Վաչագան Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Վաչագան Գարեգինի Համբարձումյան (անհայտ, Մեղրաշեն, Արթիկի շրջան, Հայկական ԽՍՀ, ԽՍՀՄ - փետրվարի 10, 1944), հայ մանկավարժ։ ԽՄԿԿ անդամ (1942): Երկրորդ համաշխարհային պատերազմի Արևելյան ճակատի («Հայրենական մեծ պատերազմ», 1941-1945) մասնակից։
| Վաչագան Համբարձումյան | |
|---|---|
| Ծնվել է | անհայտ |
| Ծննդավայր | Մեղրաշեն, Արթիկի շրջան, Հայկական ԽՍՀ, ԽՍՀՄ |
| Մահացել է | փետրվարի 10, 1944 |
| Քաղաքացիություն | .svg){kind=small} ԽՍՀՄ |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  և  |
Կենսագրություն խմբագրել
Վաչագան Համբարձումյանը ծնվել է Արթիկի շրջանի Մեղրաշեն գյուղում։ 1938 թվականին ավարտել է Լենինականի Հակոբ Հակոբյանի անվան բանվորական դպրոցը և նշանակվել Արթիկի շրջանի Սառնաղբյուրի դպրոցի ուսուցիչ։ 1940 թվականի հունվարին զորակոչվել է կարմիր բանակ, ծառայել՝ Մոլդավական սահմանային քաղաքում[1]։
1941 թվականին Համբարձումյանը տանելով պատերազմի առաջին շրջանի դժվարությունները, իր զորամասի հետ մարտերով հասել է Ստալինգրադ։ Մասնակցել է Ստալինգրադի պաշտպանության և ազատագրման մարտերին։ 181-րդ հրաձգային, Լենինի շքանշանակիր Ստալինգրադյան դիվիզիայի կազմում մարտերով հասել է Դնեպր, մասնակցել Դնեպրի անցմանը, պլացդարմի ստեղծմանը և ստորաբաժանումների ափհանմանը։ 1942 թվականին ռազմաճակատում ընդունվել է կուսակցության շարքերը[1]։
Մարտերում ցուցաբերած քաջության համար Վաչագանը պարգևատրվել է Կարմիր աստղի շքանշանով, «Մարտական ծառայությունների համար» և «Արիության համար» մեդալներով, մի քանի անգամ արժանացել է շնորհակալագրերի[1]։
Վաչագան Համբարձումյանը զոհվել է 1944 թվականի փետրվարի 10-ին, մարտադաշտում։
Պարգևներ խմբագրել
- Կարմիր աստղի շքանշան
- «Մարտական ծառայությունների համար» մեդալ
- «Արիության համար» մեդալ