Վիքիպեդիա:Խորհրդարան

Խորհրդարան․ վիքիքննարկումների մայր հարթակ Բարի գալուստ Հայերեն Վիքիպեդիայի քննարկումների մայր հարթակ։ Այս էջը նախատեսված է Հայերեն Վիքիպեդիային առնչվող խնդիրների, նոր գաղափարների քննարկման, մտքերի փոխանակման և աշխատանքների համակարգման համար։

Որոնել Խորհրդարանի պահոցում ↓ Ավելացնել նոր քննարկում

Հարցեր և
օգնություն

Տեխնիկական խնդիրներ

Կանոնակարգային քննարկումներ

Տերմինների քննարկում

Ադմինիստրատորների տեղեկատախտակ

Բոտապահ մասնակիցների տեղեկատախտակ

If you don't speak Armenian

Ընթացիկ քվեարկություններ. Ադմին 0 | Տեխադմին 0 | Բոտ 0 | Ընտրյալ հոդված 0 | Կարգավիճակից զրկում 0 | Լավ հոդված 0 | Ընտրյալ ցանկ 0 | Գնահատում 0 | Տարվա հոդված 0 | Կանոնակարգ 0[թարմացնել]

«Հայաստան» հոդվածի նախաբան

Հարգելի՛ վիքիհամայնք, «Հայաստան» հոդվածի նախաբանում (որն, ըստ էության, այն հատվածամասն է, որտեղ պետք է համառոտ ներկայացվի Հայաստանի հետ կապված ամեն բան՝ աշխարհագրություն, պատմություն, քաղաքական դրություն, պետական կարգ, բնակչության թիվ և այլն) մի ամբողջ պարբերություն հատկացված է ակնհայտ քաղաքական զեղումներով հետևյալ հատվածամասին, որն ունի գնահատողական դատողություններ (օրինակ՝ կապիտուլյացիայի համաձայնագիր) և ըստ էության վերաբերում է ավելի շատ գործող իշխանության որդեգրած քաղաքականությանը։ Ներկայացնում եմ հատվածը.

Մինչև 2020 թվականին տեղի ունեցած 44-օրյա պատերազմի ավարտը Հայաստանի արտաքին քաղաքականության հիմնական խնդիրներից էր Արցախի Հանրապետության ժողովրդի ինքնորոշման հիման վրա Արցախյան հակամարտության խաղաղ և արդարացի լուծումը։ 2020 թվականի նոյեմբերի 9-ին պատերազմի դադարեցման վերաբերյալ կնքված կապիտուլացիոն հայտարարությունից հետո և հատկապես 2023 թվականին կտրուկ փոխվում է Հայաստանի գործող իշխանության դիրքորոշումը՝ Արցախի Հանրապետության վերաբերյալ և հասնում այնպիսի կետի, որ Հայաստանի վարչապետ Նիկոլ Փաշինյանը իր ելույթներով «լիարժեք ճանաչում է Ադրբեջանի տարածքային ամբողջականությունը»։

Քանի որ ես արդեն մեկ անգամ հատվածը հեռացրել եմ, իսկ իմ կողմից շատ հարգված Մասնակից:Atheist Armenian մասնակիցը այն վերականգնել է, առաջարկում եմ խմբագրական պատերազմից խուսափելու համար քվեարկել այս հարցի շուրջ։

ՏԱՐԲԵՐԱԿ 1. Կողմ, ջնջել հատվածամասը

1. Կողմ--Օmicrօn 20:14, 29 հունվարի 2025 (UTC)
2. Կողմ - հոդվածի նախաբանից միանշանակ պետք է հեռացվի։--Armen (քննարկում) 05:53, 30 հունվարի 2025 (UTC)

ՏԱՐԲԵՐԱԿ 2. Դեմ, թողնել հատվածամասը

1. Դեմ, «Քաղաքական զեղում» ասելով չգիտեմ թե ինչն է նկատի առնվում, այս մասով պարզաբանում եմ խնդրում։ Ներկայումս Հայաստանը ներկայացնում են գործող իշխանությունները, ու իրենց քաղաքական ցանկացած քայլ, որը անմիջապես ազդում է պետության անվտանգությանը (խոսքը վերաբերբում է համաձայնագրին) ու կտրուկ փոխում է քաղաքական դիրքորոշումը (Հայոց Ցեղասպանությունը կասկածի տակ դնելն էլ պետք է ներկայացվի), պետք է պարտադիր ներկայացվի հենց այն տեղում, որտեղ որ եղել է։ Ժամանակին, հենց նույն այդ հատվածում մեկ այլ պարբերություն կար նույն թեմայով, որը կրկին դու էիր ջնջել՝ O'micron, իսկ ես ձևափոխել էի՝ ժամանակին համահունչ․

Հայաստանի արտաքին քաղաքականության հիմնական խնդիրներից է Արցախի Հանրապետության ժողովրդի ինքնորոշման հիման վրա Լեռնային Ղարաբաղի հիմնախնդրի խաղաղ և արդարացի լուծումը։

Ինչևէ, այդ պարբերությունը պետք է պարտադիր մնա իր տեղում, իսկ եթե շատ կոպիտ է հնչում կապիտուլյացիա բառը, ապա այն կարող ենք փոխարինել մեկ այլ բառով։ Atheist Armenian (քննարկում) 16:18, 30 հունվարի 2025 (UTC)

2. Դեմ, համաձայն եմ @Atheist Armenian-ի եւ @Gardmanahay-ի հակափաստարկներին:

Ինքս, չեզոքության կամ «քաղաքական զեղումների» խնդիր չեմ տեսնում:

 Մեկնաբանություն՝ մինչեւ բոլորիս հայտնի «ժամանակները», Արցախի անվտանգության երաշխավորը եղել է Հայաստանի Հանրապետությունը եւ միայն այդ ժամանակ ՀՀ իշխանությունները(դե ֆակտո), դե յուրե՝ ՀՀ-ն, «հրաժարվեց» Արցախից եւ դրա համար «նախադրյալ» էր հենց 2020 թվականի կապիտուլյացիոն համաձայնագիրը: POitor ^{քննարկում} 11:20, 2 փետրվարի 2025 (UTC)

 Մեկնաբանություն՝ ::Atheist Armenian ջան, քաղաքական զեղումը առաջին հերթին «կապիտուլյացիա» արտահայտությունն է, որը շատ գնահատողական է և մենք իրավունք չունենք նման վիճելի ձևակերպումներ օգտագործել՝ հատկապես նկատի ունենալով, որ այդ եզրույթը գլխավորապես օգտագործվում է առանձին քաղաքական ուղղվածություն ունեցող անձանց շրջանակի կողմից և կարող է երրորդ անաչառ դիտորդի աչքերում կասկածի տակ դնել Հայերեն Վիքիպեդիայի օբյեկտիվությունն ու քաղաքական չեզոքությունը։ Բացի այդ, քո վերջին գրածից (ըստ քեզ՝ Հայոց Ցեղասպանությունը կասկածի տակ դնելն էլ պետք է ներկայացվի) հետո ես հավելելու բան չունեմ, քանի որ դու ինքդ հաստատում ես իմ այն պնդումը, որ քո կողմից վերականգնված հատվածամասը ոչ տեղին է, ոչ էլ չեզոք։ Փաշինյանի հայտարարությունը օբյեկտիվորեն, անաչառ աչքով որևէ մեկը բացարձակապես չի կարող համարել Հայոց ցեղասպանության կասկածի տակ դնել։ Բացի այդ, եկեք չմոռանանք, որ խոսքը «Հայաստան» հոդվածի նախաբանի վերաբերյալ է։ Նույն սկզբունքով մի օր էլ կավելացնեք, որ գործող իշխանությունների օրոք Երևանում տրանսպորտի գինը դարձել է 150 դրամ և Տիգրան Ավինյանը մի քանի միլիոն դրամ է ծախսել ԱՄՆ մեկնելու համար։--Օmicrօn 11:14, 2 փետրվարի 2025 (UTC)

O'micron, էտ ո՞նց որոշեցիր, որ կապիտուլացիան դատողական է։ Հետո ի՞նչ, որ քաղաքական գործիչներն են այն կիրառում։ Կապիտուլացիա է համարվում, երբ հակամարտող կողմերից մեկը դադարեցնում է թշնամուն դիմակայելը և ընդունում է պարտությունը, տես՝ capitulation (to somebody/something) the act of accepting that you have been defeated by an enemy or opponent (Օքսֆորդի բառարան) (կապիտուլյացիա - թնշամուց կամ հակառակորդից պարտված ճանաչելու ակտ՝ մի բանի համաձայնություն, որը երկար ժամանակ հրաժարվում էիք անել՝ agreement to do something that you have been refusing to do for a long time)։ Միջազգային իրավունքում կապիտուլացիան հաղթող կողմի պայմաններով դիմադրության դադարեցումն է ռազմական գործողությունների թատերաբեմում և ռազմական շրջաններում։ Այս դեպքում համաձայնագրի պայմանները թելադրել է Ադրբեջանը (տարածքների հանձնում, զորքերի դուրսբերում, հաղորդակցման ուղիների տրամադրում/բացում)։ Նույն այդ նորմի համաձայն, որպես կանոն՝ կապիտուլյացիայի ժամանակ պարտավորություններ են դրվում (քաղաքական, տնտեսական, ռազմական, և այլն) պարտված կողմի վրա։ Պարտավորություն կարող է լինել պարտված կողմի վերահսկողության տակ գտնվող տարածքների զիջումը հաղթող կողմին (Քարվաճառի, Ակնայի, Բերձորի շրջաններ...)։ Ինքս կապիտուլացիա տերմինը չեմ ավելացրել ու այս քննարկմանն էլ ավելի չեզոք տարբերակ էի առաջարկել, բայց տեսնում եմ շարունակում ես այն համարել «զեղումներ»։

Կամ ինչ է նշանակում Փաշինյանի հայտարարությունը օբյեկտիվորեն, անաչառ աչքով որևէ մեկը բացարձակապես չի կարող համարել Հայոց ցեղասպանության կասկածի տակ դնել։ Եթե ցանկություն կա այս հարցով բովանդակային քննարկման, խնդրում եմ առաջինը քննարկի Ցեղասպանությունների կանխարգելման Լեմկինի ինստիտուտի կամ ցեղասպանագետ Սուրեն Մանուկյանի հետ ([1], [2], [3])։ Ավետիսյան91 (քննարկում) 11:48, 2 փետրվարի 2025 (UTC)

Ավետիսյան91, Նախաբանում (և ոչ միայն) չպետք է տեղադրել այնպիսի տեղեկություններ, որոնք տարընթերցման տեղիք են տալիս։ Քո վերլուծությունները «Վիքիպեդիա:Ոչ մի սկզբնական հետազոտություն» կանոնակարգի լույսի ներքո անընդունելի է՝ քանի որ դու գրվածքը հիմնավորում ես քո կողմից կատարված մեկնաբանություններով՝ առանց որևէ վստահելի աղբյուրի մեջբերման։ Բացի այդ, Վիքիպեդիայում հիմնաքարային նշանակություն ունի այն սկզբունքը, որ մի քանի ձևակերպումների միջև ընտրություն կատարելիս պետք է նախապատվությունը տալ առավել տարածված անվանմանը, որը նշված պարագայում ոչ թե կապիտուլյացիոն համաձայնագիրն է, այլ՝ Արցախում հրադադարի մասին հայտարարությունը կամ նոյեմբերի 9-ի եռակողմ համաձայնագիրը։ Նույնը վերաբերվում է Փաշինյանի հայտարարությանը Հայոց ցեղասպանության մասով։ «Դեռ պետք է հասկանալ՝ ինչ է տեղի ունեցել Ցեղասպանության ժամանակ» արտահայտությունը իմ համոզմամբ անաչառ երրորդ անձի աչքերում միշտ չէ որ միանշանակորեն կընկալվի որպես Ցեղասպանության ճանաչումից հրաժարում։ Նման պնդում կարելի է անել միայն այն ժամանակ, երբ ՀՀ կառավարությունը պաշտոնապես հրաժարվի ճանաչման գործընթացից կամ հերքի Ցեղասպանության փաստը՝ ուղիղ, առանց հարակից մեկնաբանությունների։ Չնայած նույնիսկ այդ պարագայում դա նախաբանի կոնտենտ չէ։--Օmicrօn 13:04, 2 փետրվարի 2025 (UTC)

«Կապիտուլյացիան» թողնելու կողմ փաստարկ չէր գրածս, այլ, որ Atheist Armenian-ն այդ եզրույթն օգտագործելով ոչ մի զեղում էլ թուլ չի տվել։ Կա երևույթ, որը բառարաններով հիմնավորում ունի, կան լուսաբանումներ, կան քաղաքական մեկնաբանություններ, խմբագիրն էլ գրել է։ Քննարկեք դա ներկայացնելու տարբերակները, որից մեկն առաջարկածս է։ Հիմա գլխավորի մասին. ներքևում գրել եմ, որ Արցախի հարցը և 44-օրյա պատերազմը Հայաստանի անկյունաքարային ու ամենանշանակալի իրադարձություններն են անկախության շրջանի ու չենք կարող դա արհեստական օրակարգով թաքցնել, նաև՝ նախաբանից։

Ցեղասպանության մասին. քեզ թվու՞մ է Թուրքիան հիմա կտրուկ հայտարարում է, որ ոչ մի դեպք չի եղել։ Այդպես էր առջին տարիներին, բայց երբ բազմահազար անհերքելի փաստեր հայտնվեցին, նրանք օրակարգ բերեցին պատմաբանների ընդհանուր խումբ ստեղծելու առաջարկը (որը մերժեց Հայաստանը), յուրաքանչյուր զոհի դեպքն ուսումնասիրելու ու ցուցակ կազմելու առաջարկը, հասկանալու, թե իրականում ինչ է եղել ու ինչպես է եղել։ Այ սա է ժխտման գործընթացը ու Լեմկինի ինստիտուտը հենց դրա մասին է խոսել, եթե իհարկե իրենց չես համարում դաշնակներ։ Կա հայտարարություն, որ դեռ պետք է հասկանալ ինչ է տեղի ունեցել ցեղասպանության ժամանակ, կան հասկացված ու անառարկելի փաստեր, գրքեր, հատորներ ցեղասպանության մասին, հուշեր, կան մի քանի տասնյակ ճանաչած երկրներ (այդ թվում ԱՄՆ, ՌԴ, Ֆրանսիա, Գերմանիա, Օսմանյան կայսրություն), կա դրա կանխարգելման ամերիկյան ինստիտուտ, որն էլ դատապարտել է, կան հայտարարություններ, որ Ցեղասպանության ճանաչման գործընթացն այլևս (այս իշխանության ժամանակ) Հայաստանի առաջնահերթություններից չէ։ Կան նաև քաղաքական մեկնաբանություններ (եթե կուզես)։ Այստեղ ոչ պետք է Նիկոլից ավելի քպ-ական լինել, ոչ էլ պապից՝ կաթոլիկ։ Կա էն, ինչ՝ կա։ Ավետիսյան91 (քննարկում) 13:49, 2 փետրվարի 2025 (UTC)

Ավետիսյան91 ջան,

1. բնավ պետք չի համոզել ինձ, որ Հայոց ցեղասպանությունը եղելություն է. այս քննարկումն այդ մասին չէ,
2. «կապիտուլյացիոն հայտարարություն» արտահայտությունը խախտում է Վիքիպեդիայի մի շարք սկզբունքներ, քանի որ տարածված է կոնկրետ շրջանակների կողմից և հրադադարի հայտարարության տարածված անվանումը չէ։ Իսկ Օքսֆորդի կամ այլ բառարանների սահմանումների հետ եղելությունների համադրումը քո անձնական հետազոտությունն է, որը նույնպես արգելված է։
3. Էդմոն Մարուքյանին չգիտեմ ինչ մտադրությամբ ցիտելը բնավ սրամիտ չէր,
4. ի՞նչ է նշանակում «պետք չէ Նիկոլից ավելի քպ-ական լինել, ոչ էլ պապից՝ կաթոլիկ»։ Ի՞նչ կապ ունի սա քննարկվող թեմայի հետ։ Ուղղակի անձնապես ճանաչելով քեզ չեմ շարունակի այս մասով, բայց կարծում եմ նման արտահայտությունները խարխլում են կառուցողական քննարկումների հիմքերը։--Օmicrօn 21:35, 2 փետրվարի 2025 (UTC)

   1. այստեղ միտք էիր գրել, որ անկողմնակալ մարդը չի կարող Փաշինյանի խոսքը մեկնաբանել որպես ժխտման նարատիվներ, ինքս էլ ներկայացրիմ անկողմնակալ աղբյուրներ, որ այդպես է։ Քեզ համոզելու միտք չունեմ, վստահ եմ, որ պատմական անցքերը ինձնից լավ գիտես։

   3. այս կետի հարցադրումիդ պատասխանն էլ էր այդ նպատակով, որ ոչ միայն պատմաբանները և ամերիկյան ինստիտուտն են այդպես մեկնաբանում, այլև իրեն որոշակի փուլում աջակցած քաղաքական գործիչը։ Փաստն այդքան ակնհայտ է։

   4. «Պապից ավելի կաթոլիկ լինելը» մեծ տարածում ունեցող ալեգորիկ խոսք է, երբ որևէ մեկը փորձում է ուսմունքի, մտքի հեղինակից ավելի հավատարիմ լինել կամ սրբագրման փորձեր անել։ Այս պարագայում մտքի հեղինակը բազմիցս անում է հայտարարություններ (24.04.24, 25.01.2025...), որոնք ոլորտի գիտակները համարում են ժխտման նարատիվներ, իսկ ինքդ այլ կերպ ես փորձում մեկնաբանել։ Այստեղ թերևս կարելի էր մեջբերել 20 թվականի փետրվարի 8-ի՝ քննարկվող անձի «Արցախ՝ մեր հպարտություն, մեր ինքնություն, մեր սեր» հայտարարությունը, որից մեկ տարի անց խոսույթը աստիճանաբար փոխվեց՝ ի վերջո դառնալով ծայրահեղ հակառակ։ Նույնը ցեղասպանության մասին հայտարարությունների ընթացքն է. նուրբ մոտեցումներով քայլ-քայլ հասել է մի փուլի, որ «դեռ պետք է հասկանալ, թե ինչ է [իրականում] տեղի ունեցել ցեղասպանության ժամանակ»։ Եվ սրանք անձնական հետազոտություններ չեն, կան բազում վստահելի երկրորդական աղբյուրներ այդ մասին։ Ինքդ էլ կգտնես։

   2. վերահաստատում եմ վերևի միտքս, որ այդ եզրույթը ինքս չեմ գրել ու դրանից խուսափելու համար առաջարկ եմ արել շատ ավելի չեզոք (Տարբերակ 3, Քաղվածք), որը քննարկման առարկա չի դառնում։ Ավետիսյան91 (քննարկում) 07:38, 3 փետրվարի 2025 (UTC)

ՏԱՐԲԵՐԱԿ 3, վերախմբագրել հատվածը ավելի չեզոք և հակիրճ

• • այս մասով կարող եմ առաջարկել անգլերեն վիքիպեդիայի համապատասխան հատվածը հիմք ընդունել.

Armenia supported the once de facto independent Republic of Artsakh (Nagorno-Karabakh), which was proclaimed in 1991 on territory internationally recognized as part of Azerbaijan, until the republic's dissolution in September 2023.

Օmicrօn 20:14, 29 հունվարի 2025 (UTC)

 Մեկնաբանություն՝ Արցախի հարցը, 44-օրյա պատերազմը և Արցախի ինքնորոշման իրավունքից կտրուկ անցումը Արցախը Ադրբեջան ճանաչելուն Հայաստանի անկախության շրջանի անկյունաքարային իրադարձություններից են։ Հայաստանի առնվազն վերջին 7 տարվա ամենանշանակալի իրադարձություններն են հանրագիտարանի համար։ Այստեղ դժվար թե բերվեն հակափաստարկներ (ասֆալտապատում, վերանորոգված դպրոցներ)։ Իհարկե կարելի է թաքցնել, տեսնելու չտալ, բայց դա կվերածվի «ջայլամային քաղաքականության»։ Միգուցե հենց այս ձևակերպումը ինքս չանեի և այս ծավալով չանեի, սակայն Հայաստանի անկախության ամենակարևոր իրադարձությունները ներածությունում չունենալը բացթողում կլինի։ Եթե իրապես մտահոգություն կա պարբերության հետ կապված, կարելի է այն քննարկել, վերաձևակերպել (կապիտուլացիան միգուցե փոխել այլ անունով), սակայն պատմական փաստերը մոռացության տալու փորձերը, միանշանակ, ընդունելի չեն, ինչպես նաև գործող իշխանության (անկախության 1/5 ժամանակահատվածի) քաղաքականությունը տարանջատել Հայաստանի քաղաքականությունից, ողջամիտ չէ։ Խնդրում եմ տուրք չտալ ենթադրաբար ազդեցության շրջանակներին, այլապես վաղն էլ քննարկման առարկա կդառնա 2 պարբերություն վերևի ինֆորմացիան ու փաստարկներ կհայտնվեն, թե ինչպես կարող է անկախ պետության պատմության, զարգացման ու առաջընթացի հոդվածի ներածությունում հիշատակում լինել 120 տարի առաջ եղած ցեղասպանության մասին, «որը դեռ հարց է, թե ինչպես է եղել»։ Պարբերության իմ առաջարկը.

Մինչև 2020 թվականի 44-օրյա պատերազմի ավարտը Հայաստանի արտաքին քաղաքականության առաջնահերթություններից էր Արցախի հարցի խաղաղ կարգավորումը՝ ինքնորոշման սկզբունքով։ Պատերազմից հետո, հատկապես 2023-ին, Հայաստանի իշխանությունների դիրքորոշումը կտրուկ փոխվեց, և վարչապետ Նիկոլ Փաշինյանը հայտարարեց Ադրբեջանի տարածքային ամբողջականության, ներառյալ Արցախը, ճանաչման մասին։

--Ավետիսյան91 (քննարկում) 07:56, 30 հունվարի 2025 (UTC)

Քննարկման է դրվել բավականին լուրջ, իմաստային բովանդակության հեռացման հարց, բայց չի ներկայացվել որևէ հիմնավոր պատճառաբանություն, ինչը պարտադիր է։ Նախադասությունից ստորակետ հեռացնելու հարց չի, որ առանց հիմնավոր պատճառաբանությամբ մեխանիկորեն քվեարկենք ու որոշենք։ Հայաստանի գործող իշխանության որևէ կողմնակից կարող է հոդվածից ջնջել Արցախի քարտեզն ու պատճառաբանել, թե իբր «ակնհայտ քաղաքական զեղումներ» է։ Կամ Հայաստանի նախկին նախագահներից որևէ մեկի կողմնակից իր համակրելի նախագահի մասին հոդվածից հեռացնի կոռուպցիոն սկանդալների մասին տեղեկությունը՝ հայտարարելով, թե իբր «ակնհայտ քաղաքական զեղումներ» է։ Ներկայացրածս 2 օրինակը նույնքան անընդունելի է, որքան այս քննարկման հիմնավորումը։ O'micron ջան, հստակ հիմնավորում ներկայացրու՝ առանց «ակնհայտ քաղաքական զեղումներ» արտահայտության․ դա ավելի շատ մանիպուլացիոն պնդում է և հիմնավորում չունենալու փաստարկ։ Քանի որ դեռ չկա հիմնավորում, ներկայացնեմ թե ինչու պետք է Հայաստան հոդվածի ներածության մեջ հակիրճ և առանձին բաժնով մանրամասն ձևով ներկայացվի Արցախի հիմնախնդրի մասին տեղեկությունը։

Հայաստանի Սահմանադրության հոդված 1-ում հղում է արվել Հայաստանի անկախության մասին հռչակագրին, որի ամենասկզբում գրված է Արցախյան հիմնախնդրի վերաբերյալ հստակ սահմանում և իր հերթին հղում է արվել «Հայկական ԽՍՀ-ի և Լեռնային Ղարաբաղի վերամիավորման մասին» որոշմանը, որտեղ էլ իր հերթին առավել մանրամասն ներկայացվել է Արցախյան հիմնախնդրի պատմական և ժամանակակից իրողություններն ու հանգուցալուծման ընդունելի բանաձևը, ինչպես նաև հաշվի առնելովն 1991 թվականից մինչ օրս այդ խնդրի առաջնային կարևորությունը Հայաստանի ներքին ու արտաքին քաղաքականության մեջ, ակնհայտ է, որ չի կարելի այդ հատվածը հեռացնել ներածությունից։ Ավելին ասեմ, այն պետք է առավել բովանդակալից դարձնել։ Արցախյան հիմնախնդիրը Հայաստանի Հանրապետության համար իր գոյության ամբողջ ժամանակահատվածում ավելի առաջնային է, քան թե այն, որ «2025 թվականին Հայաստանի կառավարությունը հայտարարել է Եվրոպական միությանն անդամակցելու պաշտոնական գործընթաց սկսելու մասին, ․․․․», ինչը նույնպես գրված է հոդվածի ներածության մեջ։ Նաև արձանագրենք, որ քննարկվող հոդվածի ներածության մեջ գրված է նաև «1920 թվականի սեպտեմբերից դեկտեմբեր ամիսներին Հայաստանը ենթարկվել է ռուս-թուրքական ագրեսիայի և մի շարք տարածքային կորուստներով ներառվել ԽՍՀՄ կազմում որպես Հայկական ԽՍՀ»։ Այսինքն քննարկում բացող մասնակիցը այս նախադասության մնալուն համաձայն է, իսկ Արցախյան հիմնախնդրի հետանկախության պատմության մասին բովանդակության մնալուն դեմ է։ Նույն կերպ համաձայն է հոդվածի ներածության մեջ թողնել Եվրոպական միությանն առնչվող արդեն մեջբերածս նախադասությունը, իսկ Արցախյան հիմնախնդրի մասին բովանդակությունը ուզում է ջնջել։ --Գարդմանահայ (քննարկում) 11:47, 31 հունվարի 2025 (UTC)

Գարդմանահայ ջան, ես վերևում հիմնավորել եմ իմ գրածը, սակայն կարող եմ մանրամասնել։ Իմ ընկալմամբ Վիքիպեդիայի հոդվածների ներածական մասը պետք է լինի համառոտ, չեզոք և ինֆորմատիվ, ընդգրկելով միայն այն հիմնական կետերը, որոնք նկարագրում են թեմայի էությունը։ Նշված հատվածը, սակայն, չի համապատասխանում այս սկզբունքներին մի քանի պատճառով.

• Չեզոքության խախտում – Հոդվածի այս հատվածում առկա են գնահատողական դատողություններ, ինչպիսիք են «կապիտուլացիոն հայտարարություն», ինչպես նաև կառավարության դիրքորոշման վերաբերյալ սուբյեկտիվ մեկնաբանություններ, որոնք չեն համապատասխանում Վիքիպեդիայի չեզոքության կանոններին (տե՛ս Վիքիպեդիա:Չեզոք տեսակետ)։
• Քաղաքական կողմնակալություն – Նյութը վերաբերում է ոչ թե Հայաստանի ընդհանուր նկարագրությանը, այլ գործող իշխանության քաղաքականությանը, որը ժամանակի ընթացքում կարող է փոխվել։ Քանի որ Վիքիպեդիայի հոդվածները պետք է նկարագրեն երկրի իրավիճակը՝ առանց առանձին քաղաքական դերակատարների կամ կառավարության դիրքորոշումները գերակշռելու, այս բաժինը պետք է հեռացվի։
• Համապատասխանության բացակայություն հոդվածի նախաբանի պահանջներին – Նախաբանը պետք է ներառի հիմնական տեղեկատվություն Հայաստանի մասին, ինչպես օրինակ՝ աշխարհագրություն, բնակչություն, պետական կարգ, պատմական համառոտ ակնարկ։ Սակայն նշված հատվածը չափազանց կենտրոնացած է մեկ որոշակի իրադարձության վրա՝ առանց տրամադրելու լայն համատեքստ։

Այո՛, Արցախյան հակամարտությունը որևէ ձև կարող է արտացոլվել նախաբանում, բայց ոչ այս ծավալով և ձևակերպումներով՝ հատկապես եթե նկատի ունենաք, որ Atheist Armenian մասնակցի կողմից վերականգնված և խնդրո առարկա հատվածամասը իր ծավալով հավասարազոր է Տիգրան Մեծից (մթա 1-ին դար) մինչև 19-րդ դար ընկած ժամանակահատվածի ներկայացմանը։ Լեռնային Ղարաբաղի հակամարտությանը կարելի է անդրադառնալ այլ բաժիններում, բայց ոչ այս ծավալով «Հայաստան» հոդվածի նախաբանում։ Հակառակ պարագայում անհրաժեշտ կլինի անդրադառնալ նաև այնպիսի իրադարձությունների, ինչպիսիք են օրինակ Հայաստանի տարածքների օկուպացիան, հայ-ադրբեջանական սահմանային ճգնաժամը և այլն, որոնք հավասարազոր կարևոր հարցեր են։ Իսկ միջազգային և վերազգային կազմակերպություններին անդամակցությունների վերաբերյալ հատվածը բնորոշ է ունենալ ցանկացած պետության մասին հոդվածներում։ Կարծում եմ սա գաղտնիք չէ։

Հգ. Գարդմանահայ ջան, մի ստորակետի հարց եթե լիներ քննարկման չէի դնի։--Օmicrօn 20:54, 1 փետրվարի 2025 (UTC)

O'micron ջան, ի՞նչ է նշանակում «գնահատողական դատողություններ» արտահայտությունը և ինչի՞ ես «կապիտուլացիոն հայտարարություն»-ը համարում գնահատողական դատողություն։ Հետևյալ նախադասությունը պետք է թողնե՞լ ներածությունում՝ «2025 թվականին Հայաստանի կառավարությունը հայտարարել է Եվրոպական միությանն անդամակցելու պաշտոնական գործընթաց սկսելու մասին, ․․․․»։--Գարդմանահայ (քննարկում) 16:16, 4 փետրվարի 2025 (UTC)

Գարդմանահայ ջան, «Գնահատողական դատողություններ» արտահայտությունը նշանակում է սուբյեկտիվ տեսակետ կամ գնահատական, որը հիմնված է երևույթների անձնական ընկալման վրա։ Կոպիտ ասած դու հավատում ես ու իմ կարծիքով նպատակադրված ես որպեսզի անձնական մղումներից ու շարժառիթներից ելնելով այս հատվածում արտահայտվի հստակ քաղաքական գնահատական, մինչդեռ Հայերեն Վիքիպեդիայի կանոնները բնավ չեն ընդունում այս մոտեցումը։ 2) Իմ համոզմամբ պետք է թողնել, քանի որ այն ներկայացված է միջազգային կազմակերպություններին ՀՀ անդամակցության մասում, իսկ անդրազգային կազմակերպություններին անդամակցելը կարծում եմ շրջադարձային իրադարձություն է։--Օmicrօn 06:44, 11 փետրվարի 2025 (UTC)

O'micron, փաստորեն, անդրազգային կազմակերպություններին անդամակցելը շրջադարձային իրադարձություն է, իսկ Հայաստանի արտաքին քաղաքականության հիմնական խնդրից հրաժարվելը ու Արցախը Ադրբեջանի կազմում ճանաչելը՝ ո՞չ։ Սրանք եթե շրջադարձային իրադարձություններ չեն, ապա ի՞նչ են։ Atheist Armenian (քննարկում) 20:06, 11 փետրվարի 2025 (UTC)

O'micron ջան, շնորհակալ եմ, որ անկեղծ պատասխանեցիր։ Հարցն այն է, որ քո արտահայտած մտքերը հակասում են իրար։ Նույն քննարկման մեջ մի տեղ ասում ես հոդվածի ներածության մեջ պետք է գրել Հայաստանի ընդհանուր նկարագրության, այլ ոչ թե գործող իշխանության քաղաքականությանը մասին, որը ժամանակի ընթացքում կարող է փոխվել, մյուս տեղում ասում ես, որ ներածության մեջ պետք է մնա նաև հետևյալ նախադասությունը՝ «2025 թվականին Հայաստանի կառավարությունը հայտարարել է Եվրոպական միությանն անդամակցելու պաշտոնական գործընթաց սկսելու մասին, ․․․․»։ Այսինքն եթե առաջնորդվենք քո գրած և իմ կողմից մեջբերված նախադասությամբ, ապա Եվրոպական միությանն անդամակցելու գործընթացի մասին չպետք է գրվի, քանի որ այն նախաձեռնել է գործող իշխանությունը, իսկ Արցախյան հիմնախնդրի մասին պետք է գրվի, քանի որ այն Հայաստանի ընդհանուր նկարագրի մաս է առանց որի հնարավոր չէ պատկերացնել Հայաստանի նկարագիրը (և՛ իրավական տեսակետից, և՛ պատմական, և՛ սոցիալական ու բազում այլ տեսանկյուններից)։ Արցախյան հարցը Հայաստանի Հանրապետության պատմության մեջ առանցքային հարցերից է, երկրի վարած քաղաքականության առաջնային գործոն, և եթե այդ հարցում էական փոփոխություն է եղել, ապա այդ մասին նույնպես պետք է համառոտ գրել։ Ինքդ ես ասում, որ հոդվածի ներածության մեջ պետք է գրել Հայաստանի ընդհանուր նկարագրության, այլ ոչ թե գործող իշխանության քաղաքականության մասին, որը ժամանակի ընթացքում կարող է փոխվել։ Հաշվի առնելով նաև, որ քննարկումը բացելուց 3-րդ կետ ես գրել, այսինքն՝ չես բացառել, որ այդ հատվածը կարող է մնա, ուստի ներածությունից Արցախի մասին պարբերությունը հանելու հարցը համարենք փակված՝ թողնելով այն ներածության մեջ։ Քանի որ խնդրահարույց ես համարում կապիտուլացիոն բառը, քննարկումը շարունակենք այդ ուղղությամբ։ 2020 թվականի նոյեմբերի 9-ի համաձայնագիրը ո՞վ պետք է ներկայացներ որպես կապիտուլացիոն համաձայնագիր կամ որտե՞ղ պետք է գրված լիներ կապիտուլացիոն բառը, որ չհամարեիր «Գնահատողական դատողություններ»։ Օրինակ եթե եռակողմ պայմանագրի կնքողներից մեկը՝ Ադրբեջանի նախագահ Իլհամ Ալիևը հայտարարեր, որ այդ համաձայնագիրը կապիտուլացիոն է, փաստը ընդունելու համար կբավարարե՞ր քեզ։ Թե՞ պարտադիր պետք է Հայաստանի վարչապետ Նիկոլ Փաշինյանն էլ հայտարարեր այդ մասին։--Գարդմանահայ (քննարկում) 07:53, 13 փետրվարի 2025 (UTC)

 Մեկնաբանություն՝ ԱՄՆ Կենտրոնական հետախուզական վարչության (CIA) պաշտոնական կայքն ունի The World Factbook բաժին, որը ներկայացնում է աշխարհի երկրների վերաբերյալ հիմնարար փաստեր և տվյալներ։ Սա Հայաստանի էջի Background ենթաբաժինն է՝ Introduction, որը կարելի է նույնացնել Վիքիպեդիայի հոդվածի նախաբանի սկզբունքների հետ։ Background-ի չորս պարբերությունից մեկը և ծավալով ամենամեծը Արցախի մասին է։ Խոսվում է պատմական զարգացման, կոնֆլիկտի առաջացման, ԼՂԻՄ-ի, Արցախյան շարժման, Արցախյան ազատամարտի, Արցախի Հանրապետության, 44-օրյա պատերազմի, Արցախի վրա Ադրբեջանի ներխուժման և էթնիկ զտումների մասին։ Ահռելի ծավալ։ Երբ դուրս ենք գալիս հայաստանյան նեղ շրջանակի կոնկրետ քարոզչական շղարշից, տեսնում ենք իրականության բոլոր կողմերը։--Ավետիսյան91 (քննարկում) 21:25, 15 փետրվարի 2025 (UTC)

Ես սկզբունքայնորեն դեմ չեմ Արցախի հիմնախնդրին և դրան Հայաստանի մասնակցությանը ներկայացնելուն։ Ես ինչպես արդեն նշել եմ, դեմ եմ գոյություն ունեցող հատվածամասին և որպես կոնսենսուսային տարբերակ առաջարկում եմ վերախմբագրենք։ Կարող ենք, Ավետիսյան91 ջան, դիտարկել Անգլերեն Վիքիպեդիայի և քո նշած հատվածի օրինակով։

Անկախության առաջին տարիները նշանավորվել են բազմաթիվ դժվարություններով, որոնց թվում էին Լեռնային Ղարաբաղի հակամարտության հետևանքով առաջացած մարտահրավերները, Սպիտակի երկրաշարժից հետո երկրի հյուսիսային շրջաններում ձևավորված հումանիտար ճգնաժամը, ինչպես նաև անցումային շրջանի քաղաքական փոփոխությունները։ 1990-ականներից մինչ օրս Թուրքիայի և Ադրբեջանի կողմից շարունակվող սահմանային շրջակափումը էլ ավելի է խորացրել Հայաստանի սոցիալ-տնտեսական դրությունը։ 2000-2010-ականներին երկիրը վերականգնել է կայուն տնտեսական աճը, սակայն երկրում տիրող համատարած կոռուպցիայի, ընտրակեղծարարությունների և մարդու իրավունքների խախտումների ֆոնին հանդիպել է բազմաթիվ ներքաղաքական ճգնաժամերի, այդ թվում՝ 2008 թվականի հետընտրական իրադարձություններին, որն ի վեջո հանգեցրել է 2018 թվականի Թավշյա հեղափոխությանն ու իշխանափոխության։ Քառասունչորսօրյա պատերազմի արդյունքում 2020 թվականի նոյեմբերի 9-ին ստորագրված եռակողմ հայտարարությամբ Հայաստանը պարտավորվել է Ադրբեջանին զիջել Լեռնային Ղարաբաղի հարակից «յոթ շրջանները»։ 2022 թվականի դեկտեմբերին սկսված 9-ամսյա ամբողջական շրջափակումից հետո 2023 թվականին Արցախի Հանրապետության կողմից վերահսկվող մնացյալ տարածքներում Ադրբեջանն իրականացրել է էթնիկ զտումներ, ինչով պայմանավորված էլ Ադրբեջանը ամբողջական վերահսկողություն է սահմանել նախկինում վիճելի համարվող ողջ տարածքների նկատմամբ։ Այս իրադարձությունների համատեքստում Արցախյան հիմնախնդրի շուրջ Հայաստանը դիրքորոշումը կտրուկ փոխվել է և հանգեցրել 2023 թվականին վարչապետ Նիկոլ Փաշինյանի կողմից Ադրբեջանի տարածքային ամբողջականությամբ (ներառյալ՝ Լեռնային Ղարաբաղի) ամբողջական ճանաչման։

--Օmicrօn 13:26, 16 փետրվարի 2025 (UTC)

Արցախյան հակամարտությունը Հայաստանի Հանրապետության գոյության ամենաառանցքային հարցն է ու պատահական չէ, որ այն անվանում են Արցախյան հիմնախնդիր։ Ուստի պետք է ներածության մեջ այն ունենա առանձին պարբերություն, ոչ թե միավորել Սպիտակի երկրաշարժի, երկրի սոցիալ-տնտեսական դրության կամ կոռուպցիայի մասին նախադասություններին։ Կարելի է և ներկա տեքստը փոխել, դարձնել առավել բովանդակալից՝ յուրաքանչյուր բառին ուշադրություն դարձնելով։--Գարդմանահայ (քննարկում) 20:16, 16 փետրվարի 2025 (UTC)

Գարդմանահայ ջան, Արցախյան հակամարտությունը Հայաստանի նորագույն պատմության մասն է, ինչպես Սպիտակի երկրաշարժն ու երկրի քաղաքական փոփոխությունները։ Մնացածը քո սուբյեկտիվ ընկալումներն են։ Կարծում եմ քո մոտեցումները հարմար են հայրենասիրական գրքի և ոչ երբեք Վիքիպեդիայի համար։--Օmicrօn 11:11, 17 փետրվարի 2025 (UTC)

O'micron ջան, քննարկումն անձնական հարթություն մի տեղափոխիր։ Սովորաբար բուն թեմայից շեղվելն ու անձնականին կպնելը քննարկվող հարցի վերաբերյալ թույլ դիրքորոշման ցուցիչ է։ Փորձիր կենտրոնանալ բուն թեմային։ Եթե քո գրածի նույն տրամաբանությամբ առաջնորդվեմ, ապա կարող եմ պնդել, որ իմ տպավորությամբ տարբեր քննարկումներում քո պնդումներն ու հոդվածներում կատարածդ խմբագրումները զարմանալիորեն համապատասխանում են ադրբեջանական պետական քարոզչական գծին և համահունչ են Հայաստանի գործող քաղաքական ուժի գաղափարախոսությանը։ Բայց նախկինում ես երբեք նման բան չեմ ասել, որովհետև խմբագրի անձնական մոտեցումները, նախասիրություններն ու զգացմունքները Վիքիպեդիայում խմբագրելիս հնարավորինս պետք է մոռանալ կամ այնպես անել, որ էական ազդեցություն չթողնի բովանդակության չեզոքության վրա։ Հուսով եմ պատկերավոր ներկայացրեցի, որ պետք չի քննարկումն անձնական հարթություն տեղափոխել։ Ինչ վերաբերում է բուն թեմային, ապա Խորհրդային Հայաստանում 1988 թվականին տեղի ունեցած երկրաշարժը համեմատել Արցախյան հարցի հետ անընդունելի է թեկուզ միայն այդ երկու իրադարձության հետևանքների, ընդգրկող ժամանակահատվածի ու Հայաստան պետության գոյաբանական հարցի և ազդեցության համատեքստում։ Քննարկումը դու ես բացել և առայժմ չես ներկայացրել հստակ հիմնավորում, որ Հայաստան հոդվածի ներածությունից պետք է այդ հատվածը հեռացվի կամ փոխարինվի քո ասած տարբերակով։ Այն ինչ գրել ես, արժանացել է հստակ հակափաստարկների։ Ընդհակառակը, քննարկման ընթացքում պարզ դարձավ, որ այս հոդվածի համատեքստում կիրառում ես երկակի ստանդարտներ, ինչը քո դիրքորոշման հանդեպ անվստահություն է ստեղծում։ Ասում ես նաև, որ պետք է Արցախյան հիմնախնդրի մասին գրել կոռուպցիայի, ընտրակեղծարարության հետ միասին։ Դրանք իրար հետ ի՞նչ կապ ունեն։ --Գարդմանահայ (քննարկում) 20:57, 17 փետրվարի 2025 (UTC)

O'micron ջան, քանի որ քննարկումը կարծես ավարտվում է, մի քանի հարց տամ, որովհետև պատրաստվում եմ Հայաստան հոդվածի ներածության մեջ քննարկվող հատվածը (քո ասած հատվածամասը) վերախմբագրել։ Կապիտուլացիա բառի հետ կապված գրել էիր, որ ««կապիտուլյացիոն հայտարարություն» արտահայտությունը խախտում է Վիքիպեդիայի մի շարք սկզբունքներ, քանի որ տարածված է կոնկրետ շրջանակների կողմից և հրադադարի հայտարարության տարածված անվանումը չէ»։ Նաև գրել էիր, որ «կապիտուլյացիոն հայտարարություն» արտահայտությունը «գնահատողական դատողություն» է։ Ես քեզ հարցրել էի, թե ինչ է ըստ քեզ «գնահատողական դատողություններ» արտահայտությունը և ինչի՞ ես «կապիտուլացիոն հայտարարություն»-ը համարում գնահատողական դատողություն։ Պատասխանել էիր, որ ««Գնահատողական դատողություններ» արտահայտությունը նշանակում է սուբյեկտիվ տեսակետ կամ գնահատական, որը հիմնված է երևույթների անձնական ընկալման վրա»։ Ես քեզ հարցրել էի, թե այդ դեպքում ո՞վ պետք է այդ հայտարարությունը անվանի կապիտուլացիոն, որ այն համարես կապիտուլացիոն։ Այս հարցը մնաց անպատասխան։ Այդ հայտարարությունը ստորագրել են 3 երկիր, որոնցից մեկը միջնորդի դերակատարմամբ, երկրորդը պարտվողի, երրորդը՝ հաղթողի։ Հաղթող երկիրը՝ Ադրբեջանը, այդ հայտարարությունը երկրի նախագահի մակարդակով բազմիցս անվանել է «կապիտուլացիոն ակտ», օրինակ 2021 թվականի հունվարի 6-ին այդ երկրի նախագահն իր ելույթում և նախագահի պաշտոնական կայքում հրապարակմամբ։ Այդ հայտարարության մեջ ասվել է՝ «Այս պարտության արդյունքում Հայաստանը ստիպված եղավ ստորագրել կապիտուլյացիայի և հանձնման ակտ», «Արդյունքում Հայաստանը ․․․ ստիպված եղավ նոյեմբերի 10-ին ստորագրել կապիտուլյացիայի ակտ»։ Ադրբեջանի նախագահի պաշտոնական կայքում հայ-ադրբեջանական հակամարտության վերաբերյալ հրապարակման մեջ գրված է՝ «2020 թվականի նոյեմբերի 10-ին ընդունվել է «Ադրբեջանի Հանրապետության Նախագահի, Հայաստանի Հանրապետության վարչապետի և Ռուսաստանի Դաշնության Նախագահի հայտարարությունը» և Հայաստանը ստորագրել է կապիտուլյացիայի ակտը», «Նոյեմբերի 10-ին ստորագրված փաստաթուղթը հենց Հայաստանի կապիտուլյացիոն ակտն է»։ Այսպիսի օրինակներ հարյուրներով կարող եմ մեջբերել։ Այսինքն կոնֆլիկտի հաղթող կողմը նոյեմբերի 9-ի հայտարարությունը պաշտոնապես համարում է կապիտուլացիոն ակտ (գրավոր պաշտոնական արձանագրություն)։ Հայաստանում գործող տարբեր մեծության, ուղղվածության (հաճախ իրար հակադիր) քաղաքական ուժերն ու նրանց ներկայացուցիչները բազմիցս նոյեմբերի 9-ի հայտարարությունը անվանել են կապիտուլացիոն։ Նույնը հայտարարել են հանրային դեմքեր, տարբեր լրատվամիջոցներ։ Այդ հայտարարությունը կապիտուլացիոն է անվանել նաև Արցախի նախագահ Շահրամանյանը: Այդ հայտարարությունը որպես կապիտուլացիոն են ներկայացնում այլ երկրների բազմաթիվ լրատվամիջոցներ (հղումները չեմ դնում, որ քննարկումը «չծանրանա»)։ Նոյեմբերի 9-ի հայտարարությունը Հայաստանի անունից ստորագրած Նիկոլ Փաշինյանն ընդունել է, որ իր կողմից ստորագրված հայտարարությունը տարբեր ուժեր համարում են կապիտուլացիոն։ Իր ղեկավարած կուսակցության նիստում նա նաև հայտարարել է, որ այդ հայտարարությունը կապիտուլացիա չէ, քանի որ երկիրը կապիտուլացիոն համաձայնագիր է կնքում (կապիտուլացվում է) մեկ անգամ, իսկ իրեն մեղադրում են նոր կապիտուլացիոն համաձայնագրեր կնքելու պատրաստակամության համար։ Եղել են նաև հակառակը պնդող գործիչներ, օրինակ Լուսավոր Հայաստան կուսակցության առաջնորդ Էդմոն Մարուքյանը, լինելով նոյեմբերի 9-ի հայտարարությունը ստորագրած Նիկոլ Փաշինյանի կողմից նշանակված հատուկ հանձնարարությունների դեսպան, 2022 թվականին ասել է «Նոյեմբերի 9-ի փաստաթուղթը կապիտուլյացիա չէ», բայց դրանից առաջ՝ 2020 թվականի նոյեմբերի 12-ին, նա նաև ասել էր «Կապիտուլյացիա ստորագրած առաջնորդն այլևս չի կարող որևէ կերպ փորձել հասնել Արցախի ճանաչմանը»։ Այս ամենը փաստում է, որ առնվազն կապիտուլացիոն հայտարարություն արտահայտությունը լայն կիրառություն ունի թե՛ պաշտոնական, թե՛ հանրային-քաղաքական տիրույթում, նաև փաստում է, որ այն «գնահատողական դատողություն» չի կարելի անվանել և պետք է կիրառվի։--Գարդմանահայ (քննարկում) 10:40, 21 փետրվարի 2025 (UTC)

Ուկրաինայի և Վրաստանի քարտեզներ

Հարգելի վիքիհամայնք, O'micron մասնակիցը Ուկրաինա և Վրաստան հոդվածների քարտեզները շարունակաբար փոփոխում է, որը այդքան էլ նման չէ անկողմնակալության: Գրելուս առիթ է հանդիսացել վերջին հետշրջումը ու որպեսզի խմբագրական պատերազմ չլինի, կցանկանամ տեսնել առավելագույնս չեզոք կարծիքներ. Ուկրաինան ներկա պահին չի վերահսկում իր տարածքների մի մասը, ավելին՝ այդ տարծքները անցել են մեկ այլ երկրի, այս դեպքում՝ Ռուսաստանին, իսկ վերջինս էլ կատարել է անեքսիա: Այսպիսով, քարտեզով պետք է գոնե ցույց տրվի այնպես, ինչպես որ կա ներկա պահին է: Վրաստանի դեպքում այլ իրավիճակ է, նրանից անկախանալ ձգտող Աբխազիան և Հարավային Օսեթիան անկախ են ճանաչվել ՄԱԿ-ի անդամ մի քանի երկրների կողմից, ու անկախ ինչ-որ մեկի ցանկությունից կամ երազանքից, շարունակում են անկախ մնալ, ինչը իմ կարծիքով պետք է նաև արտահայտվի Վրաստանի քարտեզում, թեկուզ մասնակի: Atheist Armenian (քննարկում) 23:15, 10 փետրվարի 2025 (UTC)

Atheist Armenian ջան, «ինչ-որ մեկի ցանկություն կամ երազանքը» ի՞նձ է վերաբերում։--Օmicrօn 06:36, 11 փետրվարի 2025 (UTC)

Ընկերներ, մեզ ի՞նչն է խանգարում ցուցադրել այս և այս պատկերները։ Դրանով ոչ մեկս կասկածի տակ չի դնում Ուկրաինայի ու Վրաստանի տարածքային ամբողջականությունը (մենք նման բան չենք էլ կարող), բայց նաև փաստում ենք առկա իրողությունները։ Անգլերենում հոդվածը պաշտպանված է ու ներկայացված նշածս տարբերակով։ Տեխնիկապես մեր մոտ հնարավորություն չկա radio buttons-ով դնել ու օգտվողը ընտրի, թե որ տարբերակն է ուզում տեսնել։ Ավետիսյան91 (քննարկում) 06:48, 11 փետրվարի 2025 (UTC)

O'micron, խոսքս վերաբերվում է բոլոր նրանց, ովքեր այդպես են ցանկանում կամ երազում, իսկ դա միշտ չէ, որ համընկնում է իրականության հետ։ Atheist Armenian (քննարկում) 19:57, 11 փետրվարի 2025 (UTC)

Եթե մասնակիցը պնդում է, որ առավել նախապատվելի է միջազգայնորեն ճանաչված սահմանների փոխարեն de facto սահմանների արտահայտումը, ապա առաջարկում եմ այս համատեքստում քննարկենք նաև «Ադրբեջան» հոդվածը, որի քարտեզը արտահայտում է ոչ թե պետության de facto կամ de jure սահմանները, այլ իմ համոզմամբ որոշ մասնակիցների «ցանկություններն ու երազանքները»։ Սա իմ գնահատմամբ աբսուրդ է, քանի որ մենք հանրագիտարանային բովանդակություն ենք ստեղծում և պարտավոր ենք հավատարիմ մնալ այս հանրագիտարանի սկզբունքներին։--Օmicrօn 06:50, 11 փետրվարի 2025 (UTC)

O'micron ջան, հերթական կապ չունեցող քննարկումն օգտագործում ես Ադրբեջանի քարտեզում Արցախը ներառելու համար։ Այս քննարկումն այլ բանի մասին է։ Եթե ցուցադրենք Վրաստանը Աբխազիայով ու Հվ. Օսեթիայով, ասելու ես, որ դե յուրե Արցախը Ադրբեջան է, դա էլ ցուցադրենք։ Եթե Աբխազիան ու Հվ. Օսեթիան առանձին ցուցադրենք, ասելու ես դե ֆակտո Արցախի վրա վերահսկողությունը Ադրբեջանինն է, դա ցուցադրենք։ Ուստի բեր Արցախի քննարկումը դնենք մի կողմ (որքան էլ դժվար լինի) ու քննարկենք կոնկրետ Ուկրաինայի և Վրաստանի դեպքերը։ Ավետիսյան91 (քննարկում) 07:08, 11 փետրվարի 2025 (UTC)

O'micron, կխնդրեմ իմ բառերը չմանիպուլացնել, քանի որ ես չեմ ասել, որ «նախապատվելի է միջազգայնորեն ճանաչված սահմանների փոխարեն de facto սահմանների արտահայտումը»։ Ադրբեջանի քարտեզի մասով չեմ կրկնվի, կարող ես առանձին քննարկում բացել, առավել ևս, որ շատ լավ գիտեմ քո դիրքորոշումը այդ հարցում։ Այս քննարկման հետ կապված էլ կցանկանամ տեսնել այլ մասնակիցների կարծիքները։ Atheist Armenian (քննարկում) 19:57, 11 փետրվարի 2025 (UTC)

Atheist Armenian ջան, ի՞նչ մանիպուլյացիայի մասին է խոսքը։ «Այսպիսով, քարտեզով պետք է գոնե ցույց տրվի այնպես, ինչպես որ կա ներկա պահին է:»․ սա քո խոսքերն է և ըստ էության նշանակում է, որ քո համոզմամբ քարտեզը պետք է արտահայտնի de fact սահմանները երկրի։ «Դե ֆակտո» նշանակում է փաստացի սահմաններ։ «Մի մանիպուլյացրու», «ինչ-որ մեկը ինչքան էլ երազի». այս ի՞նչ խոսելաոճ է։--Օmicrօn 11:05, 16 փետրվարի 2025 (UTC)

Ես գրել եմ բացառապես Ուկրաինայի ու Վրաստանի մասին, իսկ դու մեջ ես գցում նաև Ադրբեջանը, ու փորձում ես այնպես ներկայացնել թե իբր ես կողմ եմ բոլոր երկրների սահմանների դե ֆակտո ցուցադրմանը։ Ի դեպ, տեղյակ եմ «Դե ֆակտո» և «Դե յուրե» տերմիններից ու շնորհակալ եմ բացատրությունների համար։ Ցանկությունների ու երազանքների մասին արդեն վերևում գրել եմ, որը նորմալ խոսելաոճ է ու կոնկրետ հենց քեզ չի ուղղված։ Եթե բուն թեմայի՝ Ուկրաինայի ու Վարստանի քարտեզների մասով այլ տեսակետ ունես, ապա կխնդրեմ ներկայացնես։ Atheist Armenian (քննարկում) 16:32, 17 փետրվարի 2025 (UTC)

Իսկ ո՞րն է Վրաստանի, Ուկրաինայի և Ադրբեջանի տարբերությունը, Atheist Armenian ջան։--Օmicrօn 15:58, 20 փետրվարի 2025 (UTC)

Ուզում եմ հասկանալ թե այս քննարկման հետ ի՞նչ առնչություն ունի Ադրբեջանը, որ անընդհատ այդ անունն ես տալիս ու համեմատականներ դնում։ Երեք երկրները բազամաթիվ տարբերություններ ունեն, սկսած չափերից ու բնակչությունից մինչ պատմություն։ Atheist Armenian (քննարկում) 19:24, 27 փետրվարի 2025 (UTC)

Ուզում եմ հաշվի առնենք, որ ընտրված սկզբունքը պետք է կիրառել բացառապես բոլոր հոդվածների վրա, հատկապես երբ վերևում գրում եք, որ «հոդվածների քարտեզները շարունակաբար փոփոխում է, որը այդքան էլ նման չէ անկողմնակալության»։ Ինձ համար ընդունելի կլիներ Անգլերեն Վիքիպեդիայի տեղեկաքարտում օգտագործված տարբերակը։ --GeoØ (✖) 17:34, 22 փետրվարի 2025 (UTC)

Քննարկումը վերաբերվում է կոնկրետ երկու երկրների քարտեզներին, իսկ եթե բոլոր հոդվածների համար պետք է կիրառենք այն, ուրեմն պիտի խնդրեմ, որ նոր քննարկվում բացի, քանի որ ես ինքս նույն կարծիքը չունեմ՝ Ադրբեջանի, Կոսովոյի, Իսրայելի ու մնացած չկարգավորված սահմաններով երկրների վերաբերյալ։ Atheist Armenian (քննարկում) 19:24, 27 փետրվարի 2025 (UTC)

Upcoming Language Community Meeting (Feb 28th, 14:00 UTC) and Newsletter

Hello everyone!

We’re excited to announce that the next Language Community Meeting is happening soon, February 28th at 14:00 UTC! If you’d like to join, simply sign up on the wiki page.

This is a participant-driven meeting where we share updates on language-related projects, discuss technical challenges in language wikis, and collaborate on solutions. In our last meeting, we covered topics like developing language keyboards, creating the Moore Wikipedia, and updates from the language support track at Wiki Indaba.

Got a topic to share? Whether it’s a technical update from your project, a challenge you need help with, or a request for interpretation support, we’d love to hear from you! Feel free to reply to this message or add agenda items to the document here.

Also, we wanted to highlight that the sixth edition of the Language & Internationalization newsletter (January 2025) is available here: Wikimedia Language and Product Localization/Newsletter/2025/January. This newsletter provides updates from the October–December 2024 quarter on new feature development, improvements in various language-related technical projects and support efforts, details about community meetings, and ideas for contributing to projects. To stay updated, you can subscribe to the newsletter on its wiki page: Wikimedia Language and Product Localization/Newsletter.

We look forward to your ideas and participation at the language community meeting, see you there!

MediaWiki message delivery 08:29, 22 փետրվարի 2025 (UTC)

CEE Hub Microgrant Programme - 2025 round

CEE Hub Microgrant programme is open for submissions from the communities across Central and Eastern Europe (as well as Central Asia, and Farsi contributors that live in these regions).

The CEE Hub Microgrant programme will fund projects ranging from 50 to 700 EUR.

Please read the criteria and other details with the programme. Application form is accessible on the Meta page where you will need to answer a few simple questions.

You can find a list of the applications for the programme from 2024 on this page, so you will get a sense of what other communities asked for funds.

If you have any questions, please let us know (contact us). We are waiting for your submissions!

--MediaWiki message delivery (քննարկում) 13:35, 24 փետրվարի 2025 (UTC)

Հետաքրքրաշարժ Վիքի

Հարգելի՛ վիքիհամայնք, տեղեկացնում եմ, որ «Վիքիմեդիա Հայաստանը» 2025 թվականի մարտի 9-ից 20-ը կազմակերպում է «Հետաքրքրաշարժ Վիքի» խմբագրաթոնը, որի ընթացքում պետք է ստեղծվեն հոդվածներ, որոնցից վերցված հետաքրքրաշարժ փաստերը տեղ կգտնեն Գլխավոր էջի «Գիտե՞ք, որ․․․» բաժնում։ --23artashes (քննարկում) 09:38, 4 մարտի 2025 (UTC)

Art+Feminism 2025

Հարգելի՛ խմբագիրներ,
Art+Feminism միջոցառումների շրջանակում 2025 թվականի մարտի 7-ից մինչև ապրիլի 7-ը հայերեն վիքիպեդիայում կմեկնարկի Art+Feminism մեկամսյա արշավը՝ Վիքիպեդիան համալրելու կին արվեստագետների և ֆեմինիստներրի մասին հոդվածներով։ Ակտիվ և լավ հոդված ստեղծած մասնակիցները կխրախուսվեն։
Հարգանքով՝ Armineaghayan (քննարկում) 20:32, 6 մարտի 2025 (UTC)

Universal Code of Conduct annual review: proposed changes are available for comment

My apologies for writing in English. Please help translate to your language.

I am writing to you to let you know that proposed changes to the Universal Code of Conduct (UCoC) Enforcement Guidelines and Universal Code of Conduct Coordinating Committee (U4C) Charter are open for review. You can provide feedback on suggested changes through the end of day on Tuesday, 18 March 2025. This is the second step in the annual review process, the final step will be community voting on the proposed changes. Read more information and find relevant links about the process on the UCoC annual review page on Meta.

The Universal Code of Conduct Coordinating Committee (U4C) is a global group dedicated to providing an equitable and consistent implementation of the UCoC. This annual review was planned and implemented by the U4C. For more information and the responsibilities of the U4C, you may review the U4C Charter.

Please share this information with other members in your community wherever else might be appropriate.

-- In cooperation with the U4C, Keegan (WMF) 18:51, 7 մարտի 2025 (UTC)

Ապարգելափակման խնդրանք

Չգիտեմ, որ մեղքիս համար արգելափակվել եմ. ընթացիկ IP-հասցեն է` 217.113.10.84, արգելափակման իդենտիֆիկատորը՝ #28375815։ Փորձեցի արգելափակող ‪QBA-bot‬ ադմինիստրատորին գրել, բայց չի թույլատրում։ Տրված պատճառն է. «This IP address has been blocked because it is believed to be an open proxy»--Ապատ63 (քննարկում) 11:37, 10 մարտի 2025 (UTC)

Ընդ որում`

• Արգելափակման սկիզբ՝ 11:33, 1 մարտի 2025
• Արգելափակման մարում՝ 11:33, 1 սեպտեմբերի 2025: /--Ապատ63 (քննարկում) 11:41, 10 մարտի 2025 (UTC)

  @Ապատ63 ջան, կստուգե՞ս, քեզ «IP block exempt» խմբի մեջ ավելացրի։ ԱշոտՏՆՂ (քննարկում) 12:29, 10 մարտի 2025 (UTC)

@ԱշոտՏՆՂ ջան, նայեցի, կամ խմբում: Դա նշանակում է, խնդիրը հարթվե՞ց--Ապատ63 (քննարկում) 12:48, 10 մարտի 2025 (UTC)

Դա նշանակում է, որ քո հաշվով արգելափակված IP-ներից կարող ես խմբագրել։ ԱշոտՏՆՂ (քննարկում) 12:49, 10 մարտի 2025 (UTC)

Շնորհակալ եմ, ԱշոտՏՆՂ ջան: Հուսամ շուտով հոդվածի վերևում զգուշացումն էլ կանցնի--Ապատ63 (քննարկում) 13:13, 10 մարտի 2025 (UTC)

Վերնագրի փոփոխություն

Բարև Ձեզ, խնդրում եմ ասել՝ ինչպես փոխել հոդվածի վերնագիրը, եթե մեր կողմից չի տեղադրված այն 37.186.72.2 10:52, 12 մարտի 2025 (UTC)

Ողջույն։ Ո՞ր հոդվածի մասին է խոսքը։ Հոդվածն անվանափոխելու համար նախ բացում ենք քննարկում։ Իսկ եթե անվանափոխման կարիքն ակնհայտ է, ապա կարելի է միանգամից այն անել՝ տեղափոխելով էջը։ Քանի որ դուք գրանցված մասնակից չեք, այդ հնարավորությունը հավանաբար անհասանելի լինի։ Ավետիսյան91 (քննարկում) 11:14, 12 մարտի 2025 (UTC)

An improved dashboard for the Content Translation tool

Ողջո՜ւյն Wikipedians,

Apologies as this message is not in your language, Please help translate to your language.

The Language and Product Localization team has improved the Content Translation dashboard to create a consistent experience for all contributors using mobile and desktop devices. The improved translation dashboard allows all logged-in users of the tool to enjoy a consistent experience regardless of their type of device.

With a harmonized experience, logged-in desktop users now have access to the capabilities shown in the image below.

Notice that in this screenshot, the new dashboard allows: Users to adjust suggestions with the "For you" and "...More" buttons to select general topics or community-created collections (like the example of Climate topic).  Also, users can use translation to create new articles (as before) and expand existing articles section by section. You can see how suggestions are provided in the new dashboard  in two groups ("Create new pages" and "Expand with new sections")-one for each activity.

In the current dashboard, you will notice that you can't adjust suggestions to select topics or community-created collections. Also, you can't expand on existing articles by translating new sections.

We will implement this improvement on your wiki on Monday, March 17th, 2025 and remove the current dashboard by May 2025. Please reach out with any questions concerning the dashboard in this thread.

Thank you!

On behalf of the Language and Product Localization team.

UOzurumba (WMF) 02:55, 13 մարտի 2025 (UTC)

«Շաբաթվա հոդված»

Ողջույն հարգելի խմբագիրներ: Խնդրում եմ մասնակցել քվեարկությանը: POitor ^{քննարկում} 10:17, 16 մարտի 2025 (UTC)