Քենեդու փողոց (Ստամբուլ)

Քենեդի փողոց (թուրքերեն՝ Kennedy Caddesi), 13 կիլոմետր երկարություն ունեցող փողոց Ստամբուլի եվրոպական հատվածում։ Կառուցվել է XX դարի երկրորդ կեսին։ Փողոցը սկսվում է Սիրքեջի կայարանից և ձգվում Բաքըրքյոյ թաղամասով դեպի Աթաթուրքի անվան միջազգային օդանավակայան։ Փողոցը անվանվել է ի պատիվ ԱՄՆ 35-րդ նախագահ Ջոն Ֆ. Քենեդիի։

Քենեդու փողոց թուրքերեն՝ Kennedy Caddesi
Ֆաթիհ թաղամասը և Քենեդու փողոցը երկնքից
Երկիր	Թուրքիա
Գտնվում է	Ստամբուլ
Մարզ	Ստամբուլի նահանգ
Պատմական շրջան	Էմինյոնյու
Երկարություն	13 կիլոմետր
Անվանվել է	JFK

Տեղակայում

Քենեդու անվան փողոցի մեծ մասը անցնում է մի կողմից Կոստանդնուպոլսի պարիսպների մոտով, մյուս կողմից` Մարմարա ծովի։ Սկսվելով Սիրքեջի կայարանից փողոցը թեքվում է դեպի արևելք` Ոսկեղջյուրի հարավային ափով դեպի այն վարյրը, որտեղ Բոսֆորը թափվում է Մարմարա ծովը։ Սարայբուրնու հրվանդանի վրա փողոցը թեքվում է հարավ և անցնում նրա արևելյան մասով` Բոսֆորի և Թոփքափը ամրոցի արանքով։ Ահըրքափը փարոս և Բուկոլեոն պալատը շրջանցելուց հետո, փողոցը թեքվում է դեպի արևմուտք` հասնելով Աթաթուրքի անվան միջազգային օդանավակայան։ Մինչ օդանավակայան ճանապարհին են գտնվում Փոքր Այա Սոֆիա եկեղեցին, Պոլսո հայոց պատրիարքությունը և Յենիքափը թաղամասը։ Ֆորմալ առումով փողոցը ավարտվում է Աթաքյոյ թաղամասում` փոխարինվելով Ռաուֆ Օրբայի անվան փողոցով։

Տեսարժան վայրեր

Սիրքեջի կայարանից սկսած մինչև փողոցի մյուս ծայրը տեղակայված են մի շարք պատմական և մշակութային կառույցներ։ Ստորև ներկայացված են այն կառույցները, որտեղ կարելի է մտնել անմիջապես փողոցից

• Կոստանդնուպոլսի պարիսպներ (413 թվական);
• Ահըրքափը փարոս (1857 թվական);
• Կայսերական ծովային պարիսպներ (Çatladı Kapı);
• Բուքոլեոն պալատ (V век);
• Խոջա Մուստաֆա փաշայի պալատ;
• Սահիլի այգի;
• Ձկան թանգարան;