Վազգեն Գևորգյան
- Վիքիպեդիայում կան հոդվածներ Գևորգյան ազգանունով այլ մարդկանց մասին։
Վազգեն Ասքանազի Գևորգյան (մարտի 31, 1923[1], Հրազդան, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ - մայիսի 15, 2002[1], Երևան, Հայաստան[2][3]), հայ գրականագետ, թարգմանիչ, դոցենտ, պրոֆեսոր[3], Ստեփան Զորյանի անվան մրցանակի 1980 թվականի դափնեկիր (Գրիգոր Նարեկացու «Մատյան ողբերգության» պոեմի թարգմանության համար), ԽՍՀՄ գրողների միության անդամ 1976 թվականից։
Վազգեն Գևորգյան | |
|---|---|
| Ծնվել է | մարտի 31, 1923[1] |
| Ծննդավայր | Հրազդան, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | մայիսի 15, 2002[1] (79 տարեկան) |
| Վախճանի վայր | Երևան, Հայաստան |
| Մասնագիտություն | գրականագետ, թարգմանիչ և համալսարանի դասախոս |
| Քաղաքացիություն |  ԽՍՀՄ և  Հայաստան |
| Կրթություն | ԵՊՀ հայ բանասիրության ֆակուլտետ (1950) |
| Գիտական աստիճան | բանասիրական գիտությունների թեկնածու, դոցենտ և պրոֆեսոր |
| Անդամակցություն | ԽՍՀՄ Գրողների միություն |
| Աշխատավայր | Երևանի պետական համալսարան |
| Պարգևներ |  և  |
| Վազգեն Գևորգյան Վիքիդարանում | |
Կենսագրություն խմբագրել
1942-1944 թվականներին ծառայել է Կարմիր բանակում, մասնակցել Հայրենական մեծ պատերազմին։ 1945 թվականին ավարտել է Երևանի պետական համալսարանի բանասիրական ֆակուլտետը։ 1946—1950 թվականներին սովորել է նույն համալսարանի ասպիրանտուրայում[2]։ 1950 թվականին պաշտպանել է թեկնածուական ատենախոսություն և մինչև 1984 թ. գրաբար է դասավանդել ԵՊՀ հայոց լեզվի ամբիոնում, իսկ 1985 թվականից մինչև կյանքի վերջը՝ հայոց լեզվի պատմության ամբիոնում։
1994-1995 ուսումնական տարում Երուսաղեմի Հայոց պատրիարքարանի հրավերով Վ. Գևորգյանը գրաբար է դասավանդել Երուսաղեմի Ալեք և Մարի Մանուկյանների անվան ժառանգավորաց վարժարանում և ընծայարանում։
Պարգևատրվել է Հայրենական մեծ պատերազմի I աստիճանի շքանշանով, «1941-1945 թթ. Հայրենական մեծ պատերազմում հաղթանակի 20 տարին» և այլ մեդալներով[3]։
Հիշատակ խմբագրել
Նրա անունով է կոչվում ԵՊՀ հայ բանասիրության ֆակուլտետի լսարաններից մեկը։
Երկեր խմբագրել
- Լերմոնտով (ողբերգություն 5 գործողությամբ), Ե., 1956, 183 էջ։
Թարգմանություններ (ռուսերենից և գրաբարից) խմբագրել
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Գրիգոր Նարեկացի։ Մատյան ողբերգության (ծաղկաքաղ)․- Ե.։ «Հայաստան», 1970․- 128 էջ։
- Արիստակես Լաստիվերցի։ Պատմություն․- Ե.։ «Հայաստան», 1971․- 156 էջ։
- Գրիգրր Նարեկացի։ Մատյան ողբերգության․- Ե., 1979։
- Միխայիլ Լերմոնտով։ Ընտիր երկեր․- Ե.։ «Սովետական գրող», 1982․- 576 էջ․- Ռուս դասականների գրադարան (գրքի մեջ մտնող բանաստեղծությունների մի մասը և «Փախստականը» պոեմը թարգմանել է Վ. Գևորգյանը)։
Ծանոթագրություններ խմբագրել
 | Վիքիդարանն ունի նյութեր, որոնք վերաբերում են «Վազգեն Գևորգյան» հոդվածին։ |