Վանդա Վասիլևսկայա
| Ուշադրություն։ Այս հոդվածը կարող է պարունակել անձնական տեսություններ, վարկածներ կամ կարծիքներ։ Հոդվածից պետք է հեռացնել բոլոր այն պնդումները, որոնք հիմնված չեն վստահելի աղբյուրների վրա։ Մանրամասների համար տես քննարկման էջը։ |
Վանդա Լվովնա Վասիլևսկայա (լեհ.՝ Wanda Wasilewska, հունվարի 21, 1905[1][2][3][…], Կրակով, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա[4][5] - հուլիսի 29, 1964[4][1][2][…], Կիև, Ուկրաինական ԽՍՀ, ԽՍՀՄ[4]), լեհ և խորհրդային գրող, հասարակական գործիչ։ 1939 թվականից ապրել և աշխատել է ԽՍՀՄ-ում։ Գրել է լեհերեն։
Վանդա Վասիլևսկայա լեհ.՝ Wanda Wasilewska ուկրաիներեն՝ Ванда Львівна Василевська | |
|---|---|
 | |
| Ծննդյան անուն | լեհ.՝ Wanda Wasilewska |
| Ծնվել է | հունվարի 21, 1905[1][2][3][…] |
| Ծննդավայր | Կրակով, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա[4][5] |
| Վախճանվել է | հուլիսի 29, 1964[4][1][2][…] (59 տարեկան) |
| Վախճանի վայր | Կիև, Ուկրաինական ԽՍՀ, ԽՍՀՄ[4] |
| Գերեզման | Բայկովո գերեզմանատուն |
| Մասնագիտություն | լրագրող, գրող, սցենարիստ, քաղաքական գործիչ, բանաստեղծուհի, դրամատուրգ և խմբագիր |
| Լեզու | լեհերեն |
| Քաղաքացիություն |  ԽՍՀՄ և  Լեհաստանի Ժողովրդական Հանրապետություն |
| Կրթություն | Վարշավայի համալսարան և Կրակովի համալսարան |
| Գիտական աստիճան | փիլիսոփայական գիտությունների դոկտոր |
| Ժանրեր | վեպ |
| Անդամակցություն | ԽՍՀՄ Գրողների միություն և Ուկրաինայի գրողների ազգային միություն |
| Կուսակցություն | Լեհաստանի աշխատավորների կուսակցություն, ԽՄԿԿ և Լեհական սոցիալիստական կուսակցություն |
| Պարգևներ |         և  |
| Ամուսին | Ալեքսանդր Կոռնեյչուկ |
 Wanda Wasilewska Վիքիպահեստում | |
Գործունեությունը խմբագրել
ԽՄԿԿ անդամ 1941 թվականից։ 1927 թվականին ավարտել է Կրակովի համալսարանի բանասիրական ֆակուլտետը։ Մասնակցել է լեհական հեղափոխական շարժմանը։ 1939 թվականին ընդունել է սովետական քաղաքացիություն։ Հայրենական մեծ պատերազմի ժամանակ եղել է խորհրդային բանակի քաղվարչության պրոպագանդիստ։ Գլխավորել է լեհ հայրենասերների միությունը ԽՍՀՄ-ում։ Ետպատերազմյան շրջանում եղել է խաղաղության ակտիվ մարտիկ։ 1921 թվականին մամուլում հանդես է եկել բանաստեղծություններով։ «Օրվա պատկերը» (1934) վիպակում պատկերել է լեհական բանվոր դասակարգի հեղափոխական գիտակցության աճը։ «Երգ ջրերի վրա» եռերգությունում Վասիլևսկայան պատմել է Պիլսուդսկու իշխանության ժամանակ Լեհաստանում ուկրաինացիների մղած պայքարի, Արևմտյան Ուկրաինայի վերամիավորված հողերում սոցիալիստ, շինարարության, լեհ և խորհրդային ժողովուրդների բարեկամության մասին։ Վասիլևսկայան իր վիպակներում պատկերել է Հայրենական մեծ պատերազմի ժամանակ խորհրդային ժողովրդի խիզախությունն ու հերոսությունը («Ծիածան», 1942, ԽՍՀՄ պետական մրցանակ, 1943), առաջադրել է սոցիալիստ, բարոյականության խնդիրներ («Պարզապես սեր», 1944, ԽՍՀՄ պետական մրցանակ, 1946 և «Երբ լույսը վառվի», 1946), գովերգել է լեհ կոմունիստների սխրանքները («ճակատագրական պայքարում», 1958)։ Վասիլևսկայայի ստեղծագործությանը հատուկ են կրքոտ հրապարակախոսայնությունը, սուր կոնֆլիկտայնությունը, հուզականությունը։ ԽՍՀՄ 1-6-րդ գումարումների Գերագույն սովետի պատգամավոր, Խաղաղության համաշխարհային խորհրդի անդամ։ Պարգևատրվել է Լենինի և այլ շքանշաններով։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
- ↑ 3,0 3,1 Առցանց լեհական կենսագրական բառարան (польск.)
- ↑ 4,0 4,1 4,2 4,3 4,4 4,5 4,6 4,7 4,8 Василевская Ванда Львовна // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 5,0 5,1 5,2 https://katalog.bip.ipn.gov.pl/informacje/114194
 | Վիքիպահեստն ունի նյութեր, որոնք վերաբերում են «Վանդա Վասիլևսկայա» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 292)։ 
|