Ստորակետ

, Հայերենի կետադրություն
վերջակետ	( : )
միջակետ	( ․ )
ստորակետ	( , )
բութ	( ՝ )
շեշտ	( ՛ )
հարցական նշան	( ՞ )
բացականչական ; նշան	( ՜ )
չակերտներ	( « » )
միության գծիկ	( - )
անջատման գիծ	( – )
կախման կետեր	( … )
բազմակետեր	( ․․․․ )
փակագծեր	( [ ] ( ) )
ապաթարց	( ՚ )
ենթամնա	( ֊ )
բացատ	( )
Հին հայերենի կետադրություն
թավ•լերկ•մակակետ; սոսկ•սուղ
պատիվ	( ՟ )
Լատիներենի կետադրություն
բացականչական ; նշան	( ! )
հարցական նշան	( ? )
Տպագրական նշաններ
ամպերսենդ	( & )
աթ	( @ )
աստղանիշ	( * )
հակադարձ շեղագիծ	( \ )
ցանկի մակնշան	( • )
տպագրական խաչ	( †, ‡ )
աստիճան	( ° )
վանդականիշ	( # )
համարանիշ	( № )
բաժանման նշան	( ÷ )
կարգի ցուցիչ	( º, ª )
տոկոս, հազարերորդական մաս	( %, ‰ )
ենթաբաժին	( ¶ )
շտրիխ	( ′, ″, ‴ )
բաժին	( § )
ալիքանշան	( ~ )
ընդգծում	( _ )
կանգնակ	( ¦, \| )
Մտավոր սեփականություն
հեղինակային ; իրավունքի նշան	(©)
ապրանքանշանի իրավունք	(®)
սպասարկման նշան	(℠)
ապրանքանիշ	(™)
Արժույթներ
արժույթի նշան	(¤)
	արժույթների ; նշաններ`
	(֏ ฿ ₿ ₵ ¢ ₡ ₢ $ ₫ ৳ ₯ € ₣ ₴ ₭ ℳ ₥ ₦ ₧ ₱ ₰ £ ₽ ₨ ₪ ₸ ₩ ¥ )
	դիտել; քննարկել; խմբագրել;

Անվան այլ կիրառումների համար տե՛ս՝ Ստորակետ (այլ կիրառումներ)

Ստորակետ, կետադրական նշաններից մեկը։

Հայերենում ստորակետ դրվում է՝

գերադաս և ստորադաս նախադասությունների միջև.
- երբ տարբեր ստորադաս նախադասությունների կապող ստորադասական շաղկապները կամ շաղկապական բառերը գործածվում են իրար մոտ, ստորակետով տրոհումը կատարվում է ըստ տարբեր նախադասությունների.
- եթե ստորադասական շաղկապը զեղչված է, գերադաս և ստորադաս նախադասությունների տրոհումը սովորաբար կատարվում է բութով.
համադաս նախադասությունների միջև, երբ սրանք կապակցված են առանց շաղկապի, ինչպես նաև և-ից, ու-ից, կամ-ից բացի, որևէ շաղկապով (իսկ, բայց, սակայն, մինչդեռ և այլն).
և, ու, կամ շաղկապներով կապակցված համադաս նախադասությունների միջև, որոնք չունեն ընդհանուր ենթակա.
և, ու, կամ շաղկապներով կապակցված համադաս նախադասությունների միջև, որոնց ենթական ընդհանուր է, սակայն առաջինին հաջորդում է ստորադաս նախադասություն, կամ այն ունի տրոհվող վերջադաս դերբայական դարձվածք.
նախադասության համադաս անդամների միջև, երբ սրանք կապակցված չեն և, ու, կամ շաղկապներով.
- ծանոթություն - համադաս անդամների միջև ստորակետ է դրվում նաև այն դեպքում, երբ նրանցից մեկը դերբայական դարձված է։
միջանկյալ բառերի, բառակապակցությունների, նախադասությունների և նախադասության մնացած մասի միջև.
- խոսքի մասերից միջանկյալ կիրառությամբ առավելապես հանդես են գալիս ձայնարկությունները, վերաբերականների մի մասը.
կոչականի և նախադասության հիմնական մասի միջև.
կրկնադիր և...և, թե-թե, կամ-կամ, ոչ-ոչ շաղկապներով կապակցված բառերի, նախադասությունների միջև.
միջադաս տրոհված դերբայական դարձվածից առաջ և հետո.
- միջադաս դերբայական դարձվածի տրոհման կանոնը պահպանվում է նաև այն դեպքում, երբ դերբայական դարձվածին նախորդում կամ հաջորդում են միայն նրան համազոր անդամներ.
ըստ, նայած, համաձայն, համապատասխան, հակառակ, հանդերձ, չնայած, չհաշված, փոխանակ, ի տարբերություն, ի հեճուկս, բացի, զատ, բացառությամբ կապերով ձևավորված հիմունքի ու զիջման միջադաս պարագաներից առաջ և հետո.
բացահայտչից հետո, եթե նախադասությունը շարունակվում է.
- բացահայտչից հետո ստորակետ չի դրվում.
  - երբ հատկացուցչի բացահայտչին հաջորդում է նրանից տարբեր հոլովով բառ, որը չի կարող շփոթել բացահայտչի հետ.
  - երբ բացահայտչի հետ գործածված է հետադաս կապ.
  - երբ տրամաբանական շեշտը բացահայտչի վրա ընկնելու պատճառով ստորոգյալի հանգույցը կամ օժանդակ բայը դրվում է բացահայտչից հետո.
  - երբ բացահայտչին հաջորդում է հավելական էլ շաղկապը.
- բացահայտչից հետո ստորակետ չի դրվում, եթե նույն տեղում պահանջվում է դնել բութ կամ միջակետ.
հետադաս տրոհված որոշչի հետո, եթե նախադասությունը շարունակվում է.
- տրոհված որոշչից հետո ստորակետ չի դրվում, եթե նույն տեղում պահանջվում է դնել բութ կամ միջակետ.
մեկնական բառից առաջ.
մատենագիտական աղբյուրի նկարագրության մեջ ներկայացվող տվյալների միջև։

Գրականություն

Սերգեյ Աբրահամյան, «Հայերենի կետադրություն», ուսումնական ձեռնարկ, 2002 թ.