I Can’t Live with You

«I Can’t Live with You» (անգլ. թարգ.՝ Ես չեմ կարող քեզ հետ ապրել), բրիտանական Քուին ռոք խմբի երգը, որը ընդգրկված է Ֆրեդի Մերկուրիի կյանքի ընթացքում թողարկված վերջին՝ «Innuendo» ալբոմում։

«I Can't Live with You»
Քուինի երգը «Innuendo» ալբոմից
Թողարկված	Փետրվարի 4, 1991
Ձայնագրված	1990
Ժանր	Հարդ ռոք (ալբոմային տարբերակ, Բրայան Մելուֆի ռեմիքս) Հևի մետալ (1997 «Queen Rocks» Re-take)
Լեզու	անգլերեն
Տևողություն	04:43 (ալբոմային տարբերակ) 04:05 (LP Edit) 04:23 (Բրայան Մելուֆի ռեմիքս) 04:13 (Բրայան Մելուֆի ռեմիքս՝ կարճեցրած տարբերակ) 04:47 (1997 «Queen Rocks» Re-take)
Լեյբլ	EMI Records
Պրոդյուսեր	Քուին Դեյվիդ Ռիչարդս
Innuendo ալբոմի երգացանկ
Headlong (3) «I Can't Live with You» (4) Don't Try So Hard (5)

Երգի ալբոմային տարբերակի տևողությունը 4 րոպե և 43 վայրկյան է։ Ալբոմի ձայնապնակով թողարկման մեջ երգը թողարկվել է ավելի կարճեցրաց տարբերակով՝ 4 րոպե և 5 վայրկյան։ 1992 թվականին ԱՄՆ-ում թողարկվել է պրոմոսինգլը՝ Բրայան Մելուֆի ռեմիքսով և նրա կարճեցրած տարբերակով։ Այդ ռեմիքսը տարբերվում է փոքր-ինչ ծանր հնչողությամբ՝ նոր սինթեզատորային հարվածներով։ Տևողությունը 4 րոպե 23 վայրկյան է, կարճեցրած տարբերակով՝ 4 րոպե 13 վայրկյան։ 1997 թվականին «Queen Rocks» հավաքածուում թողարկվել է երգի վերաթողարկումը՝ նոր նախանվագով և կոդայով և ծանր, հևի մետալային հնչողությամբ, որի տևողությունը 4 րոպե 47 վայրկյան է։

Մեյի խոսքերով, այս երգը անհնար է միքսել՝ «…դու մտածում ես՝ «Հիանալի է, մնում է մի քանի ժամ էլ աշխատել»։ Իսկ հետո այն ավելի ու ավելի վատն է դառնում…»:

Ձայնագրման մասնակիցներ

• Ֆրեդի Մերկուրի՝ գլխավոր և բեք վոկալ
• Բրայան Մեյ՝ կիթառ, ստեղնաշարեր, բեք վոկալ, ծրագրավորում
• Ռոջեր Թեյլոր՝ հարվածային գործիքներ, բեք վոկալ
• Ջոն Դիքոն՝ բաս կիթառ
• Դեյվիդ Ռիչարդս՝ ստեղնաշարեր

Չարթեր

Չարթ (1991)	Բարձրագույն հորիզոնական
U.S. Billboard Mainstream Rock Chart	28

Արտաքին հղումներ

• Երգի բառերը Քուին խմբի պաշտոնական կայքում (Queen Rocks)