Վերադարձրեք Ռեքսին
«Վերադարձրեք Ռեքսին» (ռուս.՝ Верните Рекса), խորհրդային նկարված մուլտֆիլմ, որ նկարահանվել է 1975 թվականին «Սոյուզմուլտֆիլմ» ստուդիայում։ Ռեժիսորներ Վլադիմիր Պեկարը և Վլադիմիր Պապովը ստեղծել են պատմություն տղայի և շան ընկերության մասին։
 | |
|---|---|
 | |
| Տեսակ | մուլտֆիլմ |
| Ժանր | դրամա |
| Ռեժիսոր | Վլադիմիր Պոպով և Վլադիմիր Պեկար |
| Սցենարիստ | Ալեքսանդր Կանևսկի և Robert Vikkers? |
| Հնչյունավորում | Վսևոլոդ Սանաև և Սվետլանա Խառլապ |
| Բեմադրող նկարիչ | Պյոտր Ռեպկին |
| Երաժշտություն | Եվգենի Կրիլատով |
| Օպերատոր | Քաբուլ Ռասուլով |
| Երկիր |  ԽՍՀՄ |
| Ընկերություն | Սոյուզմուլտֆիլմ |
| Տևողություն | 16 րոպե |
| Թվական | 1975 |
Սյուժե
խմբագրելՍերգեյը և իր հավատարիմ ծեր շուն Ռեքսը հոկեյ են խաղում գետի սառույցի վրա։ Հանկարծակի սկսված սառցահոսքի պատճառով հայտնվում են տարբեր սառցաբեկորների վրա, դրանից հետո շունը ցատկում է տիրոջ հետևից ջրի մեջ և օգնում նրան սառցաբեկորի հետ հասնել ցամաքին։ Ռեքսը ջրից ուշացումով է հանվում, չի կարողանում դիմակայել թոքաբորբին և մահանում է հիվանդանոցում։ Տղայի ծնողներն անասնաբույժ Վալերյան Վալերյանիչին խնդրում են չհայտնել տղային շան մահվան մասին. հայրը մտադիր է ինքը հայտնել դրա մասին, սակայն շատ երկար է լռություն պահպանում, որովհետև Ռեքսը շատ մեծ նշանակություն ուներ տղայի համար։ Տղան հուսահատ պահանջում է բժշկին վերադարձնել Ռեքսին՝ զանգահարելով նրան և ներկայանալով կամ որպես ոստիկան, կամ որպես դատավոր։ Վալերյանիչը երկար փորձում է չպատասխանել այդ հարցին, բայց միաժամանակ խղճում է տղային և վերջապես ելք է գտնում՝ Սերգեյին նվիրել նոր շուն։ «Մասնավոր տիրույթում» տեսնելով գարշելի տեսարան, թե ինչպես է կռվարար և կոպիտ հարբեցողը ծաղրում քնքուշ շանը՝ փորձելով իր տան համար մեծացնել խիստ պահակի, անասնաբույժը գողանում է շանը չար տիրոջից։ Տերը հասնում է լսել և հայտնաբերել կորուստը։ Մինչև տերը փնտրում էր կացինը, որպեսզի սպանի գողին, Վալերյանիչը փոխում է ցուցանակի վրա գրված գրությունը՝ «Բակում չար շուն կա» դարձնելով «Բակում չար տեր կա», նստում է ավտոմեքենան և հեռանում։ Տնակը ձեռքին վազելով՝ հարբեցողը կանգնում է շղթայի վրա, և տնակը ընկնում է նրա գլխին, ինչից հետո նա ստիպված է լինում դադարեցնել հետապնդումը։
Բժիշկը շանը բերում է Սերգեյի մոտ։ Տղան հասկանում է, որ այդ շունը Ռեքսը չէ, բժիշկը խոստովանում է, որ Ռեքսը մահացել է, որ շանը, ինչպես և Սերգեյին, ընկեր է պետք։ Տղան ընդունում է ծեր շան մահվան լուրը, և նրա պատվին նոր ընկերոջը Ռեքս է անվանում։ Նոր Ռեքսը ընդունում է Սերգեյին՝ որպես իր տեր։ Պարզվում է, որ նոր շունը նույնպես անտարբեր չէ հոկեյի նկատմամբ։
Ստեղծողներ
խմբագրել| Ռեժիսորներ | Վլադիմիր Պոպով, Վլադիմիր Պեկար |
| Սցենարիստներ | Ալեքսանդր Կանևսկի |
| Նկարիչ-բեմադրող | Պյոտր Պեկին |
| Օպերատոր | Կաբուլ Ռասուլով |
| Կոմպոզիտոր | Եվգենի Կրիլատով |
| Հնչյունային օպերատոր | Բորիս Ֆիլչիկով |
| Խմբագիր | Ռաիսա Ֆրիչինսկայա |
| Նկարիչ-մուլտիկնիկատորներ | Ռենատա Միրենկովա, Յուրի Մեշչերյակով Անատոլի Աբարենով, Վալերի Ուգարով Մարինա Ռոգովա, Օլեգ Կոմարով, Վիկտոր Լիխաչյով |
| Նկարիչներ | Սերգեյ Մարակասով, Դմիտրի Անպիլով |
| Ասիստենտներ | Լիդիա Նիկիտինա, Լյուդմիլա Կրուտովսկայա |
| Մոնտաժող | Նատալյա Ստեպանցեվա |
| Մուլտֆիլմի տնօրեն | Ֆեոդոր Իվանով |
Երաժշտություն
խմբագրելԲացի Եվգենի Կրիլատովի հեղինակային երաժշտությունից մուլտֆիլմում հնչում է «Ջազի հնչյունները» կոմպոզիցիան՝ Գեորգի Գարանյանի էստրադային համույթի կատարմամբ։
Աուդիոհեքիաթ
խմբագրել1990-ական թվականների երկրորդ կեսերին թողարկվել մուլտֆիլմի համանուն աուդիո տարբերակը Ալեքսանդր Պոժարովի տեքստով[1]։
Վերահրատարակություն DVD-ով
խմբագրելՄուլտֆիլմը բազմիցս վերահրատարակվել է DVD-ով, մուլֆիլմերի ժողովածուներում.
- «Բարբոսը և ընկերությունը», «Սոյուզմուլտֆիլմ», մուլտֆիլմեր սկավառակի վրա.
«Բոբիկը գնացել է Բարբոսին հյուր» (1977), «Երկնագույն շնիկը» (1976), «Կոշկավոր շունը» (1981), «Վերադարձրեք Ռեքսին» (1975), «Շան մասին» (1979), « Ինքպես շունը սովորեց լողալ» (1984), «Շունը և հին հողաթափը» (1987), «Թույլ տվեք զբոսնել ձեր շան հետ» (1984), «Կուբիկը և Տոբիկը» (1984)[2]։
Ծանոթագրություններ
խմբագրել- ↑ Наталия Венжер. Владимир Пекарь // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2
- ↑ DVD «Барбос и компания»
Արտաքին հղումներ
խմբագրել- Վերադարձրեք Ռեքսին մուլտֆիլմը «Անիմատոր.ռու» կայքում
- Վերադարձրեք Ռեքսին(անգլ.) ֆիլմը Internet Movie Database կայքում
- «Վերադարձրեք Ռեքսին» «Սոյուզմուլտֆիլմի» պաշտոնական կայքում (Յութուբ)
- Владимир Пекарь — Энциклопедия отечественного кино