Վասիլ Գոձիաշվիլի

Վասիլ Գոձիաշվիլի; վրաց.՝ ვასილ დავითის ძე გოძიაშვილი
Ծնվել է	նոյեմբերի 14 (27), 1905
Ծննդավայր	Սիղնաղի գավառ, Թիֆլիսի նահանգ, Ռուսական կայսրություն
Մահացել է	հունվարի 30, 1976 (70 տարեկան)
Մահվան վայր	Թբիլիսի, Վրացական ԽՍՀ, ԽՍՀՄ
Գերեզման	Դիդուբեի պանթեոն
Կրթություն	Q25538629?
Քաղաքացիություն	Ռուսական կայսրություն և ԽՍՀՄ
Մասնագիտություն	դերասան
Պարգևներ և մրցանակներ	; Վրացական ԽՍՀ ժողովրդական արտիստ և

Վասիլ (Վասո) Դավիթի Գոձիաշվիլի (վրաց.՝ ვასილ დავითის ძე გოძიაშვილი, նոյեմբերի 14 (27), 1905, Սիղնաղի գավառ, Թիֆլիսի նահանգ, Ռուսական կայսրություն - հունվարի 30, 1976(1976-01-30), Թբիլիսի, Վրացական ԽՍՀ, ԽՍՀՄ), կինոյի և թատրոնի վրացի խորհրդային դերասան։ ԽՍՀՄ ժողովրդական արտիստ (1958)^[1]^[2]։

Կենսագրություն

Վասիլ Գոձիաշվիլին ծնվել է 1905 թվականի նոյեմբերի 14-ին (նոյեմբերի 27) Վիկարի գյուղում (ներկայում՝ Կախեթի մարզի երկրամաս, Վրաստան, այլ տվյալներով՝ ծնվել է Թբիլիսիում^[3])։

14 տարեկանից կրկեսում հանդես է եկել էստրադային համարներով։

1921 թվականին կամավոր մեկնել է Կարմիր բանակ, որտեղ մասնակցել է գեղարվեստական ինքնագործունեությանը։

1922-1924 թվականներին սովորել է Թիֆլիսի Ակակի Պագավայի դրամատիկական ստուդիայում։

1924-1930 թվականներին Վասիլ Գոձիաշվիլին եղել է Շոթա Ռուսթավելու անվան պետական ակադեմիական թատրոնի դերասան (Թիֆլիս)։ 1930 թվականից եղել է Վրաստանի երկրորդ պետական թատրոնի (ներկայում՝ Վրաստանի Մարջանիշվիլու անվան թատրոն) դերասան։

Վասո Գոձիաշվիլին եղել է Կոնստանտին Մարջանիշվիլու և Ալեքսանդր Ախմետելիի աշակերտը։

Կինոյում առաջին անգամ նկարահանվել է 1932 թվականին։

Ելույթներ է ունեցել որպես էստրադային երգիչ։ 1939 թվականին դարձել է Էստրադայի առաջին համամիութենական մրցույթի մրցանակակիր։

Վրացական ԽՍՀ Գերագույն Խորհրդի չորրորդ և հինգերորդ նստաշրջանների պատգամավոր է։

Վասիլի Գոձիաշվիլին մահացել է 1976 թվականի հունվարի 30-ին (այլ տվյալներով՝ հունվարի 27-ին) Թբիլիսիում։ Թաղված է Դիդուբեի պանթեոնում։

Կոչումներ և պարգևներ

Վրացական ԽՍՀ ժողովրդական արտիստ (1953)
ԽՍՀՄ ժողովրդական արտիստ (1958)
Ստալինյան երկրորդ աստիճանի մրցանակ (1952) - Ի. Մոսաշվիլիի «Նրա աստղը» ներկայացման մեջ Զանդուկելիի դերակատարման համար Վրաստանի Մարջանիշվիլու անվան թատրոն
Վրացական ԽՍՀ Շոթա Ռուսթավելու անվան պետական մրցանակ (1971)
Լենինի շքանշան
2 շքանշան
մեդալներ

Արվեստ

Դերերը թատրոնում

1928 - «Անզոր», Սանդրո Շանշիաշվիլի - Ախմա
1930 - «Ռոգոր», Կառլո Կալիձե - Բեգլար
1931 - «Երեք հաստլիկ», Յուրի Օլեշա - Տուտի
1931 - «Հաց», Վլադիմիր Կիրշոն - Կվասով
1933 - «Արևի խավարում Վրաստանում», Զուրաբ Անտոնով - պորուչիկ Չեշմակով^[1]
1934 - «Էսկադրայի վախճանը», Ալեքսանդր Կորնեյչուկ - Բոցման
1936 - «Հիմա ժամանակներն ուրիշ են», Ավքսենտի Ցագարելի - Ավետիք
1936 - «Ոչխարի աղբյուրը», Լոպե դե Վեգա - Մենգո
1937 - «Ֆիգարո», Պիեռ Բոմարշե - Ֆիգարո
1941 - «Ռյուի Բլազ», Վիկտոր Հյուգո - դոն Սեզար դե Բազան
1942 - «Ցար Իրակլի» («Քառուղում»), Լևան Գոտուա - ցար Իրակլի
1944 - «Անօժիտը» Ալեքսանդր Օստրովսկի - Ռոբինզոն
1946 - «Դիմակահանդես», Միխայիլ Լերմոնտով - Արբենին
1946 - «Մի՞թե նա մարդ է», ըստ Իլյա Ճավճավաձեի - Լուարսաբ
1948 - «Պարի ուսուցիչ», Լոպե դե Վեգա - Ալդեմարո
1951 - «Ռևիզոր», Նիկոլայ Գոգոլ - Խլեստակով
1951 - «Նրա աստղը», Իլո Մոսաշվիլի - Զանդուկելի
1952 - «Գարնանային առավոտ», Վ. Գիբեսկիրի - տնօրեն
1956 - «Հեղեղ», Միխեիլ Մրևլիշվիլի - Գեգա
1957 - «Ռիչարդ III», Վիլյամ Շեքսպիր - Ռիչարդ III
1959 - «Փոթորիկ», Ցաո Յույ - Չժոու
«Կեսարն ու Կլեոպատրան», Բեռնարդ Շոու - Կեսար

Ֆիլմագրություն

1932 - Արևի արահետով
1938 - Բաքվեցիներ - բոլշևիկ Վասո
1948 - Քեթո և Կոտե - Սիկո
1956 - Էթերիի երգը - պապ
1958 - Մայակովսկին սկսել է այսպես
1965 - Հիմա ժամանակներն ուրիշ են - Ավետիք
1969-1970 - Վարպետաց վարպետի աջը - կաթողիկոս Մելքիսեդեկ
1973 - Աշնան տաք արև

Ծանոթագրություններ

↑ ^1,0 ^1,1 Театральная энциклопедия. Гл. ред. П. А. Марков. Т. 2 - М.: Советская энциклопедия, Гловацкий - Кетуракис, 1963, 1216 стб. с илл., 14 л. илл.
↑ Большая советская энциклопедия. Гл. ред. А. М. Прохоров, 3-е изд. Т. 7. Гоголь - Дебит. 1972. 608 стр., илл.: 44 л. илл. и карт. 1 карта-вкл.
↑ Годзиашвили Василий Давыдович статья из Большой советской энциклопедии (3-е издание)

Արտաքին հղումներ

Վասիլ Գոձիաշվիլին kino-teatr.ru կայքում

Վիքիպահեստն ունի նյութեր, որոնք վերաբերում են «Վասիլ Գոձիաշվիլի» հոդվածին։

[te2-1] 1,0 ^1,1 Театральная энциклопедия. Гл. ред. П. А. Марков. Т. 2 - М.: Советская энциклопедия, Гловацкий - Кетуракис, 1963, 1216 стб. с илл., 14 л. илл.

[bse7-2] Большая советская энциклопедия. Гл. ред. А. М. Прохоров, 3-е изд. Т. 7. Гоголь - Дебит. 1972. 608 стр., илл.: 44 л. илл. и карт. 1 карта-вкл.

[3] Годзиашвили Василий Давыдович статья из Большой советской энциклопедии (3-е издание)

[1]

[2]

[3]