Վեներա Հակոբյան

Վիքիպեդիայում կան հոդվածներ Հակոբյան ազգանունով այլ մարդկանց մասին։

Վեներա Հովսեփի Հակոբյան (օգոստոսի 15, 1904(1904-08-15), Թիֆլիս, Ռուսական կայսրություն - փետրվարի 4, 1988(1988-02-04), Թբիլիսի, Վրացական ԽՍՀ, ԽՍՀՄ), դերասանուհի։ ՎԽՍՀ ժողովրդական արտիստուհի (1964)։

Վեներա Հակոբյան
Ծնվել է	օգոստոսի 15, 1904(1904-08-15)
Ծննդավայր	Թիֆլիս, Ռուսական կայսրություն
Մահացել է	փետրվարի 4, 1988(1988-02-04) (83 տարեկան)
Մահվան վայր	Թբիլիսի, Վրացական ԽՍՀ, ԽՍՀՄ
Քաղաքացիություն	Ռուսական կայսրություն և  ԽՍՀՄ
Մասնագիտություն	դերասանուհի
Աշխատավայր	Երևանի բանվորական թատրոն, Գյումրիի Վարդան Աճեմյանի անվան պետական դրամատիկական թատրոն և Ստեփան Շահումյանի անվան հայկական պետական թատրոն
Պարգևներ և մրցանակներ	Վրացական ԽՍՀ ժողովրդական արտիստ

Կենսագրություն

Բեմական գործունեությունն սկսել է Զուբալովի անվան ժողտանը։ Ավարտել է Թիֆլիսի Հայարտան դրամատիկական ստուդիան (1924, ղեկավար Ա. Բուրջալյան)։ 1924-1925 թվականներին՝ Հայաստանի Առաջին պետթատրոնի (այժմ՝ Սունդուկյանի անվան թատրոն), 1926-1927 թվականներին՝ Լենինականի Քաղլուսվարի, 1928-1988 թվականներին՝ Թբիլիսիի հայկական թատրոնների դերասանուհի։ Խաղացել է 300-ից ավելի դերեր, առավելապես աչքի ընկել բնութագրական դերերով։

Դերերը թատրոնում

• Կեկել, Էփեմիա՝ Գ. Սունդուկյանի «Պեպո»
• Ռոզալիա՝ Ա. Շիրվանզադեի «Պատվի համար»
• Մագթաղինե՝ Ա. Շիրվանզադեի «Մորգանի խնամին»
• Մարթա՝ Հ. Պարոնյանի «Ատամնաբույժն արևելյան»
• Գալչիխա՝ Ա. Օստրովսկու «Անմեղ մեղավորներ»
• Էմիլիա, Բիանկա՝ Ու. Շեքսպիրի «Օթելլո»

Դերերը կինոյում

• 1935 - «Պեպո» - հյուր

Վիքիդարանն ունի նյութեր, որոնք վերաբերում են «Վեներա Հակոբյան» հոդվածին։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։