Վաչագան Վերին

Վաչագան Վերին, գյուղ Հայկական ԽՍՀի Ղափանի շրջանում, Կապան քաղաքի հարավ-արևմտյան կողմում, բարձրադիր անտառապատ վայրում, Վաչագան գետի ակունքի մոտ։

Գյուղ
Վաչագան Վերին
Երկիր	Հայկական ԽՍՀ
Շրջան	ՂափանՂափանի շրջան|Ղափան
Այլ անվանումներ	Վաչագան, Վաչական, Վաչաղան, Վաչաքենդ, Վեչագան, Վեղաքենտ, Վյաչեկան, Վչըգան, Վչքան
ԲԾՄ	1188 մետր
Բնակչություն	247 մարդ (1970)
Ազգային կազմ	հայեր
Ժամային գոտի	UTC+4
Վաչագան Վերին (Աշխարհ)

Ղևոնդ Ալիշանը գյուղը նույնացնում էր Կովսական գավառի Վարժանտուք գյուղի հետ։

Պատմություն

Հնում մտնում էր Մեծ Հայքի Սյունիք Աշխարհի Աճանան գավառի մեջ։ Նույն՝ Վաչագան Վերին, անվանումով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում։

Նոր հարկացուցակով (1781 թ.) Տաթևի վանքին տալիս էր տարեկան 2200 դահեկան պտղի հարկ։

1930-ականներին միացվել է Վաչագան Ներքին գյուղին, իսկ ապա երկուսը միասին մտել են Կապան քաղաքի շրջագծի մեջ։

Բնակչություն

Վաչագան Վերինի ազգաբնակչության փոփոխությունը.

Տարի	1831	1873	1922
Բնակիչ	25	168	723

Պատմամշակութային կառույցներ

Գյուղում ունի XIII դարի կանգուն եկեղեցի։