Վեբ սերիալ (անգլ. Web series), սերիալների մի տեսակ, որը թողարկվում է համացանցում, սակայն հետագայում հնարավոր է հայտնվի հեռուստատեսությունում: Մեկ սերիան հաճախ անվանում են վեբ սերիա:

ՆկարագրությունԽմբագրել

Այս ժանրի սերիալների հայտնիությունը վերջին ժամանակներում աճում է, չնայած նրան, որ հայեցակարգը նոր չէ: Առաջին վեբ սերիալը ստեղծել է ամերիկացի պրոդյուսեր Սքոթ Զաքարին 1995 թվականին, այն անվանվել է՝ «Homicide: Second Shift»: Վեբ սերիալների ինտենսիվ արտադրությունը սկսվել է 1997 թվականին, սակայն ավելի ուշ դադարեցվել է ֆինանսական և տեխնոլոգիական սահմանափակուման պատճառով:

Վեբ սերիալների հայտնիության աճի պատճառներ կարելի է համարել համացանցի հասանելիությունը և հոսքային հոլովակների տեխնոլոգիաների բարելավվումը: Սա հնարավորություն է տվել անկախ արտադրողներին ստեղծել ցածր բյուջետային ֆիլմեր և սերիալներ և համացանցի միջոցով տարածել դրանք: Վերջին շրջանում նույնիսկ խոշոր հեռուստաընկերությունները օգտագործում են համացանցը՝ որպես իրենց հեռուստատեսային շոուների տարածման, ինչպես նաև համացանցի համար զանգվածային տեղեկությունների և շոուների մշակման միջոց:

Վեբ սերիալները ամենից հաճախ սիրողական են համարվում, սակայն կան նաև պրոֆեսիոնալներ, օրինակ «Վարորդներ» («Drivers»), որտեղ մասնակցություն է ունեցել Մակոլեյ Կալկինը[1]:

ՊատմությունԽմբագրել

2004-2006 թվականներին հայտնիություն են ձեռք բերել մի քանի անկախ վեբ սերիալներ, մասնավորապես Rooster Teeth Productions ընկերության կողմից ստեղծված «Կարմիրները ընդդեմ Կապույտների» սերիալը, որը համարվում է ամենաերկարատև վեբ սերիալը: Սերիալները, որոնք հիմնականում տարածվում են այնպիսի տեսանյութերի հոսթինգների միջոցով, ինչպիսիք են՝ ՅուԹյուբ, RuTube, Vimeo, ինչպես նաև սոցիալական ցանցերի միջոցով: «Կարմիրները ընդդեմ Կապույտների» սերիալը դիտել են ավելի քան 100 միլիոն օգտատերեր: «Սեմի յոթ ընկերները» սերիալը, որը թողարկվել է 2006 թվականի ամռանը, առաջադևվել է «Էմմի» մրցանակաբաշխությունում և արգելվել է համացանցում, քանի որ սերիալի հեղինակային իրավունքները ձեռք է բերել Մայքլ Այսները: Վեբ սերիալները արտադրվում և հաջողություն են ունենում ոչ միայն ԱՄՆ-ում, այլ նաև նախկին սովետական երկրներում, օրինակ, «Mr. Freeman» սերիալը The Best of Blogs միջազգային մրցույթի ժամանակ ճանաչվել է «Լավագույն վիդեոբլոգ»[2], իսկ մանկական «Ծիծաղի ավտոբուս» սքեչը հաղթել է «Рыбий Глаз» 11-րդ միջազգային կինոփառատոնի «Սինեմա» անվանակարգում[3]: 2017 թվականին Ռուսաստանը գործարկել է վեբ սերիալներին նվիրված առաջին ռեսուրսը՝ The Digital Reporter-ը:

Տես նաևԽմբագրել

ԾանոթագրություններԽմբագրել

  1. (հայերեն) :DRYVRS Ep. 1 "Just Me In The House By Myself" starring Macaulay Culkin & Jack Dishel, https://www.youtube.com/watch?v=yh7-wAy_8ss, վերցված է 2019-12-16 
  2. «В число лучших блогов в мире вошли три русскоязычных дневника»։ lenta.ru։ Վերցված է 2019-12-16 
  3. Митрофанова Екатерина (2009-10-28)։ «Южная Корея ждёт «Рыбий глаз»»։ irk.aif.ru։ Վերցված է 2019-12-16