Boston Dynamics
Boston Dynamics, ամերիկյան ընկերություն, որը մասնագիտանում է ռոբոտաշինության և ճարտարագիտության մեջ։ Հիմնադրվել է 1992 թվականին Մարկ Ռայբերտի կողմից։ Կենտրոնակայանը գտնվում է Մասաչուսեթսի Ուոլթեմ քաղաքում։
| Boston Dynamics | |
|---|---|
 | |
| Տեսակ | բիզնես ձեռնարկություն |
| Երկիր |  ԱՄՆ |
| Հիմնադրված | 1992 և նոյեմբերի 6, 1992 |
| Գլխադասային գրասենյակ | Ուոլթեմ, Միդլսեքս շրջան, Մասաչուսեթս, ԱՄՆ[1] |
| Գլխավոր քարտուղար | Marc Raibert?[2] |
| Ղեկավար | Marc Raibert? |
| Վերադաս կազմակերպություն | Hyundai Motor Company[3][4][5] |
| Անձնակազմ | 501 մարդ[6] |
| Հիմնադիր | Marc Raibert? |
| Կայք | bostondynamics.com |
Boston Dynamics-ը առավել հայտնի է մի շարք բարձր շարժականությամբ ռոբոտների մշակմամբ, այդ թվում Spot-ը, Handle-ը, Wildcat-ը, Atlas-ը, LS3-ը, Sanflea-ը, Rhex-ը և Bigdog-ը[7]։ 2019 թվականին Spot-ը դարձավ Boston Dynamics-ի կողմից թողարկված առաջին ռոբոտը, որը հասանելի է սպառողների համար[8]։
2020 թվականի դեկտեմբերին Boston Dynamics-ը գնվել է Hyundai Motor Group-ի կողմից SoftBank-ից[9]։
Պատմությունը խմբագրել
Ընկերությունը հիմնադրվել է Մարկ Ռայբերտի կողմից, ով 1992 թվականին անջատեց ընկերությունը Մասաչուսեթսի տեխնոլոգիական ինստիտուտից։ Ընկերությունը հիմնադրման վաղ ժամանակներում հիմնականում աշխատել է այնպիսի ռոբոտաշինական նախագծերի վրա, որոնք ֆինանսավորվում էին բանակի կողմից։[1]
2013 թվականին, երբ Խոր ուսուցումը սկսեց մեծ հետաքրքրություն ձեռք բերել, Google-ի դուստր ընկերություն X Development-ը գնեց Boston Dynamics-ը չբացահայտված գումարի դիմաց[10]։ Բայց Google-ի Boston Dynamics-ին շահութաբեր բիզնես դարձնելու անհաջող փորձից հետո, 2017-ին այն վաճառվեց ճապոնական ներդրումային հսկա SoftBank-ին՝ 165 միլիոն դոլարի դիմաց։
2019 թվականի ապրիլին, Boston Dynamics-ը ձեռք բերեց Սիլիկոնային հովտում գտնվող ստարտափ Kinema Systems-ը[11]։
2020 թվականի դեկտեմբերին Hyundai Motor Group-ը ձեռք է բերել ընկերության 80% բաժնեմասը SoftBank-ից` մոտավորապես 880 մլն դոլարի դիմաց։
Արտադրանքներ խմբագրել
Spot
2016 թվականի հունիսի 23-ին ընկերությունը թողարկեց spot-ը, որը կշռում է 25կգ և ունի 81սմ հասակ[12]։Spot-ը կարող է կատարել մի շարք գործառույթներ, ներառյալ աստիճաններով բարձրանալ և հեշտությամբ նավարկել դժվարանցանելի տեղանքով։ Այն նաև բավական փոքր է փակ տարածքներում օգտագործելու համար։ Spot-ը կարող է փոխարինել մարդուն մի շարք գործառույթներում՝ նվազեցնելով մարդկային կորստի վտանգը։ Օրինակ՝ այն կարող է մարդու փոխարեն կատարել ստուգումներ հեռավոր և վտանգավոր վայրերում։ Այն կարող է նաև կատարել պահեստավորման գործընթացը ավելի արագ և արդյունավետ կերպով քան սովորական մարդը։
Handle
Handle-ը շարժական ռոբոտ է, որը համատեղում է անհարթ տեղանքում նավարկելու կարողությունը և անիվների արդյունավետությունը։ Այն ունի մանիպուլյատոր թև, որն ունակ է վերցնել ծանր արկղեր։ Այն ունի նաև ճոճվող «պոչ», որն օգնում է նրան հավասարակշռել և դինամիկ կերպով շարժվել նեղ տարածքներում[13]։
Atlas
Atlas-ը մարդանման ռոբոտ է, որը թողարկվել է 2013 թվականին[14]։ Այն ունի 89կգ քաշ, 1,5մ հասակ և կարող է զարգացնել մինչև 2,5մ/վ արագություն[15]։ Atlas-ը ունի այնպիսի բարդ կառավարման համակարգ, որը սկանավորում է շրջակա միջավայրը և հնարավորություն տալիս ռոբոտին կատարել բազմազան տեղաշարժեր։Այն օգտագործում է նաև 3D տպագիր մասեր ՝ ուժի և քաշի հաբերակցությունն ապահովելու համար, որն անհրաժեշտ է թռիչքների և այլ տեղաշարժերի համար[16]։ 2017 թվականի նոյեմբերի 16-ին Boston Dynamics-ը YouTube-ում թողարկեց տեսանյութ, որտեղ ցուցադրվում է, թե ինչպես է Atlas-ը ցատկում տուփերի վրա, 180 աստիճան թեքվում ցատկելիս և հետընթաց պտույտ կատարում[17]։
BigDog
BigDog-ը չորքոտանի ռոբոտ է, որը քայլում է, վազում և տանում ծանր բեռներ։ Այն ծառայում է որպես օգնական՝ օգնելու զինվորներին ծանր բեռներ կրելիս[18]։ BigDog-ը ունի 91սմ երկարություն, 76սմ բարձրություն և կշռում է 110կգ։ Այն ունակ է անցնել դժվարանցանելի տեղանքով, վազել 6,4կմ/ժ արագությամբ, կրել մինչև 150կգ ծանրություն ունեցող բեռ և բարձրանալ 35 աստիճանի թեքությամբ տեղանքում։ BigDog-ի քայլքը վերահսկվում է չորս ոտքերի միջոցով, որոնցից յուրաքանչյուրը հագեցած է չորս հիդրավլիկ գլանների շարժիչներով, որոնք սնուցում են հոդերը[19]։ Գործարկիչների վրա կառուցված են համատեղ դիրքի և ուժի սենսորներ, և շարժումը վերահսկվում է սենսորները կառավարող բորտ համակարգչի միջոցով։
Տես Նաև խմբագրել
Ծանոթագրություններ խմբագրել
- ↑ https://www.bizjournals.com/boston/news/2017/06/08/alphabet-to-sell-off-waltham-based-boston-dynamics.html
- ↑ Robot maker Boston Dynamics replaces CEO to prepare for ‘new stage of growth’
- ↑ https://www.itworldcanada.com/article/hyundai-acquires-boston-dynamics-for-921-million/439449
- ↑ https://www.bostondynamics.com/about
- ↑ 当社子会社Boston Dynamics, Inc.株式の売却に関するお知らせ (яп.)
- ↑ https://growjo.com/company/Boston_Dynamics#employee-data
- ↑ «Legacy Robots». Boston Dynamics (անգլերեն). Վերցված է 2021 թ․ հոկտեմբերի 7-ին.
- ↑ «Boston Dynamics' Spot Robot Dog Goes on Sale Here's everything we know about Boston Dynamics' first commercial robot». spectrum.ieee.org (անգլերեն). Վերցված է 2021 թ․ հոկտեմբերի 7-ին.
- ↑ «Press Release». Boston Dynamics (անգլերեն). Վերցված է 2021 թ․ հոկտեմբերի 7-ին.
- ↑ Dickson, Ben (2020 թ․ դեկտեմբերի 15). «The fate of Boston Dynamics». TechTalks (ամերիկյան անգլերեն). Վերցված է 2021 թ․ հոկտեմբերի 7-ին.
- ↑ «Boston Dynamics enters logistics market with Kinema Systems acquisition». www.therobotreport.com.
- ↑ «All You Need To Know About Boston Dynamics' Spot». analyticsindiamag.com.
- ↑ «Handle». robots.ieee.org.
- ↑ «Atlas (robot)» (անգլերեն). 2021 թ․ սեպտեմբերի 9.
{{cite journal}}: Cite journal requires|journal=(օգնություն) - ↑ «Ատլաս (ռոբոտ)». 2021 թ․ հոկտեմբերի 24.
{{cite journal}}: Cite journal requires|journal=(օգնություն) - ↑ «THE MOST DYNAMIC HUMANOID ROBOT». www.bostondynamics.com.
- ↑ What's new, Atlas?, Վերցված է 2021 թ․ հոկտեմբերի 9-ին
- ↑ «BigDog - ROBOTS: Your Guide to the World of Robotics». robots.ieee.org (անգլերեն). Վերցված է 2021 թ․ հոկտեմբերի 9-ին.
- ↑ «BigDog» (անգլերեն). 2021 թ․ օգոստոսի 29.
{{cite journal}}: Cite journal requires|journal=(օգնություն)
Գրականություն խմբագրել
- Artificial Intelligence: 101 Things You Must Know Today About Our Future by Lasse Rouhiainen
- Design of high-performance legged robots: A case study on a hopping and balancing robot by Josephus J. M. Driessen
- Machine Landscapes: Architectures of the Post Anthropocene by Liam Young