Վարդուշ Տարախչյան

Վարդուշ Տարախչյան;
Ծնվել է	1894
Ծննդավայր	Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Մահացել է	1980
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	քաղաքական գործիչ
Կուսակցություն	ԽՄԿԿ
Պարգևներ և ; մրցանակներ

Վարդուշ Սարգսի Տարախչյան (1894, Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - 1980, Երևան, Հայկական ԽՍՀ, ԽՍՀՄ), հայ խմբագիր, կուսակցական գործիչ։ Հյուսիսային Կովկասում քաղաքացիական կռիվների մասնակից, Հայաստանում խորհրդային ռեժիմի հաստատման աջակից, ԽՄԿԿ անդամ (1917)։

ԳործունեությունԽմբագրել

1917 թվականի ամռանն ընտրվել է ՌՍԴԲԿ Ալեքսանդրապոլի բոլշևիկյան կազմակերպության բյուրոյի կազմում, հոկտեմբերից քարոզչական աշխատանք է տարել Թիֆլիսի «Սպարտակ» մարքսիստական երիտասարդական կազմակերպությունում։ 1918 թվականի մայիսից Արմավիրում ղեկավարել է ազգ- ժողկոմատի հայկական սեկցիան։ 1919 թվականի հունվարին Վլադիկավկազում (այժմ՝ Օրջոնիկիձե) մասնակցել է դենիկինցիների դեմ կռիվներին։ 1920 թվականի մարտից աշխատել է Կուբան-սևծովյան մարզային արտակարգ հանձնաժողովի օպերատիվ բաժնում՝ միաժամանակ ղեկավարելով ՌԿ(բ) կ մարզկոմի հայկական սեկցիան։ 1920 թվականի դեկտեմբերին նշանակվել է ՀԿ(բ) կ Դիլիջանի գավկոմի կազմբաժնի և կինբաժնի վարիչ։ 1923 թվականից՝ ՀԿ(բ) կ Դիլիջանի շրջկոմի քարտուղար, 1924 թվականի նոյեմբերից՝ ՀԿ(բ) կ Կենտկոմի կինբաժնի վարիչի տեղակալ, ապա կուսակցության Երևանի կոմիտեի նույն բաժնի վարիչ։ 1927-1929 թվականներին Տարախչյանը ՀԿ(բ) կ Կենտկոմի բանվորուհիների և գեղջկուհիների բաժնի վարիչն էր և «Հայաստանի աշխատավորուհի» ամսագրի խմբագիրը։ Այնուհետև աշխատել է կուսակցության Լենինականի գավկոմում, Հայաստանի օգնության կոմիտեում (ՀՕԿ)։ 1934-1937 թվականներին կրկին խմբագրել է «Հայաստանի աշխատավորուհի» ամսագիրը։ 1940 թվականից աշխատել է«Հայպետհրատ», ապա «Լույս» հրատարակչություններում։ 1967 թվականին անցել է թոշակի։

ՀԿ(բ) կ 5-6-րդ և 9-րդ համագումարներում ընտրվել է Կենտկոմի անդամ, ՀԽՍՀ սովետների 1-6-րդ համագումարներում՝ ՀԽՍՀ Կենտգործկոմի անդամ, իսկ Անդրկովկասի սովետների 5-րդ համագումարում՝ Անդրկենտգործկոմի անդամ։

Պարգևատրվել է Լենինի շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 606)։