Վիքիպեդիա:Ադմինիստրատորի իրավունքների դիմումներ/2019/Voskanyan

7 կողմ, 2 դեմ ձայնով դիմում ենք Մետա՝ դրոշակը շնորհելու:--∑ίγμα (քնն.) 18:55, 13 Դեկտեմբերի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Մինչ քվեարկության ավարտը մնացել է

2019-12-10T21:10:00

Voskanyan խմբագրել

Ողջույն հարգելի համայնք։ Նախագծում ադմինիստրատորի իրավունքների համար առաջադրում եմ ամենափորձառու և ամենաակտիվ մասնակիցներից մեկի՝ Voskanyan-ի թեկնածությունը։ Կարևորում եմ հատկապես իր ներդրումը վանդալության դեմ և բովանդակության վերահսկման գործում։ Ադմինական լիազորություններ ունենալու դեպքում նա կկարողանա նաև արգելափակել, ջնջել, պաշտպանել, այդպիսով ավելի մեծ նպաստ բերել նախագծին։ Որքանով տեղյակ եմ, Voskanyan-ը ադմինության փորձ ունի այլ վիքինախագծում, ուստի խնդիր չի լինի։--Ավետիսյան91 (քննարկում) 17:09, 10 Նոյեմբերի 2019 (UTC)[reply]

Շնորհակալ եմ վստահության համար, սակայն նշեմ, որ ստեղծված իրավիճակում ես առանձնակի ոչինչ չեմ խոստանում։ Ուղղակի կարող եմ կատարել ադմինի որոշ պարտականություններ։--Voskanyan (քննարկում) 18:15, 10 Նոյեմբերի 2019 (UTC)[reply]

Տեղեկություն մասնակցի մասին խմբագրել


Ընդհանուր	Voskanyan (քննարկում • ներդրում • մատյաններ • արգելափակել)
Խմբագրումների քանակը	Ընդհանուր՝ 143,278, որոնցից. անմիջապես հոդվածներում՝ 139,598
Ստեղծած հոդվածների թիվը	2,493
Առաջին խմբագրման օրը	Հունիսի 30, 2013
Քվեարկության ժամկետները	Նոյեմբերի 10, 2019 - Դեկտեմբերի 10, 2019

Մեկնաբանություններ խմբագրել

<<Մեկնաբանություններ>> բաժինը կարծում եմ <<Հարցեր>> բաժնից առաջ պետք է դրվի։ Ես քվեարկելու իրավունք չունեմ, դրա համար այստեղ կգրեմ։ Վիքիքաղվածքում նրա ադմինական գործնեությանը ծանոթ լինելով` կարծում եմ ՀՎՊ-ն նման ադմինի կարիքի ունի և այդ պատճառով ողջունում եմ նրա առաջադրումը և Կողմ եմ որպեսզի ադմին ընտրվի։ Ներքևում շահերի բախման հարցի տեսանկյունից, կարծում եմ Ոսկանյան ադմինն առնվազն բլոկ անելու ֆունկցիայի կտրվածքով վստահաբար չեզոքությունը կպահպանի, իսկ սա վիքիչեզոքության կարևորագույն տարրերից մեկն է։ -- Հայորդի (քննարկում) 17:29, 23 Նոյեմբերի 2019 (UTC)[reply]

Ով է կարող քվեարկել խմբագրել

Քվեարկությանը մասնակցելու համար, քվեարկությունը սկսելու օրվա դրությամբ մասնակիցը պետք է ունենա.

6 ամիս վիքիստաժ (այսինքն մասնակցային հաշիվը պետք է գրանցված լինի, ոչ ուշ քան քվեարկությունը սկսվելուց 6 ամիս առաջ):
Նվազագույնը 1000 գործողություն, որից 500-ը հոդվածներում: Մասնակցի կողմից ավտոմատ ծրագրով, այդ թվում ԱՎԲ-ով կատարված խմբագրումները հաշվի չեն առնվում, սովորաբար պարտադիր կերպով ադմինիստրատորները պարտավոր են ստուգել մինչև 2000 խմբագրության դեպքում, մնացած դեպքերում կասկածի պարագայում:
Վերջին մեկ ամսում 33 գործողություն, վերջին ամսվան նախորդող 3 ամիսների ընթացքում ամսական նվազագույնը մեկ գործողություն
Ունենա գործող մեկ հաշիվ, տարբեր հաշիվներից քվեարկելու դեպքում ենթակա է անժամկետ արգելափակման:

Կասկածելի դեպքերում, օրինակ՝ նպատակային ցուցանիշ լրացնելու դեպքում հնարավոր է բոլոր ադմինների ձայների 2/3-ով քվեն չեղյալ համարել:

Ինչպես նաև ադմինների իրավունքների հեռացման դեպքում նույն պայմանները գործեն, ինչ ընտրության դեպքում, այսինքն նվազագույնը 7 կողմ ձայն, ընդ որում դրանք պետք է կազմեն ձայների 66.6%-ը: Իսկ քվեարկության ժամկետը հավասար է հարցման ժամկետին՝ 1 ամիս:

Հատուկ դեպքերում ադմինների ընդհանուր ձայների 2/3-ով հնարավոր է ընթացիկ քվեարկության ժամկետը երկարաձգել:
Ադմինիստրատորի նոր թեկնածուի առաջադրման կամ կարգավիճակի հեռացման հայտի մասին անպայման անհրաժեշտ է տեղեկացնել խորհրդարանում՝ բացմանը օրը:

Ստուգի՛ր քվեարկելու քո իրավունքը

Կողմ խմբագրել

Կողմ--Ավետիսյան91 (քննարկում) 17:16, 10 Նոյեմբերի 2019 (UTC)[reply]
Կողմ--Angel (քննարկում) 20:36, 10 Նոյեմբերի 2019 (UTC)[reply]
Կողմ - Kareyac (քննարկում) 07:57, 12 Նոյեմբերի 2019 (UTC)[reply]
Կողմ--Գարդմանահայ (քննարկում) 19:13, 13 Նոյեմբերի 2019 (UTC)[reply]
Կողմ--Soghomon Matevosyan (քննարկում) 10:18, 14 Նոյեմբերի 2019 (UTC)[reply]
~~Կողմ~~ --Poghosyan97 (քննարկում) 10:23, 16 Նոյեմբերի 2019 (UTC) Մեկնաբանություն՝ Հարգելի՛ Poghosyan97, ցավոք, Ձեր քվեն չի կարող հաշվարկվել, քանի որ Ձեր մասնակցային հաշիվը չի բավարարում քվեարկության պահանջներին: Շնորհակալություն հետաքրքրության համար:--Nooberella^💬 09:25, 16 Նոյեմբերի 2019 (UTC) Մեկնաբանություն՝ Հարգելի՛ Nooberella^💬, խնդրում եմ ուղղեք քվեարկման իրավունքը ստուգելու գործիքում այդ բաժինը, որովհետև իմ մոտ ցույց է տվել նվազագույնը 10 խմբագրում 1 ամսվա ընթացքում [1]--Poghosyan97 05:03, 17 Նոյեմբերի 2019 (UTC) Մեկնաբանություն՝ Poghosyan97 ջան, կարող եք վերոնշյալ կանոնների մեջ էլ կարդալ «Վերջին մեկ ամսում 33 գործողություն, վերջին ամսվան նախորդող 3 ամիսների ընթացքում ամսական նվազագույնը մեկ գործողություն»։ Շնորհակալ եմ հետաքրքրության համար :) --Nooberella^💬 05:52, 17 Նոյեմբերի 2019 (UTC) Մեկնաբանություն՝ Nooberella^💬 ջան, ձեզ նույնպես շնորհակալություն տեղեկացնելու համար։ --Poghosyan97 08:51, 17 Նոյեմբերի 2019 (UTC)[reply]
Կողմ, հետևելով քննարկումներին՝ կարծում եմ Voskanyan-ի ադմինությունը բացի դրական էֆեկտից, ոչ մի վատ բան չի տա Հայերենի Վիքիպեդիային։ Սակայն հորդորում եմ Voskanyan-ին ոչ միայն զբաղվել արագ ջնջման ներկայացված հոդվածների ջնջմամբ, կամ այլ մանր-մունր գործերով, այլ ամբողջովին օգտագործել ադմինի դրոշակի լիազորությունները։--Nooberella^💬 14:12, 26 Նոյեմբերի 2019 (UTC)[reply]
Կողմ--Գևորգ^💬 16:20, 26 Նոյեմբերի 2019 (UTC)[reply]

Դեմ խմբագրել

Դեմ, թող ինձնից չնեղանա Voskanyan մասնակիցը, շատ հարգում եմ ու ողջունում եմ նրա ներդրումը հայերեն Վիքիպեդիայում որպես խմբագիր, բայց որպես ադմին չեմ տեսնում քանի որ.

«Մի խոսքով՝ եթե կողմ քվեարկող լինի, ինչին կասկածում եմ, կարող եմ արագ ջնջման հոդվածներին հետևել, կամ նման մանր խնդիրների, բայց չեմ պատրաստվում արդեն մի քանի տարի կուտակված խնդիրները լուծել, նախկինից եկած ու արդեն գոյություն ունեցող կոնֆլիկտները հարթել կամ կրել «փորձառու» մասնակիցների անորակ հոդվածներին հետևելու պատասխանատվությունը, եթե նախկինում նրանց ոչինչ չի ասվել։»

Նախ մասնակիցը կարծես չուզենալով է դառնում ադմին, երկրորդ ի՞նչ է նշանակում փորձառու մասնակիցների անորակ հոդված: Վիքիպեդիայում ոչ ոք հոդված չունի: Բացի այդ, իմանալով որ հոդվածն անորակ է, այնուամենայնիվ չի հետևելու, մի քիչ ադմինական չէ: Նաև չի պատրաստվում կոնֆլիկտները հարթել, նույնպես ադմինական չէ:--Սամվել^{քննարկում} 10:37, 18 Նոյեմբերի 2019 (UTC)[reply]

Եթե ես չուզենայի, կասեի, որ չեմ ուզում, բայց գիտեի, որ ամենայն հավանականությամբ շատերը կողմ չեն քվեարկելու, չէի էլ առաջարկում։ Բայց ես էլ կարող էի լինել ոչինչ կամ գրեթե ոչինչ չանող լավ ադմին, ուղղակի ես ադմին լինելը համարում եմ որոշակի պատասխանատվություն։ Եթե ադմինը չի տեսնում ստեղծվող անորակ հոդվածները, դեռ չի նշանակում, որ նա դրանց համար պատասխանատու չէ։ Խնդիրն այն է, թե ինչու չի տեսնում։ Եթե բոլոր ադմինները մի քիչ հետևեին նախագծին, բոլորի համար էլ հեշտ կլիներ, ուրիշներն էլ չէին խուսաափի իրենց թեկնածությունն առաջադրելուց։ Բայց ներկայիս իրավիճակում ոչ ոք մենակ ոչինչ փոխել չի կարող։

Ես շատ լավ գիտեմ, որ թե հոդվածը չի պատկանում ոչ ոքի։ Նկատի ունեի «փորձառու մասնակիցների ստեղծած կամ խմբագրած անորակ հոդված»։ Դա կոնկրետ մասնակցի կոնկրետ հարցի պատասխանն էր։ Ես չեմ ասում, թե տեսնելու դեպքում չեմ արձագանքում։ Ես հիմա էլ իմ տեսած անորակ հոդվածները ներկայացնում եմ արագ ջնջման։

Ինչ վերաբերում է կոնֆլիկտներին, ես մասնակցում եմ քննարկումների, եթե հասկանում եմ քննարկվող հարցի էությունը կամ գոնե գաղափար ունեմ դրա մասին (երևի նկատվել է, որ մասնակցել եմ բազմաթիվ քննարկումների), ինչ վերաբերում է կոնֆլիկտները հարթելուն, ես ինչպե՞ս պետք է հարթեմ։ Կա կանոնակարգ, լինում են քննարկումներ, կայացվում է որոշում։ Եթե Ձեզ թվում է, որ անցած անգամ ինձ նկատողություն տալով կոնֆլիկտը հարթվեց, ապա դա բոլորովին էլ այդպես չէ։ --Voskanyan (քննարկում) 15:19, 18 Նոյեմբերի 2019 (UTC)[reply]

Հարգելի Voskanyan, սկսեմ վերջից: Անցած անգամ Ձեզ զգուշացում տալը երևի ի նկատի ունեիք այս զգուշացումը: Նշեմ, որ զգուշացումը տվել եմ, ոչ թե կոնֆլիկտը հարթելու համար, այլ հստակ նշել եմ զգուշացման պատճառը: Ինչ վերաբերվում է կոնֆլիկտը հարթելուն, ապա այն հարթել եմ (համենայն դեպս արձագանք չեմ ստացել, որ այն հարթված չէ) փաստարկներով, ոչ թե անձնական վիրավորանքներ հնչեցնելով, ինչի հետ մասնակիցներից առնվազն մեկը համաձայնվել է, իսկ մյուս մասնակիցը չի արձագանքել, ենթադրում եմ նույնպես համաձայնվել է: Եթե այնուամենայնիվ կարծում եք, որ ես դրսևորել եմ կողմնապահություն, կամ ինչ-որ բան սխալ եմ արել, կարող ենք քննարկել: Հարցնում եք «ինչպե՞ս պետք է հարթեմ կոնֆլիկտները», պատասխանեմ որ կախված կոնֆլիկտի բնույթից կան հարթելու տարբեր մեխանիզմներ և շատ դեպքերում կանոնակարգերը բավարար չեն: Սակայն պետք է լինել հնարավորինս անկողմնակալ, սառնասիրտ և խոսել միայն փաստերով: Եթե չեք տեսնում կոնֆլիկտի լուծման ճանապարհը, կարող եք դիմել այլ մասնակիցների: Նաև կխնդրեի փակագծերը բացել ինչ է նշանակում ներկա իրավիճակում ոչ ոք մենակ ոչինչ փոխել չի կարող: Ո՞վ է ասել որ մենակ եք, եթե մատնանշեք խնդիրները, ես խոստանում եմ, որ Ձեր կողքին կկանգնեմ և կփորձեմ լուծել դրանք:--Սամվել^{քննարկում} 06:18, 19 Նոյեմբերի 2019 (UTC)[reply]

Այդտեղ անձնական վիրավորանք չկար, այլ միայն այն փաստի արձանագրում, որ մասնակցի անձնական կարծիքը ազդում է հոդվածի որակի վրա։ Եթե մասնակիցը չի արձագանքել, դա դեռ չի նշանակում, որ համաձայնել է, ուղղակի չի ցանկացել շարունակել, որովհետև դեմ է եղել կայացված որոշմանը, բայց մտածել է, որ միևնույն է, եթե այդպիսի որոշում կայացվել է, այլևս իմաստ չունի արդարանալը։ Բայց դա ազդում է մասնակցի հետագա խմբագրումների վրա, որովհետև եթե մի մասնակիցը կարող է անել ու գրել ինչ ցանկանում է, իսկ մյուսը միայն այդ փաստը նշելու համար խիստ ու պաշտոնական նկատողություն է ստանում, հետագայում փորձում է զերծ մնալ նմանատիպ քննարկումներից, և շարունակվում է արդեն ստեղծված իրավիճակը, ու թվում է, թե միակարծություն է ու ոչ մի խնդիր չկա։ Դա ոչ մի կոնֆլիկտի հարթում էլ չէր։ Ուղղակի ես նախընտրեցի չշարունակել։ Իսկ եթե նախապես արձագանքող եղած լիներ ու մասնակիցը նմանատիպ խմբագրումներ չաներ մինչ այդ ու չշարունակեր նույն կերպ, ես էլ ընդհանրապես ստիպված չէի լինի այդ քննարկումն սկսել։

Ես էլ եմ հասկանում, որ մեխանիզմները տարբեր են, բայց ես նախօրոք չեմ խոստանում, որ կհարթեմ բոլոր կոնֆլիկտները ու պարտադիր նկատողություններ ու արգելափակումներ կկիրառեմ։ Իսկ ինչ վերաբերում է իրավիճակին, ես իմ կարողացածի չափով օգնում եմ, ու ինձ համար երբեք ադմինի կարգավիճակը չի եղել ցանկալի կամ պարտադիր, եթե ներկա ադմինները այդպես կոնֆլիկտները հարթում են (քանի՞ քննարկում է եղել, որ ոչ ոք չի արձագանքել), անորակ հոդվածներին արձագանքում են, այսինքն՝ «ադմինական» են, որ ես բոլորովին չեմ հասնի նրանց, խնդիր չկա։ Ես չեմ կարող բոլոր խնդիրները այստեղ նշել, բայց չեմ նշում, որովհետև արդեն գիտեմ, որ ասվելու է, թե ադմինը պարտավոր չէ արձագանքել դրանց, ադմինը կարող էր չնկատել և այլն։

Իրականում ադմինը (ինչպես և ցանկացած խմբագիր) պաշտոնապես գրեթե ոչինչ պարտավոր չէ, առավել ևս պարտավոր չէ նախօրոք ասել, որ ինքը կանի այս կամ այն (այլ հարց է, որ կարելի է խոստանալ, բայց հետո չանել)։ Ես գրել եմ այն, ինչ մտածում եմ, չեմ արդարանում, ոչինչ չեմ համոզում։ Ուրիշ բաներ չեմ գրում, որ նկատողություն չստանամ (որովհետև հստակ չէ, թե ով ինչ կեզրակացնի կամ ինչպես կարձագանքի), Ձեր կարծիքն էլ այդ է։ Չեք տեսնում, ոչինչ չեմ կարող փոխել։--Voskanyan (քննարկում) 15:21, 19 Նոյեմբերի 2019 (UTC)[reply]

Voskanyan ջան, Ոչ մի անձնական վիրավորանք կանոնի Անձի նկատմամբ հարձակումներ և անձնական վիրավորանքներ համարվում են նաև, երբ նրան հիշեցնում եք տարիքի, սեռի, ազգային պատկանելիության, կրոնի, սոցիալական խմբի, մասնագիտության, կազմակերպության կամ այլ կատեգորիայի ներկայացուցիչ լինելու մասին բացասական տեսանկյունից: Տվյալ դեպքում Դուք նրան հիշեցրել էիք որևէ ազգի նկատմամբ իր վերաբերմունքի մասին և խմբագիրների ու կանոնների նկատմամբ արհամարհանքի մասին: Անձնական վիրավորանքը պարտադիր չէ, որ լինի ուղղակի հայհոյանք: Ես վաղուց մոռացել էի երկու տարի առաջ պատահածը և խորհուրդ կտամ նաև Ձեզ, առավել ևս, որ պատրաստվում եք ադմին դառնալ: Իսկ ինչ վերաբերվում է քննարկմանը, այն լուծվել է հօգուտ Ձեզ, և մյուս մասնակիցը որոշումից շնորհակալ հեռացել է: Ես չէի կարող ենթադրել, որ Ձեր լռությունը նշանակում է չհամաձայնում որոշման հետ:

Այո, ադմինը պարտավոր չէ խոստանալ, բայց գրելը որ չեմ պատրաստվում այս անել ու այն անել համարում եմ սխալ, կարող էիք գրել չեմ խոստանում, բայց ուժերիս ներածով կանեմ այս կամ այն, ավելի սիրուն կհնչեր: Շնորհակալություն քննարկման համար:--Սամվել^{քննարկում} 05:04, 20 Նոյեմբերի 2019 (UTC)[reply]

Դեմ, ներողություն եմ խնդրում, սակայն, Voskanyan մասնակցին ոչ մի կերպ չեմ պատկերացնում ադմինիստրատորի կարգավիճակում (այս որոշումը կայացնելիս հաշվի եմ առել նաև այս քննարկումը)։ --Օmıcrօn 18:59, 5 Դեկտեմբերի 2019 (UTC)[reply]

Ձեռնպահ խմբագրել

Հարցեր թեկնածուին խմբագրել

Ստանդարտ խմբագրել

Ադմինիստրատորի պարտականություններից որո՞նք եք հիմնականում պատրաստվում կատարել:
Կարող եմ հնարավորինս հետևել նոր ստեղծված հոդվածների որակին, ջնջել արագ ջնջման ենթակա հոդվածները, կատարել ադմինի այլ պարտականություններ՝ կախված իրավիճակից։
Ինչպե՞ս եք գնահատում Ձեր ներդրումը Վիքիպեդիայում:
Դրական
Ունեցե՞լ եք կոնֆլիկտներ Վիքիպեդիայի այլ մասնակիցների հետ: Եթե այո, ապա ինչպես եք Դուք դրանք լուծել և ինչպես եք պատրաստվում դա անել այսուհետև:
Եղել են որոշ մասնակիցների հետ խնդիրներ, որոնց պատճառը հաճախ եղել է կանոնակարգի կամ տրամաբանության օրենքների խախտումը, և դրանք լուծում են ստացել ըստ կանոնակարգի։ Հետագայում չեմ պատրաստվում ինքս կոնֆլիկտ ստեղծել։
Ունե՞ք լրացուցիչ մասնակցի հաշիվներ: Նշում. Դուք պարտավոր չեք պատասխանել տվյալ հարցին և նշել պատճառը, որից ելնելով չեք ուզում պատասխանել:
Ոչ
Եղե՞լ եք երբևէ արգելափակված: Եթե այո, ապա ի՞նչու: (արգելափակումների մատյան)
Ոչ
Ծանո՞թ եք Վիքիպեդիայի ակտիվ մասնակիցներից որևէ մեկին իրական կյանքում:
Շատերի հետ ծանոթ եմ։
Ունե՞ք ադմինիստրատորական փորձ այլ ռեսուրսներում (Ինչպես ֆորումի մոդերատորի, այդպես էլ վիքինախագծի ադմինիստրատորի դերում):
Վիքիքաղվածքում եղել եմ ադմին մի քանի տարի։

Լրացուցիչ հարցեր խմբագրել

Հարգելի՛ Voskanyan, ես ունեմ մի շարք լրացուցիչ հարցեր։

Մասնակցելու՞ եք կոնֆլիկտային քննարկումներին, եթե այո, ապա ինչպե՞ս եք փորձելու մեղմել և հարթել կոնֆլիկտները։ Վերևում «կախված իրավիճակից» նշելով՝ Դուք «կոնֆլիկտային իրավիճակներում արձագանքելը» նկատի ունեցե՞լ եք։
Լինելով Վիքիմեդիա Հայաստանի նախկին աշխատակից, գործող անդամ և Վիքիպեդիայի ադմինիստրատոր՝ ես Վիքիմեդիա Հայաստանի բարձրաստիճան պաշտոնյաներից բազմիցս լսել եմ (նաև անձամբ ինձ ուղղված), որ միաժամանակ կազմակերպության վճարովի աշխատակից, կազմակերպության անդամ և ադմինիստրատոր լինելը լուրջ շահերի բախում է, որը բերում է «մենաշնորհի» և մի խումբ անձանց կողմից Վիքիպեդիայի «կառավարման»։

Դուք ինչպե՞ս եք վերաբերվում այս մտքին։ Արդյո՞ք Դուք՝ լինելով Վիքիմեդիա Հայաստանի Լեռնապատի վիքիակումբի համակարգող կարծո՞ւմ եք, որ ձեր ադմինությունը որևէ շահերի բախում կառաջացնի կամ կսկսեք «կառավարել Վիքիպեդիան»․ ադմինության դեպքում պատրա՞ստ եք հրաժարվել Ձեր մյուս պաշտոններից/կարգավիճակներից։

Եթե ընտրություն կատարելիս լինեք խախտում կատարած մասնակցին արգելափակելու և այդ մասնակցին չնեղացնելու միջև, ո՞րն եք ընտրելու։
Ինչպե՞ս կվարվեք, եթե Ձեր հնարավոր գործատուն անմիջական տեքստով Ձեզ մեղադրի որևէ մասնակցին արգելափակելու մեջ կամ/և համոզի ապաարգելափակել։ Ես այս հարցը տալիս եմ, որովհետև գործի բերումով, նույնպես առնչվել եմ նման իրավիճակի։
Հոդվածների որակին հետևելիս, արդյո՞ք պատրաստ եք նաև հետևել/ջնջել/պիտակել Ձեր գործատուների, գործընկերների կամ գործընկերների շահառուների վատորակ հոդվածները, թե՞ խուսափելու եք դրանցից։

Շնորհակալություն։--Emptyfear (քննարկում) 19:35, 10 Նոյեմբերի 2019 (UTC)[reply]

Հարգելի Emptyfear, եթե իսկապես «Ձեր հնարավոր գործատուն անմիջական տեքստով Ձեզ մեղադրի որևէ մասնակցին արգելափակելու մեջ կամ/և համոզի ապաարգելափակել։ Ես այս հարցը տալիս եմ, որովհետև գործի բերումով, նույնպես առնչվել եմ նման իրավիճակի» գործընթացը տեղի է ունեցել, ապա դա շատ ամոթալի է մեր Վիքիպեդիայի համար, և պետք է օր առաջ բացահայտվի նման երևույթները և վերջ դրվի: Առաջարկում եմ առանձին քննարկում բացել և հասկանալ իրավիճակը, եթե այդպիսի երևույթները շարունակվում են, բացահայտենք և վերջ դնենք:--Սամվել^{քննարկում} 07:12, 11 Նոյեմբերի 2019 (UTC)[reply]

Հարգելի Սամվել, շնորհակալություն արձագանքի համար։ Ես ինչպես այս, այնպես էլ ադմին(ներ)ի մեղադրման և հաճախ նաև կառավարման այլ ձախողված փորձերի եմ ականատես եղել։ Բայց ես չեմ կարող բացահայտել այն մարդկանց, ում հետ կոնֆլիկտը անմիջապես տեղի է ունեցել (եթե նրանք ցանկանան, գուցե բացահայտեն) և ապա, քանի որ ժամանակ է անցել, ես չունեմ որևէ գրավոր ապացույց, որովհետև վստահ եմ, որ բնականաբար մյուս կողմը ամբողջությամբ մերժելու է կատարվածը։ Այնպես որ, հասկանալով, որ շատ կարևոր է նման դեպքերը քննարկելը ու ափսոսալով, որ ժամանակին չեն քննարկվել, ես ուղղակի կարձանագրեմ, որ նման դեպքերի ականատես եմ եղել։--Emptyfear (քննարկում) 19:12, 11 Նոյեմբերի 2019 (UTC)[reply]

Ես միշտ ադմինի կարգավիճակը դիտարկել եմ որպես մեծ պատասխանատվություն և կարծում էի, որ եթե խմբագիրը ստանձնում է այն, պիտի հնարավորինս մասնակցի նախագծին վերաբերող տարբեր քննարկումների, տարբեր խնդիրների լուծման և այլն։ Սակայն դա արդեն այդպես չէ, խմբագիրը կարող է ուղղակի լինել ադմին և շարունակել նույն ձևով խմբագրել կամ չխմբագրել։ Ես առանց այդ կարգավիճակի էլ յոլա կգնայի, մանավանդ հիմա, երբ արդեն նախկինի պես ակտիվորեն չեմ հետևում նախագծին։ Ուղղակի ես մի խմբագրում հետ էի շրջել, Ավետիսյան91 մասնակիցը շնորհակալություն էր հայտնել, երևի մտածել է, որ կարող եմ ինչ-որ կերպ օգնել, եթե ադմինի իրավունքներ ունենայի, ավելի հեշտ կլիներ, դրա համար էլ երևի առաջադրել է, ես էլ համաձայնում եմ, որովհետև առանձնապես չեմ կարծում, թե կողմ քվեարկողներ կլինեն։ Իսկ եթե այնուամենայնիվ լինեն, առանձնակի մեծ ակտիվություն չեմ խոստանում, եթե համայնքը մնա այս նույն վիճակում։ Կոնֆլիկտային քննարկումը ո՞րն է, ես նախկինում մասնակցում էի քննարկումների, կոնֆլիկտային էլ է եղել դրանց մեջ, բայց հետո քննարկումներին ու մանավանդ կարգավիճակի առաջադրված վիճելի հոդվածների համար սկսեցին քվեարկել ծանոթներով, կամ մասնակիցներ կային, որ պնդում էին տրամաբանությանն ակնհայտորեն հակասող տեսակետ, իսկ մի անգամ էլ ես նկատողության եմ արժանացել, որի հետ մինչև հիմա էլ համաձայն չեմ, բայց առանձնապես այդ ժամանակ բոլոր ադմինները չմիջամտեցին։ Այդքանից հետո ես էլ արդեն սովորաբար չեմ մասնակցում քննարկումների։ Ես հաշտարարի դեր չեմ ստանձնի, առավել ևս՝ նախկինում ադմինների աչքաթող արածները ես չեմ ուղղելու։ Միայն կարող եմ խոստանալ, որ ինքս չեմ հրահրի կոնֆլիկտներ, իսկ եթե եղած խնդիրների վերաբերյալ ունենամ որոշակի կարծիք, այսինքն՝ գլուխ հանեմ քննարկվող թեմայից, կմասնակցեմ։

Ադմինը պաշտո՞ն է, թե՞ պատասխանատություն, կամ այդ ինչ մի պաշտոններ ունեմ, որ պետք է հրաժարվեմ։ Ոչ, ես չեմ պատրաստվում հրաժարվել իմ պաշտոններից, հանուն ադմին լինելու, բայց կարող եմ ամեն ինչից հրաժարվել հանում չգիտեմ ինչի։

Եթե ընտրություն կատարելիս լինեք խախտում կատարած մասնակցին արգելափակելու և այդ մասնակցին չնեղացնելու միջև, ո՞րն եք ընտրելու։

Որ մարդը նեղանում է, ի՞նչ է լինում։ Օրինակ՝ ինքը ինձ հետ էլ չի խոսում, ես էլ ստիպված չեմ լինում իրեն սիրել, դրական վերաբերվել, ու ամեն ինչ լինում է իդեալական։ Ես չէի արգելափակի մանր խնդիրների համար, իսկ եթե հարցը լուրջ է, հավանաբար ուրիշ մասնակիցներ էլ կարծիք կհայտնեն, որոշում կկայացվի։

Ինչպե՞ս կվարվեք, եթե Ձեր հնարավոր գործատուն անմիջական տեքստով Ձեզ մեղադրի որևէ մասնակցին արգելափակելու մեջ կամ/և համոզի ապաարգելափակել։ Ես այս հարցը տալիս եմ, որովհետև գործի բերումով, նույնպես առնչվել եմ նման իրավիճակի։

Չգիտեմ, եթե նախկինում ասվածը չի արվել, հավանաբար ինձ էլ արդեն չի ասվի, եթե արվել է, հույս ունեմ՝ ինձ չի ասվի։

Հոդվածների որակին հետևելիս, արդյո՞ք պատրաստ եք նաև հետևել/ջնջել/պիտակել Ձեր գործատուների, գործընկերների կամ գործընկերների շահառուների վատորակ հոդվածները, թե՞ խուսափելու եք դրանցից։

Իսկ մինչև հիմա ինչո՞ւ չեն ջնջվել։ Ինչո՞ւ են նման խմբագիրները շարունակում հոդվածներ ստեղծել, մասնակցել տարբեր նախագծերի, հոդվածներ առաջադրում կարգավիճակի համար։ Եթե նախկինում ջնջվել են, խնդիր չի լինի, եթե չեն ջնջվել, ես չեմ պատրաստվում տարիներով խմբագրղ մասնակիցների հոդվածներն ստուգել, մանավանդ որ պարբերաբար կագավիճակի առաջադրված հոդվածների համար ես էի դեմ քվեարկում, բայց դա էլ հաճախ նշանակություն չէր ունենում, որովհետև արդեն նախկին համայնքն ու ադմինները չէին հետևել/ջնջել/պիտակել որոշ հոդվածներ։ Եթե հարցը վերաբերում է միայն նոր գրանցված մասնակիցներին, էլի ոչինչ չեմ կարող խոստանալ, որովհետև տարիներ շարունակ պայքարելով որակի ու կանոնների պահպանման համար, հիմա արդեն էլ հավես չի մնացել, որովհետև հաճախ ինձ են մեղադրել կողմնապահության կամ չափից դուրս խիստ դատելու համար։

Մի խոսքով՝ եթե կողմ քվեարկող լինի, ինչին կասկածում եմ, կարող եմ արագ ջնջման հոդվածներին հետևել, կամ նման մանր խնդիրների, բայց չեմ պատրաստվում արդեն մի քանի տարի կուտակված խնդիրները լուծել, նախկինից եկած ու արդեն գոյություն ունեցող կոնֆլիկտները հարթել կամ կրել «փորձառու» մասնակիցների անորակ հոդվածներին հետևելու պատասխանատվությունը, եթե նախկինում նրանց ոչինչ չի ասվել։--Voskanyan (քննարկում) 15:16, 11 Նոյեմբերի 2019 (UTC)[reply]

Voskanyan, շնորհակալություն պատասխանների համար։--Emptyfear (քննարկում) 19:12, 11 Նոյեմբերի 2019 (UTC)[reply]

Հարգելի Voskanyan, ընդհանուր առմամբ, ես կողմ եմ Ձեր ադմինությանը, սակայն ինձ հետաքրքրում է, թե արդյո՞ք պատրաստվում եք լիարժեքորեն ուսումնասիրել ադմինիստրատորներին առնչվող կանոնակարգերը, և ի՞նչ դեր են ունենալու դրանք Ձեր ադմինիստրատորական գործունեության ընթացքում։--Գարդմանահայ (քննարկում) 15:30, 12 Նոյեմբերի 2019 (UTC)[reply]

Կոնկրետ ի՞նչ կանոնակարգերի մասին է խոսքը։ Բնականաբար ես ծանոթ եմ ադմինի որոշ պարտականություններ, սակայն մինչև հիմա ամենից հաճախ ադմինները նշել են, որ իրենք ոչ մի պարտավորություն չունեն, և իրականում էլ ադմինները սովորաբար ջնջում են արագ ջնջման հոդվածները, երբեմն պաշտպանում են էջերը (օրինակ՝ եթե այփիից պատահական ջնջվել է հոդվածի մի հատված) և նման խմբագրումներ, այդ պարագայում ես, ինչպես արդեն նշել եմ, անգամ մեծ ցանկության դեպքում չեմ կարող, օրինակ, մենակ պայքարել անորակ հոդվածների դեմ կամ հարթել արդեն եղած խնդիրները։ Օրինակ՝ մասնակիցը պարբերաբար ստեղծում է դատարկ հոդվածներ, կամ որոշ մասնակիցներ հոդվածը ջնջում են ամբողջությամբ, այդ թվում նաև տեղեկաքարտն ու կատեգորիաները, հետո ավելացնում տեքստը (երբեմն այդպես էլ ջնջվում են կարևոր հատվածներ), ես դա համարում եմ վանդալության դրսևորում, բայց մինչև հիմա ոչ ոք նկատողություն չի արել, եթե ես գրեմ այդ մասնակցին, գուցե որակվի որպես հետապնդում, կամ կան մասնակիցներ, որոնք արդեն երկար ժամանակ ստեղծում են ոչ այնքան ճիշտ հոդվածներ, եթե ես սկսեմ ջնջել այդ հոդվածները, արդյո՞ք հարց չի առաջանալու, թե եթե սխալ է, ինչու ուրիշ ադմիններ չէին ջնջում մինչև հիմա։ Իմ ադմին լինել կամ չլինելը ոչինչ չի փոխի, եթե ընդհանուր առմամբ համայնքը խիստ պասիվ է։--Voskanyan (քննարկում) 16:19, 12 Նոյեմբերի 2019 (UTC)[reply]

Հարգելի Voskanyan, ես նկատի ունեի ոչ թե ինչ-որ պարտականությունների և թե ինչով եք զբաղվելու որպես ադմինիստրատոր (Ձեր որոշելու հարցն է), այլ սրա մասին էի հարցնում, որի պահպանումը ադմինիստրատորին կպաշտպանի անհիմն մեղադրանքներից (այդ թվում Ձեր նշած), իսկ խմբագրին՝ ադմինիստրատորի կամայականություններից։ --Գարդմանահայ (քննարկում) 17:51, 12 Նոյեմբերի 2019 (UTC)[reply]

Ես ընդհանրապես աշխատում եմ հետևել կանոնակարգին, չնայած որոշ դեպքերում դժվար է դեմ գնալ տրամաբանության օրենքներին։--Voskanyan (քննարկում) 17:51, 13 Նոյեմբերի 2019 (UTC)[reply]

Հարգելի Voskanyan, չեմ կարծում, որ այս հոդվածը կարելի է դիտարկել որպես դատարկ: Ես հոդվածը խմբագրում եմ կաղապարով ստեղծում եմ, որից հետո բարելավում: Ինձ այդպես ավելի հարմար է, եթե ինչ-որ խնդիր եք տեսնում դրա մեջ, ապա սպասում եմ Ձեր արձագանքին: Սիրով՝ --Գևորգ^💬 18:03, 12 Նոյեմբերի 2019 (UTC)[reply]

Արդյունք խմբագրել

Կողմ	Դեմ	Ձեռնպահ	«Կողմ» ձայների թիվը
7	2	0	77.78 %
Իրավունքները տրված են
Ընտրվելու համար պետք է 7 «կողմ» ձայն, ընդ որում դրանք պետք է կազմեն ձայների առնվազն 66.6%-ը:
Փոխել մասնակցի իրավունքները Նորընտիր ադմինիստրատորին պետք է նշել հետևյալ էջերում. {{Վիքիպեդիայի ադմինիստրատորներ}} / {{Վիքիպեդիայի տեխադմիններ}} կաղապարներում Ցանցում գտնվող ադմինիստրատորիների ցանկ, եթե մասնակիցը հրապարակել է իր կոնտակտները Վիքիպեդիա:Ադմինիստրատորների ցանկ

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։