Go (ծրագրավորման լեզու)
Go-ն Google ֆիրմայում մշակվող ծրագրավորման լեզու է[6]։ Լեզվի իրականացումը սկսվել է 2007 թվականին՝ Ռոբ Պայկի, Քեն Թոմփսոնի և Ռոբերտ Գրիսմերի կողմից[7]։ Go֊ն ստատիկ տիպիզացվող լեզու է, որի շարահյուսությունը շատ նման է C լեզվին, իսկ որոշ քերականական բաղադրիչներ ընդօրինակված են Oberon լեզվից։ Go լեզվի իրականացման անբաժանելի մաս է կազմում նաև ստանդարտ գրադարանը։
 | |
|---|---|
| Տեսակ | կոմպիլյացվող, իմպերատիվ, ստրուկտուրավորված |
| Առաջացել է | նոյեմբերի 10, 2009[1][2] |
| Ստեղծող | Գուգլ, Ռոբ Պայկ, Քեն Թոմփսոն, The Go Authors? և Ռոբերտն Գրիզմեր |
| Նախագծող | Ռոբ Պայկ, Քեն Թոմփսոն և Ռոբերտն Գրիզմեր |
| Ընդլայնումներ | .go |
| ՕՀ | DragonFly BSD, FreeBSD, Լինուքս, մաքՕՍ, NetBSD, OpenBSD, Պլան 9, Սոլարիս, Windows, iOS, Անդրոիդ, IBM AIX? և illumos? |
| Համացանցի տվյալների տեսակ | text/x-go[3] |
| Ներշնչվել է | C, Oberon |
| Արտոնագիր | BSD արտոնագիր |
| Հմայագիր | Go gopher?[4][5] |
| Կայք | go.dev(անգլ.) |
 Go (programming language) Վիքիպահեստում | |
Go լեզուն հանրությանն է ներկայացվել 2009 թվականին, և այժմ օգտագործվում է Google֊ի որոշ նախագծերում[8]։
Նկարագրություն խմբագրել
Go լեզվի ծրագրային միավորներ են փաթեթը (package) և ֆունկցիան (function)։ Ցույց տալու համար, որ մի որևէ ֆայլի պարունակությունը պատկանում է example փաթեթին, ֆայլի սկզբում պետք է գրել.
package example
Ֆունկցիայի սահմանումը սկսվում է func ծառայողական բառով, որին հետևում է ֆունկցիայի անունը, ապա՝ ֆորմալ պարամետրերի ցուցակը, և վերջում, եթե այդպիսին կա, ֆունկցիայի վերադարձրած արժեքի տիպը։ Օրինակ, երկու թվերի քառակուսիների գումարը հաշվող ֆունկցիան կարող է ունենալ հետևյալ տեսքը․
func sumSqr(a, b int) int {
a2 := a * a
b2 := b * b
return a2 + b2
}
Օրինակներ խմբագրել
Ամենակարճ ծրագիրը խմբագրել
Go լեզվով գրված ամենակարճ ծրագիրը բաղկացած է main փաթեթում main ֆունկցիայի սահմանումից։
package main
func main() {}
Կոորդինատի մոդելը խմբագրել
Go լեզվում կառուցվածք (գրառում) բաղադրյալ տիպը սահմանվում է struct նկարագրիչի օգնությամբ։ Եթե դեկարտյան կետը բաղկացած է աբսցիսը ցույց տվող և օրդինատը ցույց տվող դաշտերից, ապա cartesian կառուցվածքը կսահմանվի հետևյալ կերպ։
type cartesian struct {
x, y float64
}
cartesian տիպի օբյեկտի հետ աշխատելու համար Go լեզուն թույլ է տալիս սահմանել մեթոդներ։ Օրինակ, կոորդինատների սկզբնակետից տրված կետւ հեռավորությունը հաշվող radius մեթոդը կսահմանվի այսպես․
func (p cartesian) radius() float64 {
return math.Sqrt(p.x * p.x + p.y * p.y)
}
Իրականացումներ խմբագրել
Բացի Google֊ի իրականացումից, Go լեզուն իրականացված է նաև gcc փաթեթում՝ gccgo անունով։ Google֊ի gc կոմպիլյատորը իրականացված է Linux, OS X, FreeBSD, NetBSD, OpenBSD, Plan 9, Solaris և Windows օպերացիոն համակարգերի համար[9]։
Ծանոթագրություններ խմբագրել
- ↑ https://go.dev/blog/13years
- ↑ https://go.dev/doc/faq
- ↑ https://gitlab.freedesktop.org/xdg/shared-mime-info/-/blob/Release-1-15/freedesktop.org.xml.in#L6247
- ↑ https://blog.golang.org/gopher
- ↑ https://github.com/golang/go/wiki/Gopher
- ↑ Kincaid, Jason (2009 թ․ նոյեմբերի 10). «Google's Go: A New Programming Language That's Python Meets C++». TechCrunch. Վերցված է 2010 թ․ հունվարի 18-ին.
- ↑ «Language Design FAQ». golang.org. 2010 թ․ հունվարի 16. Վերցված է 2010 թ․ փետրվարի 27-ին.
- ↑ «Go FAQ: Is Google using Go internally?». Վերցված է 2013 թ․ մարտի 9-ին.
- ↑ «Installing Go». golang.org. The Go Authors. 2010 թ․ հունիսի 11. Վերցված է 2010 թ․ հունիսի 11-ին.
 | Վիքիպահեստն ունի նյութեր, որոնք վերաբերում են «Go (ծրագրավորման լեզու)» հոդվածին։ |