Վահան Սարգսի Հացագործյան (1880, Վան, Վանի վիլայեթ, Օսմանյան կայսրություն - փետրվարի 12, 1967(1967-02-12), Երևան, Հայկական ԽՍՀ, ԽՍՀՄ), հայ արծաթագործ։ ՀԽՍՀ վաստակավոր նկարիչ (1963)։ Վանում աշակերտել է հայտնի վարպետ Գրիգոր Շալջյանին։

Վահան Հացագործյան
Ծնվել է1880
ԾննդավայրՎան, Վանի վիլայեթ, Օսմանյան կայսրություն
Վախճանվել էփետրվարի 12, 1967(1967-02-12)
Մահվան վայրԵրևան, Հայկական ԽՍՀ, ԽՍՀՄ
Ազգությունհայ
Մասնագիտություննկարիչ
ՊարգևներՀայկական ԽՍՀ վաստակավոր նկարիչ

ԿենսագրությունԽմբագրել

1915 թվականին գաղթել է Երևան, եղել «Վան» արծաթագործական միավորման հիմնադիրներից։ Իր ստեղծագործությամբ հարստացրել է Արևելյան Հայաստանի արծաթագործության ավանդույթները։ Հիմնականում աշխատել է մանրարուրք տեխնիկայով, ստեղծել արծաթագործության բարձրարվեստ նմուշներ։

Գործերից են՝ «Մրգաման» (1948), «Կոնյակի սպասք» (1949), «Խաղաղության առագաստանավը» (1950), սկահակ «Հոբելյանական» (1951), կարաս «Առատություն» (1953)։ Ցուցադրվել է հանրապետական և միջազգային ցուցահանդեսներում։ 1962 թ.-ին անհատական ցուցահանդես է ունեցել Երևանում։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։