Վալերի Գրիգորյան

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Վալերի Նարիմանի Գրիգորյան (հունվարի 2, 1952(1952-01-02), Ստեփանակերտ, Ադրբեջանական ԽՍՀ, ԽՍՀՄ), ՀՀ ԶՈւ Գլխավոր շտաբի պետի նախկին տեղակալ։

Վալերի Գրիգորյան
հունվարի 2, 1952(1952-01-02) (73 տարեկան) -
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Քաղաքացիություն	Հայաստան
Կոչում	գեներալ-լեյտենանտ
Կրթություն	Բաքվի հետևակային ուսումնարան
Պարգևներ

Կրթություն

• 1974 թ. ավարտել է Բաքվի բարձրագույն համազորային հրամանատարական ուսումնարանը։
• 2001 թ. ավարտել է ՌԴ ԶՈՒ ԳՇ ռազմական ակադեմիան։

Զինվորական ծառայությունը

• 1970-1992 թթ. ծառայել է ԽՍՀՄ զինված ուժերում։
• ՀՀ զինված ուժերում է 1992 թվականից։ Զբաղեցրել է գնդի, բրիգադի հրամանատարի պաշտոններ։
• 1994 թ. ՀՀ պաշտպանության նախարարի հրամանով նշանակվել է ՀՀ ԶՈՒ ԳՇ օպերատիվ վարչության պետի տեղակալ, ապա՝ Արմավիրի ուսումնական բրիգադի հրամանատար։
• 1997 թ. ՀՀ պաշտպանության նախարարի հրամանով նշանակվել է ՀՀ ՊՆ ռազմական ինստիտուտի պետի տեղակալ,
• 1999 թ. ՀՀ պաշտպանության նախարարի հրամանով նշանակվել է ՀՀ ՊՆ 5-րդ բանակային կորպուսի հրամանատարի տեղակալ։
• 2003 թ. ՀՀ Նախագահի հրամանագրով նշանակվել է ՀՀ ՊՆ 5-րդ բանակային կորպուսի հրամանատար։
• 2007 թ. հուլիսի 20-ին ՀՀ Նախագահի հրամանագրով նշանակվել է ՀՀ ՊՆ 4-րդ բանակային կորպուսի հրամանատար։
• ՀՀ Նախագահի 2009 թվականի հունվարի 26-ի հրամանագրով նշանակվել է ՀՀ ԶՈՒ ԳՇ պետի տեղակալ։
• 2012 թ. ազատվել է ՀՀ ԶՈՒ ԳՇ պետի տեղակալի պաշտոնից։

Կոչումներ

• 2004 թ. ՀՀ Նախագահի հրամանագրով շնորհվել է գեներալ-մայորի զինվորական կոչում։
• 2011 թ. ՀՀ Նախագահի սեպտեմբերի 3-ի հրամանագրով շնորհվել է գեներալ-լեյտենանտի զինվորական կոչում։

Պարգևներ

Պարգևատրվել է.

• ԽՍՀՄ «Պատվո նշան» շքանշանով,
• ԽՍՀՄ «Կարմիր աստղ» շքանշանով,
• ՀՀ «Մարտական խաչ» 2-րդ աստիճանի շքանշանով,
• «Վարդան Մամիկոնյան» շքանշանով։
• «ԽՍՀՄ ԶՈՒ-ում հայրենիքին ծառայության համար» մեդալով,
• «ԽՍՀՄ ԶՈՒ 60 տարին» մեդալով,
• «Սաուրյան հեղափոխության 10 տարի» մեդալով,
• «Երախտագետ աֆղան ժողովրդից» մեդալով,
• «ԽՍՀՄ ԶՈՒ 70 տարին» մեդալով,
• «Մարշալ Բաղրամյան» մեդալով,
• «Անբասիր ծառայության համար» 1-ին աստիճանի մեդալով,
• «Անբասիր ծառայության համար» 2-րդ աստիճանի մեդալով,
• Մարտական ծառայության մեդալով,
• «Համագործակցության ամրապնդման համար» մեդալով,
• «Հայրենիքին մատուցած ծառայությունների համար» 1-ին աստիճանի մեդալով։

Ամուսնացած է, ունի 2 որդի։