Վահրամ Վարդանյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Վահրամ Պանդուխտի Վարդանյան (հունվարի 1, 1958(1958-01-01), Իրինդ, Թալինի շրջան, Հայկական ԽՍՀ, ԽՍՀՄ), հայ երկրաֆիզիկոս։ Երկրաբանահանքաբանական գիտությունների դոկտոր (2004), պրոֆեսոր (2009):

Վահրամ Վարդանյան
Ծնվել է	հունվարի 1, 1958(1958-01-01) (67 տարեկան)
Ծննդավայր	Իրինդ, Թալինի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան
Կոչում	պրոֆեսոր և պրոֆեսոր
Գիտական աստիճան	Երկրաբանա-հանքաբանական գիտությունների դոկտոր
Մասնագիտություն	երկրաֆիզիկոս
Աշխատատու	Երևանի պետական համալսարան

Կենսագրություն

Վահրամ Վարդանյանը ծնվել է 1958 թվականի հունվարի 1-ին, Իրինդ (Հայաստանի Արագածոտնի մարզ) գյուղում։ 1976-1981 թվականներին սովորել և ավարտել է Երևանի պետական համալսարանի Երկրաբանական ֆակուլտետի երկրաֆիզիկայի բաժինը։ 1982-1986 թվականներին աշխատել է Երևանի պետական համալսարանի երկրաֆիզիկայի ամբիոնում որպես ինժեներ, ապա՝ ավագ ինժեներ, կրտսեր գիտաշխատող, ավագ գիտաշխատող։ 1986-1988 թվականներին ծառայել է Խորհրդային բանակում որպես սպա։ 1988 թվականից աշխատում է Երևանի պետական համալսարանի Աշխարհագրության և երկրաբանության ֆակուլտետում որպես ավագ լաբորանտ, ասիստենտ, դոցենտ, պրոֆեսոր, համատեղության կարգով փոխդեկան։ Մասնակցել է Միջազգային կոնֆերանսների և սեմինարների Հայաստանում, ՌԴ-ում, Ավստրիայում, Բրազիլիայում, Իտալիայում, Բուլղարիայում, Չինաստանում, Սիրիայում, Կորեայում։

Աշխատանքները վերաբերում են Հայաստանի կենտրոնական հրաբխային լեռնաշխարհի հնառելիեֆին և ստորերկրյա հոսքերի բաշխվածության, ջրային պաշարների (մասնավորապես Սևանա լճի ջրհավաք ավազանի) ուսումնասիրմանը։

Հեղինակ է ուսումնամեթոդական բուհական ձեռնարկների և դասագրքի։

Անդամակցություն

• Աշխարհագրության և երկրաբանության ֆակուլտետի գույքագրման հանձնաժողովի նախագահ (2009)
• ԵՊՀ գույքագրման հանձնաժողովի անդամ (2007)

Երկեր

• Ուսումնասիրման երկրաֆիզիկական մեթոդներ։ Ուսումնական պրակտիկայի մեթոդական ցուցումներ, Թադևոսյան Լիդա Կնյազի, Մարկոսյան Գագիկ Վարազդատի, Վարդանյան Վահրամ Պանդուխտի, Երևան, Երևանի պետական համալսարանի հրատարակչություն, 2005։
• Էլեկտրահետախուզություն։ Հաստատուն հոսանքի մեթոդներ։ [Ուսումնական ձեռնարկ], Վարդանյան, Վահրամ Պանդուխտի, Մինասյան, Ռ. Ս [խմբ.], Երևան, Երևանի պետական համալսարանի հրատարակչություն, 2013։

Հոդվածներ

• Решение геоэкологических задач гидрогеофизическими и водно-физическими параметрами | VII Всероссийской научно-технической конференции «Современные проблемы геологии, геофизики и геоэкологии Северного Кавказа». 2017, стр. 276-281.
• К вопросам теории современных движений земной коры. ՀՀ և մերձավոր արտասահմանի երկրների տնտեսական զարգացման և տեղաբաշխման ժամանակակից հիմնախնդիրները։ Թ. Հակոբյանի 100- ամյակին նվիրված գիտաժողով։ 2017, էջ 287-293.
• Распределение подземного стока водосборного бассейна озера Севан (по данным электрозондирования и бурения) (Սևանա լճի ջրհավաք ավազանի ստորերկրյա հոսքերի բաշխումը (հորատման և էլեկտրազոնդավորման տվյալներով)), ԵՊՀ գիտական տեղեկագիր, Երկրաբանություն և աշխարհագրություն, 2018, հ. 52, #2, էջ 79-87 (ռուսերեն).
• Պալեոջրաերկրաբանական խնդիրների լուծումն էլեկտրահետախուզության ՈՒԷԶ եղամակով (Սևանի ջրհավաք ավազանի օրինակով), ԵՊՀ գիտական տեղեկագիր, Երկրաբանություն և աշխարհագրություն, 2018, հ. 52, #1, էջ 3-7.
• Особенности формирования, динамики, разгрузки и водоотбора подземных вод на высоких отметках (на примере бассейна оз. Севан) (Ստորերկրյա ջրերի ձևավորման, դինամիկայի, բեռնաթափման և ջրառի առանձնահատկությունները բարձր նիշերում (Սևանա լճի ավազանի օրինակով)), ԵՊՀ գիտական տեղեկագիր, Երկրաբանություն և աշխարհագրություն, 2019, հ. 53, #1, էջ 10-15 (Ռուսերեն).