Քրիստափոր Քուշնարյան
Քրիստափոր Ստեփանի Քուշնարյան (Կուշնարյով) (հունիսի 4, 1890[2] կամ մայիսի 23, 1890, Սիմֆերոպոլ, Ռուսական կայսրություն[1] - հունվարի 25, 1960[1][2], Լենինգրադ, ՌԽՖՍՀ, ԽՍՀՄ[1]), հայ կոմպոզիտոր, երաժիշտ-տեսաբան, մանկավարժ։ Պրոֆեսոր (1939)։ ՀԽՍՀ (1939) և Ուզբեկական ԽՍՀ (1943) արվեստի վաստակավոր գործիչ։
| Քրիստափոր Քուշնարյան | |
|---|---|
 | |
| Հիմնական տվյալներ | |
| Ծնվել է | 1890, մայիսի 23 (հունիսի 4) Սիմֆերոպոլ |
| Երկիր |  Ռուսական կայսրություն և  ԽՍՀՄ |
| Մահացել է | 1960, հունվարի 25 Լենինգրադ, ՌԽՖՍՀ, ԽՍՀՄ[1] |
| Մասնագիտություն | կոմպոզիտոր, երաժիշտ-տեսաբան, մանկավարժ |
| Աշխատավայր | Սանկտ Պետերբուրգի կոնսերվատորիա |
| Կրթություն | Սանկտ Պետերբուրգի համալսարանի ֆիզիկամաթեմատիկական ֆակուլտետ (1916) և Սանկտ Պետերբուրգի կոնսերվատորիա (1925) |
| Պարգևներ |  և  |
Կենսագրություն խմբագրել
1916 թվականին ավարտել է Պետրոգրադի համալսարանի բնագիտության բաժանմունքը, 1925 թվականին՝ Լենինգրադի կոնսերվատորիան։ 1918-1923 թվականներին դասավանդել է Թիֆլիսի երաժշտական ինստիտուտում, 1925 թվականից՝ Լենինգրադի կոնսերվատորիայում։ 1927 և 1929 թվականներին ղեկավարել է Լենինգրադի թատրոնի և երաժշտության ինստիտուտի՝ Հայաստանում ժողովրդական երգեր հավաքող գիտարշավները։ 1944-1949 թվականներին՝ ՀԽՍՀ ԳԱ արվեստի պատմության և տեսության բաժանմունքի գիտաշխատող ու վարիչ, միաժամանակ դասավանդել է Երևանի կոնսերվատորիայում[3]։
Երևանում գործում է Քրիստափոր Քուշնարյանի անվան արվեստի դպրոց։
Ստեղծագործական ուղի խմբագրել
Քուշնարյանը հետազոտել է Վերածննդի դարաշրջանի երաժշտության ոճական գործը, զարգացրել ձայնակարգի և բազմաձայնության մասին ուսմունքները, մշակել մոնոդիայի տեսությունը, պարզաբանել հայկական երաժշտության ծագման ու զարգացման ընթացքը։
.jpg)
Շարունակել է Կոմիտասի տեսության դրույթները. նշանակալի ներդրում ունի հայ մոնոդիկ երաժշտության ուսումնասիրման բնագավառում։ Գրել է երգեհոնի սոնատ, Պասակալիա և Ֆուգա, թավջութակի մենանվագ սոնատ, խմբերգեր, թատերական երաժշտություն։
Երկեր խմբագրել
- Հայ երաժշտությունը ծագումից մինչև XIX դարը, տես «Ակնարկ հայ երաժշտության պատմության» գրքում, Ե., 1963։
- Вопросы истории и теории армянской монодической музыки, Л., 1958.
Գրականություն խմբագրել
- Քրիստափոր Քուշնարյան, Ե., 2003
- Х. С. Кушнарев. Статьи. Воспоминания. Материалы, М.-Л., 1967
- Чеботарян Г., Х. С. Кушнарев։ Очерк жизни и творчества, Л., 1990.
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 Кушнарёв Христофор Степанович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
 | Վիքիդարանն ունի նյութեր, որոնք վերաբերում են «Քրիստափոր Քուշնարյան» հոդվածին։ |