Սևո (Սարգիս Ղարիբյան)

Վիքիպեդիայում կան հոդվածներ Ղարիբյան ազգանունով այլ մարդկանց մասին։

Սևո, Սարգիս Լևոնի Ղարիբյան (օգոստոսի 27, 1950(1950-08-27), Կիրովական, Հայկական ԽՍՀ, ԽՍՀՄ), հայ քանդակագործ։

Սևո
Ծնվել է	օգոստոսի 27, 1950(1950-08-27) (74 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Կրթություն	Փանոս Թերլեմեզյանի անվան գեղարվեստական ուսումնարան (1975)
Մասնագիտություն	քանդակագործ
Անդամություն	Հայաստանի նկարիչների միություն

Կենսագրություն

• 1969-1975 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանի քանդակի բաժնում Ֆրանց Սիմոնյանի և Ադիբեկ Գրիգորյանի դասարաններում
• 1975 թվականից Վանաձորի N 6 դպրոցում դասավանդում է կերպարվեստ առարկան
• 1990 թվականին Հայաստանի նկարիչների միության անդամ է
• 2001-2002 թվականներին և 2006-2007 թվականներին ճանաչվել է Վանաձոր քաղաքի կերպարվեստի լավագույն ուսուցիչ
• 2009 թվականին Վանաձորում բացել է «Սևո արվեստանոց-ցուցասրահը»

Աշխատանքներից գտնվում են Հայաստանի ազգային պատկերասրահում, Վանաձորի կերպարվեստի թանգարանում («Գարուն», «Հաղթանակ»)։

Ստեղծագործական ուղի

Հուշարձաններ

• «Հին օրհնություն», Վանաձոր, Թումանյան փողոց, 1985
• «Թումանյանն իր հերոսներով», Տառերի պուրակ, 2005
• «Մայրություն», Վանաձոր, 2004, 2.3 մ, Մայրասար լեռան վրա, ծովի մակերևույթից 2707 մ բարձրության վրա։ Այս նվաճումը գրանցված է ՀՀ «Դյուցազնագիր» գրքում
• «Սրնգահարը», Գեղագիտական կենտրոնի պուրակ
• «Համբույր», Շառլ Ազնավուրի անվան մշակույթի տան նախասրահ
• «Գուսան Զաքարյան», գյուղ Վահագնի
• «Հրանտ Մաթևոսյան», Հրանտ Մաթևոսյանի անվան պուրակ
• Հրանտ Մաթևոսյան, Մոտկոր, Շամուտ, 2011
• «Մխիթար Հերացին երեխաների հետ», Արմավիրի մարզ, գյուղ Մյասնիկյան

Կիսանդրիներ՝

• Հովհաննես Թումանյան, Ղարաբաղ, 1993
• Հովհաննես Թումանյան, Վանաձորի մանկավարժական ինստիտուտ
• Ազատ Խլղաթյան, իր անվան դպրոցում
• Դրաստամատ Կանայան, Վանաձորի Դրաստամատ Կանայանի անվան զորամաս
• Վազգեն Սարգսյան, Վանաձոր, Կայարանամերձ հրապարակ, 2000
• Վազգեն Սարգսյան, Վանաձորի զորամաս
• Անտոն Քոչինյան, Վանաձոր, «Դիմաց» թաղամաս, Քոչինյանի անվան հրապարակ
• Անտոն Քոչինյան, գյուղ Վահագնի
• Հովհաննես Թումանյան, Վանաձորի Թումանյան կայարան, 2013
• Պարույր Սևակ, Վանաձորի իր անվան դպրոցում
• Համլետ Թամազյան, Օձուն, 2012

Դիմաքանդակներ՝

• Գեներալ-գնդապետ Համբարյան, Շիրակամուտ
• Հրանտ Մաթևոսյան, Ահնիձորի դպրոց
• Վլադիմիր Մովսիսյան, Շենավան
• Պետրոս Մելքոնյան, Երևանի պոլիտեխնիկական ինստիտուտի Վանաձորի մասնաշենքում
• Հրաչյա Սարուխան
• Սամվել Խլղաթյան
• Խաչիկ Ղարաբեկյան
• Գեորգի Թովմասյան
• Գևորգ Առաքել

Հարթաքանդակներ՝

• Նոր-Այր
• Ալեքսանդր Պուշկին, Վանաձորի թիվ 4 դպրոցում
• Ստեփան Շահումյան, Վանաձորի թիվ 6 դպրոց
• Եղիշե Չարենց, Վանաձորի թիվ 12 դպրոց
• «Լոռվա մեծերը» (Հովհաննես Թումանյան, Հրանտ Մաթևոսյան, Սոս Սարգսյան, Գուսան Զաքարյան), Վանաձոր, Լոռի ռեստորանի բակ

Ունի բազմաթիվ էսքիզներ նվիրված Լոռվա և Թումանյանական թեմաներին, Շուշիի ազատագրման հաղթանակին։

Ցուցահանդեսներ

Մասնակցել է հանրապետական տարբեր ցուցահանդեսների։

• 2005 թվականին Վանաձորի տոնի կապակցությամբ բացել է ցուցահանդես նվիրված երեխաներին

Պատկերասրահ

• 
  «Հին օրհնություն»
• 
  «Թումանյանն իր հերոսներով», Տառերի պուրակ
• 
  Վազգեն Սարգսյանի կիսանդրին Վանաձորի կայարանամերձ հրապարակում
• 
  Հրանտ Մաթևոսյանի հուշարձանը, Վանաձոր
• 
  Համլետ Թամազյանի կիսանդրին Օձունում

Արտաքին հղումներ

• Մոտկոր աշխարհը կունենա Հրանտ Մաթևոսյանի կիսանդրին