Վաղինակ Մարգունի

Վաղինակ Խաչատուրի Մարգունի (Գրիգորյան), (դեկտեմբերի 18 (31), 1908, Աշտարակ, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն - նոյեմբերի 14, 1987(1987-11-14), Երևան, Հայկական ԽՍՀ, ԽՍՀՄ, թաղված է Աշտարակում), հայ խորհրդային դերասան։ ՀԽՍՀ ժողովրդական արտիստ (1965)։ ԽՄԿԿ անդամ 1940 թվականից։

Վաղինակ Մարգունի
Ծնվել է	դեկտեմբերի 18 (31), 1908
Ծննդավայր	Աշտարակ, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել է	նոյեմբերի 14, 1987(1987-11-14) (78 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի պետական համալսարան (1940)
Քաղաքացիություն	ԽՍՀՄ
Մասնագիտություն	դերասան
Պարգևներ և մրցանակներ	և

Վաղինակ Մարգունու հուշատախտակը Երևանի Հին Երևանցու փողոցի 47-րդ շենքի պատին

1928-1930 թվականներին խաղացել է Ամո Խարազյանի շրջիկ թատրոնում։ 1930 թվականից մինչև կյանքի վերջն աշխատել է Սունդուկյանի անվան թատրոնում։ Բնութագրական դերերի կատարող էր։ Նրա մարմնավորած կերպարները գունեղ և արտահայտիչ են։

Լավագույն դերերը թատրոնում

• Տանուտեր Սիմոն («Հացի խնդիր», ըստ Պերճ Պռոշյանի)
• Ճարտարապետ (Դերենիկ Դեմիրճյանի «Երկիր հայրենի»)
• Երկաթ, Աբիսողոմ աղա (Հակոբ Պարոնյանի «Պաղտասար աղբար», «Մեծապատիվ մուրացկաններ»)
• Գասպար (Ժորա Հարությունյանի «Խաչմերուկ»)
• Կարանդիշև (Ալեքսանդր Օստրովսկու «Անօժիտը»)
• Զուլիո (Լոպե դե Վեգայի «Այլոց համար հիմար, իրեն համար խելոք»)

Քսանհինգ տարուց ավելի խաղացել է Փողհարի (Մաքսիմ Գորկու «Եգոր Բուլըչովը և ուրիշները») և Բաղդասար ամու (Վրթանես Փափազյան «Ժայռը») դերերը։

Ֆիլմագրություն

• «Դավիթ Բեկ», 1943 թվական
• «Անահիտ», 1947 թվական
• «Ոսկե ցլիկը», 1955 թվական
• «Նվագախմբի տղաները», 1960 թվական
• «Հյուսիսային ծիածան», 1960 թվական
• «Լալվարի որսկանը», 1966 թվական
• «Աղքատի պատիվը», 1969 թվական
• «Քաոս», 1973 թվական
• «Հույսի աստղ», 1978 թվական
• «Խոշոր շահում», 1981 թվական

Շքանշաններ

Պարգևատրվել է «Պատվո նշան» շքանշանով։

Գրականություն

• Գևորգ Աբաջյան, Վաղինակ Մարգունի (ստեղծագործական դիմանկար), Ե., ՀԹԸ, 1987, 122 էջ։

Արտաքին հղումներ

• Վաղինակ Մարգունի

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 304)։