Վիլնյուսի զինանշան

Վիլնյուսի զինանշան (լիտ.՝ Vilniaus herbas), Լիտվայի մայրաքաղաք Վիլնյուսի պաշտոնական խորհրդանիշերից մեկը[1]:

Վիլնյուսի զինանշան
Grand Coat of arms of Vilnius.svg
Տարբերակներ
Coat of arms of Vilnius Gold.png
Վիլնյուսի փոքր զինանշանը
Մանրամասնություններ
Հաստատվածապրիլի 17, 1991
Վահանիսպանական
ՎահանաբռնիչներԵրկու կանայք

Զինանշանի մուգ կարմիր ֆոնի վրա պատկերված է Սուրբ Քրիստափորը, որն իր ուսերի վրա պահում է մանկահասակ Հիսուս Քրիստոսին[1]: Մեծ զինանշանի վրա պատկերված են նաև երկու կանայք, ովքեր պահում են վահանը: Աջ մասում կանգնած կնոջ ձեռքին փակեղ է, իսկ ձախ կնոջ ձեռքին՝ խարիսխ և կշեռք:

Զինանշանը պսակված է դափնու տերևով և Լիտվայի Հանրապետության դրոշի գույները կրող ժապավեններով:

ՊատմությունԽմբագրել

Վիլնյուսի զինանշանն ընդունվել է 1330 թվականին՝ քաղաքի հիմնադրումից յոթ տարի հետո: Լիտվացի պատմաբան Թեոդոր Նարբուտը նշում է, որ 14-րդ դարի Վիլնյուսի զինանշանի վրա պատկերված է եղել առասպելական հերոս Անցիսը:

Այն բանից հետո, երբ Լիտվան մտավ Ռուսական կայսրության կազմի մեջ՝ Վիլնյուսի պաշտոնական զինանշանն ընդունվեց Լիտվայի մեծ դքսության ազգային խորհրդանիշը:

Այն իրենից ներկայացնում է կարմիր հերալդիկ ֆոնի վրա պատկերված հեծյալ: Հեծյալի նժույգը սպիտակ է և ազնվացեղ:

Վիլնյուսի ներկայիս զինանշանը հաստատվել է 1991 թվականի ապրիլի 17-ին: Վիլնյուսի դրոշի կենտրոնում ևս պատկերված է քաղաքի զինանշանը:

ԾանոթագրություններԽմբագրել