Վիքիպեդիա

Doubleday (հրատարակչություն)

Doubleday-ն ամերիկյան հրատարակիչ ընկերություն է, որը հիմնադրվել է 1897 թվականին, որպես Doubleday & McClure Company և մինչև 1947 թվականը Միացյալ Նահանգների ամենամեծ հրատարակչական կազմակերպությունն էր։ Այն հիմնականում թողարկում էր ԱՄՆ-ի գրողների աշխատանքները և տարածում էր իր խանութներում։ 2009 թվականից, Doubleday-ը միացել է Knopf Publishing Group-ին և կազմել Knopf Doubleday Publishing Group-ը։

Doubleday
Изображение логотипа
Տեսակգրահրատարակչություն և տպարան
Հիմնադրված է1897
ՀիմնադիրFrank Nelson Doubleday? և S. S. McClure?
ՎայրՆյու Յորք, ԱՄՆ
ԱրդյունաբերությունՀրատարակչություն և հրատարակչություն
Կայքdoubleday.knopfdoubleday.com
 Doubleday (publisher) Վիքիպահեստում

Պատմություն խմբագրել

Ընկերությունը հիմնադրվել է 1879 թվականին, Doubleday & McClure Company անունով, Ֆրենկ Նելսոն Դաբլդեյի կողմից[1], ով բաժնետիրություն ուներ Սեմյուել ՄաքՔլարի ասմագրերի հրատարակչության հետ։ Իրենց առաջին բեսթելլերներից էր Ռեդյարդ Կիպլինգի «Օրվա աշխատանք» ժողովածուն։ Մյուս գրողները, ինչպիսիք Վիլյամ Սոմերսեթ Մոեմն է և Ժոզեֆ Կոնրադը, թողարկվել են ընկերության ավելի վաղ տարիներին։ Ավելի ուշ, Թեոդոր Ռուզվելտը դարձավ ընկերության փոխնախագահը։

1900 թվականին, ընկերության անվանումը փոխվեց Doubleday, Page & Company, երբ Ուոլթեր Հայնս Փեյջը միացավ որպես նոր բաժնետեր։ 1922 թվականին, հիմնադրի որդի Նելսոն Դաբլդեյը միացավ ընկերությանը։

1910 թվականին, Doubleday, Page, and Co.-ի գրասենյակը տեղափոխվեց Նյու Յորքի Գարդեն Սիթի, որն ընդգրկեց գնացքի կայարանը[2]։ Doubleday ընկերությունը գնեց Ֆրանկլին պողոտայի արևմտյան մասի մեծ մասը և տեղի բնակիչների համար տներ կառուցվեցին Չորրորդ փողոցում։ 1916 թվականին, ընկերության համաստեղծողը և Գարդեն Սիթիի ղեկավար Ուոլթեր Հայնս Փեյջը դարձավ Միացյալ Նահանգներում Մեծ Բրիտանիայի դեսպանը։

1927 թվականին, Doubleday-ը միացավ George H. Doran Company-ին, ստեղծելով Doubleday, Doran-ը, անգլախոս աշխարհում ամենամեծ հրատարակչական բիզնեսը։ 1946 թվականին, ընկերությունն անվանափոխվեց Doubleday and Company-ի։ Նելսոն Դաբլդեյ կրտսերը նշանակվեց նախագահ, սակայն շարունակեց մնալ նաև ղեկավարման նախագահ՝ մինչև իր մահը՝ 1949 թվականի հունվարի 11-ը։ Դուգլաս Բելք-ը անցավ ղեկավարություն և նախագահի պաշտոնում մնաց 1946 թվականի 1963 թվականը[3]։

1947 թվականից, Doubleday-ն ամենամեծ հրատարակչությունն էր ԱՄՆ-ում, որը տարեկան վաճառում էլ 30 միլիոն գիրք։

Դաբլդեյի փեսա Ջոն Թըրներ Սերջենթը, 1963-ից 1978 թվականները դարավ նախագահ և գլխավոր տնօրեն։ Նելսոն Դաբլդեյը նույն պաշտոններում նրան հաջորդեց 1978-ից 1985 թվականներին, իսկ Ջեյմս ՄաքԼաֆլինն էլ Դաբլդեյին, որից հետո Դաբլդեյը դարձավ ղեկավարման նախագահ։

1980 թվականին, ընկերությունը գնեց New York Mets բեյսբոլի թիմը։ Այն ջախջախելով Boston Red Sox-ին, հաղթեց 1986 թվականի աշխարհի խաղերում։

1986 թվականին, ֆիրման միջազգային հարաբերություններում դարձավ լիովին ինտեգրացված կազմակերպություն, որն անում էր առևտրական հրատարակում, մասսայական շուկայի համար փափուկ կազմով գրքերի թողարկում, գրքային ակումբներ և գրքի արտադրություն՝ հեռուստառադիոհեռարձակման և գովազդման ձեռնարկությունների հետ համատեղ։ Ընկերությունը գրասենյակներ ունի Լոնդոնում և Փարիզում, լիովին տնօրինված մասնաճյուղեր Կանադայում, Ավստրալիայում և Նոր Զելանդիայում և միացյալ ձեռնարկություններ Միացյա Թագավորությունում և Նիդերլանդներում։

Doubleday-ը հրատարակչական ընկերությունը 1986 թվականին վաճառեց Bertelsmann-ին[4][5] և միացավ փոքրամասնության սեփականատեր Ֆրեդ Ուիլփոնին գնելու New York Mets-ը։ 1988 թվականին, ֆիրմայի մասերը դարձան Bantam Doubleday Dell Publishing-ի բաժնեմասերը, որն էլ իր հերթին համարվում է Random House-ի ենթաբաժինը։

2008 թվականի վերջին և 2009 թվականի սկզբին, Doubleday իմպրինտը միացավ Knopf Publishing Group-ին կազմեց Knopf Doubleday Publishing Group ընկերությունը[6]։

Նախագահներ խմբագրել

Նշանավոր խմբագիրներ խմբագրել

Նշանավոր գրողներ խմբագրել

Նշանավոր ծառայողներ խմբագրել

Ծանոթագրություններ խմբագրել

  1. ↑ «History». randomhouse.com.
  2. ↑ Newportvintagebooks.com
  3. ↑ «Արխիվացված պատճենը». Արխիվացված է օրիգինալից 2011 թ․ հունիսի 11-ին. Վերցված է 2016 թ․ հուլիսի 8-ին.
  4. ↑ 4,0 4,1 McDowell, Edwin (1986 թ․ դեկտեմբերի 18). «German Firm Completes Acquisition of Doubleday». New York Times.
  5. ↑ Mcdowell, Edwin (1986 թ․ հոկտեմբերի 1). «PENGUIN AGREES TO BUY NEW AMERICAN LIBRARY». The New York Times. ISSN 0362-4331. Վերցված է 2016 թ․ ապրիլի 12-ին.
  6. ↑ [1] Shakeups hit Random House, other publishers
  7. ↑ Fargnoli, A. Nicholas; Golay, Michael (2009). Critical Companion to William Faulkner. Infobase Publishing.

Արտաքին հղումներ խմբագրել

Ստացված է «https://hy.wikipedia.org/w/index.php?title=Doubleday_(հրատարակչություն)&oldid=9459107» էջից