես ինձ համար բացահայտեցի ևս մեկ «ռուսասերի»․ Հայերեն Վիքիպեդիայի շրջանակներում հետագա քննարկումներում և աշխատանքներում պետք կգա էլի, երևի․․․։ Ինչ վերաբերում է Արցախ ու Ղարաբաղ անվանումներին, ապա Ձեզ համար միգուցե օգտակար կլինի Արցախի Հանրապետության Սահմանադրությունը կարդալը։ ԵՎ ՎԵՐՋՈՒՄ կամ ինչպես ֆեյսբուքահայ օգտատերերից շատերն են գրում՝ Հ․Գ․ ես, ի տարբերություն Ձեզ, հայակենտրոն եմ (Կարմիր բանակին հայերի ազատարար անվանողը չի կարող հայակենտրոն լինել․ արդեն գրել եմ մեկ օրինակ, թե ինչու), այլ ոչ թե ռուսամետ, իրանամետ, արևմտամետ (եվրոպամետ, ԱՄՆ–ի սիրահար) և այլն։ Մնաք բարով, և կեցցե՜՜՜ Նժդեհը, որ հարյուրավոր, միգուցե նաև հազարավոր կարմիրբանակայինի ոչնչացրեց, ինչի շնորհիվ այսօր մեր երկրի տարածքը այնպիսին է, ինչպիսին, որ կա։--Գարդմանահայ (քննարկում) 08:26, 20 Մայիսի 2014 (UTC)[reply]

հարգելի մասնակիցներ, խնդրում եմ հնարավորինս զերծ մնացեք անձնական զգացմունքները արտահայտելուց, բարձրացված հարցերը պետք է դասակարգել, կոնկրետ գրեք կոնկրետ հոդվածներում ու փորձենք ուղղել ԽՍՀՄ-ից մնացած այսպես ասած «հուզական» մասերը հոդվածներից, կան իհարկե նման նյութեր ՀՍՀ-ում ու որոնք երբեմն ոչ փորձառու մասնակիցների կողմից ուղղակի դառնում են հոդված, համախմբվենք, փորձենք շտկել ու ուշադիր լինել, սա է էականը, թե չէ նման քննարկումներից վեճ դառնալը կես քայլ է, թող այդ քայլը չարվի, մյուս հարցերում էլ նմանապես, թող որ փոխադարձ հարգանքը մեկմեկու կարծիքների նկատմամբ լինի առաջնահերթ, վերջապես եկեք ժամանակներս ավելի գրագետ, հայեցի ու հանրագիտարանային աշխատանքների վրա ծախսենք, հարգանքներով՝ --ERJANIK քննարկում: 10:37, 20 Մայիսի 2014 (UTC)[reply]

Ողջույն բոլորին: Ես վերջերս շատ մի հետաքրքիր բան իմացա: Եթե բացեք Չելեպյանի «Զորավար Անդրանիկ» գրքի 321-րդ էջը, ապա կտեսնեք, որ Չելեպյանը հղում տալով Վրացյանին, գրում է, որ Անաստաս Միկոյանը ժամանակին Անդրանիկի ձեռի համը զգալուց (այսինքն, ապտակ կամ թարս թաթալոշ, ՃՃՃ) հետո է հեռացել կամավորական խմբից ու գնացել դառել հետո բոլշևիկ...--6AND5 (քննարկում) 19:19, 20 Մայիսի 2014 (UTC)[reply]

Բարև Ձեզ, վիքի պեդիայի հարգ արժան ադմին ներ։ Ինձ թվում է՝ այս և այլ կարգի խնդիրների ժամանակը վաղուց է եկել։ Ժամանակն է վիրավորանքներով, անբարոյական նկարներով ու գերզգացմունքայի կոչերով լի խոսքերին ուշադրություն դարձնել ըստ արժանվույն։ Սովորաբար դրա համար պատասխան են պահանջում։ Հարգելի Գարդմանահայ, նախքան քո առաջ քաշած խնդիրներին հատ–հատ արձագանքելը, մի քանի բան ասեմ։

Նախ՝ բանավեճի մասին։ Բանավիճել՝ նշանակում է անել երեք գործողություն՝ մինչև վերջ լսել դիմացինին, առանց ընդհատելու, երկրորդ՝ խոսքը ձևակերպել հնարավորինս համոզիչ՝ փաստերով ու հղումներով լեցուն, ու երրորդ՝ անկախ արդյունքից, իհարկե ցանկալի է լինի հօգուտ քեզ, բայց ստանաս նոր գիտելիքներ։ Ձեր մոտ չի պահպանվում ոչ մի կետ՝ նախ բազմիցս չեք թողել, որ խմբագիրը մինչև վերջ ավարտի աշխատանքը, երկրորդ՝ հղումների հարցում խիստ թույլ եք, եթե ոչ՝ ուղղակի չեք անում, և երրորդ՝ իմ կարծիքով որևէ նոր գիտելիք չեք ստանում, այլ մնում եք Ձեր անհիմն փաստարկների վրա։ Դրանով բանավեճը դարձնում եք լեզվակռիվ՝ փորձելով պարտադիր կերպով ասել վերջին խոսքը։
Ձեր առաջ քաշած թեմաների մասին։ Նախ՝ սա ինչ թեմա է, որ խորհրդարանում դրել եք քննարկման։ Սխալներ եք տեսնում՝ ուղղեք, չգիտեք՝ խմբագիրների հիմնական մասը երեխաներ են, ովքեր ուղղակի արտագրում են հանրագիտարանից։ Գլոբալ ու ակնհայտ սխալները կարելի է ուղղել, առանց հայտարարելու, որ ուղղումների կարիք կա։ Վիքիպեդիայի ադմիններից ու խմբագիրներից յուրաքանչյուրն էլ գիտեն, որ հայերեն վիքիպեդիան շատ թերի է, և ուղղելու կարիք ունի։ Բայց բոլորը լուռ ու առանց հայտարարությունների խմբագրումներ են անում։
Անընդհատ բողոքում եք, որ ադմիններից ոչ մեկ կամ չեն արձագանքում, կամ՝ շատ ուշ են արձագանքում Ձեր բարձրացրած հարցերին։ Վերևում նշածս պատճառները հաշվի առնելով՝ ես ինքս ցանկություն անգամ չեմ ունենում արձագանքել, որովհետև մի բանը այնքան եք ասում, որ արդեն ցանկություն չկա պատասխանելու։ Տեղին լինի թե ոչ՝ ամեն պահ օգտագործում եք Գարդմանքի հարցը ներկայացնելու համար։ Վերջին անգամ, եթե հետաքրքիր է, արել եք Հայկ Ափրիկյանի էջում։
Չորրորդ, ու ոչ պակաս կարևոր մի կետ։ Ով է Ձեզ բարոյական իրավունք տվել վիրավորանքեր գրել, կամ անբարոյական նկարներ դնել հայերեն վիքիպեդիայում։ Ինչ է նշանակում էշ–էշ։ Նախ՝ գրում եք վիրավորանք, հետո՝ կամ ասում, որ չընդունեն որպես վիրավորանք, կամ՝ կներեք որ նեղացրի։ Էլ չասեմ՝ անբարոյական նկարի մասին, ու Ձեր արձագանքը՝ աղջիկներ ջան, կներեք, դուք մի նայեք։ Ու բացարձակ կապ չունի, որ նկարի առաջին բեռնողը Դուք չեք եղել։ Ձեր այդ էմոցիաների համար, ամենայն անկեղծությամբ, եթե ես լինեի ադմին, վաղուց արդեն արգելափակել էի։ Բայց ես ադմին չեմ ու ցանկություն էլ չունեմ լինելու։ Ես մտել եմ որպես խմբագիր՝ իմ ժողովրդի շահերի համար, և ինձ ոչ տնօրինություն, ոչ պաշտոն, ոչ մեդալ, ոչ էլ կոչում անհրաժեշտ չեն։

Հիմա, ոնց խոստացել եմ, անդրադառնամ Ձեր ասածներին՝ հատ–հատ պատասխանելով դրանց։

Կարմիր բանակը խորհրդային կարգեր հաստատեց Հայաստանում՝ հայերին ազատելով բռնատիրությունից։ Կարմիր բանակի հետ կապված այս և այլ որակի նախադասություններում միակ բանը, որ այստեղ կարելի էր անել՝ հղման նշանով տանել դեպի ՀՍՀ։ Ու վերջ։ Առանց ավելորդությունների կարելի էր ուղղակի այդ հղումը տալ։
«Պողոս Պողոսյանը մասնակցել է Հայրենական պատերազմին»։ Միակ բանը, որ կարելի էր ուղղակի սուսուփուս փոխել՝ ավելացնել ՄԵԾ բառը, Հայրենական ՄԵԾ պատերազմ, ու վերջ։ Անկախ նրանից՝ դուր է գալիս դա Ձեզ, թե ոչ, բայց դա ընդունված միջազգային տերմին է, և Հայաստանը, լինելով ԽՍՀՄ մաս՝ մասնակցել է պատերազմին՝ որպես իր մեծ հայրենիքի պաշտպանության։ Մենք ունեցել ենք այդ էջը, և ես հպարտ եմ, որ Հայաստանը ժամանակին մաս է կազմել այդ ժամանակվա աշխարհի հզորագույն տերության՝ ԽՍՀՄ–ի։
Որևէ մեկը կարող է ասել, թե ինչու՞ է դա մեզ համար հայրենական։ Ընդամենը պետք է գրենք Երկրորդ համաշխարհային պատերազմ։ Ես քեզ կարող եմ ասել, որ Հայրենական Մեծ պատերազմը ու Երկրորդ համաշխարհային պատերազմը տարբեր հասկացություններ են, Հայրենական Մեծ պատերազմը 1941-1945 թվականներին է տեղի ունեցել, իսկ Երկրորդ համաշխարհային պատերազմը սկսել է դրանից երկու տարի առաջ՝ ֆաշիստական Գերմանիայի կողմից Լեհաստանի գրավումով, և ավարտվել դրանից չորս ամիս հետո՝ Ճապոնիայի կապիտուլյացիայից հետո։ Այսպիսով՝ ՀՄՊ մասն է Երկրորդ աշխարհամարտի, բնականաբար՝ նույնը չէ, ու չի կարելի մեկը մյուսով փոխել։
Չնայած ՀՀ–ն եղել է ԽՍՀՄ կազմում, բայց ԽՍՀՄ–ի իրավահաջորդը ՌԴ–ն է։ Այնպես որ․․․։ Նախ՝ ոչ թե ՀՀ–ն, այլ ՀԽՍՀ–ն է եղել ԽՍՀՄ–ի կազմում, հետևաբար, ԽՍՀՄ՝ լինելով տասնհինգ պետությունների դաշնություն, չի կարող համարվել նրանցից միայն մեկի ժառանգությունը՝ անկախ նրանում ունեցած գերակա դիրքից։ Դա շատ կոպիտ սխալ է։
«Քրիստոնեությունը պետական կրոն ընդունելուց հետո Հայաստանում վերացվեց խավարը․․․»։ Այ քեզ բան, այ քեզ տգիտություն։ Հա բա էլ ի՞նչ ասեմ։ Այս որակի հարցերին նույնիսկ ցանկություն չկա պատասխանելու, չեք տիրապետում անգամ հանրագիտարանային ոճին, ու զուրկ եք հասարակ հարց տալու մշակույթից։ Էլի սխալը կարելի է ուղղել հետևյալ կերպ՝ առանց բացականչությունների դնել հղում՝ այսինչ պատմիչ կամ գիրք։ Եվ վերջ, հարցը լուծված է։
«Մեսրոպ Մաշտոցը Ստեղծեց հայոց այբուբենը․․․»։ Ձեր այս նախադասությունը բացահայտ օրինակ է նրա, որ երբ բացատրում են սխալը կամ թերությունը, նույնիսկ ցանկություն չունեք լսելու։ Այստեղ պարզ հայերեն գրված է՝ պատմաբան մասնագետի կողմից, որ ընդունված է այդ տեսակետը, եթե ունես ցանկություն, գրիր նոր էջ, հիմնավորիր փաստերով։ Ու ոչ թե ենթադրություններով այս կամ այն գիտնականի։ Ինչ իմաստ ուներ Ձեր կողմից այս հարցը էլի բարձրացնել այստեղ։ Ինչ վերաբերում է անձամբ իմ կարծիքին, ապա պատասխանեմ հարցով՝ կարող եք մի որևէ տեղ ցույց տալ հայերեն այդ գրերը։ Կամ՝ եթե գրեր կային, ուրեմն ինչու մինչ այդ հայ թագավորները չէին գրում դրանցով, այլ գրում էին արամեերեն կամ պարսկերեն, օրինակ՝ Արտաշես Բարեպաշտի արձանագրությունները։
մեկ էլ, հո՛պ, հարցակվում են՝ «Բա խի՞ ես Մեսրոպ Մաշտոցին քցում, կարաս համացանցում հասանելի փաստեր ներկայացնես»։ Այ քեզ բան։ Լավ է մի հատ էլ Սասունցի Դավթի էպոսի նախնական տարբերակի համար չեն ուզում էլեկտրոնային հղում։ կամ այս մեկը՝ Մի հատ էլ ես այստեղ, պետք կգա էլի, օգտագործեք՝ (աղջիկներ ջան կներեք նկարի համար, դուք մի նայեք)։ Ձեր այս ոճը նույնիսկ ծիծաղելի չէ։ Անընդհատ մոռանում եք, որ հանրագիտարանում եք գրում։
մենք ոչ թե բնիկ ենք, այլ քոչվոր։ Նախ՝ ուղղեմ, եկվոր, ոչ թե քոչվոր, ու տարբերությունը ՇԱՏ մեծ է։ Այո, մինչև հիմա կա այդ տեսակետը, որ հայերը եկվոր են, Հայկական լեռնաշխարհում հաստատվել են մեզանից հինգ–վեց հազար տարի առաջ, եկել են Բալկանյան թերակղզուց։ Ու այդ տեսակետը պաշտպանում են այնպիսի հզոր պատմաբաններ, որ նրանց հետ կարող է վիճել միայն նույնքան հզոր պատմաբանը, ով ՏԵՂՅԱԿ է, և ոչ թե ենթադրում է այս կամ այն դեպքը, իսկ մենք՝ ոչ մասնագետներս, կարող ենք միայն լսել։ Այն, որ հայերը եկվոր են, չի նշանակում, որ Հայկական լեռնաշխարհը իրենց հայրենիքը չէ։ Այսօր չկա որևէ ժողովուրդ, որ իր գոյության այս կամ այն փուլում տեղաշարժեր արած չլինի։ Հայրենիք է համարվում վերջին դարերում տվյալ հողում ապրած ժողովրդի տարածքը, իսկ մեր մասով՝ ոչ թե դարերում, այլ հազարամյակներում։
Արցախի Հանրապետությո՞ւն, թե՞ Լեռնային Խարաբաղի Հանրապետություն Ես միշտ գրելու եմ ԼՂՀ, ու ոչ մեկ չի կարող ասել, որ դա սխալ է։ Անկախ նրանից՝ թե դա ինչքանով է Ձեզ դուր գալիս, ես գրելու եմ ԼՂՀ, ու ամեն անգամ, երբ փոխեք Արցախ, հետ եմ շրջելու։ Իրարից տարբերեք ՑԱՆԿԱԼԻ ու ՊԱՐՏԱԴԻՐ բառերը։ Ոչ մի տեղ գրված չէ, որ ԼՂՀ–ն սխալ է, ուրեմն ոչ մի տեղ չպետք է ԼՂՀ–ն փոխվի Արցախի, և հակառակը։

Շնորհակալություն ուշադրության համար։ Հարգանքներով՝ --Hayk.arabaget (քննարկում) 15։44, 24 Մայիսի 2014 (UTC)

Ողջույն Հայկ ջան։ Իրոք, որ Դուք Հայերեն Վիքիպեդիայի ակտիվ մասնակիցներից մեկն եք։ Միշտ եղեք այդպես (սա որպես բարեմաղթանք)։ Այսպիսի մի խոսք կա․ «եթե ուզում ես, որ դիմացինը քեզ հասկանա, խոսի՛ր նրա լեզվով»։ Այսպիսի մի խոսք էլ կա, որ երևի հնչում է հազվադեպ․ «ԱՄՆ 41–րդ նախագահին հաջորդում է 42–րդը, 43–րդին՝ 44–րդը և այդպես շարունակ»։

Հարգելի Հայկ, եթե Անահիտ աստվածուհու նկարի ադրբեջանական տարբերակի հղումը տեղադրելու համար եք պատասխան ուզում, ապա փոքր ինչ պարզաբանեմ։ Նկարի հղումը տեղադրելուց հետո կողքին ավելացրել եմ (աղջիկներ ջան կներեք նկարի համար, դուք մի նայեք) գրությունը, իսկ դա էլ նշանակում է, որ հղումը պարունակում է այնպիսի պարունակություն, որ աղջիկների դիտումը ցանկալի չէ (համենայն դեպս ես չեմ ուզում, որ որևէ աղջիկ տեսնի դա ու նաև ես այդպիսի աղջիկ չեմ ճանաչում Հայերեն Վիքիպեդիայում, որ ցանկալի լինի այն)։ Դա նույնն է, որ երկու տղա մտնեն մի սենյակ վիճելու համար ու սենյակի դռանը գրեն «չմտնել․ հնարավոր է ներսում հայհոյանքներ հնչեն», մեկ էլ մի աղջիկ մտնի։ Հիմա ի՞նչ, էս երկու տղեն (կամ նրանցից մեկը) պետք է պատասխանատվություն կրեն՞։ Հա, մի հատ էլ այսպիսի խոսք կա, որ բանավեճերում երբեմն պետք է գալիս․ «Հռոմի պապից հավատացյալ մի՛ ձևացիր»։ Նախքան Ձեր առաջ քաշած դիտարկումներին մեկ առ մեկ անդրադառնալը, մի քանի բան ասեմ․

Ինչպես փիլիսոփայությունն է բազմաբովանդակ ու բազմաբևեռ, այնպես էլ բանավեճ հասկացությունն է լինում բազմաձև և բազմաբովանդակ։ Մարդ, ով կանգնած է բլրի հարավային կողմում, չի կարող տեսնել նաև հյուսիսայինը կամ այսպես ասած՝ մեդալը երկու կողմ ունի։ Այսինքն՝ ում համար երեք գործողություն, իսկ ում համար էլ՝ տանսերեք։ Փաստերի ու հղումների մասով՝ ուշադիր չեք հարգելի Հայկ․ փաստեր և հղումներ իմ կողմից ներկայացվում են, ներկայացվում են որտեղ, որ հարկն է։ Նոր գիտելիքներ ստանալու մասով՝ օրինակ ի՞նչ գիտելիք պետք է ստանամ, երբ ինձ հետ բանավիճողը ԱՆԽԱԽՏ ՀԱՎԱՏՈՎ պնդում է, որ ․․․«Սումգաիթում եղել են ջարդեր, ո՛չ «ցեղասպանություն»:»․․․ այն բանից հետո, երբ ես փաստերով ու հղումներով հիմնավորում եմ, որ այդ «ջարդերը» հենց ցեղասպանություն է։ Կամ ի՞նչ գիտելիք պետք է ստանամ, երբ ինձ հետ բանավիճողը առաջնորդվում է տխրահռչակ Ռ․Հովհաննիսյանի առավել տխրահռչակ հոր՝ Ռիչարդ Հովհաննիսյանի գրքով, որտեղ գրված է, որ հայերը քոչվոր են, քո ասած եկվոր։
Հենց այս թեման պետք է բարձրաձայնվի խորհրդարանում, որ խմբոգրողների մեծամասնություն կազմող երեխաները կարդան և ուշադրություն դարձնեն բարձրացված խնդիրների վրա, որպեսզի իրենց գործը հետո Ձեզ նման արհեստավորժ խմբագրողների համար չդառնա կրկնակի գործ։ Եվ հետո էլ ինչի՞ համար է խորհրդարանը, եթե բոլորը պետք է լուռ խմբագրեն, իսկ առաջացած խնդիրների կամ առաջարկությունների մասին էլ չարտահայտվեն։
Ձեր գրած հետևյալ նախադասությունը չի համապատասխանում իրականությանը՝ «Անընդհատ բողոքում եք, որ ադմիններից ոչ մեկ կամ չեն արձագանքում, կամ՝ շատ ուշ են արձագանքում Ձեր բարձրացրած հարցերին»։ Եթե իմ բարձրացված հարցերին չեք ուզում արձագանքել, ապա ինչու՞ եք արձագանքում, մի՞թե Հայկ ջան Ձեզ հաճելի է «հերթական անգամ» տեղին կամ անտեղին Գարդմանքի մասին լսելը։ ․․․և այնուամենայնիվ արձագանքեցիք։
Նկարների մասով արդեն գրել եմ։ «Էշ–էշ» (խոսքի ոչ վիրավորական ձևը) գրել նշանակում է, որ մարդ օրինակ գրում է այսպիսի նախադասություն՝ «Կարմիր բանակը հայերին ազատեց իմպերիալիստներից» կամ «Սադամ Հուսեյինը բռնապետ է»՝ մատնանշելով ԱՄՆ պետդեպարտամենտի կայքը։ Ի դեպ, Հայկ ջան, Ձեր ժողովրդի շահերի համար, եթե գտնում եք, որ իմ մասնակցային հաշիվը արժանի է արգելափակման, ապա կարող եք այդ հարցով դիմել ադմիններին։

Այժմ խոստմանս համաձայն կանդրադառնամ Ձեր դիտարկումներին մեկ առ մեկ։

Հայկ ջան, հարցը միայն Կարմիր բանակը չէ։ Դա պարզապես օրինակ էր, որի միջոցով ես ներկայացրեցի իմ մտահոգությունը։
Ձեր «Անկախ նրանից՝ դուր է գալիս դա Ձեզ, թե ոչ․․․» և «․․․և ես հպարտ եմ, որ Հայաստանը ժամանակին մաս է կազմել․․․» նախադասությունները կարծես հակասում են միմյանց։ Եթե նշում եք, որ իմ անձնական կարծիքը չպետք է հաշվի առնվի, ապա այդ նույն տրամաբանությամբ ինչու՞ պետք է Ձեր անձնական կարծիքը հաշվի առնվի։ Ի՞նչ է նշանակում ԽՍՀՄ–ը որպես մեծ հայրենիք դիտարկելը։ Այսինքն՝ Ձեզ համար Ուզբեկստանը, Լիտվիան, Էստոնիան հայրենի՞ք է։ «Հայրենական ՄԵԾ պատերազմ» արտահայտությունը միջազգային տերմին է։ Իհարկե՛։ Բայց չմոռանա՛նք, որ այն կիրառվում է հիմնականում իրենց պատմությունը դեռևս չվերաարժևորած նախկին ԽՍՀՄ–ի մի քանի երկրներում։ Ռսի ասած՝ «բեզ աբիդ»․ «Մենք ունեցել ենք այդ էջը, և ես հպարտ եմ, որ Հայաստանը ժամանակին մաս է կազմել այդ ժամանակվա աշխարհի հզորագույն տերության՝ ԽՍՀՄ–ի։» Հետաքրքիր է, թե արդյո՞ք մեր հասակակից հնդիկներից (Հնդկաստանի հնդիկներից) որևէ մեկը հպարտ է, որ ժամանակին իր երկիրը գտնվում էր այն ժամանակվա երևի աշխարհի հզորագույն տերության լծի տակ կամ այլ կերպ ասած՝ մաս էր կազմում։
Այսինքն ըստ Ձեզ՝ Երկրորդ համաշխարհային պատերազմը ավարտվել է մոտավորապես 1940 թվականի՞ն։ Հայրենական պատերազմ տերմինը հանդիսանում է 1941-1945 թվականներին տեղի ունեցած սովետա–ֆաշիստական պատերազմի անվանումը։ Ի դեպ, այդ պատերազմը հայրենական է միայն ԽՍՀՄ–ի համար։ Ահա թե ինչպես է գործում ԽՍՀՄ քարոզչամեքենան նաև մեր օրերում։ Երկրորդ համաշխարհային պատերազմը տևել է 1939-1945 թվականներին, և թե՛ Հայրենական պատերազմը, թե՛ Լեհաստանի գրավումը, թե՛ Անգլիայի ռմբակոծումը, թե՛ ԱՄՆ զինուժի ստորաբաժանումների Բեռլին մտնելը և այլն, հանդիսանում են այդ համաշխարհային պատերազմի մաս, իսկ դրա մասնակիցները՝ Երկրորդ համաշխարհային պատերազմի մասնակիցներ։
ՀՀ–ն հանդիսանում է ՀԽՍՀ–ի իրավահաջորդը, իսկ վերջինս էլ եղել է ԽՍՀՄ–ի կազմում։ Բայց ԽՍՀՄ–ի իրավահաջորդը հանդիսանում է ՌԴ–ն։ Միգուցե կոպիտ սխալ է, բայց ոչ իմ կողմից։ Այդ «սխալը» ստորագրել են ԽՍՀՄ կազմի մեջ ընդգրկված պետությունները։
Ցանկություն չունեք տվյալ հարցին պատասխանելու, բայց պատասխանեցիք։ Այսինքն ուզում եք ասե՞լ, որ «Քրիստոնեությունը պետական կրոն ընդունելուց հետո Հայաստանում վերացվեց խավարը․․․»։ Կամ ի՞նչ հղումի մասին է խոսքը։ Միգուցե՞ այնպիսի, որտեղ գրված լինի, թե «թե չէ՛, չէ՛ ի՞նչ եք ասում, Հայաստանում մինչև քրիստոնեության ընդունումն էլ էր լույս»։ Հանրագիտարանային շարադրանքի մասով դիտարկումը անհասկանալի էր, պարզաբանեք։
Ձեր նշած մասնագետի գրած տեքստից մի փոքր հատված՝ «անհիմն պնդումներ՝ «Հայաստանի հին մշակույթը փլուզվեկլ էր, Հայաստանում գտնվող բոլոր հայերեն գրքերը ոչնչացվել էին», «Հայկական այբուբենն ու գիրը ոչնչացվեցին»։ «Քրիստոնեությունն ընդունելուց հետո Գրիգոր Լուսավորիչը Հայաստան հրավիրեց 400 հույն ու սիրիացի վանական, շնորհեց նրանց եպիսկոպոսների կոչում և կարգեց նրանց բոլոր հայկական եկեղեցիների ղեկավարներ»։ Բացի դրանից, այս տեղեկատվությունն ի՞նչ կապ ունի Մեսրոպ Մաշտոցի հետ...» Այդ նախադասությունները գրվել են հետևյալի հիման վրա՝ «Ագաթանգեղոս, «Հայոց պատմություն», Երևան 1983թ․, պարբերություն 777, 778, 784, 786 և այլն։», «Խորենացի Մովսես, «Հայոց պատմություն», Երևան 1990։», «Կորյուն, «Վարք Մաշտոցի», Երևան 1962։», «Բյուզանդ Փավստոս, «Պատմություն Հայաստանի», Երևան 1987։»։ Ձեր գրածի տոնայնությունից երևում է, որ այն հարցը, որ տվյալ կետում ինձ տալիս եք, գրել եք պարզապես ինձ հակադարձելու համար։ Իսկ դա նշանակում է, որ իմաստ չկա այս առումով որևէ տեղեկատվություն Ձեզ համար փնտրել ու տրամադրել։ Իսկ եթե սխալ եմ, ապա չեմ կարծում, որ Ձեզ համար դժվար լինի գտնել այդպիսի առնվազն մի երկու–երեք աղբյուր։
Իրոք որ, լացելու բան է, բայց ոչ թե գրածիս ոճը, այլ գրածիս մեջ արծարծվող երևույթները։ Հայկ ջան, հանրագիտարանն ու հանրագիտարանի խորհրդարանը (զրուցարանը) տարբեր հարթակներ են։ ․․․չեմ մոռանում։
Հայկ, խնդրում եմ, թեման մի փոխեք։ Բայց և այնպես․ ովքե՞ր են այդ «հզոր պատմաբանները», միգուցե այս մե՞կը՝ Ռոլանդ Գրիգոր Սյունի կամ էլ էն սիմպատիչնի, բոյով ու սև երկար մազերով տյոտան, ով ԱՄՆ–ի համալսարաններում ի լուր աշխարհի պնդում է, որ Հայաստանն ու Ուրարտուն «ախր հեչ կապ չունեն իրար հետ է՜՜՜, հեչ։ Ինչ Ա՞, չե՞ք տեսնում»։
Արցախի Հանրապետության Սահմանադրության մեջ նշված չէ, որ ԼՂՀ–ն տվյալ երկրի անվանումներից մեկն է կամ գոնե հակիրճ անվանումը, այնպես որ Դուք Ձերը արեք, իսկ ես երբ տեսնեմ ԼՂՀ, կփոխեմ Արցախի Հանրապետությունով անկախ այն հանգամանքից, թե ով է հոդվածի հեղինակը։ --Գարդմանահայ (քննարկում) 06։57, 25 Մայիսի 2014 (UTC)

Գարդմանահայ մի հատ դիտարկում անեմ, երբ նկարից հետո ես գրում մի նայեք, այդ գրածը դառնում է անիմաստ և հավասարվում է Ձեր ասած տղաների գրությանը ոչ թե դռան դրսի այլ ներսի կողմից, հույսով եմ կհասկանաք ինձ...--6AND5 (քննարկում) 07:59, 25 Մայիսի 2014 (UTC)[reply]

Գրելու ցանկություն չկա։ Կգամ Երևան՝ կզրուցենք։ --Hayk.arabaget (քննարկում) 07։04, 25 Մայիսի 2014 (UTC)

Հարգելի մասնակիցներ, ուշացումով, բայց անպայման ուզում եմ արձագանքել այս քննարկմանը։ Նախ, խնդիրը այսպիսի բանավեճերի ժամանակ այն է, որ քննարկման ընդհանուր տոնն ի սկզբանե ավելորդ լարվածություն է ստեղծում, անհարգալից է և զարմանի չէ, որ որևէ կառուցողական արդյունք չի ունենում։ Խնդրում եմ, միշտ հիշեք (այս դեպքում խոսքս հատկապես ուղղած է Գարդմանահայ մասնակցին), որ քննարկում ծավալելիս միշտ պետք է լինել զուսպ, հավասարակշռված ու պահպանել հարգանքը այլ մասնակիցների նկատմամբ։

Երկրորդ խնդիրը այն է, որ մենք քննարկման առարկա ենք դարձնում մեր անձնական դիրքորոշումը այս կամ այն պատմական իրադարձության վերաբերյալ։ Վիքիպեդիայում ընդհանրապես որևէ նշանակություն չունի, թե մեզանից ո՛վ ի՛նչ վերաբերմունքի ունի ասենք ՀԽՍՀ֊ի կամ Երկրորդ համաշխարհային պատկերազմի վերաբերյալ (որքան էլ դա մեզանից ամեն մեկի համար կարևոր լինի)։ Մեր քննարկումները և հիմնավորումները պետք է ուղղված լինեն միայն հոդվածի հնարավորինս չեզոք և արժանահավատ դարձնելուն։ Վերջ։ Մնացածը՝ մեր անձնական գնահատականները պետք է արծարծել Վիքիպեդայից դուրս։

Քննարկված կետերից մի քանիսին կուզեի անդրադառնալ, բայց կասկածում եմ որքանով է իմաստալից այստեղ դա անելը։ Գուցե ավելի լավ է դրանց անդրադառնալ համապատասխան հոդվածների քննարկման էջերում։ --va c io 14:24, 3 Հունիսի 2014 (UTC)[reply]

WikiAutoDates-ով զբաղվողներին խմբագրել

WikiAutoDates-ով զբաղվողներ ջան, լավ գործ եք անում, ապրեք։ Մի երկու դիտարկություն ունեմ, որ հավանաբար օգտակար կլինի։ Օրվա կամ տարվա հոդվածում մեր տողը պետք է լինի մոտավորապես այսպիսին՝ * Հուլիս 8 - Վիվիեն Լի, անգլիացի դերասանուհի (ծ. 1913), բայց տողն ավելացնելուց վերջի ծննդյան կամ մահվան տարեթիվը չի ավելանում, երբ կաղապարի մեջ նշված է ի ծնե տրված անունը՝ գործիքը դա է վերցնում, օրինակ Հարություն Կալենցի դեպքում վերցրել էր Հարություն Խարմանդայան անունը, որը կարմիր էր մնացել։ Եթե ծննդյան/մահվան ամսաթիվ չկա տողում ամսաթվի տեղում երևում է սա՝ [[undefinedի]]։ Անձի մասնագիտությունը շատ դեպքերում վերցնում է մեծատառով, հարկավոր է, որ բոլորը լինեն փոքրատառով։ Կարծես թե առայժմ այսքանը։--Beko (քննարկում) 10։06, 21 Մայիսի 2014 (UTC)

Անհայտ ծագումով անստույգ հոդվածներ խմբագրել

Ողջույն, հարգելի Վիքիհամայնք։ Կարծում եմ ժամանակն է, որ մտածեք մուտքագրվող կամ թարմացվող հոդվածների աղբյուրների մասին։ Ամեն մի հոդված կամ էական պարբերություն պետք է ունենա իր աղբյուրը՝ հղումով կամ գրականության տեսքով դրված կոնկրետ պարբերության կամ փաստի վրա։ Իսկ TEM, TM, TE Ալիքներ նմանատիպ ծագումով հոդվածները պետք է ջնջվեն։ --Արման Մուսիկյան (քննարկում) 14։59, 22 Մայիսի 2014 (UTC)

Հոդվածը ջնջեցի, որովհետև անգամ անգլերեն Վիքիպեդիայում նման հոդված չգտա, որ կարողանայի իսկությունն հաստատեի։ --Արման Մուսիկյան (քննարկում) 11:25, 15 Հունիսի 2014 (UTC)[reply]

Նոր ադմին խմբագրել

Ողջո՜ւյն։ Հայերեն Վիքիպեդիան արդեն նոր ադմին ունի՝ ի դեմս Արտաշեսի։ Ադմինի դրոշակն արդեն տրված է։ Շնորհավո՜ր, Արտաշես ջան։ Համոզված եմ, որ որպես ադմին շատ ավելի օգտակար կլինես մեր վիքիպեդիային։) --Լիլիթ (քննարկում) 08։00, 23 Մայիսի 2014 (UTC)

Շնորհավոր Արտաշես ջան։ Ապրես, որ համարձակություն ունեցար դառնալու ադմին, պատասխանատու ու պետքական գործ է։ Կարծում եմ ՀՎ-ն շատ շահել է։--Ahaik (քննարկում) 09:06, 23 Մայիսի 2014 (UTC)[reply]

Շատ շնորհակալ եմ, սիրելիներս: Շնորհակալ եմ վստահելու և շնորհավորանքների համար: Առանձնակի շնորհակալություն պետք է հայտնեմ Լիլիթին: Եթե նա ինձ չառաջադրեր և չոգեպնդեր, այսօր այս գրառումները չէին լինի :) Ես շարունակելու եմ անել նույն աշխատանքը, ինչ անում էի նախկինում, պարզապես որոշ գործողություններ արդեն ինքս կանեմ և մյուս ադմիններին չեմ անհանգստացնի: Եվս մեկ անգամ շնորհակալություն բոլորիդ: --23artashes (քննարկում) 10:51, 23 Մայիսի 2014 (UTC)[reply]

Քեզ շնորհակալություն, Արտաշես ջան, ես ուղղակի արեցի այն, ինչ պարտավոր էի :)--Լիլիթ (քննարկում) 12:56, 23 Մայիսի 2014 (UTC)[reply]

Շնորհավոր, Արտաշես ջան: --Դավիթ (∅) 12:21, 23 Մայիսի 2014 (UTC)[reply]

։ Շնորհավոր, Արտաշես ջան։ Ադմինների կարիք համենայն դեպս հիմա շատ ունեք։ Չէ, որ համայնքը մեծացել է։) --Արման Մուսիկյան (քննարկում) 12։50, 23 Մայիսի 2014 (UTC)

Շնորհավոր, Արտաշես ջան :-Ճ: --NAREK75 13:10, 23 Մայիսի 2014 (UTC)[reply]

Շնորհավոր !!! - Kareyac (քննարկում) 18:02, 23 Մայիսի 2014 (UTC)[reply]

Շնորհավորում եմ Արտաշես ջան:--SusikMkr (քննարկում) 19:28, 23 Մայիսի 2014 (UTC)[reply]

Շնորհավոր ! Ուզում եմ շնորհակալություն հայտնել կազմակերպիչներին հիանալի մտքի համար: Ես կկենտրոնանամ դիցաբանոթյան վրա, քանզի շատ ինֆորմացիա ունեմ այդ ոլորթից:- Koryunum (քննարկում) 13:23, 27 Մայիսի 2014 (UTC)[reply]

Բարի գալուստ ։) --va c io 10:37, 27 Մայիսի 2014 (UTC)[reply]

Media Viewer խմբագրել

Greetings, my apologies for writing in English.

I wanted to let you know that Media Viewer will be released to this wiki in the coming weeks. Media Viewer allows readers of Wikimedia projects to have an enhanced view of files without having to visit the file page, but with more detail than a thumbnail. You can try Media Viewer out now by turning it on in your Beta Features. If you do not enjoy Media Viewer or if it interferes with your work after it is turned on you will be able to disable Media Viewer as well in your preferences. I invite you to share what you think about Media Viewer and how it can be made better in the future.

Thank you for your time. - Keegan (WMF) 21։29, 23 Մայիսի 2014 (UTC)

--This message was sent using MassMessage. Was there an error? Report it!