Վիքիպեդիա

Վերնատուն (նկար)

Դմիտրի Նալբանդյանի կտավներից

«Վերնատուն», 15 արվեստագետների պատկերող խմբակային դիմանկար, բազմաֆիգուր-բազմածավալ կտավ, որը ԽՍՀՄ ժողովրդական նկարիչ, ԽՍՀՄ գեղարվեստի ակադեմիայի իսկական անդամ, Պետական մրցանակների դափնեկիր Դմիտրի Նալբանդյանը ստեղծել է 1974-1976[1][2] թվականներին։ Գտնվում է Տրետյակովյան պատկերասրահում։

Վերնատուն
տեսակգեղանկար
նկարիչԴմիտրի Նալբանդյան
տարի1974 և 1976
գտնվում էՏրետյակովյան պատկերասրահ
հավաքածուՏրետյակովյան պատկերասրահ
Ծանոթագրություններ

Նկարագրություն խմբագրել

Կտավում նկարիչը պատկերել է հավաքույթ ամենայն հայոց բանաստեղծ Հովհաննես Թումանյանի բնակարանում, որին ներկա են հայ ստեղծագործ մտավորականության հիմնական ներկայացուցիչները, այդ թվում գրողներ, նկարիչներ, կոմպոզիտորներ։

Կտավում պատկերված են՝

Վերնատուն խմբագրել

Հիմնական հոդված՝ Վերնատուն

Վերնատունը հայ գրական ակումբ-խմբավորում է, որը գործել է 1899 թվականից մինչև 1908 թվականներին։ Հիմնել է Հովհաննես Թումանյանը։ Խմբավորման հանդիպումները տեղի են ունեցել Թումանյանի Թիֆլիսի բնակարանում՝ Բեհրության փողոցի № 44 տան ամենավերին՝ չորրորդ հարկում (վերնատանը)։ Վերնատան մշտական անդամներն են եղել՝ Ղազարոս Աղայանը, Հովհաննես Թումանյանը, Ավետիք Իսահակյանը, Լևոն Շանթը, Դերենիկ Դեմիրճյանը, Նիկոլ Աղբալյանը։ Մշտական անդամներից բացի՝ Վերնատան հանդիպումներին ներկա են եղել նաև բազմաթիվ այլ հայ գրողներ, արվեստագետներ, պատմաբաններ, լեզվաբաններ, գրականասեր մարդիկ՝ Պերճ Պռոշյանը, Մուրացանը, Վրթանես Փափազյանը, Կոմիտասը, նկարիչներ՝ Գևորգ Բաշինջաղյանը, Փանոս Թերլեմեզյանը և այլք։

Մրցանակներ խմբագրել

Ստեղծագործությունը 1978 թվականին արժանացել է ԽՍՀՄ Գեղարվեստի ակադեմիայի ոսկե մեդալի[3]։

Հետաքրքիր փաստեր խմբագրել

Նկարում պատկերված որոշ գործիչներ Վերնատան գոյության տարիներին արդեն ողջ չեն եղել[4]։

Այլ ցուցադրություններ խմբագրել

Ծանոթագրություններ խմբագրել

  1. ↑ «Это работа кисти художника Дмитрия Налбандяна "Вернатун" (1974-76 гг.)».
  2. ↑ Նկարը flickr.com հարթակում
  3. ↑ 3,0 3,1 «Վերնատուն». բացառիկ ցուցահանդես Հայաստանի ազգային պատկերասրահում
  4. ↑ «Вечер, посвященный истории картины Д. Налбандяна «Вернатун»».
  5. ↑ «Վերնատան» հեղինակը 100 տարեկան է
  6. ↑ “Вернатун” от Налбандяна
  7. ↑ «Вечер картины «Вернатун»». Արխիվացված է օրիգինալից 2019 թ․ մայիսի 5-ին. Վերցված է 2019 թ․ մայիսի 5-ին.
 
Ստացված է «https://hy.wikipedia.org/w/index.php?title=Վերնատուն_(նկար)&oldid=9375738» էջից