Ֆինլանդիայի տնտեսություն

Ֆինլանդիայի տնտեսությունը բարձր է զարգացած։

Ֆինլանդիայի դրոշը

Նոկիայի գլխավոր գրասենյակը

Ընդհանուր տեղեկություններ

Ֆինլանդիան զբաղեցնում է 15-րդ տեղը մեկ շնչի հաշվով նոմինալ ՀՆԱ-ով և 21-րդ տեղը մեկ շնչի հաշվով (ԳՀ) ՀՆԱ-ով՝ $36.723։ ՀՆԱ-ն 2012-ին կազմել է $247,2 միլիարդ։ Երկրի ՀՆԱ-ի 62,8%-ը տալիս է սպասարկման ոլորտը, արդյունաբերության բաժինը 29,1% է, գյուղատնտեսությանը՝2,6%։ Սպասարկման ոլորտում զբաղված է բնակչության 77,2%-ը, արդյունաբերության մեջ՝ 18,3%-ը, գյուղատնտեսության մեջ՝ 4,5%։ Գործազրկությունը 7,3 % է, միջին ամսական աշխատավարձը՝ 4675 ԱՄՆ դոլար։

Ըստ Doing Business-ի Ֆինլանդիան զբաղեցնում է 11-րդ տեղն աշխարհում։ Ներմուծումը փոքր-ինչ գերազանցում է արտահանումը (այսինքն արտաքին առևտրի հաշվեկշիռը բացասական է)։ Արտահանումը կազմել է 78,83 միլիարդ ԱՄՆ դոլար։ Արտահանում է էլեկտրատեխնիկա, մեքենասարքավորումներ, տրանսպորտային միջոցներ, թուղթ, քիմիկատներ, մետաղներ։

Արտահանման մեջ գլխավոր առևտրային գործընկերները հետևյալ երկրներն են.

1.  Շվեդիա 11.1%
2.  Ռուսաստան 9.9%
3.  Գերմանիա 9.4%
4.  Նիդերլանդներ 6.4%
5.  ԱՄՆ 6.1%
6.  Մեծ Բրիտանիա 5.1%
7.  Չինաստան 4.6%

Ներմուծումը կազմել է 80,34 միլիարդ ԱՄՆ դոլար։ Ներմուծվող հիմնական ապրանքներն են սննդամթերքը, մետաղները, նավթը և նավթամթերքը, տեքստիլ արտադրանքը, մեքենասարքավորումները։ Ներմուծման մեջ գլխավոր առևտրային գործընկերները հետևյալ երկրներն են.

1.  Ռուսաստան 17.8%
2.  Շվեդիա 14.8%
3.  Գերմանիա 13.9%
4.  Նիդերլանդներ 8.0%
5.  Չինաստան 4.4%

Պետական պարտքը կազմում է ՀՆԱ-ի 53.5%-ը։ Կրեդիտային վարկանիշը բոլոր լավագույն վարկանշային կազմակերպությունների տվյալներով ամենաբարձրն է, հեռանկարը՝ կայուն է։ Ֆինլանդիայի տնտեսության ամենազարգացած ճյուղը սպասարկման ոլորտն է.

Սպասարկման ոլորտը

Սպասարկման ոլորտում հատկապես բարձր են զարգացած գիտությունը և առողջապահությունը։ Զարգացած են նաև առևտուրը, կրթությունը (անգրագիտությունը 0.0% է), սպորտը։

Արդյունաբերությունը

Արդյունաբերությունը բարձր է զարգացած։ Հատկապես զարգացած են մեքենաշինությունը, մետաղաձուլությունը, նավաշինությունը, անտառային արդյունաբերությունը։

Գյուղատնտեսությունը

Ֆինլանդիայի գյուղատնտեսության առաջատար ճյուղը մսակաթնատու խոշոր եղջերավոր անասնապահությունն է։ Ֆինլանդիան կարագով, պանրով, յուղով, կաթով և մսով աշխարհում զբաղեցնում է առաջատար հորիզոնականներ։

Արտաքին հղումներ

• Таблица ВВП Финляндии с 1975 по 2009 Центра статистики (Tilastokeskus) կայքում
• Бизнес и инновации на официальном сайте Министерства иностранных дел Финляндии
• Крупнейшие производители товаров в Финляндии
• Финская деревообрабатывающая промышленность под угрозой вымирания