Վայրի մեղր

«Վայրի մեղր» (ռուս.՝ «Дикий мёд»), խորհրդային գեղարվեստական ֆիլմ, որը նկարահանել է ռեժիսոր Վլադիմիր Չեբոտարյովը 1966 թվականին «Մոսֆիլմ» կինոստուդիայում։ Լեոնիդ Պերվոմայսկու համանուն վեպի էկրանավորումն է։

Վայրի մեղր ռուս.՝ Дикий мёд
Երկիր	ԽՍՀՄ
Ժանր	ռազմական ֆիլմ և դրամա
Թվական	1966
Լեզու	ռուսերեն
Ռեժիսոր	Վլադիմիր Չեբոտարյով
Սցենարի հեղինակ	Լեոնիդ Պերվոմայսկի
Դերակատարներ	Ալլա Լարիոնովա, Վլադիմիր Սամոյլով, Վալենտին Զուբկով, Վլադիմիր Եմելյանով, Ստանիսլավ Չեկան, Yury Kireyev?, Վսևոլոդ Սաֆոնով և Նիկոլայ Պոգոդին
Օպերատոր	Յուրի Գանտման
Երաժշտություն	Վենիամին Բասներ
Կինոընկերություն	Մոսֆիլմ

Ֆիլմի պրեմիերան կայացել է 1967 թվականի հուլիսի 10-ին։

Սյուժե

Ֆիլմը Հայրենական մեծ պատերազմի հերոսական դրվագների ու առօրյայի, պատերազմի պայմաններում սիրո, հազիվ նշմարված ու կտրուկ ընդհատված զգացմունքի մասին է։

1943 թվական։ Ռազմական թերթի հանձնարարությամբ ֆոտոլրագրող Վարվառա Կնյաժիչը մեկնում է առաջնագիծ, որպեսզի մի քանի լուսանկար անի խոցված գերմանական հզոր «Վագր» տանկից։ Մարտական պայմաններում նա ստիպված է լինում բախվել սպաների և ենթակաների բարդ հարաբերություններին։

Վարվառային հաջողվում է հասնել դաժան ու անարդար դատավճռի չեղարկմանը, որը տրիբունալի կողմից կայացվել է մարտի դաշտից «Վագրերից» փախած զրահահար հրաձիգ Ֆեդյակին։ Ավելի ուշ մարտի ժամանակ տրիբունալի մայորը, որը նրան դատապարտել էր, Ֆեդյակի հետ հայտնվում է նույն խրամատում։

Լրագրողական առաջադրանքի կատարման ժամանակ Վարյան հայտնվում է մահվանից ընդամենը երկու քայլ հեռավորության վրա։ Բայց հենց այստեղ է, որ նրան վիճակված է գտնել իր սերը։ Ծանոթության կարճ ժամանակվա ընթացքում նա խորը զգացմունք է տածում խիզախ գնդապետ Լաժեչնիկովի նկատմամբ, որը Ֆեդյակի հետ հերոսաբար զոհվում է կարճ ժամանակ հետո տեղի ունեցած մարտում։

Դերերում

• Ալլա Լարիոնովա – Վարվառա Կնյաժիչ, ռազմական թղթակից
• Վլադիմիր Սամոյլով – Լաժեչնիկով, գնդապետ
• Վլադիմիր Եմելյանով – Ռոդիոն Պավլովիչ Կոստեցկի, գեներալ-մայոր
• Գուրգեն Թոնունց – Գուլոյան, զրահահար հրաձիգ
• Վալենտին Զուբկով – Սերբին, մայոր
• Լև Իվանով – Ալեքսեյ Պետրովիչ Սավիչև, գեներալ
• Ստանիսլավ Չեկան – Ֆեոդոր Սավվիչ Ֆեդյակ, զրահահար հրաձիգ
• Յուրի Կիրեև – Կուստով, տանկիստ
• Վիկտոր Ֆայնլեյբ – Շրայբման, զրահահար հրաձիգ
• Վսևոլոդ Սաֆոնով – Սաշա, Վարբառայի ամուսինը, երկրաբան
• Նիկոլայ Պոգոդին – Ժուկ, կապիտան
• Ալեքսանդր Լեբեդև – Վասկով, վարորդ
• Վիկտոր Ուրալսկի – Կուկուրեչնի, լեյտենանտ
• Վալենտինա Անանինա – ռազմական կարգավորող
• Պավել Վիննիկ – երկրաբան
• Եվգենի Ժարիկով – էպիզոդ
• Վիկտոր Կոլպակով – Զուբարև, զինվոր
• Գենադի Կրաշենիննիկով – Վանյա, Կոստեցկու ադյուտանտ
• Դմիտրի Մասանով – Անդրեյ Իգնատևիչ, դիվիզիայի հրամանատար, գնդապետ
• Մարգարիտա Մերինո – էպիզոդ
• Նոդար Մղալոբլիշվիլին – զինվորական բլինդաժում
• Վլադիմիր Մարենկով – Գրիցայ, սերժանտ
• Յուրի Մարտինով – գերեվարված գերմանացի
• Ռադներ Մուրատով – ռազմական բժիշկ
• Դանիիլ Նետրեբին – կապիտան Մուրաշկո, հետախույզ
• Լև Պոլյակով – երկրաբանական արշավախմբի պետ
• Պյոտր Սավին – Զուբչենկո, զինվոր
• Նիկոլայ Սմորչկով – Օռլով, զրահահար հրաձիգ
• Թամարա Սովչին – բուժքույր
• Վլադիմիր Տիկկե – Պետրիչենկո, Սավիչևի ադյուտանտ
• Վլադիմիր Ֆերապոնտով – Վոլոդյա, տանկիստ
• Սերգեյ Յուրտայկին – երկրաբան
• Ելենա Ստրոևա – էպիզոդ

Ֆիլմը եղել է Խորհրդային Միությունում 1967 թվականի վարձույթի առաջատարներից, որը դիտել է 21 500 000 հանդիսատես։

Արտաքին հղումներ

• «Վայրի մեղր» (1966)
• «Վայրի մեղր»(անգլ.) ֆիլմը Internet Movie Database կայքում