Վարդգես Նաջարյան
Վարդգես Հակոբի Նաջարյան (ապրիլի 4, 1930[1], Քեսապ (Քեսաբ), Լաթակիայի գավառ, Լաթակիայի մարզ, Սիրիա), հայ վնասվածքաբան-օրթոպեդ։ Բարերար։ Վիրաբույժ-օրթոպեդների ամերիկյան ակադեմիայի անդամ (1969), Ամերիկյան վիրաբույժների քոլեջի անդամ (1970)։
Ծնվել է | ապրիլի 4, 1930[1] (94 տարեկան) |
---|---|
Ծննդավայր | Քեսապ (Քեսաբ), Լաթակիայի գավառ, Լաթակիայի մարզ, Սիրիա |
Քաղաքացիություն | ԱՄՆ |
Կրթություն | Բեյրութի ամերիկյան համալսարան |
Մասնագիտություն | բժիշկ |
Կենսագրություն խմբագրել
Վարդգես Նաջարյանը ծնվել է 1930 թվականին Քեսաբում։ 1957 թվականին ավարտել է Բեյրութի ամերիկյան համալսարանը, 1958 թվականին՝ Չիկագոյի Հյուսիսարևմտյան համալսարանը։ 1962-1980 թվականներին եղել է Քլիվլենդի «Մետրոպոլ» հիվանդանոցի գլխավոր օրթոպեդ, 1979 թվականից՝ Գլենդելի «Մեմորիալ» հիվանդանոցի գլխավոր օրթոպեդ։ 1980 թվականից Կալիֆոռնիայի բժշկական ընկերակցության անդամ։ 1982-1991 թվականներին Գլենդելի հեռուստատեսությամբ կազմակերպել և վարել է «Առողջապահության պահ» հայկական հաղորդաշարը։ 1985 թվականին Երևանի Վնասվածքաբանության և օրթոպեդիայի ԳՀԻ-ում ներդրել է վիրաբուժական հոդադիտակ (արթրոսկոպ), 1995 թվականին Երևանի կենտրոնական զինվորական հոսպիտալում հիմնադրել է մասնագիտացված վիրաբուժական բաժանմունք[2]։
Բժիշկ Վարդգես և Մերի Նաջարյաններ ամուսնական զույգը Երևանում ստեղծել է առաջին «արտոսկոպիկ վիրաբուժության համակարգը», ՀՀ մի շարք կլինիկաների և հիվանդանոցների անհատույց առաքել է դեղորայք և բժշկական սարքավորումներ։ Կալիֆոռնիայում հիմնել են «Հայ բժշկական օգնությունը» (Medical Outreach for Armenians), որը Հայաստանում հիմնել է առաջին ակնաբուժական կենտրոնը։ ԱՄՆ-ում «Հայ բժշկական օգնությունը» մի քանի դրամահավաքներ և 6 հեռուստամարաթոն է կազմակերպել։ Կազմակերպել են Սպիտակի երկրաշարժից տուժած երեխաների բուժումն ու պրոթեզավորումն ԱՄՆ-ում, հիմնել ու կահավորել է Ստեփանակերտի հոսպիտալի վերակենդանացման բաժանմունքը (կոչվում է Վարդգես և Մերի Նաջարյանների անունով), Ղարաբաղյան պատերազմի տարիներին աշխատել են խրամատներում և վրաններում, փրկել զինվորների[3]։
Պարգևներ խմբագրել
- ՀՀ բանակի գնդապետ, 1996
- «Էլլիս Այլընդ» պատվո մեդալ, 2014
- «Դրաստամատ Կանայան» գերատեսչական մեդալ, 2015[4]
Ընտանիք խմբագրել
- Կինը՝ Մերի Նաջարյան, վիրահատարանի բուժքույր
- Որդի՝ Արա Նաջարյան, Գլենդելի նախկին քաղաքապետ, քաղաքի խորհրդի անդամ
- Որդի՝ Արմեն Նաջարյան, ծրագրավորող
- Որդի՝ Ռաֆի Նաջարյան, ԱՄՆ օդային ուժերի փոխգնդապետ, Իրաքյան պատերազմի վետերան
- Դուստր՝ Մարո Յակուբյան, փաստաբան
Ծանոթագրություններ խմբագրել
- ↑ 1,0 1,1 http://am.hayazg.info/index.php?curid=13975
- ↑ «Սփյուռքահայ բարերարների միջոցներով վերազինվել են ՊՆ կենտրոնական կլինիկական զինվորական հոսպիտալի մի շարք բաժանմունքներ». Արխիվացված է օրիգինալից 2015 թ․ հուլիսի 25-ին. Վերցված է 2016 թ․ սեպտեմբերի 2-ին.
- ↑ «Միշտ կողք կողքի | amda.am». amda.am. Վերցված է 2016 թ․ սեպտեմբերի 2-ին.(չաշխատող հղում)
- ↑ «Ամերիկահայ բարերարներ Վարդգես Նաջարյանը պարգևատրվել է «Դրաստամատ Կանայան» մեդալով». www.pastinfo.am. Վերցված է 2016 թ․ սեպտեմբերի 2-ին.