Վերպա կոնաձև
| Վերպա կոնաձև | ||||||
|---|---|---|---|---|---|---|
| Գիտական դասակարգում | ||||||
|
||||||
| Լատիներեն անվանում | ||||||
| Verpa conica
|
Վերպա կոնաձև (լատին․՝ Verpa conica), Morchellaceae ընտանիքի պատկանող սունկ, որը գրանցված է Հայաստանի Հանրապետության Կարմիր գրքում։
Նկարագրություն խմբագրել
10 սմ բարձրությամբ պտղամարմինը ուղիղ է։ 1-3 x 1-1,5 սմ գլխարկը մատնոցանման է, ազատ եզրերով, զանգակաձև կամ ձվաձև, թույլ ալիքավոր կամ ծալքավոր, վերևից բաց շագանակագույն, իսկ ներքևից՝ սպիտակ։ Բարակ, մոմանման պտղամիսը առանց յուրահատուկ համի և հոտի է։ Ոտիկը 5-10 x 1-1,5 սմ է, բաց դեղնավուն, սպիտակավուն, ալրանման փառով։ Գլանաձև պայուսակները պարունակում են 8 սպոր։ Մինչև 10 մկմ պարաֆիզները շականակագույն են, թելանման, գագաթնային մասում լայնացած։ Սպորները 20-25 x 12-18 մկմ են, կլորավուն կամ էլիպսաձև, անգույն, հարթ[1]։
Տարածվածություն խմբագրել
Ընդհանուր արեալը ընդգրկում է Եվրոպան, Ասիան, Հյուսիսային Ամերիկան, Հյուսիսային Կովկասը (Վրաստան, Հայաստան)։ Հայաստանում հայտնաբերված է Երևանի ֆլորիստիկական շրջանում՝ «Խոսրովի անտառ» արգելոց, Զանգեզուրի ֆլորիստիկական շրջան[1]։
Էկոլոգիա խմբագրել
Հայաստանի հանդիպում է հազվադեպ, եզակի առանձնյակներով, հողի վրա, լայնատերև անտառներում, 1300-1900 մ բարձրություններում, մայիս-հունիս ամիսներին։ Հումուսային սապրոտրոֆ է։ Պտղամարմինները ուտելի են[1]։
Պահպանություն խմբագրել
Խոցելի տեսակ է։ Հայաստանում պահպանվում է «Խոսրովի անտառ» արգելոցի համապատասխան էկոհամակարգերի կազմում[1]։
Ծանոթագրություններ խմբագրել
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիպահեստն ունի նյութեր, որոնք վերաբերում են «Վերպա կոնաձև» հոդվածին։ |