Վարդ Շիկահեր
Վարդ Թովմայի Շիկահեր (դեկտեմբերի 26, 1926, Ստամբուլ, Թուրքիա - հուլիսի 16, 2020[1], Ստամբուլ, Թուրքիա), գրող, մանկավարժ, սրտաբան։ Բժշկական գիտությունների դոցենտ (1968)։
Վարդ Շիկահեր արմտ. հայ.՝ Վարդ Շիկահեր | |
|---|---|
 | |
| Ծնվել է | դեկտեմբերի 26, 1926 |
| Ծննդավայր | Ստամբուլ, Թուրքիա |
| Վախճանվել է | հուլիսի 16, 2020[1] (93 տարեկան) |
| Վախճանի վայր | Ստամբուլ, Թուրքիա |
| Մասնագիտություն | գրող, մանկավարժ և սրտաբան |
| Քաղաքացիություն |  Թուրքիա |
| Կրթություն | Ստամբուլի համալսարան |
| Աշխատավայր | Վիեննական Մխիթարյան վարժարան և Էսայան վարժարան |
| Պարգևներ | |
| Վարդ Շիկահեր Վիքիդարանում | |
Կենսագրություն Խմբագրել
Վարդ Շիկահերը ծնվել է Ստամբուլում։ Դպրոցական տարիներին թղթակցել է ստամբուլյան «Մարմարա» թերթին։ 1944 թվականին ավարտել է Վենետիկի Մխիթարյան վարժարանը, 1951-1957 թվականներին սովորել է Ստամբուլի համալսարանի բժշկական ֆակուլտետում՝ ստանալով սրտի և ներքին հիվանդությունների մասնագետի որակավորում։ 1944-1981 թվականներին դասավանդել է Ստամբուլի Մխիթարյան, Եսայան և Ֆերիգյուղի միջնակարգ վարժարաններում։ Շիկահերը երգում է բնությունը, սերը («Լուսաբաց», 1980, «Չորս տող միայն», 1993, «Բարի աստղի տակ», 1999, ժողովածուներ)։ Շիկահերի ստեղծագործություններին բնորոշ է հակվածությունը խոհափիլիսոփայական մտածողությանը («Նոյն արեւուն տակ», 1996)։ Հրատարակել է նաև բժշկագիտական («Կիսադարեայ պատմութիւն թրքահայ բժշկութեան», 1923-1975, «Մեր կենսաբանական ցաւերը եւ Աննա Ասլանի նիւթ Н-3», 1964) և հուշագրական ուսումնասիրություններ («Մխիթարեանի պարտէզէն», 1992)[2]։
Մահացել է 2020 թվականի հուլիսի 16-ին Ստամբուլում[3][4][5]։
Պարգևներ Խմբագրել
- «Սուրբ Սահակ և Սուրբ Մեսրոպ» շքանշան
- Մովսես Խորենացու մեդալ, 2016[6]։
Երկեր Խմբագրել
- «Լուսայգ», 1989։
- «Մխիթարեանի պարտէզէն», 1992։
- «Չորս տող միայն», 1993։
- «Նոյն արեւուն տակ», 1996։
- «Բարի աստղի տակ», 1999։
- «Հերկ ու բերք», 2001։
- «Իմացումներ և ապրումներ», 2006։
- «Երեք ահաւոր փորձանք», 2007։
- «Թառէ թառ», 2008։
- «Սպիտակ ամպեր», 2010[7]։
Ծանոթագրություններ Խմբագրել
- ↑ 1,0 1,1 1,2 Վեր
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ «Վեր»։ HyeTert (tr-TR)։ 2020-07-16։ Վերցված է 2020-07-16
- ↑ «Պոլսահայ յայտնի գրող Վարդ Շիկահեր ոչ եւս է»։ www.arevelk.am։ Վերցված է 2020-07-17
- ↑ «Վարդ Շիկահերի անմահ յիշատակին | Ակօս»։ Agos (հայերեն)։ Վերցված է 2021-01-07
- ↑ «Հայաստանի Նախագահի հրամանագրերը - Փաստաթղթեր - Հայաստանի Նախագահ»։ նախագահ.հայ։ Վերցված է 2016-09-29
- ↑ «Սպիտալ ամպեր» (հեղինակ՝ Վարդ Շիկահեր)