Ֆրանչեսկո Մենզոկի
Ֆրանչեսկո Մենզոկի (իտալ.՝ Francesco Menzocchi; 1502[1][2][3][…], Ֆորլի, Էմիլիա Ռոմանիա - 1574[2][3][4], Ֆորլի, Էմիլիա Ռոմանիա), իտալացի նկարիչ։ Բարձր Վերածննդի և վաղ շրջանի մաներիզմի նկարիչներից է։ Ծնվել է Ֆորլիում, սովորել Ֆորլիի գեղանկարչության դպրոցում, հիմնականում աշխատել է Ֆորլիում և Պեզարոյում։
Ֆրանչեսկո Մենզոկի | |
|---|---|
 | |
| Ծնվել է | 1502[1][2][3][…] |
| Ծննդավայր | Ֆորլի, Էմիլիա Ռոմանիա |
| Վախճանվել է | 1574[2][3][4] |
| Մահվան վայր | Ֆորլի, Էմիլիա Ռոմանիա |
| Քաղաքացիություն | Իտալիա[5] |
| Մասնագիտություն | նկարիչ |
 Francesco Menzocchi Վիքիպահեստում | |
Կենսագրություն խմբագրել
Ֆրանչեսկո Մենզոկիին երբեմն անվանում են նաև Իլ Վեկկիո դի Սան Բերնարդո։ Գեղանկարչության առաջին հիմունքները ստացել է նկարիչ Մարկո Պալմեգանոյից, ապա սովորել է Ջիրոլամո Ջենգայի մոտ։
Ջենգայի հրավերով աշխատել է Պեզարոյում գտնվող Վիլա Իմպերիալի որմնանկարի վրա, որտեղ մեծ ազդեցություն է ունեցել Ռաֆայել Կոլեի գեղարվեստական ոճի վրա։ Վերջինս նույնպես մասնակցում էր գեղանկարի աշխատանքներին։
Մենզոկին ստեղծել է Լորետոյի բազիլիկի Սան Ֆրանչեսկո դի Պաուլ մատուռի «Մելխիսեդեկի զոհաբերությունը» և «Մանայի երկնային հրաշքը» որմնանկարները։ Ֆորլիում նկարել է Սանտա Մարիա դելլա Գրատա եկեղեցու «Երրորդություն» որմնանկարը։
Վենետիկի Պալացցո Գրիմանի պալատի (1539-1540) Պսիքեին նվիրված սենյակի փայտի առաստաղին նկարել է չորս նկար, որոնք, սակայն, մինչ օրս չեն պահպանվել։
Նկարչի կենսագրությունը ներկայացվել է Ջորջո Վազարիի «Առավել հայտնի նկարիչների, քանդակագործների և ճարտարապետների կյանքի նկարագրություններ» գրքում։
Նրա որդիները՝ Պիեռ Պաոլոն և Սեբաստիանոն, նույնպես նկարիչներ էին։
Ծանոթագրություններ խմբագրել
- ↑ 1,0 1,1 RKDartists (նիդերլ.)
- ↑ 2,0 2,1 2,2 2,3 2,4 Swartz A. Open Library — 2007.
- ↑ 3,0 3,1 3,2 3,3 3,4 Faceted Application of Subject Terminology
- ↑ 4,0 4,1 4,2 Frick Art Reference Library Photoarchive — 1920.
- ↑ https://www.kulturarv.dk/kid/VisKunstner.do?kunstnerId=794
Գրականություն խմբագրել
- Freedberg, Sydney J. (1993). «Painting in Italy, 1500-1600». Pelican History of Art. Penguin Books Ltd. էջ 265.
- Farquhar, Maria (1855). Ralph Nicholson Wornum (ed.). Biographical catalogue of the principal Italian painters. Woodfall & Kinder, Angel Court, Skinner Street, London; Digitized by Googlebooks from Oxford University copy on Jun 27, 2006. էջ 105.
- Francesco Menzocchi: Forlì 1502—1574, Edisai 2003.
 | Վիքիպահեստն ունի նյութեր, որոնք վերաբերում են «Ֆրանչեսկո Մենզոկի» հոդվածին։ |