451 աստիճան ըստ Ֆարենհայթի (ֆիլմ, 2018)
«451 աստիճան ըստ Ֆարենհայթի» (անգլ.՝ Fahrenheit 451), 2018 թվականի ֆանտաստիկ հեռուստաֆիլմ հակաուտոպիական ապագայի մասին։ Նկարահանվել է Ռեյ Բրեդբերիի համանուն վեպի հիման վրա ռեժիսոր Ռամին Բահրանիի կողմից։ Ֆիլմը ներկայացվել է Կաննի կինոփառատոնում 2018 թվականին, ապա ցուցադրվել HBO ալիքով նույն թվականի մայիսի 19-ին։
 անգլ.՝ Fahrenheit 451 | |
|---|---|
.jpg) | |
| Երկիր |  ԱՄՆ |
| Ժանր | դրամա, հակաուտոպիստական գրականություն, ֆանտաստիկ ֆիլմ և վեպի էկրանավորում |
| Հիմք | 451 աստիճան ըստ Ֆարենհայթի |
| Թվական | մայիսի 19, 2018 |
| Լեզու | անգլերեն |
| Ռեժիսոր | Ռամին Բահրանի |
| Սցենարի հեղինակ | Ամիր Նադերի և Ռամին Բահրանի[1] |
| Դերակատարներ | Մայքլ Բի Ջորդան, Մայքլ Շենոն, Մեյկո Նգուեն, Դիլան Թեյլոր, Սոֆիա Բուտելա, Քիր Դուլլի[1], Մարտին Դոնովան[1] և Լինն Գրիֆին[1] |
| Օպերատոր | Քրամեր Մորգենթաու |
| Պատմվածքի վայր | Օհայո |
| Կինոընկերություն | HBO Films |
| Տևողություն | 100 րոպե |
| Պաշտոնական կայքէջ | |
Սյուժե խմբագրել
Ապագայում՝ երկրորդ քաղաքացիական պատերազմից հետո, Ամերիկայում ընթերցանությունը սահմանափակվում է Համացանցով, որ կոչվում է «9», իսկ գրքերի մեծ մասը արգելվում է (բացառությամբ Աստվածաշնչի, «Փարոսի վրա» և «Մոբի Դիք» գրքերի խիստ կրճատված տարբերակների)[2]։ Գրքերն այրում են «հրշեջները», որոնք կազմում են ավտորիտար դիկտատուրայի ենթաբաժին։ «Սխալ» գրականության ընթերցումը համարվում է հոգեկան հիվանդություն կան հանցագործություն։ Գլխավոր հերոսը՝ հրշեջ Գայ Մոնթագը, որ ապրում է Քլիվլենդում, չի կասկածում, որ գնալով հոր հետքերով՝ ինքը օգտակար գործ է կատարում և պաշտպանության է հանրությանը։ Աստիճանաբար նրա հայացքները փոխվում են։ Ոչնչացվող գրադարաններից մեկից նա գողանում է Ֆեոդոր Դոստոևսկու «Գրություններ ընդհատակից» գիրքը և գաղտնի կարդում այն (գրքում հիշատակվում է Դոստոևսկու ևս մեկ գիրք՝ «Ոճիր և պատիժ», որը Բիթին Մոնթագին ստիպում է կարդալ մյուս հրշեջների ներկայությամբ)։ Նշանակալի դեպք է Քլարիսի հետ ծանոթությունը։ Վերջինս Մոնթագին պատմում է որոշ փաստեր Ամերիկայի ու «նրա նախարարությունների» իրական պատմությունից, ինչը Գային ստիպում է վերարժևորել իր գործողություններն ու համոզմունքները։ Գայն սկսում է գնալ ընդդեմ համակարգի։ Մանթոգը որոշում է օգնել խռովարարին, որն ունի ինֆորմացիան կենդանիների միջոցով վերարտադրելու պլան. դավադիրների խումբը կոդավորել է գրքերի թռչնի ԴՆԹ-ում, որպեսզի գրքի ինֆորմացիան փրկվի հրշեջներից։
Մոնթագը դառնում է փախստական։ Հրշեջները հասնում են դավադիրների տուն։ Մոնթագը գտնում է թռչունին և նրա մարմնի մեջ տեղադրում նշանացույց, որպեսզի գտնի Կանադայում գտնվող գիտնականների մոտ տանող ճանապարհը։ Կապիտան Բիթին դիմադրում է նրան և փորձում կանգնեցնել, բայց չի կարողանում խանգարել թռչնի հեռանալուն։ Այն բանից հետո, երբ Մոնթագը բաց է թողնում թռչունին, Բիթին զայրույթից այրում է նրան։ Սարյակը միանում է դեպի Կանադա թռչող այլ սարյակների երամին։
Գլխավոր դերերում խմբագրել
- Մայքլ Բի Ջորդան - Գայ Մոնթագ
- Մայքլ Շենոն - կապիտան Ջոն Բիթի
- Սոֆյա Բուտելա - Քլարիս Մաքլելան
- Հանդի Ալեքսանդեր - Թոնի Մորիսոն
- Լիլի Սինգխ - Ռեյվեն
- Մարտին Դոնովան - կոմիսար Նյարի
- Էնդի Մաքքուին - Գուստավո
- Դիլան Թեյլոր - Դուգլաս
- Գրեյս Լին Քունգ - Մաո
- Կիր Դուլի - պատմաբան
Արտադրություն խմբագրել
Ռամին Բահրանին Բրեդբերիի վեպի էկրանավորումը մշակել է դեռ 2016 թվականի հունիսին[3]։ 2017 թվականի ապրիլին հաստատվել է Մայքլ Շենոնի ու Մայքլ Ջորդանի մասնակցությունը ֆիլմի նկարահանումներին[4]։ Հունիսին միացել է նախագծին Սոֆյա Բուտելան[5]։ Նկարահանումները սկսվել են 2017 թվականի հուլիսին[6]։ Օգոստոսին դերասանական անձնակազմին միացել են Մարտի Դոնովանն ու մի քանի այլ դերասան[7]։
Թողարկում խմբագրել
2018 թվականի հունվարի 11-ին HBO ալիքի թվիթթերյան էջում հրապարակվել է ֆիլմի թրեյլերը։ 2018 թվականին Կաննի կինոփառատոնում ֆիլմի պրեմիերայից հետո այն ցուցադրվել է HBO ալիքով նույն թվականի մայիսի 19-ին։
Արձագանքներ խմբագրել
Ֆիլմն արժանացել է բավական բացասական արձագաքների։ Rotten Tomatoes կայքում այն ունի 35% վարկանիշ 66 գրախոսությունների հիման վրա և 5/10 միջին վարկանիշ։ Metacritic կայքում ֆիլմն ունի 100 հնարավորից 47 գնահատական 19 մեկնաբանությունների հիման վրա։
Ծանոթագրություններ խմբագրել
- ↑ 1,0 1,1 1,2 1,3 ČSFD (չեխերեն) — 2001.
- ↑ D'Addario, Daniel (2018 թ․ մայիսի 13). «HBO's Fahrenheit 451 Extinguishes What Made the Book Great». Time.
- ↑ Jaafar, Ali (2016 թ․ հունիսի 8). «WME Signs Filmmaker Ramin Bahrani». Deadline Hollywood. Penske Business Media. Վերցված է 2017 թ․ հուլիսի 20-ին.
- ↑ Hipes, Patrick (2017 թ․ ապրիլի 19). «Michael B. Jordan & Michael Shannon To Topline 'Fahrenheit 451' Movie At HBO». Deadline Hollywood. Penske Business Media. Վերցված է 2017 թ․ հուլիսի 20-ին.
- ↑ Hipes, Patrick (2017 թ․ հունիսի 7). «Sofia Boutella Joins HBO Films' 'Fahrenheit 451'». Deadline Hollywood (ամերիկյան անգլերեն). Penske Business Media. Արխիվացված է օրիգինալից 2017 թ․ սեպտեմբերի 6-ին. Վերցված է 2017 թ․ հուլիսի 20-ին.
- ↑ Bacle, Ariana (2017 թ․ հուլիսի 20). «Michael B. Jordan Posts Fiery First Photo From HBO's 'Fahrenheit 451'». Entertainment Weekly (ամերիկյան անգլերեն). Time. Վերցված է 2017 թ․ հուլիսի 20-ին.
- ↑ Petski, Denise (2017 թ․ օգոստոսի 25). «'Fahrenheit 451': Martin Donovan, Andy McQueen & Grace Lynn Kung Cast In HBO Movie». Deadline Hollywood. Penske Business Media. Վերցված է 2018 թ․ փետրվարի 14-ին.