Ստեփան Փարթամյան
Ստեփան Փարթամյան (անգլ.՝ Stepan Partamian, արմտ. հայ.՝ Ստեփան Փարթամեան, սեպտեմբերի 16, 1962, Բեյրութ, Լիբանան), հայ հաղորդավար, արտադրիչ։ «Ձեր կարծիքը», «Բարի լույս» և «Հայը» ծրագրերի հաղորդավարն է, «Հայկական արվեստներ» ընկերության հիմնադիրը։
| Ստեփան Փարթամյան | |
|---|---|
 | |
| Ծնվել է | սեպտեմբերի 16, 1962 (61 տարեկան) |
| Ծննդավայր | Բեյրութ, Լիբանան |
| Քաղաքացիություն |  ԱՄՆ |
| Ազգություն | հայ |
| Կրոն | աթեիզմ |
| Երկեր | "Yes, We Have"[1] |
| Մասնագիտություն | հեռուստահաղորդավար |
| Կայք | partam.com |
Կենսագրություն խմբագրել
Ստեփան Փարթամյանը ծնվել է 1962 թվականին, Բեյրութում։ 1986 թվականին ավարտել է ԱՄՆ-ի Կալիֆորնիա նահանգի «Նորթրիջ» համալսարանի ռադիո-հեռուստատեսության բաժինը։ 1990 թվականին հիմնադրել է «Գառնի» երաժշտական ստուդիան, որտեղ ձայնագրել է ավելի քան 50 ձայնասկավառակ՝ Ռուբեն Հախվերդյան, Արմեն Մովսիսյան, Արթուր Մեսչյան, Լիլիթ Պիպոյան, Բելլա Դարբինյան և այլն։ Լոս Անջելեսի հայկական հեռուստատեսությամբ վարել է «Ձեր կարծիքը» «Հայը», «Բարի լույս» հաղորդաշարերը։ Եղել է բազմաթիվ համերգային ծրագրերի պրոդյուսեր։ Հիմնադրել և ղեկավարում է «Հայկական արվեստներ» ընկերությունը, որը կազմակերպել է բազմաթիվ միջոցառումներ և հայ մշակույթին նվիրված երեկոներ[2]։ Ստեղծել է PARTAM all things Armenian App-ը՝ ճամփորդական ուղեցույցը, որում վավերագրված են տեղեկություններ աշխարհի տարբեր անկյուններում գտնվող հայկական վայրերի վերաբերյալ՝ լուսանկարներում ու տեղայնքով[3]։
2009 թվականին հրատարակել է "Yes, We Have" (Այո, մենք ենք) հայի ինքնությունը փաստող գիրքը, որտեղ ներկայացված են ԱՄՆ-ում զգալի ներդրումներ ունեցող հայազգի 700 ամերիկացիների կենսագրականներ[4]։
Ծանոթագրություններ խմբագրել
- ↑ Yes, We Have - Expanded By Stepan Partamian, 800-page book on Armenian-American achievements
- ↑ «Ստեփան Փարթամյանի մասին avproduction.am կայքում». Արխիվացված է օրիգինալից 2020 թ․ սեպտեմբերի 23-ին. Վերցված է 2018 թ․ փետրվարի 19-ին.
- ↑ PARTAM all things Armenian
- ↑ Ամերիկան Հայաստանի մարզերից մեկն է. Ստեփան Փարթամյան
Արտաքին հղումներ խմբագրել
- Stepan Partamian Արխիվացված 2016-03-05 Wayback Machine